غٌَ ـلآ بُنٍيً گـ عُ ــبُ
¬°•| םـشُرٍَفٍة سْابِقِهْ|•°¬
--------------------------------------------------------------------------------
مرحباااااااااااااا ملاييييين ولا يسدن
شحالكم عساكم بخير..... الصراحة انا قريت هل القصة في منتدى و عيبتني واااااايد وانشالله تعيبكم:d
.
.
.
الجــــــــزء الأول
كانت سلامة مشتططه .. تريد تسرح معاريس العوير .. وهالشي طبعاً منقود .. وامايتها تواقعها وتهزبها .. وهي فخاطرها تسرح صوبهم ..
سلامة : امااايه .. دخييييل والديج .. فديت هالسمحه يعلني مااخلى منها .. دخيييلج بسرح وياج ..
ام سعود : بتبطين هاييج الحزه .. ماعندنا بنات يسيرن معاريس ..
سلامة وشويه بتصيح : امايه دخيييلج .. منو بيعرف اني بنتج ؟؟ بتغشى ولابنطق بكلمه .. وان اتخبروج الحرمات قوليلهن هذي وحده من ربيعاتج ..
ام سعود وهي مجابله المنظره وتتجحل : وهالوحده شعنه متبقعه بالشيله ومتغشيه ويالسه بين الحرمات ؟؟..
وشويه وإلا سعود حادر عليهن : بلاكم تبغمن ؟؟ صوتكن واصل الين حجرتيه ؟؟
ام سعود سارت صوب المدخن وحطتلها قطعه عود من الزين واتدخنت ..
ام سعود : هذي ختك المستخفه .. اونها بتسرح المعاريس ويايه !! ..
سعود هلك من الضحك : هههههه .. بتبطين هاييج الساع ..
سلامة مفوله : اوووهووو .. والله نفس الرمسه اللي قالتها لي امايه .. اموووت واعرف .. شعنه منقود عندكم هالشي ؟؟ ..
ام سعود : يارج الله !! ..ابويه .. فديتج .. جان إلا الرمسه هب عايبتنج .. (تأشر بايدها ) هكو الدرب ..
سلامة اشتلت من مكانها وطلعت خاري ..
ام سعود : عوذ بالله من شر هالبنيه .. ماادريبها طالعه حنانه على منو؟؟ ..
سعود :" يعني على منو ؟؟ اكيد عليج يالعيوز .. خخخخخخ ..
ام سعود تفلع سعود بمضرب دهن العود : خسك الله .. ثرك انت بعد طلعت شرواتها .. مافيكم خير ياعيال مبارك ..
سعود : ههههه .. امايه .. باخذ هالمضرب حقي ..
وخشه في مخباه .. واتخبلت العيوز ..
ام سعود : لاااالاااا .. ييب المضرب .. ماعندي غيره .. هذا منيوبلي من بمباي .. جان إلا خاطرك فيه .. رح ييبلك شرواته ..
سعود : ممممم .. خليني افكر ..انزين .. بكم هالمضرب ؟؟ ..
ام سعود : والله ياان التوله الوحده بــأربع آلاف .. وتهبي اعطيك المضرب ..
سعود : عثثثــــــره ؟؟!! بأرع آلاف ؟؟ عيل امايه .. اسمحيلي .. مااقدر اعطيج المضرب ..
ام سعود تربع وراه : سعووودووو .. ييبه بالزين اخيرلك ..
سعود : ويهون عليج ولدج الغالي ؟؟!! ..
وبدى سعود حركات البزى والدلع .. والعيوز اكيد ماتقدر ترد ولدها الوحيد والغالي ..
سعود : افاااا .. ام سعود ترد ولدها سعود ؟؟ وليش ؟؟ عشان مضرب ؟؟ .. افااااا .. ماهقيتها منج ..
ام سعود : اسميك مذله ياسعود .. خلاص برايك خذه .. والله اني عفته .. عندي مضرب غيره بس هب شروات هذا ..
سعود : "وليش هب شروات هذا ؟؟ ..
ام سعود : لان هذا منيوب من بمباي .. ومافي مثله اثنين .. صح الدهن العود اللي عندي غاوي .. بس ماييب راس هذا ..
سعود يشوف صينيه العطور : مممم .. زين خلاص .. مااريد هالمضرب .. باخذ دهن العود هذا ..(ويأشر على مضرب في الصينيه)..
ام سعود : سعووودوو .. تراك صدعتني .. خذ اللي تريده .. خلاص .. طبيت العطور كلها .. مااريدها ..
سعود : هههههه .. امزح معاج .. بس دخيلج امايه .. جان إلا طرشتوا حد صوب بمباي اريد شروات هالدهن العود ..
ام سعود : ويييييييه !! .. نسينا العرس غربلات البليس ..
سعود : ياويييلي .. اتحيرت عالشباب .. يلا امايه .. مااريد اليواله اطوفني ..
وساروا رباعه المعاريس .. طبعاً ام سعود كانت بتسير صوب خيام الحرمات .. وسعود بيسرح صوب الشباب ..
وسعود خذ وياه الكيمرا عشان يصور اليواله والرزيف .. لان سلامة كانت مصوتنه انه يصور الشباب واليواله ..عشان خلاف ترويه بنات خالتها ..
واسميييييه العرس كان عجييييب .. اليواله على اصوله ..
والشباب مرتبشين .. وكل شوي كان سعود يفر الكيمرا على حد .. عشان يصورون ..
وهالحزه كان سعود ويا ربيعه حمد بن صبيح ايوولون ..
وكل شوي وتتصل العيوز بسعود .. وسعود ربعه قابضينه ومحلفينه يتم وياهم ..
وآخر شي استحى ورد على امايته لانه خيسها ..
ومن رد عليها .. سمع هزبه محترمه
ام سعود : يالمستخف .. ياللي ماتخيل .. شعنه ماترد عليّه .. هلكت وانا اتصل فيك .. والله انك مضيع المذهب .. وووووو... إلخ
سعود : هووووود .. هوووود ..لحظه شوي .. عطيني فرصه اتكلم .. خذتيني بشراع وميداف ..
ام سعود : جب .. جب .. يلا تعال خذني .. مااريد اتحير على ابوك ..
سعود بلعانه : هاااا .. ابوووووويه ؟؟؟ اكيد وراكم شي اليوم ؟؟ اخاف إلا العيوز باجر يايبتلنا اخو .. تصدقين .. والله خاطري يكون عندي اخو ..
ام سعود : هب هباك الله يالخايس .. يلا تعال .. انا ارقبك ..
وسكرت التلفون في ويهه .. وكان سعود يضحك عليها ..
وسار وخذ امايته ووصلها البيت ورد عند الشباب ..
ومن حدرت ام سعود البيت ربعت سلامة صوبها ..
ام سعود : بسم الله الرحمن الرحيم .. ماادري متى بتعقلين انتي واخوج ؟؟ والله خبلتوبي ..
وسارت ام سعود حجرتها بدون ماتنطق سلامة بكلمه
سلامة تكلم عمرها : اووووف .. بلاها امايه واقعتني ؟؟ مانطقت بكلمه ؟؟ وهذا سعوودو شعنه ماياب الكيمرا ؟؟؟ والله ياانه نذل ..
عاد مايحتاي اقووللكم .. سلامة وسعود من يوم يومهم مواقع .. يتواقعون على اي شي .. بس كانوا في نفس الوقت يحبون بعض ..
لان سعود هو الولد الوحيد في العايله ..
** سعود واحد غاوي .. عمره 23 .. يشتغل في اتصالات دبي .. وماهمه حلاله ولاشركاته .. مع انه ابوه يريده يشتغل وياه .. بس سعود ماطاع ..
ريال ميالس العرب تفز باسمه .. الكل كان يمدحه .. عمره ماعرف درب البنات .. وعمره ماكلمهن ..كان غاوي ماشاالله عليه ..خشمه طويل .. اللي يشوفه يقول سله سيف ماشاالله عليه .. وكان ابيض بس شويه مايل للاسمر ..عقولته .. ضاربتنه الشمس .. وعيونه ناعسات شروات عيون سلامة ..
وماكان عندهم غير بنتين .. سلامة والريم ..
** سلامة مخلصة الثانوية .. وسارت الكلية سنة وطبتها .. وماكملت دراستها
لانها تدري ان مصيرها البيت .. يعني شحقه اتعب عمرها وتدرس اربع سنين ؟؟ << هذا كان تفكيرها
.. بنت غاويه والكل يمدح حلاها بس كانت راعيه هوى وخبال وتسوي اللي فراسها .. وبيضى بياض الثلج .. ومن كثر بياضها خدودها دومهم حمر .. والشي اللي يميزها عيونها الناعسات اللي منسدله فوقهن رموشها الغليظه .. عيونها صدق عذاااب .. وكانت تشابه اخوها سعود .. والكل كان يتحسبهم توم ..
