ميدان الإحتفالات بالبريمي (ســــرقــــة ع المكــــشــــــوف)

الموضوع في 'مركز أخبَار وقَضَايَا مُحـَافَظة البـُريمِي' بواسطة وقباوي, بتاريخ ‏3 جويليه 2008.

حالة الموضوع:
مغلق
  1. وقباوي

    وقباوي ¬°•| عضو مميز |•°¬

    مساء الخيرر ع الجميع....

    للأخوان اللي يجون البريمي عن طريق وادي الجزي وانته ياي من الجبل المقصوص لحد قبل دوار ( المستشفى) وبالقرب من (اللولو) اللي معلن عنه ما تشوووف (مسرح) صغير فيه (مراوح) وسور كبير مربع الشكل ع يسارك؟؟

    للأخوان ف البريمي " طبعآ تعرفون هالساحه اللي عدال (الاحوال المدنيه) ....

    هالمسرح العالمي كلف الحكومه الملايين وانا اذكر حتى ف الجريده قريت عن هالمشروع قبل ما يسوونه كم تكلفته > لكن ما توقعت يكون البناء بهالطريقه وبعد ما توقعت ان هالمسرح ما يكون فيه فايده ابدآ.....

    ( مسوين مدرجات ) ما تكفي 100 شخص> ومراوح> يعني لو تجلس ع الكرسي المروحه تشوفها على راسك >> والشي المهم ان هالساحه حق شوو؟؟ كم عيد وطني مر علينا ما سوو فيه احتفالات؟؟
    وكـــم مناسبااات نسويها وما نستخدم هالساحه >> طيب الحين السؤال هالملايين وهالسور العظيم اللي بنوه > شو كانت نتيجته ؟؟ اول شي >> مو عاطي لا شكل للولايه ولا هم يحزنون> والله تشوفه من بعيد تقول (سكراب) سيارات >> والحين الحيوانات عزكم الله ( يعيشون فيها) من قطط ...ألخ..
    والشي الثاني ما فيه اي نوع من انواع الخدمات اللي تناسب هالمبنى> يعني حتى مظله مثل الناس مو مسوين حاطين لك> اسبست وتحته طابوق > عشان ما ينكشفون>>طيب عشان بس تعرفون ان هالمسرح العالمي ما منه فايده> الحين هم سوو مسرح ثاني بجانب مكتب الوالي( سابقآ) واي مناسبه يسوونها هناك > مكان مكيف ومنظم وسماعات وميكرفون..ألخ> يعني مسرح متكامل>>وهذاك خلاص شلوا الفايده منه وعقووه بحر> والله لو هالملايين سوو لنا سوق مثل الناس ف البريمي كان وايد زين ع الاقل الاهالي يحصلون شي يستفيدون منه ...ولكن شو نقول>> التخطيييييييط الهندسي والمعماري عندنا( اوروووبي) ..


    منقـــــــول ​
     
  2. أبو قحطان

    أبو قحطان °•|كاتب وصحفي|•°

    أخوي لايكون قصدك (المدخن) !! تراه موضوع قديم وأنتهى زمانه ، ما في داعي لمناقشته الحين ، لو في وقته كان زين ، ولا تنسى أنه كانت هناك أسباب أدت الى عمل هذا الميدان هناك وفي ذلك الوقت بالذات .

    والآن هذه الأسباب زالت ، ولكن يبقى الموقع يسمح بإستقبال أي مناسبة وطنية قادمة بإذن الله .
     
  3. السَعيدي

    السَعيدي <font color="#ff0000">¬°•| إداري سابق|•°¬</span></

    اخوي فعلا انت تطرقت لموضوع صح انه قديم ولكن وااايد غريب

    انا اذكر قبل الا يسوونه قالو بيسووو مسرح وميدان للأحتفالات

    وعاد نحن قلنا والله شي طيب وبادره حلوه على الاقل بيعطي منظر للقادمين الى البريمي لانه موقعه في بدايه الولايه

    واذكر انهم عوضو صاحب الارض بمبلغ ضخم جداً جداً ما اجدر اقول المبلغ لاني مب متأكد منه بالظبط

    ولكن اللي متاكد منه انه ضخم واااااااااااايد

    ولما انتهى المشروع انصدما بأنه عزبة راشد بن سالم احسن منه
    هههههههههههه

    ولو كانو عاطيني 15 الف ريال كنت بسويلهم احسن منه وبعد بيبقالي مبلغ كبير
    وشي معلومه وصلتني ما متأكد منها ان المحافظ لما تم تعيينه قال بأن هذا المسرح ما ممكن يتم استقبال اي شخص فيه

