{ مشروع ~ محل حلاقة للأطفال }

الموضوع في ',, البُريمِي للِحِوار و النقَاشْ ,,' بواسطة الغر الحشيم, بتاريخ ‏2 جويليه 2011.

حالة الموضوع:
مغلق
  1. الغر الحشيم

    الغر الحشيم ¬°•| عضو مبتدى |•°¬

    السلام عليكـــــــــــــــــم،،


    أخواني خواتي اتمنى انكم تساعدوني فهالاستبيان والمكون من تسع اسئلة بس !!:break:

    انا ابغي افتح مشروع حلاق أطفال فالبريمي بس مب متأكدة من نجاح المشروع فممكن تجاوبوني على هالاسئلة قبل لا اسوي دراسة جدوى للمشروع ؟؟!!



    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟

    2- هل يوجد حلاق خاص بالاطفال فالبريمي ؟؟

    3- هل المحافظة في حاجة لوجود مثل هذا المشروع ؟؟

    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟

    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟

    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟

    7- هل تفضل ان يكون العامل في حلاق الاطفال رجل أم امراة ؟؟

    8- كم تتوقع نسبة نجاح المشروع فالبريمي ؟؟

    9- ما المقترحات والأفكار التي تراها مناسبة لتجهيز محل حلاقة اطفال ؟؟


    وربي يجزيكم كل الخير اذا بتجاوبون على الاسئلة بكل دقة وضمير وبتصوركم الخاص عن المشروع :00100:
     
    آخر تعديل بواسطة المشرف: ‏10 جويليه 2011
  2. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟
    صالون او حلاق متخصص في قص شعر الاطفال
    2- هل يوجد حلاق خاص بالاطفال فالبريمي ؟؟
    بصراحه مب متأكده بس ما كد شفت فالبريمي حلاق اطفال
    3- هل المحافظة في حاجة لوجود مثل هذا المشروع ؟؟
    طبعا ^^
    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟
    اممممممم والله مدري شقولج بس مب الكل بعضهم عادي وياهم فأي مكان و البعض لاء لازم حلاق متخصص
    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟
    سوري م فهمت السؤال
    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟
    ايوه طبعا لان حلاق الكبار ما تدرين اذا كان يعرف يتعامل ويا الاطفال ولا لاء و لان الاطفال بعد الادوات اللي يستخدمونها فالتحليق غير عن مال الكبار <~ مجرد وجهة نظر ^^
    7- هل تفضل ان يكون العامل في حلاق الاطفال رجل أم امراة ؟؟
    انا من رايي بنت احسن لانها بتكون احن عليهم ^^
    8- كم تتوقع نسبة نجاح المشروع فالبريمي ؟؟
    70%
    9- ما المقترحات والأفكار التي تراها مناسبة لتجهيز محل حلاقة اطفال ؟؟
    امممم انا اقترح انج تحطين اشخاص متخصصين بهالشغله عسب الناس يوثقون فيهم و تسويين المحل فمكان مافيه وايد حلاقات و صح بعد قبل لا تبدين المشروع لازم تسوين اعلانات و بروشورات عسب الكل يدري
    .
    .
    .
    و بس ^^
     
  3. الغر الحشيم

    الغر الحشيم ¬°•| عضو مبتدى |•°¬

    شموخي تعداك

    ربي يوفقج دنيا واخرة ومشكووووووووورة يالغلا ع ردج اللي اسعدني وعطاني جم فكرة للمشروووع وإن شاء الله بدعواتكم وتشجيعكم بيتم افتتاحه وبخصوص السؤال اللي ما فهمتيه : أنا اقصد من الفئة اللي تهتم بهالأمور يعني الامهات العاملات ولا ربات البيوت ولا الاباء ولا المدرسين والمدرسات وجي يعني!
     