والريم معرسه واحد من هل العين .. يعني مااتيهم إلا آخر الاسبوع (الويكند)..
وريلها اسمه سالم .. وماعندهم عيال .. لانهم قريب معرسين ..
..
وسعود تم ويا ربعه .. وخلاف الشباب كانوا متفقين على جريمه عووده ..
طبعاً من يخلصون الشواب كل واحد بيسرح صوب بيته .. والشباب بيبقون بروحهم ..والمعرس بيسرح صوب خيام الحرمات عشان ياخذ حرمته ..
وسعود كان داهيه .. كان متفق مع الشباب انهم من يخلصون اليواله يتيمعون .. ويسرحون بقعه بعيده شوي ..
كانوا ضاربيلهم خيمه من خيم البداد .. ماكانت وايد عوده .. بس كانت تسد يمعة الشباب ..
ومااخش عنكم .. كانوا يايبين (معلاية) ..
انتوا تدرون ان الشواب مايحبون سوالف المعلاية والخربطان .. والشباب يحبون هالسوالف ..
ولو دروا الشواب بسالفة المعلاية .. لينحرون سعود وحمد.. ويعلقون روسهم ..
وكانوا سعود وحمد متروعين .. بس توكلوا على ربهم وساروا رباعه مع الشباب ..
وسعود كان مشيد الخيمة على حسابه ويايب المعلاية على حسابه .. طبعاً على شرف المعرس ..
والمعرس (محمد) .. والمعرس يصير اخو ربيع سعود.. وحمد كان ربيع سعود الروح بالروح ..
بس حمد كان في العوير .. وسعود في الخوانيج .. يعني فرة حصى عن بعض ..
وماخلصوا من المعلاية إلا الساعة اربع .. والود ودهم كانوا يتمون الين الصبح .. بس طبعاً هالحزه غاية صلاة واذان .. عشان جذه وقفوا الدق ..
وخلاف رد سعود البيت وهو منهد حيله ..
والمستخفه سلامة مارقدت الين هالحزه .. بس عشان تشوف التصوير ..
ومن حدر سعود ربعت سلامة صوبه ..
سلامة : سعوووودوو .. وين الكيمرا ؟؟
سعود يتثاوب في ويهها : مااادري وين ؟؟
سلامة شهقت : لاااا .. لاتقولي ماادري وين ؟؟ دخيلك لاتقول هالرمسه .. حرام عليك .. انا مواعده بنات خالو عشان نتيمع باجر ونشوف التصوير رباعه .. دخيلك لاتخرب اللمه علينا ..
سعود يشوفها بطرف عينه : مالت عليج وعلى بنات خالو فوقج .. اشوف ظكي هاك الصوب ..
ودزها ومشى عنها ..
سلامة بغت تصيح هالحزه .. انا فوق الست ساعات ارقبه والحينه يقولي ماادري وين الكيمرا ؟؟ والله لانحره ..
وربعت صوبه وغثته .. وطلعتله قرون ..
سعود فصخ حمدانيته وفرها عالارض .. وخلاف فصخ كندورته .. وفر عمره عالسرير ..
سعود : سلاااموو .. والله ياان ماسكتي وطبيتي ثمج .. والله ثم والله انج مابتشوفين الشريط بعينج .. وانا حلفت الحينه ..
سلامة سكتت وبلعت ريجها .. اتروعت من سعود ينفذ تهديده ومايعطيها الشريط .. وطلعت من حجرته .. وقبل لاتتطلع ..
سعود : سلووووم .. >> حشى فرخ هب بنيه
سلامة افترت صوبه : ياعووونك ياسعووود ..
سعود يفر سويج موتره عليها : اقول بوغنيم .. بتشوف الكيمرا مفروره عالسيت اللي ورى .. ودخيلك لاتمد ثمك جذه .. تراني مااقدر على زعلك ..
كان سعود يعامل سلامة على انها واحد هب وحده .. لانه ماكان عنده اخو .. فكان يعوض هالاخوه في سلامة .. ويعتربها شروات اخوه ..
وسلامة امبونها كانت دفشة .. بالرغم من جمالها الساحر ..
وخذت سلامة سويج سيارة اخوها .. وكان سعود عنده كايين توربو ذهبية .. (البورش فورويل اليديده)..
وخذت الكيمرا وسارت حجرتها ..
وشافت التصوير .. واتخبلت .. منو هذا اللي ايوول جذه ؟؟ والله انه عذاااب .. وفديت اخويه يخبل .. اموووت واعرف منو هذا اللي مخاويه في اليواله ؟؟ اكيييد ربيعه حمد بن صبيح .. مممم .. والله ماادري ؟؟ من زمان ماريت حمد ولااعرف شكله الحينه كيف غادي ؟؟
ويلست كل شوي وتعيد الشريط .. وكانت تشوف التصوير من شاشة الكيمرا الصغيره.. وماعيبتها السالفة .. الحبيبة ماسدتها الشاشة الصغيرة .. وسارت ويابت وايرات الكيمرا اللي تتوصل بالتلفزون .. ووصلت الكيمرا بالتلفزيون .. ويسلت تسوي شروات حركات الشباب .. وتيبس شرواتهم ..
وخلاف سمعت اذان الفجر .. جان تبند التلفزيون .. وسارت صلت وقرت قرآن ورقدت ولاحست بعمرها ..
والراس العود اللي هو مبارك .. بو سعود .. ظاري ينش من غبشة .. يسرح المسيد ..
وسار صوب حجرة سعود .. كان يعرف انه رد متحير البيت لانه كان مع الشباب .. ويدري انه مافيه حيل على نشت الصبح..
وحدر بوسعود الحجرة .. وشغّل الليتات كلها .. والشويبه هب هين .. كان قابض في ايده ونان ..
والشيبه ماكان يريد يتعب عمره .. لانه عيز من الاسطوانه اليوميه .. كل يوم مناعر وبغام عشان يواعي سعود ..
وهوّس عالونان .. وإلا سعود قفز من مكانه متروع ..
سعود متروع : شوو السالفة ؟؟ خير ان شاالله ..
بوسعود بكل برود : خير بويهك يامسود الويه ..
سعود من شاف الونان في ايد ابوه غيّظ .. لانه مايحب حد يواعيه بهالاسلوب .. يعني اذا حد ياه بالزين بينش بسرعه .. بس اذا حد يلس يواعيه وهو يزاعق مستحييييل ينش .. عناااد ..
وسكت لانه مايقدر يرد على ابوه ..
بوسعود : خمس دقايق وتكون عندي تحت .. تراني مابسير المسيد إلا وانت ويايه ..
سعود : ان شاالله ..
وطلع بوسعود عن سعود .. وقام سعود واتسبح عالسريع واتيدد وخلاف سار صوب ابوه ..وساروا رباعه المسيد ..
..
وخلاف سار بوسعود الدوام .. وسعود خذ اجاره طارئة ثلاثة ايام .. لانه كان عيزان ويريد يرقد ..
وسلامة ظارية تنش من غبشة .. بس الحبيبة كانت سهرانة وتعبانة من الخاطر ..ونشت عالساعه 11 ..
واتصلت في شوق بنت خالتها فطيم ..
وردت عليها خالوتها ..
سلامة : السلام عليج خالوه ..
ام حامد : وعليج السلام بنت ختيه .. وينج يالقاطعه ؟؟ عنبوه لاتتصلين ولااتيينا البيت ؟؟
سلامة : اسمحيلي خالوه .. تدرين بالدنيا ومشاغلها ..
ام حامد : لاوالله ؟؟!! لاوراج دراسه ولاشياته .. إلا انتي بروحج قاطعه ومقصره في حقوق عربج
قفطت سلامو وماعرفت شو ترد علة خالتها .. ويلست تتعلثلها بعلث بايخه .. وخلاف يت شوق وكلمتها ..
** شوق من سنات سلامة وكبرها .. وهن ربيعات .. دومهن مع بعض .. وشوق سوت اللي سوته سلامة وطبت الدراسه .. يعني كانوا متفقات ..
وشوق كانت واااايد امبزايه .. يعني كلها دلع في دلع .. رمستها .. حركاتها .. مشيتها .. كانت عذااااب .. شفايفها صغيرة وحلوه وعيونها وساع .. وخشمها تقولون حد سيف .. وكانت طويله .. وكانت تموووت في سعود .. بس سعود ماكان يدري عنها .. وسعود ماكان يفكر بشي اسمه حب وخربطان.. كان كل تفكيره بالهياته والربع .. وآخر شي يفكر فيه البنات .. وشوق كرامتها فوق كل شي .. وماكانت تعترف بحبها له ..