    يعني بالمفيد المختصر فضيحههههههههه



    والله حرام

    لكن شو نسوي وايد من هالامور تصير

    مشكور على الموضوع الحلووو
     
  4. الفرج قريب

    الفرج قريب ¬°•| عضو مبتدى |•°¬

    انا عرفت ان فيه تخبط إداري قوي بالمحافظة
    لازم تتدخل الجهات العليا في وضع الأشخاص المناسبين في المواقع الحساسة
     
  5. وقباوي

    وقباوي ¬°•| عضو مميز |•°¬

    شكر للجميع ع المرور والتعليق
    والله وأنت الصادق نعم يشبة مدخن فخاري محطوط فوق طاولة
     
  6. كنوزالبلوش

    كنوزالبلوش ¬°•| عضو مميز جدا |•°¬

    والله توني دريت انها مسرح للاحتفالات بس شكلها وااااايد صغيرررررر

    تسلم اخوي الكريم ع الموضوع
     
  7. البريمي 1

    البريمي 1 ¬°•| عضو جديد |•°¬

    من أكبر الادلة على التخبط الاداري والمالي والتخطيطي للمسئولين في المحافظه (فضيحة ) .
     
  8. وقباوي

    وقباوي ¬°•| عضو مميز |•°¬

    يا جماعة ليس تخبط إداري من الجهات المعنية في البريمي ولكن هذا فرض عليهم يسوونه من الجهات إللي أكبر من المديريات العامة
    فالتعلمون يا أخوان بأن المشاريع أولا ترفع من الجهة المعنية في الولاية وينظر إليها من قبل هيئة في الوزارة ويشوفون هل هناك مجال للفائدة العامة (يروموا يسرقوا من هالمشروع شوي )
    وتنزل المناقصة وهي أصلا قد رست على أحد المسؤلين
     
  9. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    لااااااااااا تعليق
     
  10. منوة الروح

    منوة الروح ¬°•| مراقبة عامه سابقه |•°¬

    تكفي تعليقاتكم

    والسموحه



    وانا بعد
    لا تعليق !!
     
  11. المليونير

    المليونير ¬°•| عضو مبتدى |•°¬

    اصلا" هم مش مسوينه عشان الاحتفالات
    هذاك مشروع مغسلة شاحنات
    بالله انا اول مره اشوف مسرح بهالشكل
     
  12. كحيلان البريمي

    كحيلان البريمي ¬°•| عضو فعّال |•°¬

    توجد محسوبيه لهذه المشاريع ،،

    فهي لا تكلف 5% من قيمتها التي وضعت لها ولكن السرق في وضح النهار أحلى من السرقة في جنح الليل ..

    أذكر مرة يوم هبت علينا رياااح ( السهيلي ) وكسرت المراوح كلها ،،، وبصراحة ما اعرف منو اعتمد هذاالمشروع وهذا التصميم الفضيحة ،،
    المنصة تكفي لأقل من 50 شخص والباقين وين يقعدون لو صار أحتفال ؟؟؟
    اكيد تحت فالتراب ،،

    عاد المرافق الصحية والخدمية لا تتخبر تراها الله يعزكم مثل مرافق الهند سنة 1980 ، يعني زبالة وصغيرة وما أعرف كيف بتستوعب كل هذيلة الناس.


    اللجان اللي فالبريمي كلها فاسدة لهذه المشاريع ،،، وطبعاً لا حياة لمن تنادي ،،

    أنزين يخلون هذه المساحة كنادي للفروسية بالبريمي أحسن ألهم ،منها فايدة مادية والناس بتتعلم ركوب الخيل ،،
     
  13. وقباوي

    وقباوي ¬°•| عضو مميز |•°¬

    أشكر لك تعليقك كحيلان البريمي
    والله لو خلوه نادي للفروسية بدل ما يكون في الخضرا الصراحة هذا النادي المزعوم نادي الفروسية هذا بعد ما نادي كنت أسمع عنه ودورت ودورت أسبوع وأحصله
    نرجوا من الجهات المختصة النظر في الموضوع بعين الجديه وتحويل هذا المسرح عديم النفع بل ومشوه المنظر إلى نادي للفروسية وسوف يتغير نظر الناس إليه عندما ترا فرساننا وهم يروضون تلك الخيول
     
  14. الله يعين!!

    ::

    شكرا للطرح
     
  15. الشموخ كله

    الشموخ كله ¬°•| عضو مبتدى |•°¬

    كل شي ول واضح ومعروفه السالف
     
  16. CR7

    CR7 ¬°•| βu βşɱą |•°¬

    يمنع رفع المواضيع الجديمة

    يغلق
    والسموحة
     
حالة الموضوع:
مغلق

مشاركة هذه الصفحة