  4. ™[ ғвι ~♥

    ™[ ғвι ~♥ ¬°•| اسْتِغفْرِ الله |•°¬

    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟
    مفــآعيصنـآآ دـآيمـاً نوديهمَ صـآآلونـآآت أطفـآل
    بينك بآنترَ ،، تويتيَ ،، وفي وـآآحد فْ آلجيميْ مولَ مـآآ أذكرْ شسمهَ !!

    2- هل يوجد حلاق خاص بالاطفال فالبريمي ؟؟
    مـآآ أظنَ
    أتمنىْ يكونَ فيْهـآآ

    3- هل المحافظة في حاجة لوجود مثل هذا المشروع ؟؟
    هيهَ أكيدْ ...

    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟
    بـآآلنسبةْ لعـآآيلتنـآآ مـآآ نوديهمْ لحلـآآليقْ رجـآآل
    نفضلْ آلحلـآآق آلخـآآصْ عن وصخْ آلهنودْ

    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟
    !؟!؟!؟!؟؟!؟

    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟
    هيه .. و آلسبب أنهن أفضلْ و آلأهم أنهنْ أنظف .. و آلحلاآق آلخـآآص يكونْ أكثرْ درـآآيه بطبيعة آلأطفـآآل فَ يعرفْ كيف يتعـآآملْ ويـآآهمَ

    7- هل تفضل ان يكون العامل في حلاق الاطفال رجل أم امراة ؟؟
    شوووور [ حرمة ]..

    8- كم تتوقع نسبة نجاح المشروع فالبريمي ؟؟
    80%

    9- ما المقترحات والأفكار التي تراها مناسبة لتجهيز محل حلاقة اطفال ؟؟
    أولْ شيء آلديكورْ لـآآزمْ يكون طفوليْ .. اقتبسيْ آلأفكـآآرْ من آلرسومـآآت
    و لـآآ تنسينْ تحطيلهم تيلفزيون عشـآآنْ يندمجونَ و يتسهلً آلشغلْ عليكمْ
    مـآآ يمنع أنجَ توزعين شيْ بسيط علىَ كلْ طفلَ
    و تقدرين بعدَ تحطين قسمْ فيهْ ألعــآبْ هذيلـآآ مـآل قوم بو ربيةْ ههههههه تسلينهم و ف نفس آلوقت أنتيْ تستفيدينَ
    هذـآآ بشكلْ عـآآمْ
    لـآآ تنسينَ آللي بيشتغلون عندجً لـآزمَ تكونَ عندهن خبرةْ ف آلقصْ و هـآآلأشيـآآءَ
    و آلأهمْ يكونن عـآآرفـآت كيفْ يتعـآآملنْ ويـآآ آليهـآآل
    أتمنىَ انجْ تعتمدينْ آلمشروعْ
    لأنه صدقْ نحتـآآجلهْ .. بدـآآلْ لـآآ نضربْ خط للعينْ
    /~
    أتمنـآآلجْ آلتوفيقْ
    FBI
    :a7m:

     
  5. دمار الكروزر 311

    دمار الكروزر 311 ¬°•| عضو مميز جدا |•°¬

    انا اختصر كلامي وقولج ترا هل البريمي مالهم بارض يدورون حلاق اطفال

    يعني اذا انا ابغي اقص شعر ولد اخوي اشوفله اقرب حلاق هنيدي يقص شعره وانتهى الموضوع

    تبين الصدق انا فتحت صالون نسائي ولا مشى وبعدين فتحت كراج وخسرت عليه وفي نهايه ما مشى سوقه وفتحت محل نعوول وحطيت سوري يبيع ويفصل وفوق هذه ما مشى سووقه

    الحين اي شخص يبي يشتري المحل وراعي المحل اللي هو السوري ترا كل شي للبيع :biggrin:

    طول الله ف عمرج اذا تبين تسويين تجاره انصحج تشوفين مكان المناسب ولا تفتحين محل يسوي شااي كرك ويا كثرهم اللي ف البريمي :biggrin:
     