شوق بكل دلع : الوووو
سلامة : يااارج الله ابويه !! عن يطيح نصج !! .. اقووول اصطلبي لاارضخ السماعه في ويهج ..
شوق : هههههه .. عنبوه !! ماعندج تفاهم ؟؟
سلامة : تدرين انتي سلامة كيف تتعامل .. ماتسوي one .. two..
شوق : لادخيلج .. ثري .. فووور ..
سلامة : خخخخ .. شحالج يالدبه ؟؟ ..
شوق : بخير وسهاله يالضعيفة ..هههههه
سلامة : اقووول شوقو..
شوق : قولي ..
سلامة : تراني نفذت المهمه ..
شوق مستانسه : قولي والله ؟؟
سلامة : قسم بالله ..
شوق : ياسلام عليج يابنت مبارك .. مايطوفج شي ..
سلامة : اكيييد ..
شوق : خلاص عيل .. انا بعزم الربع .. وكلنا بنيي عندج وبنشوف الشريط ..
سلامة : اوكي .. خلاص .. انا ارقبكم ..
واتصلت شوق في كل الشلة واتيمعوا البنات في بيت سلامة .. وسلامة كانت عازمتهن عالغدى ..
واللي حضروا الحدث العظيم .. شوق واختها مها .. وروضةربيعة سلامة وشوق ايام الدراسه .. وخلود بنت يارة قوم سلامة ..
واتغدوا البنات رباعه .. ويلسوا سوالف ..
سلامة : احم احم .. بعد ماخلصنا زج وبلع .. الحينه برويكن الشريط ..
ارتبشن البنيات وكل وحده تريد تشوف الشريط ..
وشغلت سلامة الشريط بعد مذله .. خلت البنيات يترجونها ..
واترخصت سلامة عنهن وسارت حجرتها ..
شوق : ياربيه .. فديته ولد خالتيه .. والله انه يخبل .. شوفي روضو .. شورايج بسعود ؟؟
روضة : والله انه عذاااب ..
خلود : لاوالله .. انتوا عيل ماريتوا هذا .. والله انه احلى عن سعود (كانت تقصد حمد)
مها : هيه صدقها خلود .. هذا احلى عن سعود وايوول احلى عنه ..
شوق اشتطت .. وقامن البنيات يتواقعن .. وكل وحده تقول هذا احلى عن الثاني .. وشويه وإلا واحد يحدر عليهن .. يبسن البنيات واتغشن على طول ..
واللي حدرت عليهن كانت سلامة ..
كانت لابسه كندورة اولاد .. ومتسفره .. وماسكه كلاااشن في ايدها عشان اتيوول ..
سلامة هلكت من الضحك عليهن : هههههه .. بلاكن اتغشيتن ؟؟
وماردن عليها ..
سلامة : بلاكن ؟؟ انا سلامة ..
واتأكدوا البنيات انها سلامة .. ونزلوا الغشوه .. وتموا يواقعونها على حركتها السخيفة ..
ولبستهن سلامة .. ويلست اتيوول وتسوي حركات .. والبنات يصفقن .. واللي قامت تنعش ..
كانت سلامة متعلمه هالحركات كلها من اخوها ..
وهني كانت شوق ميته .. لان سلامة تشبه سعود .. خصة وهي لابسه كندوره اولاد ..
ويلسن خلاف البنيات من التعب .. وردن وشافن الشريط من اول ويديد ..
سلامة : شوقو .. هذا مب جنه حمد بن صبيح ؟؟ ..
شوق : والله ماادله ؟؟ من زمان ماريته ..
مها : هيه .. هذا هو .. هذا حمد ..
سلامة : وانتي شدراج ؟؟
مها : قبل فترة ريته في بيتنا .. كان في الميالس ويا حامد وسعود ..
شوق : يالمستخفه !! وانتي شدراج ؟؟
مها : تخبرت ابوبكر طباخنا .. وهو خبرني عنه ..
ويلسن يسولفن .. بس سلامة صدق عذبها هالحمد .. ماكانت ويا البنات .. كانت في دنيا ثانية ..
وشويه وإلا تقوم سلامة من مكانها .. وسارت وحطت شريط عيظة .. ويلست تتسمع شلة (أمني خاطري) << حاولت اني احط هالشلة بس ماحصلتها .. بس ان شاالله اول مااحصلها بحطها .. والله عيزت وانا ادورها وماحصلتها ..
شوق : ياوييييل حااالي .. البنيه هيمانه ..
سلامة : .................... اكبر طاااف وماردت عليها ..
ويوم وصل عيظة عند مقطع (نشع قلبي من عظامه) شهقت شهقه وحطت ايدها على قلبها : هيه والله .. نشع قلبي من عظامه ..
ويلست سلامة تشل ويا عيضة : ذبحني .. ذبحني .. ياويلي ذبحني ..
شوق باستغراب : سلامي .. انتي صاحيه ؟؟ وإلا اتخبلتي ؟؟
سلامة : انتي ماريتي سمحته ؟؟ والله انه غاوي ..
خلود : ههههه .. وين سلامة اللي قلبها مايتخشع واللي مستحيل تحب واحد ؟؟
مها : آآآآه من هواك يا عنتر ..
سلامة : جب .. جب .. لاتيلسن تتطنزن .. هيه نعم .. كيفي احبه .. اهواه .. اعشقه ..
روضة : سلااامووو ؟؟!! من صدقج انتي ؟؟
سلامة : لا .. من جذبي .. خخخخخ
شوق : سلامة نحن نرمس جد ..
سلامة : وانا اتكلم عن عم ..
شوق : والله كيفج وبرايج .. بس صدقيني هالحب مابينفعج .. اولاً لانه من طرف واحد .. وثانياً لانج مستحيييل توصلين لقلبه .. وثالثاً ........
وقطعت عليها كلامها سلامة : صدقيني بوصل لقلبه ..
مها : سلامو .. خلي عنج السوالف ..
سلامة خذت السالفة تحدي : صدقوني بوصله ..
خلود : لادخيلج .. لاتتهورين .. كيف بتخبرينه ؟؟
سلامة : انتن مالكن دخل .. انا بخشعه وخلاااص ..
شوق متروعه : سلامة دخيلج .. مانريد مشاكل .. انسي السالفة واستهدي بالله ..
سلامة : ونعم بالله .. بس هذا حمد .. بخليه يمسي ويصبح يهويس بي .. بخليه يتخشع .. بخبلبه ..
شوق : سلااااااااااامة .. بس عاد ..
سلامة : انزين .. برايكن .. خلاف بيوصلكن خبر ان حمد بن صبيح ذايب في هوى سلامة بنت مبارك .. وهذا وعد مني .. وبتشوفن ..
وسكتن البنات عنها .. لانهن يعرفن خبال سلامة .. وقالوا انها كانت تتغشمر وتمزح ..
بس المشكله العوده .. ان سلامي خذت السالفه جد .. وحلفت يمين انها تخشع قلب ..
ومحد يدري ياللي يدور فراسها .. الله يستر ..
وهالحزه سعود كان يدق باب الميلس ..
سعود من ورى الباب : سلوووووووم .. اطلع ..
لبست سلامة شيلتها وربعت صوب اخوها وسكرت باب الميلس وراها ..
سلامة : لبيه سعود ..
سعود يضربها على راسها : ويا هالراس .. انا ماقلتلج ان ربيعي بيي اليوم ؟؟ شعنه يبتي ربيعاتج هني ؟؟
سلامة تفكر : ممممم .. هيه صح .. والله نسيت ..
سعود : يلا بسرعه شلن قشكن انتي وربيعاتج .. وحدرن الميلس اللي داخل ..
سلامة : وانت ليش ماتاخذ ربيعك وتسيرون الميلس اللي داخل ؟؟ ..
سعود : لاتخليني الحينه اعطيج كف على اذنج !! تستعبطين حضرتج ؟؟ الميلس اللي داخل اساساً مال الحريم .. وهذا اللي انتن متفيزرات فيه مال الرياييل ..
سلامة : زين .. زين خلاص .. عطني خمس دقايق .. بشل الوايرات والكيمرا والسامان .. وبنحدر داخل ..
سعود : ممم .. لاتشلين الكيمرا .. خليها .. بشوف التصوير ويا ربيعي ..
سلامة فز قلبها من سمعت ربيعي ... اكيد حمد وياه ..
سلامة والفضول بيذبحها : سعود فديتك ..
سعود يطالعها بطرف عين : هالتفدي وراه شي .. قولي شو السالفه ؟؟
سلامة : منو ربيعك اللي مخاونك ؟؟
سعود : انجلعي قبل لااكفخج .. يلااااااااااا..
