قصيدة مؤلمة

الموضوع في ',, البُريمِي لـ القَصائد المنقولة' بواسطة شوق عبري, بتاريخ ‏8 جويليه 2011.

  1. شوق عبري

    شوق عبري ¬°•| عضو مبتدى |•°¬

    يا يمة منتهي جيتك .. وطالب منك الغفران

    أقبل قاعة اقدامك .. واغسلها بدمعاتي

    يا يمة كل ما فيني ينادي لك .. انا ندمان

    طلبتك قولي سامحتك .. وردي لوجهي بسماته

    انا ادري قلبك الطيب .. كسرته بصدمة النكران

    غلطت وغلطتي هذي .. تعير كل غلطاتي

    تشوفي الشيب يا يمة .. ترى ما جا وانا فرحان

    وربي اللي رفع ذاتك .. ونزل للردى ذاتي

    فقدت الراحة من بعدك .. فقدت الطيبة والتحنان

    بدونك راحتي غاية .. بدينك هذي راحاتي

    انا بعدك ولا حاجة .. انا بعدك ترى عميان

    اشوف ولا اشوف .. اللي يوريني مساراتي

    انا وسيد الشقا والهم .. من بعدك غدينا اخوان

    يجيب هموم هالعالم .. ويرميها بمتاهاتي

    صدقتي يوم قلتي لي .. تدين اليوم بس تندان

    رميتك في بداياتي .. ورموني في نهاياتي

    انا من شالك بايده .. ورماك بأسفل البركان

    نخيتيني وطلبتيني .. ولا حصلتي نخواتي

    مثل ما هنتي بعيوني .. عليهم قلبي يمه هان

    رموني وطحت لهم فزعة .. وانا الدمعات فزعاتي

    يا يمه لا تظنيني .. انا من فعلهم زعلان

    سوات فيك سويته .. وسووا فيني سواتي

    يا يمه يالله ضميني .. ودفيني بهالأحضان

    انا ادري فيك مشتاقة .. وهمك بس ملاقاتي

    يا يمه حيل ضميني .. ابي ارتاح انا تعبان

    تعبت اهرب من ذنوبي .. ابيك آخر مسافاتي

    ابسمع منك اي كلمة .. لصوتك مسمعي ولهان

    ابسمع يمه بصوتك .. ابذكر فيها نشواتي

    اشوفك ساكته يا يمه .. غفيتي ولا انا غلطان

    غفيتي يا بعد عمري .. تعبتي من مواساتي

    يا يمه .. يايمه .. يا يمه

    طالبك قومي .. اذا لي بعيونك شان

    اشوف الموت بعيونك .. عساها تخيب هقواتي

    تعالوا يا بشر شوفوا .. انا محتار انا تلفان

    انا امي مدري وشفيها .. انا مدري انا احاتي

    شنو ؟؟؟ شنو ؟؟؟

    امي انا ماتت .. لا لا لا .. ترى غلطان

    انا امي ما تخليني .. على حزني ووناتي

    انا امي قلبها طيب .. ولا يمكن تبكي انسان

    انا امي ما تبكيني .. ولا تتمنى آهاتي

    يا يمه صح ما متي .. وصح الموت تو ما حان

    ما متي انا بعدك .. ابقضي وين ساعاتي

    يا يمه قومي يا يمه .. وقولي الموت لا ما كان

    انا جيتك وانا ناوي .. اببدي فيك جناتي

    تركتيني ومتي ليه .. تركتيني وانا غرقان

    ولا مسموح يا وليدي .. ولا تلعنك لعناتي

    انا الجاني .. وانا المجني .. وانا المخطي .. وانا الندمان

    وانا بيدي رميتك ايــــه .. وبعثرته ملفاتي

    وجيت من الهنا مفلس .. وقلبي من الضنا خسران

    وتركتيني على ناري .. اعدد فيك زلاتي

    ولاني مرضي ربي .. ولاني تابع الشيطان

    انا بعدك .. ترى ما بين نهاياتي وبداياتي

    يا يمه منتهي جيتك .. وكلي مرتجي غفران

    وشفت الناس تلعني وتحذرني من الآتي

    وشفت الناس تلعني وتحذرني من الآتي
    --------------------------------------------------------------------------------
     
  2. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    بالفعل قصيده مؤلمه ..

    وصح الله لسانج ..

    -----------------------------
    تقبلي مروووري وتستاهلي التقيييم ..
     
  3. لمسة شموخي

    لمسة شموخي ¬°•| عضو مثالي |•°¬

    لله درك آبدعت في منثور حرفك بروعه’،
    نحكي القلم وهو يرسم الإحساس
    وانت هنا آبدعت ..
    سلم الحس والقلم
    كرائع واكثر
    الشكر لروعة إحساس
     
  4. بنت المقابيل

    بنت المقابيل ¬°•| مشرفة سابقة |•°¬

    صح لسانج تسلمين

    قصيدة مؤثرة ... لا هنتي
     

مشاركة هذه الصفحة