  6. ‏ṜŏΌ7ŷ ť7ḃЌ ♥

    ‏ṜŏΌ7ŷ ť7ḃЌ ♥ ¬°•| عضو مميز |•°¬


    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟

    انا اوديه للحلاق اللي انا متعامل معه لانه نظيف ومرتب وشغله حلو

    2- هل يوجد حلاق خاص بالاطفال فالبريمي ؟؟

    لا ما اتوقع

    3- هل المحافظة في حاجة لوجود مثل هذا المشروع ؟؟

    اكيد محتاجه لمثل هالمشاريع الجديدة

    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟

    نظرا لانه ماشي حلاق خاص بالاطفال فالاهالي يحلقو لاطفالهم عند حلاق الرجال

    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟

    تقريبا الكل,, لانه اهالي البريمي بصراحه الحين يهتمو للمظاهر

    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟

    اذا كان فيه حلاق خاص اكيد اهتم.. اول شي نعرف انه الاطفال دائما يصيحو فاذا كان فيه ناس مختصه بتعرف كيف تتعامل معهم ويريحونا من صياحهم

    7- هل تفضل ان يكون العامل في حلاق الاطفال رجل أم امراة ؟؟

    افضل امراة.. لانهن ادرى كيف يتعاملن مع الاطفال

    8- كم تتوقع نسبة نجاح المشروع فالبريمي ؟؟

    بين 70% الى 80% ... بس لا تحكمي على نجاح او خسارة المشروع الا بعد 6 اشهر

    9- ما المقترحات والأفكار التي تراها مناسبة لتجهيز محل حلاقة اطفال ؟؟

    -يكون الديكور مناسب للفئة اللي تتعاملي معها

    - اقترح يكون فيه قسم خاص للنساء واخر للرجال اللي يجيبو الاطفال

    -توفر بعض العاب الاطفال.



    الله يوفقك ان شاء الله
     
  7. الغر الحشيم

    الغر الحشيم ¬°•| عضو مبتدى |•°¬

    ™[ ғвι ~♥
    بارك الله فيك عالاجوبة بس اكيييييييد لازم من يصير في حلاق خاص بالاطفال بتفضل انك تودي الطفل فيه
    عشان الرعاية والشغل النظيف .. واشكرك جزيل الشكر..



    دمار كروزر
    تسلم ووجهة نظر احترمها .. وانا بالفعل اخاف افتح المشروع وما الاقي عليه اقبال بس انت جربت اكثر من مرة فالتجارة خسرت وربحت فالتجارة ربح وخسارة ونسأل الله انه يوفقنا



    ‏ṜŏΌ7ŷ ť7ḃЌ ♥
    مشكووووور عالاجوبة اللي بالفعل سرتني وبثت فيني روح التجارة والمغامرة لفتح المشروووع
     
    آخر تعديل: ‏3 جويليه 2011
  8. البطراااانة

    البطراااانة ¬°•| عضو مثالي |•°¬

    بالتووووووووووووووفيج
     
  9. طموح بلا حدود

    طموح بلا حدود ¬°•| عضو مميز جدا |•°¬

  10. حكاية حرف

    حكاية حرف ¬°•| تَرْجَـِoـِةُ إحْـِωـِآسُ |•°¬


    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟
    حلاق نظيف خاص بالأطفال ...

    2- هل يوجد حلاق خاص بالاطفال فالبريمي ؟؟
    ما أعرف بس أعتقد لأ ...

    3- هل المحافظة في حاجة لوجود مثل هذا المشروع ؟؟
    نعم بالتأكيد ...

    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟
    يهتمون بتقصير شعور أطفالهم لدى حلاق خاص لإن الأطفال مزاجهم صعب ولا يتركوا أي أحد لمسهم بدون إغراءات ..

    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟
    أغلب سكان البريمي يحلقوا أبنائهم في العين في صالون خاص للأطفال ...

    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟
    ما عندي أطفال ولو كان عندي اطفال أكيد بهتم بسبب مزاج الأطفال ...

    7- هل تفضل ان يكون العامل في حلاق الاطفال رجل أم امراة ؟؟
    نساء طبعاً للبنات والأولاد يتأقلموا عند أي حد ...