وسارت سلامة وشلت ربيعاتها وسارن الميلس اللي داخل .. بس هالحزه كل وحده سارت بيتها .. لانهن اتحيرن ..
ومها ردت بيتهم .. بس شوق تمت عند سلامة ..
سلامة : شوقو .. انا بنفذ اول خطة ..
شوق متروعة : سلامة فديتج .. دخيلج خلي عنج حركات اليهال هذي .. والله مافينا عالمشاكل ..
سلامة : يلسي يالخديه .. انا بروحي بنفذ الخطة ..
وقامت سلامة وسارت صوب تلفون البيت واتصلت على تلفون اخوها ..
سلامة : مرحبا الساع .. مرحبا ملااايين .. مرحبا باخويه سعود ..
سعود باستغراب : بلاج مخرفه ؟؟ شاربه شي انتي ؟؟
سلامة : افااااا !! الحينه يوم ارحب باخويه .. تقول عني شاربه شي ؟؟ افا والله ..
سعود : يلا سلوم .. بلامقدمات .. شوتريد ؟؟
وطبعاً سلامة كانت متعمده انها تتصل هالحزه .. لانها كانت تعرف ان حمد كان حذال سعود ..
وهي بس كانت تريد حمد يتخبر عن الاتصال ..
يعني حمد اكيد بيتخبر سعود عن اللي كان يكلمه .. وسعود مايخش عن حمد شي ..
سلامة : سعود .. ابا بيزات ..
سعود : من ساعة كنت عندك .. شعنه ماخبرتني ؟؟
سلامة : مممم .. نسيت ..
سعود : انزين .. تعال جدام الميالس .. وبعطيك اللي تباه ..
وبندت سلامة عن اخوها ..
شوق : شوسويتي يالخبله ؟؟
سلامة : انتي مايخصج .. وشلت سلامة شيلتها واتحجبت وسارت صوب الميالس ..
وعند سعود ..
حمد : منو سلوم ؟؟ مااحيدك عند اخو ؟؟
سعود : هذي ختيه المستخفه ..
حمد : هههههههه .. اختك وتقوللها سلوم ؟؟ والله انك بغام ..ههههههه
سعود : جب .. جب .. هالسالفه بيني وبين رضيعتيه .. كيفنا ..
حمد : ان شاالله .. بسكت .. كيفكم ..
وهالحزه سمعوا صوت دقة الباب ..
وطلع سعود .. وماسكر الباب وراه ورده .. يعني بالاصح لايمه ..
الدوده كانت تشتغل عن حمد .. كان وده يشوف اخت سعود .. وليش يسمونها سلوم ؟؟ اكيد فيها شي مميز ..
والشيطان كان يلعب براسه .. وايج حمد من الباب وشاف ملاك جدامه .. يبس حمد وهو فمكانه ..ويلس يتصوخ رمستهم ..
سعود : بسج خمسميه .. مابعطيج اكثر ..
سلامة : اسميك لحف .. والله لوسرت عند ابويه ماكان بيردني ..
سعود : عيل شعنه اتعنيتي وييتي عندي ؟؟ سيري عند ابوج واتفاهمي وياه ..
وسحب سعود البيزات من ايد سلامة وحدر الميلس ورضخ باب الميلس في ويهها ..
احترق ويه سلامة وربعت حجرتها .. وكانت تترياها شوق ..
ويلست سلامة اتسب سعود وتشتمه ..
سلامة : والله انه سبال .. فشلني جدام ربيعه .. اكيد ربيعه سمع رمستنا ..
شوق : والله انتي كنتي تبين هالشي ..
سلامة : انا ماكنت اريد السالفه توصل لهالدرجه .. خلاص .. مااريد شي من جداه .. وهذا الحمد خلاص عفته .. يعله الحراق .. انا اشلي فيه ..
شوق : قلتلج من اول السالفة .. خلي عنج الحركات .. بس انتي ماطعتي ..
سلامة : خلاص .. لاتيلسين تلوميني وتعاتبيني على شي صار .. خلاص دخيلج ..
شوق : يعني خلاص؟؟ ماشي حب وهوى وتخشيع قلوب ؟؟
سلامة : لا .. استريحي .. ماشي حب ولاهوى ولاحمد بعد ..
شوق بارتياح : اوووف .. الحمدلله ..
...
وعند سعود ..
حمد : اسمحلي سعودو .. بس انا اتصوخت رمستكم ..
سعود مغيظ : يعني شفت ختيه ؟؟
حمد قفط ويهه .. كان صدق متلوم من الحركه السخيفة اللي سواها .. انا ليش يفت رضيعة ربيعي ؟؟ والله اني نذل ..
حليله كان متلوم .. مع ان سلامة كانت متحجبه وماكانت مطلعه شعره وحده .. بس مهما يصير .. هاي اعراض ناس .. والمفروظ مايسوي اللي سواه ..
حمد يستغفر ربه في سره ويكمل كلامه : لالا .. انا ماريتها .. بس سمعت رمستكم ..
سعود : زين .. وشو يعني ؟؟
حمد : مااحيدك لحف ياريال ؟؟
سعود : شوف حمدو .. عمرك لاتدلع البنات ولاتعطيهن راحتهن .. لانهن خلاف بيخورن ..
حمد : الحمدلله ان خواتي معرسات .. وماعندي حد في لبيت يغثني ..
سعود : بس انت تكلم بنات .. يعني عندك حد يغثك ..
حمد : لاوالله .. هن اللي يتصلن ..
سعود : مااختلفنا .. هن اللي يتصلن .. بس مايغثنك ؟؟
حمد : مممم .. ساعات ..
سعود : اسمع .. البنات اللي تكلمهن مابيفيدونك بشي .. وماوراهن غير المشاكل ..
وطلع سعود ورقة من مخباه ..
سعود : حمد ياصديقي العزيز .. انا كتبت هالورقه حقك .. وان شاالله تستفيد منها .. ويلس سعود يقرى الورقة ..
** جذب البنات **
بتصلك خلاف بروح الصالة ..يعني (اجلب ويهك )؟؟
رصيدي خلص وماقدر اتصلك يعني ( هات بطاقة يالغبي )؟؟
أحبك حبيبيي يعني (تبا أتسوي فلم هندي )؟؟
أهلي زخوني يعني (حصلت غيرك طاح سوقك الله يعينك ) ؟؟
بروح السوق ويا ختيه يعني ( لاتقول بشوفج بتقول لك أختي معاي )؟؟
متى أتخلص دراستك ..( اتلمح يعني تعال أتزوجني ) ؟؟
حبيبي محد يعرف إني أرمسك يعني ( شرط خالاتها وعماتها وربيعاتها يدرن ) ؟؟
حبيبي ربيعتيه على الخط الثاني.. يعني (خل مجال لغيرك ياذكي ) ؟؟
تعبانه اليوم واعيه من الصبح .. يعني( تشتغل في المطبخ لوووول )؟؟
حبيبي باجر عيدميلادي .. يعني ( استوى لك فترة ماطلعت شي من مخباك يالاهبل ) ؟؟
حبيبي بنسافر انا واهليه ( انسى انك ترمسها مره ثانيه .. مسكين حالك ) ؟؟
حبيبي تحبني ؟؟ يعني ( يالسه تسمع ربيعتها)؟؟
حبيبي تلفوني خربان .. يعني ( افهم ياثور وخذلها تلفون ثاني ) ؟؟
حبيبي اريد صورتك .. يعني ( اذا اشتكت عليك على طول يطلعونك ) ؟؟
حبيبي خبرت امايه إني احبك .. يعني ( تريدك غصبن عليك تتزوجها )؟؟
حبيبي كلهم يقولون اني حلوه .. يعني (وحياتك ولاشافت الحلاه خسفه ) ؟؟
حبيبي مضيجه ونفسيتي تعبانه .. يعني (غد مهرج لها وضحكها )؟؟
بسيطات...معقدات..ضعيفات لكنهن قويات ..يغثونك لكنهن حبوباب..ماتقدر معهن ولا تقدر تعيش بدونهن
حمد هلك من الضحك : ههههههههه .. خييييبه .. كل هذا كاتبنه يالظالم ؟؟ ابا افهم .. انت ليش متعقد من البنات .. والله انهن ملح الحياة .. آآآآآخ من هواهن ..<< وهالحزه خطرت سلامة على بال حمد وسكت ..
سعود : جب .. جب دخيلك .. والله انك فاضي ..والله كل اللي تسويه ماوراه غير المصايب .. وغير عن جذه والله تنئثم .. وبعدين مابتحس بلذه حرمتك خلاف ....................................... ويلس سعود يتفلسف ..
