رهيف الحس

[ريح الحزن]

......................................

يا رهيف الحس يا عذب الخصال
الـمـحـبّـه لــــد عـيـنــك يـمّـهــا

مـنـت نـاقـص مـيـر لله الـكـمـال
فـيـك حـاجـه مــا قــدرت تتمّـهـا

تنفعـل وأنـا مـا أحــب الإنفـعـال
وتلبـس الضيقـه وتنفـض كمّـهـا

لا تقول المسـك مـن دم الغـزال
وأغلب الغزلان مـا أثقـل دمّهـا ‍؟

معتقلني يا هوى البـال إعتقـال
شـب نــارك والميـاسـم حمّـهـا

رز خشمـك وأزعـل وروح وتـعـال
والهـبـوب الـلـي تـمـرّك شمّـهـا

مير جاوبنـي علـى قـد السـؤال
لـيــه تـنـثـر حـيـرتــي وتـلـمّـهـا

أن ذبحتـك بالغـلا ذبحـك حــلال
وان تركتـك كــل نـفـس وهمّـهـا

سقت لك كل الجـوارح بالعـدال
وأنت ابوها عقـب جاتـك سمّهـا

وصورتك لا جابهـا وحـي الخيـال
عينـي أخطتـهـا وقلـبـي خمّـهـا

لا تخلينـي معـك مـضـرب مـثـال
ادعـس الحـيـه تـمـوت بسمّـهـا

خذ نصيحه تنفعك في كل حـال
كـان لـك قلـب ٍ كبـيـر يضمّـهـا

أعتقـد مـا يجهلـك فـرق الرجـال
ولا يـغـرّك مدحـهـا مـــن ذمّـهــا

أنتبـه تعطـي لخلـق الله مـجـال
شرهتـي مابـيـن أبـوهـا وأمّـهـا


.......................................​

لشاعرها : سداح العتيبي​

 

[فـيـ الـكـعـبـي ـصـل]

أبدع الشاعر بما خطته أنامله من أبيات ..

وصح الله لسانه ..
-------------------------------

وشكرا لج أختي ع النقل الجمييل . وننتظر الزووود .

تقبلي مروووري

 

[ريح الحزن]

شكرا لك أخوي ع المرور
تحياتي لك​

 

[رحآيل]

قصيدة حلوة وطيبة ..
تسلمين أختي الشطووورة عالنقلة الحلوة ..

^^