    8- كم تتوقع نسبة نجاح المشروع فالبريمي ؟؟
    80 %

    9- ما المقترحات والأفكار التي تراها مناسبة لتجهيز محل حلاقة اطفال ؟؟
    فكرتي وضع ديكور يحتوي على رسومات للأطفال وعاملات شكلهن يتقبله الأطفال ولديهن القدرة على التعامل مع الأطفال ...

    تحياتي:angel:

     
    آخر تعديل: ‏3 جويليه 2011
  11. ناصر الخميساني

    ناصر الخميساني ¬°•| مُخرج |•°¬

    1- اذا كنت أب او ام أو اخ ولديك طفل صغير او طفلة وترغب في تقصير شعره أين تفضل الذهاب ؟؟


    لا أفضل مكان محدد .. أبحث عن أنسب حلاق نظيف .. وأحياناً يكون زحمة وادور غيره

    2- هل يوجد حلاق خاص بالاطفال فالبريمي ؟؟

    لا والله <<<< يا ليت اتمنى هالشي

    3- هل المحافظة في حاجة لوجود مثل هذا المشروع ؟؟

    والله محتاجه بقوة بعد . . وانا من المؤيدين لهذا الشي.. وكنت انتظر احد التجار يفتح من زمان

    4- هل أهالــــــــي المحافظة يهتمون بتقصير شعور أطفالهم لدى حلاق خاص ؟؟ ام الذهاب لحلاق الرجال؟؟

    حلاق الرجال عادة .. لكن الأطفال ما ايلسون .. يعني والله يوم أوديهم الحلاق .. يصارخون ويزاعجون خاصة من يشوفون الهندي .. ش سوي ف البريمي ما شي

    5- من هم اكثر فئة تتوقع اهتمامهم بتقصير شعور أبنائهم في حلاق خاص بالاطفال ؟؟

    الحريم أكثر شي .. والريايل يودونهم أي مكان.. لكن ما يعني إذا كان ف البريمي حصلنا محل اطفال ما نسير له

    6- هل انت من الذين يهتمون بتقصير شعر الاطفال في حلاق خاص ؟؟ وما السبب ؟؟

    نعم .. السبب اولاً يفتح نفسية الياهل إذا شاف أشكال جدامه وألعاب مثلاً.. عشان يلتهي .. ثانياً يكون الشخص ذا خبرة في تعديل شعر اليهال
    يا ما يا ما وديتهم حلاليق الرياييل وما يعرفون لو بنقولهم .. والأسباب وايد

    7- هل تفضل ان يكون العامل في حلاق الاطفال رجل أم امراة ؟؟

    إمراءة .. اكثر حنه واكثر ممكن يطمنون عليها اليهال .. من إنهم يشوفون هندي او بتاني

    8- كم تتوقع نسبة نجاح المشروع فالبريمي ؟؟


    بإذن الله .. بإرادة الله .. راح تحققين نجاح 100%
    لأن بيكون المحل الوحيد..

    9- ما المقترحات والأفكار التي تراها مناسبة لتجهيز محل حلاقة اطفال ؟؟

    ممكن الاستفادة من محلات الحلاقة في العين .. ف المولات والا المحلات العادية



    والله اني اتمنا لج الخير.. جان نيتج جيه .. وواقفين وياج.. والله معاج
     
  12. عيـوز ستآآيل

    عيـوز ستآآيل ¬°•| عضو مثالي |•°¬



    موضووع غآآوي..

    بس بغيت اخبرج إن كآن في حلاق اطفآل عند لمزآآحمي اليديد
    تقريبآ من 3 او 4 سنوآآت
    امي فرحت هع وتمت تودي اليهـآلوه فيه تقوول احسن من العين وزحمتها
    بس للأسف مآ تم وآآيد>> يآ فرحه مآتمت ع امي :icon_smile_big:
    الحرمه قآلت حق امي إن بنسكر المحل وبنفتحه ف مسقط لانهـآ وآآآيد خسرت!!