وحمد ماكان معاه .. كان كل تفكيره بسلامة .. وحس ان كلام سعود صح .. لازم يودر البنات .. لانهن مابينفعونه
مرحباااااااااااااا ملاييييين ولا يسدن
شحالكم عساكم بخير..... الصراحة انا قريت هل القصة في منتدى و عيبتني واااااايد وانشالله تعيبكم:d
.
.
.
الجــــــــزء الأول
كانت سلامة مشتططه .. تريد تسرح معاريس العوير .. وهالشي طبعاً منقود .. وامايتها تواقعها وتهزبها .. وهي فخاطرها تسرح صوبهم ..
سلامة : امااايه .. دخييييل والديج .. فديت هالسمحه يعلني مااخلى منها .. دخيييلج بسرح وياج ..
ام سعود : بتبطين هاييج الحزه .. ماعندنا بنات يسيرن معاريس ..
سلامة وشويه بتصيح : امايه دخيييلج .. منو بيعرف اني بنتج ؟؟ بتغشى ولابنطق بكلمه .. وان اتخبروج الحرمات قوليلهن هذي وحده من ربيعاتج ..
ام سعود وهي مجابله المنظره وتتجحل : وهالوحده شعنه متبقعه بالشيله ومتغشيه ويالسه بين الحرمات ؟؟..
وشويه وإلا سعود حادر عليهن : بلاكم تبغمن ؟؟ صوتكن واصل الين حجرتيه ؟؟
ام سعود سارت صوب المدخن وحطتلها قطعه عود من الزين واتدخنت ..
ام سعود : هذي ختك المستخفه .. اونها بتسرح المعاريس ويايه !! ..
سعود هلك من الضحك : هههههه .. بتبطين هاييج الساع ..
سلامة مفوله : اوووهووو .. والله نفس الرمسه اللي قالتها لي امايه .. اموووت واعرف .. شعنه منقود عندكم هالشي ؟؟ ..
ام سعود : يارج الله !! ..ابويه .. فديتج .. جان إلا الرمسه هب عايبتنج .. (تأشر بايدها ) هكو الدرب ..
سلامة اشتلت من مكانها وطلعت خاري ..
ام سعود : عوذ بالله من شر هالبنيه .. ماادريبها طالعه حنانه على منو؟؟ ..
سعود :" يعني على منو ؟؟ اكيد عليج يالعيوز .. خخخخخخ ..
ام سعود تفلع سعود بمضرب دهن العود : خسك الله .. ثرك انت بعد طلعت شرواتها .. مافيكم خير ياعيال مبارك ..
سعود : ههههه .. امايه .. باخذ هالمضرب حقي ..
وخشه في مخباه .. واتخبلت العيوز ..
ام سعود : لاااالاااا .. ييب المضرب .. ماعندي غيره .. هذا منيوبلي من بمباي .. جان إلا خاطرك فيه .. رح ييبلك شرواته ..
سعود : ممممم .. خليني افكر ..انزين .. بكم هالمضرب ؟؟ ..
ام سعود : والله ياان التوله الوحده بــأربع آلاف .. وتهبي اعطيك المضرب ..
سعود : عثثثــــــره ؟؟!! بأرع آلاف ؟؟ عيل امايه .. اسمحيلي .. مااقدر اعطيج المضرب ..
ام سعود تربع وراه : سعووودووو .. ييبه بالزين اخيرلك ..
سعود : ويهون عليج ولدج الغالي ؟؟!! ..
وبدى سعود حركات البزى والدلع .. والعيوز اكيد ماتقدر ترد ولدها الوحيد والغالي ..
سعود : افاااا .. ام سعود ترد ولدها سعود ؟؟ وليش ؟؟ عشان مضرب ؟؟ .. افااااا .. ماهقيتها منج ..
ام سعود : اسميك مذله ياسعود .. خلاص برايك خذه .. والله اني عفته .. عندي مضرب غيره بس هب شروات هذا ..
سعود : "وليش هب شروات هذا ؟؟ ..
ام سعود : لان هذا منيوب من بمباي .. ومافي مثله اثنين .. صح الدهن العود اللي عندي غاوي .. بس ماييب راس هذا ..
سعود يشوف صينيه العطور : مممم .. زين خلاص .. مااريد هالمضرب .. باخذ دهن العود هذا ..(ويأشر على مضرب في الصينيه)..
ام سعود : سعووودوو .. تراك صدعتني .. خذ اللي تريده .. خلاص .. طبيت العطور كلها .. مااريدها ..
سعود : هههههه .. امزح معاج .. بس دخيلج امايه .. جان إلا طرشتوا حد صوب بمباي اريد شروات هالدهن العود ..
ام سعود : ويييييييه !! .. نسينا العرس غربلات البليس ..
سعود : ياويييلي .. اتحيرت عالشباب .. يلا امايه .. مااريد اليواله اطوفني ..
وساروا رباعه المعاريس .. طبعاً ام سعود كانت بتسير صوب خيام الحرمات .. وسعود بيسرح صوب الشباب ..
وسعود خذ وياه الكيمرا عشان يصور اليواله والرزيف .. لان سلامة كانت مصوتنه انه يصور الشباب واليواله ..عشان خلاف ترويه بنات خالتها ..
واسميييييه العرس كان عجييييب .. اليواله على اصوله ..
والشباب مرتبشين .. وكل شوي كان سعود يفر الكيمرا على حد .. عشان يصورون ..
وهالحزه كان سعود ويا ربيعه حمد بن صبيح ايوولون ..
وكل شوي وتتصل العيوز بسعود .. وسعود ربعه قابضينه ومحلفينه يتم وياهم ..
وآخر شي استحى ورد على امايته لانه خيسها ..
ومن رد عليها .. سمع هزبه محترمه
ام سعود : يالمستخف .. ياللي ماتخيل .. شعنه ماترد عليّه .. هلكت وانا اتصل فيك .. والله انك مضيع المذهب .. وووووو... إلخ
سعود : هووووود .. هوووود ..لحظه شوي .. عطيني فرصه اتكلم .. خذتيني بشراع وميداف ..
ام سعود : جب .. جب .. يلا تعال خذني .. مااريد اتحير على ابوك ..
سعود بلعانه : هاااا .. ابوووووويه ؟؟؟ اكيد وراكم شي اليوم ؟؟ اخاف إلا العيوز باجر يايبتلنا اخو .. تصدقين .. والله خاطري يكون عندي اخو ..
ام سعود : هب هباك الله يالخايس .. يلا تعال .. انا ارقبك ..
وسكرت التلفون في ويهه .. وكان سعود يضحك عليها ..
وسار وخذ امايته ووصلها البيت ورد عند الشباب ..
ومن حدرت ام سعود البيت ربعت سلامة صوبها ..
ام سعود : بسم الله الرحمن الرحيم .. ماادري متى بتعقلين انتي واخوج ؟؟ والله خبلتوبي ..
وسارت ام سعود حجرتها بدون ماتنطق سلامة بكلمه
سلامة تكلم عمرها : اووووف .. بلاها امايه واقعتني ؟؟ مانطقت بكلمه ؟؟ وهذا سعوودو شعنه ماياب الكيمرا ؟؟؟ والله ياانه نذل ..
عاد مايحتاي اقووللكم .. سلامة وسعود من يوم يومهم مواقع .. يتواقعون على اي شي .. بس كانوا في نفس الوقت يحبون بعض ..
لان سعود هو الولد الوحيد في العايله ..
** سعود واحد غاوي .. عمره 23 .. يشتغل في اتصالات دبي .. وماهمه حلاله ولاشركاته .. مع انه ابوه يريده يشتغل وياه .. بس سعود ماطاع ..
ريال ميالس العرب تفز باسمه .. الكل كان يمدحه .. عمره ماعرف درب البنات .. وعمره ماكلمهن ..كان غاوي ماشاالله عليه ..خشمه طويل .. اللي يشوفه يقول سله سيف ماشاالله عليه .. وكان ابيض بس شويه مايل للاسمر ..عقولته .. ضاربتنه الشمس .. وعيونه ناعسات شروات عيون سلامة ..
وماكان عندهم غير بنتين .. سلامة والريم ..
** سلامة مخلصة الثانوية .. وسارت الكلية سنة وطبتها .. وماكملت دراستها
لانها تدري ان مصيرها البيت .. يعني شحقه اتعب عمرها وتدرس اربع سنين ؟؟ << هذا كان تفكيرها
.. بنت غاويه والكل يمدح حلاها بس كانت راعيه هوى وخبال وتسوي اللي فراسها .. وبيضى بياض الثلج .. ومن كثر بياضها خدودها دومهم حمر .. والشي اللي يميزها عيونها الناعسات اللي منسدله فوقهن رموشها الغليظه .. عيونها صدق عذاااب .. وكانت تشابه اخوها سعود .. والكل كان يتحسبهم توم ..
والريم معرسه واحد من هل العين .. يعني مااتيهم إلا آخر الاسبوع (الويكند)..
وريلها اسمه سالم .. وماعندهم عيال .. لانهم قريب معرسين ..
..
وسعود تم ويا ربعه .. وخلاف الشباب كانوا متفقين على جريمه عووده ..
طبعاً من يخلصون الشواب كل واحد بيسرح صوب بيته .. والشباب بيبقون بروحهم ..والمعرس بيسرح صوب خيام الحرمات عشان ياخذ حرمته ..
وسعود كان داهيه .. كان متفق مع الشباب انهم من يخلصون اليواله يتيمعون .. ويسرحون بقعه بعيده شوي ..
كانوا ضاربيلهم خيمه من خيم البداد .. ماكانت وايد عوده .. بس كانت تسد يمعة الشباب ..
ومااخش عنكم .. كانوا يايبين (معلاية) ..
انتوا تدرون ان الشواب مايحبون سوالف المعلاية والخربطان .. والشباب يحبون هالسوالف ..
ولو دروا الشواب بسالفة المعلاية .. لينحرون سعود وحمد.. ويعلقون روسهم ..
وكانوا سعود وحمد متروعين .. بس توكلوا على ربهم وساروا رباعه مع الشباب ..
وسعود كان مشيد الخيمة على حسابه ويايب المعلاية على حسابه .. طبعاً على شرف المعرس ..
والمعرس (محمد) .. والمعرس يصير اخو ربيع سعود.. وحمد كان ربيع سعود الروح بالروح ..
بس حمد كان في العوير .. وسعود في الخوانيج .. يعني فرة حصى عن بعض ..
وماخلصوا من المعلاية إلا الساعة اربع .. والود ودهم كانوا يتمون الين الصبح .. بس طبعاً هالحزه غاية صلاة واذان .. عشان جذه وقفوا الدق ..
وخلاف رد سعود البيت وهو منهد حيله ..
والمستخفه سلامة مارقدت الين هالحزه .. بس عشان تشوف التصوير ..
ومن حدر سعود ربعت سلامة صوبه ..
سلامة : سعوووودوو .. وين الكيمرا ؟؟
سعود يتثاوب في ويهها : مااادري وين ؟؟
سلامة شهقت : لاااا .. لاتقولي ماادري وين ؟؟ دخيلك لاتقول هالرمسه .. حرام عليك .. انا مواعده بنات خالو عشان نتيمع باجر ونشوف التصوير رباعه .. دخيلك لاتخرب اللمه علينا ..
سعود يشوفها بطرف عينه : مالت عليج وعلى بنات خالو فوقج .. اشوف ظكي هاك الصوب ..
ودزها ومشى عنها ..
سلامة بغت تصيح هالحزه .. انا فوق الست ساعات ارقبه والحينه يقولي ماادري وين الكيمرا ؟؟ والله لانحره ..
وربعت صوبه وغثته .. وطلعتله قرون ..
سعود فصخ حمدانيته وفرها عالارض .. وخلاف فصخ كندورته .. وفر عمره عالسرير ..
سعود : سلاااموو .. والله ياان ماسكتي وطبيتي ثمج .. والله ثم والله انج مابتشوفين الشريط بعينج .. وانا حلفت الحينه ..
سلامة سكتت وبلعت ريجها .. اتروعت من سعود ينفذ تهديده ومايعطيها الشريط .. وطلعت من حجرته .. وقبل لاتتطلع ..
سعود : سلووووم .. >> حشى فرخ هب بنيه
سلامة افترت صوبه : ياعووونك ياسعووود ..
سعود يفر سويج موتره عليها : اقول بوغنيم .. بتشوف الكيمرا مفروره عالسيت اللي ورى .. ودخيلك لاتمد ثمك جذه .. تراني مااقدر على زعلك ..
كان سعود يعامل سلامة على انها واحد هب وحده .. لانه ماكان عنده اخو .. فكان يعوض هالاخوه في سلامة .. ويعتربها شروات اخوه ..
وسلامة امبونها كانت دفشة .. بالرغم من جمالها الساحر ..
وخذت سلامة سويج سيارة اخوها .. وكان سعود عنده كايين توربو ذهبية .. (البورش فورويل اليديده)..
وخذت الكيمرا وسارت حجرتها ..
وشافت التصوير .. واتخبلت .. منو هذا اللي ايوول جذه ؟؟ والله انه عذاااب .. وفديت اخويه يخبل .. اموووت واعرف منو هذا اللي مخاويه في اليواله ؟؟ اكيييد ربيعه حمد بن صبيح .. مممم .. والله ماادري ؟؟ من زمان ماريت حمد ولااعرف شكله الحينه كيف غادي ؟؟
ويلست كل شوي وتعيد الشريط .. وكانت تشوف التصوير من شاشة الكيمرا الصغيره.. وماعيبتها السالفة .. الحبيبة ماسدتها الشاشة الصغيرة .. وسارت ويابت وايرات الكيمرا اللي تتوصل بالتلفزون .. ووصلت الكيمرا بالتلفزيون .. ويسلت تسوي شروات حركات الشباب .. وتيبس شرواتهم ..
وخلاف سمعت اذان الفجر .. جان تبند التلفزيون .. وسارت صلت وقرت قرآن ورقدت ولاحست بعمرها ..
والراس العود اللي هو مبارك .. بو سعود .. ظاري ينش من غبشة .. يسرح المسيد ..
وسار صوب حجرة سعود .. كان يعرف انه رد متحير البيت لانه كان مع الشباب .. ويدري انه مافيه حيل على نشت الصبح..
وحدر بوسعود الحجرة .. وشغّل الليتات كلها .. والشويبه هب هين .. كان قابض في ايده ونان ..
والشيبه ماكان يريد يتعب عمره .. لانه عيز من الاسطوانه اليوميه .. كل يوم مناعر وبغام عشان يواعي سعود ..
وهوّس عالونان .. وإلا سعود قفز من مكانه متروع ..
سعود متروع : شوو السالفة ؟؟ خير ان شاالله ..
بوسعود بكل برود : خير بويهك يامسود الويه ..
سعود من شاف الونان في ايد ابوه غيّظ .. لانه مايحب حد يواعيه بهالاسلوب .. يعني اذا حد ياه بالزين بينش بسرعه .. بس اذا حد يلس يواعيه وهو يزاعق مستحييييل ينش .. عناااد ..
وسكت لانه مايقدر يرد على ابوه ..
بوسعود : خمس دقايق وتكون عندي تحت .. تراني مابسير المسيد إلا وانت ويايه ..
سعود : ان شاالله ..
وطلع بوسعود عن سعود .. وقام سعود واتسبح عالسريع واتيدد وخلاف سار صوب ابوه ..وساروا رباعه المسيد ..
..
وخلاف سار بوسعود الدوام .. وسعود خذ اجاره طارئة ثلاثة ايام .. لانه كان عيزان ويريد يرقد ..
وسلامة ظارية تنش من غبشة .. بس الحبيبة كانت سهرانة وتعبانة من الخاطر ..ونشت عالساعه 11 ..
واتصلت في شوق بنت خالتها فطيم ..
وردت عليها خالوتها ..
سلامة : السلام عليج خالوه ..
ام حامد : وعليج السلام بنت ختيه .. وينج يالقاطعه ؟؟ عنبوه لاتتصلين ولااتيينا البيت ؟؟
سلامة : اسمحيلي خالوه .. تدرين بالدنيا ومشاغلها ..
ام حامد : لاوالله ؟؟!! لاوراج دراسه ولاشياته .. إلا انتي بروحج قاطعه ومقصره في حقوق عربج
قفطت سلامو وماعرفت شو ترد علة خالتها .. ويلست تتعلثلها بعلث بايخه .. وخلاف يت شوق وكلمتها ..
** شوق من سنات سلامة وكبرها .. وهن ربيعات .. دومهن مع بعض .. وشوق سوت اللي سوته سلامة وطبت الدراسه .. يعني كانوا متفقات ..
وشوق كانت واااايد امبزايه .. يعني كلها دلع في دلع .. رمستها .. حركاتها .. مشيتها .. كانت عذااااب .. شفايفها صغيرة وحلوه وعيونها وساع .. وخشمها تقولون حد سيف .. وكانت طويله .. وكانت تموووت في سعود .. بس سعود ماكان يدري عنها .. وسعود ماكان يفكر بشي اسمه حب وخربطان.. كان كل تفكيره بالهياته والربع .. وآخر شي يفكر فيه البنات .. وشوق كرامتها فوق كل شي .. وماكانت تعترف بحبها له ..