    مـآدري شوو السبب الرئيسي للخسآره ،، بس يمكن اغرآضهم مب كوآآلتي او المكآن ضيج
    فــ نصيحه مني ،،
    درسي الموضووع زيين مآـآ زين لان مب سهله لخسآره...
    وإذا ماعندج رآآس مآل منيح .. تريي إلين مآ تكونيين مستعده..:a7m:

    بالــــتوفيييج وترآه من تفتحيه بيب عيالنا وعيال اخويه واختي وبنهجم عليكم:excited:
     
  13. دمار الكروزر 311

    دمار الكروزر 311 ¬°•| عضو مميز جدا |•°¬

    خذي مني الكلام الصدق ماعليج من هالاستبيان اللي ما منه فايده

    وبعطيج من الاخر ترا نسبة نجاح المشروع 0.3% وهذه النسبه تعتبر تحت الملاحظة الأكاديميه وانتي وكيفج
     
    آخر تعديل: ‏4 جويليه 2011
  14. ‏ṜŏΌ7ŷ ť7ḃЌ ♥

    ‏ṜŏΌ7ŷ ť7ḃЌ ♥ ¬°•| عضو مميز |•°¬

    ما اشكك فكلامك اخوي دمار

    بس ياليت توضحلي على اي اساس قلت هذه النسبة 0.3%

    وشو الاسباب اللي في رائك انها تمنع نجاح هذا المشروع

    لانه من وجهة نظري انا انه المشروع راح يكون ناجح باذن الله
     
  15. الغر الحشيم

    الغر الحشيم ¬°•| عضو مبتدى |•°¬

    البطرانة
    اشكرج عالمرور الغالية



    طموح بلا حدود
    شكرا عالرد .. بس ليش حكمت انه فاشل ؟؟!!


    أم كشة
    أشكرج على الاجوبة وعالافكار الحلوة وأهم شئ العاملة تكون لها بارض بالاطفال
     
  16. الغر الحشيم

    الغر الحشيم ¬°•| عضو مبتدى |•°¬

    اشكركم عالردود وتفاعلكم ..
     
  17. الغر الحشيم

    الغر الحشيم ¬°•| عضو مبتدى |•°¬

    أشكركم عالرد بس بالفعل على أي اساس حطيت هالنسبة اخوي ؟؟؟؟؟
    ممكن تشرحلنا
     
  18. دمار الكروزر 311

    دمار الكروزر 311 ¬°•| عضو مميز جدا |•°¬



    كل شي نسويله حسبه ونقعد نحلل وعلى الله يمكن اخر شي توصل لنتيجه حلوه

    اول شي البريمي انا دارسها عدل مايمشي سوقها غير الخياييط وسوبر ماركت وكراجات بسسس بشرط كل هذول يكونون ف مكان مناسب وحتى حلااق رجالي يمشي سوقه لكن مش كل محل حلاقه .....الخ


    انتي جربي سووي المشرووع والله كريييم بالتوفيج يالغلا وان شاءالله يكون نااجح

    واذا تبين تعرفيين كييف ييبتها هالنسبه بصراحه انا رمست واحد من المتخصصين ف دراسة المشاريع وقالي نسبة نجاح المشروع 0% بس انا رحمتج ومابغيت اكسر خاطرج وعطيتج 0.3%
     
    آخر تعديل: ‏5 جويليه 2011
  19. الصياد

    الصياد ¬°•| عضو مبتدى |•°¬

    ان شاء الله بيربح المشروع
    لانه هل البريمي يهتمون بالمضاهر
     
  20. الغر الحشيم

    الغر الحشيم ¬°•| عضو مبتدى |•°¬

    بارك الله فيك وانا سويت هالاستبيان لكن ما بعتمد عليه لاستفتاح المشروع يعني مجرد اخذ راي الناس وانا اكيد بسوي دراسة جدوى عند خبراء متخصصين فهالمجال .
     
حالة الموضوع:
مغلق

مشاركة هذه الصفحة