شوق بكل دلع : الوووو
سلامة : يااارج الله ابويه !! عن يطيح نصج !! .. اقووول اصطلبي لاارضخ السماعه في ويهج ..
شوق : هههههه .. عنبوه !! ماعندج تفاهم ؟؟
سلامة : تدرين انتي سلامة كيف تتعامل .. ماتسوي one .. two..
شوق : لادخيلج .. ثري .. فووور ..
سلامة : خخخخ .. شحالج يالدبه ؟؟ ..
شوق : بخير وسهاله يالضعيفة ..هههههه
سلامة : اقووول شوقو..
شوق : قولي ..
سلامة : تراني نفذت المهمه ..
شوق مستانسه : قولي والله ؟؟
سلامة : قسم بالله ..
شوق : ياسلام عليج يابنت مبارك .. مايطوفج شي ..
سلامة : اكيييد ..
شوق : خلاص عيل .. انا بعزم الربع .. وكلنا بنيي عندج وبنشوف الشريط ..
سلامة : اوكي .. خلاص .. انا ارقبكم ..
واتصلت شوق في كل الشلة واتيمعوا البنات في بيت سلامة .. وسلامة كانت عازمتهن عالغدى ..
واللي حضروا الحدث العظيم .. شوق واختها مها .. وروضةربيعة سلامة وشوق ايام الدراسه .. وخلود بنت يارة قوم سلامة ..
واتغدوا البنات رباعه .. ويلسوا سوالف ..
سلامة : احم احم .. بعد ماخلصنا زج وبلع .. الحينه برويكن الشريط ..
ارتبشن البنيات وكل وحده تريد تشوف الشريط ..
وشغلت سلامة الشريط بعد مذله .. خلت البنيات يترجونها ..
واترخصت سلامة عنهن وسارت حجرتها ..
شوق : ياربيه .. فديته ولد خالتيه .. والله انه يخبل .. شوفي روضو .. شورايج بسعود ؟؟
روضة : والله انه عذاااب ..
خلود : لاوالله .. انتوا عيل ماريتوا هذا .. والله انه احلى عن سعود (كانت تقصد حمد)
مها : هيه صدقها خلود .. هذا احلى عن سعود وايوول احلى عنه ..
شوق اشتطت .. وقامن البنيات يتواقعن .. وكل وحده تقول هذا احلى عن الثاني .. وشويه وإلا واحد يحدر عليهن .. يبسن البنيات واتغشن على طول ..
واللي حدرت عليهن كانت سلامة ..
كانت لابسه كندورة اولاد .. ومتسفره .. وماسكه كلاااشن في ايدها عشان اتيوول ..
سلامة هلكت من الضحك عليهن : هههههه .. بلاكن اتغشيتن ؟؟
وماردن عليها ..
سلامة : بلاكن ؟؟ انا سلامة ..
واتأكدوا البنيات انها سلامة .. ونزلوا الغشوه .. وتموا يواقعونها على حركتها السخيفة ..
ولبستهن سلامة .. ويلست اتيوول وتسوي حركات .. والبنات يصفقن .. واللي قامت تنعش ..
كانت سلامة متعلمه هالحركات كلها من اخوها ..
وهني كانت شوق ميته .. لان سلامة تشبه سعود .. خصة وهي لابسه كندوره اولاد ..
ويلسن خلاف البنيات من التعب .. وردن وشافن الشريط من اول ويديد ..
سلامة : شوقو .. هذا مب جنه حمد بن صبيح ؟؟ ..
شوق : والله ماادله ؟؟ من زمان ماريته ..
مها : هيه .. هذا هو .. هذا حمد ..
سلامة : وانتي شدراج ؟؟
مها : قبل فترة ريته في بيتنا .. كان في الميالس ويا حامد وسعود ..
شوق : يالمستخفه !! وانتي شدراج ؟؟
مها : تخبرت ابوبكر طباخنا .. وهو خبرني عنه ..
ويلسن يسولفن .. بس سلامة صدق عذبها هالحمد .. ماكانت ويا البنات .. كانت في دنيا ثانية ..
وشويه وإلا تقوم سلامة من مكانها .. وسارت وحطت شريط عيظة .. ويلست تتسمع شلة (أمني خاطري) << حاولت اني احط هالشلة بس ماحصلتها .. بس ان شاالله اول مااحصلها بحطها .. والله عيزت وانا ادورها وماحصلتها ..
شوق : ياوييييل حااالي .. البنيه هيمانه ..
سلامة : .................... اكبر طاااف وماردت عليها ..
ويوم وصل عيظة عند مقطع (نشع قلبي من عظامه) شهقت شهقه وحطت ايدها على قلبها : هيه والله .. نشع قلبي من عظامه ..
ويلست سلامة تشل ويا عيضة : ذبحني .. ذبحني .. ياويلي ذبحني ..
شوق باستغراب : سلامي .. انتي صاحيه ؟؟ وإلا اتخبلتي ؟؟
سلامة : انتي ماريتي سمحته ؟؟ والله انه غاوي ..
خلود : ههههه .. وين سلامة اللي قلبها مايتخشع واللي مستحيل تحب واحد ؟؟
مها : آآآآه من هواك يا عنتر ..
سلامة : جب .. جب .. لاتيلسن تتطنزن .. هيه نعم .. كيفي احبه .. اهواه .. اعشقه ..
روضة : سلااامووو ؟؟!! من صدقج انتي ؟؟
سلامة : لا .. من جذبي .. خخخخخ
شوق : سلامة نحن نرمس جد ..
سلامة : وانا اتكلم عن عم ..
شوق : والله كيفج وبرايج .. بس صدقيني هالحب مابينفعج .. اولاً لانه من طرف واحد .. وثانياً لانج مستحيييل توصلين لقلبه .. وثالثاً ........
وقطعت عليها كلامها سلامة : صدقيني بوصل لقلبه ..
مها : سلامو .. خلي عنج السوالف ..
سلامة خذت السالفة تحدي : صدقوني بوصله ..
خلود : لادخيلج .. لاتتهورين .. كيف بتخبرينه ؟؟
سلامة : انتن مالكن دخل .. انا بخشعه وخلاااص ..
شوق متروعه : سلامة دخيلج .. مانريد مشاكل .. انسي السالفة واستهدي بالله ..
سلامة : ونعم بالله .. بس هذا حمد .. بخليه يمسي ويصبح يهويس بي .. بخليه يتخشع .. بخبلبه ..
شوق : سلااااااااااامة .. بس عاد ..
سلامة : انزين .. برايكن .. خلاف بيوصلكن خبر ان حمد بن صبيح ذايب في هوى سلامة بنت مبارك .. وهذا وعد مني .. وبتشوفن ..
وسكتن البنات عنها .. لانهن يعرفن خبال سلامة .. وقالوا انها كانت تتغشمر وتمزح ..
بس المشكله العوده .. ان سلامي خذت السالفه جد .. وحلفت يمين انها تخشع قلب ..
ومحد يدري ياللي يدور فراسها .. الله يستر ..
وهالحزه سعود كان يدق باب الميلس ..
سعود من ورى الباب : سلوووووووم .. اطلع ..
لبست سلامة شيلتها وربعت صوب اخوها وسكرت باب الميلس وراها ..
سلامة : لبيه سعود ..
سعود يضربها على راسها : ويا هالراس .. انا ماقلتلج ان ربيعي بيي اليوم ؟؟ شعنه يبتي ربيعاتج هني ؟؟
سلامة تفكر : ممممم .. هيه صح .. والله نسيت ..
سعود : يلا بسرعه شلن قشكن انتي وربيعاتج .. وحدرن الميلس اللي داخل ..
سلامة : وانت ليش ماتاخذ ربيعك وتسيرون الميلس اللي داخل ؟؟ ..
سعود : لاتخليني الحينه اعطيج كف على اذنج !! تستعبطين حضرتج ؟؟ الميلس اللي داخل اساساً مال الحريم .. وهذا اللي انتن متفيزرات فيه مال الرياييل ..
سلامة : زين .. زين خلاص .. عطني خمس دقايق .. بشل الوايرات والكيمرا والسامان .. وبنحدر داخل ..
سعود : ممم .. لاتشلين الكيمرا .. خليها .. بشوف التصوير ويا ربيعي ..
سلامة فز قلبها من سمعت ربيعي ... اكيد حمد وياه ..
سلامة والفضول بيذبحها : سعود فديتك ..
سعود يطالعها بطرف عين : هالتفدي وراه شي .. قولي شو السالفه ؟؟
سلامة : منو ربيعك اللي مخاونك ؟؟
سعود : انجلعي قبل لااكفخج .. يلااااااااااا..
وسارت سلامة وشلت ربيعاتها وسارن الميلس اللي داخل .. بس هالحزه كل وحده سارت بيتها .. لانهن اتحيرن ..
ومها ردت بيتهم .. بس شوق تمت عند سلامة ..
سلامة : شوقو .. انا بنفذ اول خطة ..
شوق متروعة : سلامة فديتج .. دخيلج خلي عنج حركات اليهال هذي .. والله مافينا عالمشاكل ..
سلامة : يلسي يالخديه .. انا بروحي بنفذ الخطة ..
وقامت سلامة وسارت صوب تلفون البيت واتصلت على تلفون اخوها ..
سلامة : مرحبا الساع .. مرحبا ملااايين .. مرحبا باخويه سعود ..
سعود باستغراب : بلاج مخرفه ؟؟ شاربه شي انتي ؟؟
سلامة : افااااا !! الحينه يوم ارحب باخويه .. تقول عني شاربه شي ؟؟ افا والله ..
سعود : يلا سلوم .. بلامقدمات .. شوتريد ؟؟
وطبعاً سلامة كانت متعمده انها تتصل هالحزه .. لانها كانت تعرف ان حمد كان حذال سعود ..
وهي بس كانت تريد حمد يتخبر عن الاتصال ..
يعني حمد اكيد بيتخبر سعود عن اللي كان يكلمه .. وسعود مايخش عن حمد شي ..
سلامة : سعود .. ابا بيزات ..
سعود : من ساعة كنت عندك .. شعنه ماخبرتني ؟؟
سلامة : مممم .. نسيت ..
سعود : انزين .. تعال جدام الميالس .. وبعطيك اللي تباه ..
وبندت سلامة عن اخوها ..
شوق : شوسويتي يالخبله ؟؟
سلامة : انتي مايخصج .. وشلت سلامة شيلتها واتحجبت وسارت صوب الميالس ..
وعند سعود ..
حمد : منو سلوم ؟؟ مااحيدك عند اخو ؟؟
سعود : هذي ختيه المستخفه ..
حمد : هههههههه .. اختك وتقوللها سلوم ؟؟ والله انك بغام ..ههههههه
سعود : جب .. جب .. هالسالفه بيني وبين رضيعتيه .. كيفنا ..
حمد : ان شاالله .. بسكت .. كيفكم ..
وهالحزه سمعوا صوت دقة الباب ..
وطلع سعود .. وماسكر الباب وراه ورده .. يعني بالاصح لايمه ..
الدوده كانت تشتغل عن حمد .. كان وده يشوف اخت سعود .. وليش يسمونها سلوم ؟؟ اكيد فيها شي مميز ..
والشيطان كان يلعب براسه .. وايج حمد من الباب وشاف ملاك جدامه .. يبس حمد وهو فمكانه ..ويلس يتصوخ رمستهم ..
سعود : بسج خمسميه .. مابعطيج اكثر ..
سلامة : اسميك لحف .. والله لوسرت عند ابويه ماكان بيردني ..
سعود : عيل شعنه اتعنيتي وييتي عندي ؟؟ سيري عند ابوج واتفاهمي وياه ..
وسحب سعود البيزات من ايد سلامة وحدر الميلس ورضخ باب الميلس في ويهها ..
احترق ويه سلامة وربعت حجرتها .. وكانت تترياها شوق ..
ويلست سلامة اتسب سعود وتشتمه ..
سلامة : والله انه سبال .. فشلني جدام ربيعه .. اكيد ربيعه سمع رمستنا ..
شوق : والله انتي كنتي تبين هالشي ..
سلامة : انا ماكنت اريد السالفه توصل لهالدرجه .. خلاص .. مااريد شي من جداه .. وهذا الحمد خلاص عفته .. يعله الحراق .. انا اشلي فيه ..
شوق : قلتلج من اول السالفة .. خلي عنج الحركات .. بس انتي ماطعتي ..
سلامة : خلاص .. لاتيلسين تلوميني وتعاتبيني على شي صار .. خلاص دخيلج ..
شوق : يعني خلاص؟؟ ماشي حب وهوى وتخشيع قلوب ؟؟
سلامة : لا .. استريحي .. ماشي حب ولاهوى ولاحمد بعد ..
شوق بارتياح : اوووف .. الحمدلله ..
...
وعند سعود ..
حمد : اسمحلي سعودو .. بس انا اتصوخت رمستكم ..
سعود مغيظ : يعني شفت ختيه ؟؟
حمد قفط ويهه .. كان صدق متلوم من الحركه السخيفة اللي سواها .. انا ليش يفت رضيعة ربيعي ؟؟ والله اني نذل ..
حليله كان متلوم .. مع ان سلامة كانت متحجبه وماكانت مطلعه شعره وحده .. بس مهما يصير .. هاي اعراض ناس .. والمفروظ مايسوي اللي سواه ..
حمد يستغفر ربه في سره ويكمل كلامه : لالا .. انا ماريتها .. بس سمعت رمستكم ..
سعود : زين .. وشو يعني ؟؟
حمد : مااحيدك لحف ياريال ؟؟
سعود : شوف حمدو .. عمرك لاتدلع البنات ولاتعطيهن راحتهن .. لانهن خلاف بيخورن ..
حمد : الحمدلله ان خواتي معرسات .. وماعندي حد في لبيت يغثني ..
سعود : بس انت تكلم بنات .. يعني عندك حد يغثك ..
حمد : لاوالله .. هن اللي يتصلن ..
سعود : مااختلفنا .. هن اللي يتصلن .. بس مايغثنك ؟؟
حمد : مممم .. ساعات ..
سعود : اسمع .. البنات اللي تكلمهن مابيفيدونك بشي .. وماوراهن غير المشاكل ..
وطلع سعود ورقة من مخباه ..
سعود : حمد ياصديقي العزيز .. انا كتبت هالورقه حقك .. وان شاالله تستفيد منها .. ويلس سعود يقرى الورقة ..
** جذب البنات **
بتصلك خلاف بروح الصالة ..يعني (اجلب ويهك )؟؟
رصيدي خلص وماقدر اتصلك يعني ( هات بطاقة يالغبي )؟؟
أحبك حبيبيي يعني (تبا أتسوي فلم هندي )؟؟
أهلي زخوني يعني (حصلت غيرك طاح سوقك الله يعينك ) ؟؟
بروح السوق ويا ختيه يعني ( لاتقول بشوفج بتقول لك أختي معاي )؟؟
متى أتخلص دراستك ..( اتلمح يعني تعال أتزوجني ) ؟؟
حبيبي محد يعرف إني أرمسك يعني ( شرط خالاتها وعماتها وربيعاتها يدرن ) ؟؟
حبيبي ربيعتيه على الخط الثاني.. يعني (خل مجال لغيرك ياذكي ) ؟؟
تعبانه اليوم واعيه من الصبح .. يعني( تشتغل في المطبخ لوووول )؟؟
حبيبي باجر عيدميلادي .. يعني ( استوى لك فترة ماطلعت شي من مخباك يالاهبل ) ؟؟
حبيبي بنسافر انا واهليه ( انسى انك ترمسها مره ثانيه .. مسكين حالك ) ؟؟
حبيبي تحبني ؟؟ يعني ( يالسه تسمع ربيعتها)؟؟
حبيبي تلفوني خربان .. يعني ( افهم ياثور وخذلها تلفون ثاني ) ؟؟
حبيبي اريد صورتك .. يعني ( اذا اشتكت عليك على طول يطلعونك ) ؟؟
حبيبي خبرت امايه إني احبك .. يعني ( تريدك غصبن عليك تتزوجها )؟؟
حبيبي كلهم يقولون اني حلوه .. يعني (وحياتك ولاشافت الحلاه خسفه ) ؟؟
حبيبي مضيجه ونفسيتي تعبانه .. يعني (غد مهرج لها وضحكها )؟؟
بسيطات...معقدات..ضعيفات لكنهن قويات ..يغثونك لكنهن حبوباب..ماتقدر معهن ولا تقدر تعيش بدونهن
حمد هلك من الضحك : ههههههههه .. خييييبه .. كل هذا كاتبنه يالظالم ؟؟ ابا افهم .. انت ليش متعقد من البنات .. والله انهن ملح الحياة .. آآآآآخ من هواهن ..<< وهالحزه خطرت سلامة على بال حمد وسكت ..
سعود : جب .. جب دخيلك .. والله انك فاضي ..والله كل اللي تسويه ماوراه غير المصايب .. وغير عن جذه والله تنئثم .. وبعدين مابتحس بلذه حرمتك خلاف ....................................... ويلس سعود يتفلسف ..
وحمد ماكان معاه .. كان كل تفكيره بسلامة .. وحس ان كلام سعود صح .. لازم يودر البنات .. لانهن مابينفعونه
atch_balon: