يا شباب ليش تراها امطار خير ورحمه

الموضوع في ',, البُريمِي للِحِوار و النقَاشْ ,,' بواسطة ANGELOO, بتاريخ ‏24 جوان 2011.

  1. ANGELOO

    ANGELOO ¬°•| مُشْرِفَ سابق |•°¬

    الســــلام عليكم ورحمـــــــة الله وبركاتــــــــة

    شخبــــــــــــــاركــــــــــــم


    الحمد لله على نعمة الامطار اللي هطلـــــت اليوم في ولايـــــة محضة


    بالفعل كانت امطار جميلـــــة وروعه الواحد يستانس بهطول الامطــــــــار


    ولكن اللي شفته اليوم شي يعور القلب شي يخلي الواحد يسال نفسه ليش الشباب يسوووون جذيــــــه


    المهم ما بطول عليكم بدخل ف الموضوع على طووول


    طبعا اليوم والحمد لله هطلت امطار على ولاية محضه مثل مشفتوه في موضوع اختنا اللي نزلتــــه


    انا كنت موجود في محضه ومستانسيين بالجو الحلوو

    المهم الشباب اللي الله يصلحهم يا رب

    تجمعوو في مساحة بعد لفة قرية مصح تقريبا بــ200 متر بس

    المهم انهم تجمعوو وخلوو المكان ساحة لاستعراضاتهم بالسيارات ويدقون ويلات ويخمسون بسياراتهم

    بدال ما يشكرون ربهم ويستانسو بالجو قاعديين يلعبو بالسيارات ونحن كل يوم نسمع بحادث وبوفيات

    المهم دخل شخص يسوق كروزر وقعد يلعب بسيارته لين انقلب بالسيارة الحمد لله الشخص ما ياه اي شي الله سلم من انقلاب السياره


    بس السؤال هنيه يا جماعة ليش الاستهتار بالسيارات لا سمح الله انقلبت السيارة والشخص اصابه مكروه او شي شو اللي بيستفيده اللي يسوق السياره ؟؟

    وايضا شو بيستفيدو اللي قاعديين يشجعووه ؟؟

    يا شباب الارواح غاليــــة حافظو عليها قدر استطاعتكـــــم؟؟



    بأنتظار نقاشاتكم !!!


    اخوكم أنجلووو
     
  2. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    قال الله تعالى: (وَلا تَقْتُلُوا النَّفْسَ الَّتِي حَرَّمَ اللَّهُ إِلاَّ بِالْحَقِّ)

    التهور موجود في كثير من شبابنا فكم منهم ذهب في غمضة عين بسبب التهور والطيش..

    يجب على الشاب أن يكون رقيب نفسه فاالشرطة والأسرة لن ترافقه حيثما يكون..
     
    آخر تعديل: ‏24 جوان 2011
  3. AL W$WAS

    AL W$WAS موقوف

    الله يهديهم....

    يمكن الواحد يرفه عن نفسه بالهطريقه
     
  4. قطوة البريمي

    قطوة البريمي ¬°•| مُشرِفَة سابقة |•°¬

    هذيل الشباب .. ومستحيل يتغيرون ..
    داائما متهورين ومرخصين بارواحهم

    ما يفكرون بشو ممكن يستوي عقب ؟؟

    ما يفكرون بالعواقب ..

    اهم شي وناستهم وكل واحد يطلع مواهبه احسن عن الثاني

    وما ضنتي بيعقلون

    ما اقول غير الله يهديهم ويعقلهم ^^
     
  5. لمسة حب awaw

    لمسة حب awaw ¬°•| مُشرفة سابقة|•°¬

    [ـالسلـآمـ عليكمـ]

    فعلـآ .. الذي نرآه الان من افعال الشباب شيء مؤسف جدا
    الشباب في هذا الوقت غير مهتمين بحياتهمـ
    ولا يخآفون من فقد اروآحهمـ

    كل غرضهمـ هو التسليه .. لكن بدون تفكير مآهي عواقب هذا الفعل
    يودون بحيآتهمـ من أجل التسليه .. شيء مؤسف صرآحة

    الله يهديهمـ ويصلح بآلهمـ

    مشكور أخوي ع الطرح المميز والقوي
    ^^
     
  6. ناصر الخميساني

    ناصر الخميساني ¬°•| مُخرج |•°¬

    بسم الله الرحمن الرحيم
    //

    توقعت هالشي يصير
    وكعادتهم الشباب لا يبالون بأنفسهم
    ،

    الأمطار سقيا من رب العالمين
    شكرها بالدعاء والتضرع إليه

    لا بتهترات الشباب وتفحيصهم الويلات وغيرها

    سبق وأن تكلمنا عن هذا الموضوع

    أعتقد أن الشباب يحتاجون

    "إعادة تهيئة" لعقولهم الصغيرة
     
  7. rosereem

    rosereem ¬°•| عضــو مــهــم|•°¬

    كل واحد ويعبر عن شعوره بطريقته:bicycle:
     
  8. دبلوماسي المحافظه

    دبلوماسي المحافظه ¬°•| فخر المنتدى |•°¬

    هم في النهايه الخسرانين
    الله يهديهم
    مشكور اخوي على النصيحه
     
  9. عيناوي بجنون

    عيناوي بجنون ¬°•| عضو مميز جدا |•°¬

    اخوي انا كنت ف قلب الحدث


    وشفت الشباب يوم يخمسون

    وحتى صورت ويمكن احطه فالموضوع



    بس طلعت من هناك قبل ما يي هاذا راعي الكلوزر


    يعني هو ساير ونحن طالعين ... يعني مالحقنا عليه ..
     
  10. ANGELOO

    ANGELOO ¬°•| مُشْرِفَ سابق |•°¬

    شكرا على مروركم الجميــــــل


    فعلا كلامكم عين العقل اللي قال هم نفسم ما يتغيرو
    واللي قال يعبرو عن شعورهم
    واللي قال كل واحد يتحمل اللي يسويــــه


    لكـــــــن السؤال هنيه .. منو يتحمل اضرار اللي هم يسونه يعني لو لا سمح الله السياره انقلبت فوق ناس غير عن اللي يسوق السياره او لا قدر الله دعم اشخاص سايريين يتمشون ف الامطار ويستانسوو ؟؟
     
  11. ANGELOO

    ANGELOO ¬°•| مُشْرِفَ سابق |•°¬



    شكرا لك اخوووي

    اذا وياك صور اتمنى انك تنزلهن ف الموضوع
     
  12. عيناوي بجنون

    عيناوي بجنون ¬°•| عضو مميز جدا |•°¬

    اللي يبا يشوف تهور هالشباب


    من تصويري

    بس الحادث مالحقت عليه ..

    [YOUTUBE]http://www.youtube.com/watch?v=CQ521sy7lgg[/YOUTUBE]

    السموحة ع التصوير مب واضح

    مصور بتيلفوني ..
     
    آخر تعديل: ‏24 جوان 2011
  13. ""فـوشـهـ""

    ""فـوشـهـ"" ¬°•| عضــو مــهــم|•°¬

    الشبـآب ذيــلآ متهـوريـن ولا يفكـرون بعقــل !!!! آهــمـ شـي آنهـمـ يستانســون ,, لـو آنـهـ هشـي فيـهـ خطـر ع حياتهــمـ وحيـاة غيرهـــــمـ ...:ashamed:



    آنـزيــن اذا ما يفكـرون فنفسهـمـ ,, يفكــرون فآهلــهمـ فالنـآس الــي تحبهــمـ .. لو صـارلهــمـ شـي لا قـدر اللــه ذيـلآ شــو بيكـون وضعهـمـ :bad:


    عســى اللــه يهديهــمـ :giving-up: ,,
     
  14. ناصر الخميساني

    ناصر الخميساني ¬°•| مُخرج |•°¬

    الله المستعان

    اللي يتحمل الأشخاص نفسهم
    هم راح يدفعون الدية
    وهم راح يتحملون تكاليف الإصلاحات

    لكن قلناها من قبل
    في موضوع من المواضيع

    الشباب ما همهم الفلوس لأنهم مب هم اللي يدفعون
    من جيوبهم

    وللأسف
    الشباب اليوم
    الله المستعان من تصرفاتهم الطيشانية الجنونية

    بنشوف ف طريقة نقدر نسوي فيها شي يخلي هالشباب تعتبر
    من هالأشياء

    سبق وسووينا فلم بسيط
    وهذا هو


    [YOUTUBE]1581h5t7XtM[/YOUTUBE]​


    والعبرة فيمن يعتبر
     
  15. ANGELOO

    ANGELOO ¬°•| مُشْرِفَ سابق |•°¬

    شكرا لك المهندس

    فعلا العبره فيمن يعتبـــــر
     
  16. دمار الكروزر 311

    دمار الكروزر 311 ¬°•| عضو مميز جدا |•°¬

    ياخوي احلى شعور بذات لما ينزل المطر

    واحررررررررررق التوااااير لعيووووووووون بومتعب وجراااح ودمار العتيبه


    ياريال شو بخبرك ترا ذاك الوقت ماتعرف كيف تعبر عن شعورك الا لما تدعسسسسسس ع الموتر :2253446f49dd40fbf5e

    يلبي قلبك

    مشكور حبوووب ع الطرح :bigsmile:
     
  17. ANGELOO

    ANGELOO ¬°•| مُشْرِفَ سابق |•°¬

    دمار الكروزر

    والروح ما حسبتولها حساب

    تراه الروح غاليه ياخوووي


    شكرا لمرورك
     
  18. دموع الشوق

    دموع الشوق ¬°•| عضــو شرف |•°¬

    أخ انجلو هاي حال شبابنا يعني نحن من ننصح اذا كل واحد يسوي الي ف راسه ما يسوي لنا سالفه ....

    وبعدين هم كبار وعاقلين يعرفوا كل شي عن دين والدنيا مب بزران

    (
    ولا تلقوا بأيديكم إلى التهلكة )

    هذي عاده في الشباب حزة المطر والاعراس ما يخافون على رواحهم و ما يفكرون انه في ام و اب ينتظرون عيالهم من يظهرون من البيت بشوق لانه ياما وياما شباب ظهرورا وردوعوا جثث لاهاليهم الله يرحمهم ...

    يا شبابنا حرام عليكم والله حرام تكسرون قلوب والديكم
    يا شباب اتقوا الله في ارواحكم وارواح غيركم من الناس ارواحكم مب ملكم ملك الله سبحانه نحن مخلوقين لعبادته وتأديه واجبانا تجاه خالقنا ..


    ويقول المثل ( ييك من يبليك) يعني لو في ناس حذره وتحب تشوف الاجواء والمطر ونعمه الله سبحانه ويشكرونه في شباب متهوره اهم شي عندها يا ناس يا عالم مدحوني و الله صارت هاي الدنيا غريبه .. عصر الجنون

    والي أريد أقوله يا أخ انجلوا أنت منزل الموضوع و تسأل وجي

    أنت بروحك تجرأت تقرب صوب هاي شباب وتنصحهم ؟؟؟؟ إذا هيه شو ردة فعلهم ؟؟ وإذا لا ليش؟؟
     
    آخر تعديل: ‏24 جوان 2011
  19. Ms.Ḟosђi

    Ms.Ḟosђi ¬°•| عضو مميز جدا |•°¬

    لآ حول ولآ قوة إلى بالله

    الشبآب مى يتوبوآ إلأ لمن يصير لهم شي .. لآ سمح الله

    النآس لمآ ينزل مطر يطلعوآ يتمشوآ مب يفحطوآ

    الله يهديهمـ
     
  20. الشامسية

    الشامسية ¬°•| شيف ملكي |•°¬

    الف شكر لك اخوي على الموضوع والاهتمام
    بارك الله فيك
    بالنسبة لاسألتك :

    بس السؤال هنيه يا جماعة ليش الاستهتار بالسيارات لا سمح الله انقلبت السيارة والشخص اصابه مكروه او شي شو اللي بيستفيده اللي يسوق السياره ؟؟

    في شباب الله يهديهم بدل ما يحمدون الله يرفسون النعمة البعض بيقول نحن ما رفسنا النعمة عيل شو تسمونه هذا التصرف هذي الارض ما ينلعب فيها مخلوقه لهدف وهيه مقر العيش وليس اللعب بها والاستهانه بها أحمدوا الله البعض ما محصل شوارع ولا تراب البعض يسكن في جبال ويقولون الحمد لله
    يا ليت الواحد يحاسب نفسه قبل ما يحاسب هو

    وايضا شو بيستفيدو اللي قاعديين يشجعووه ؟؟

    هذيلا هدفهم التسلية وتمضيت وقت


    يا شباب الارواح غاليــــة حافظو عليها قدر استطاعتكـــــم؟؟

    يا ليت هذيلا الشباب الي يسون هذا الشي يفكرون بأن هذي الارض انخلقت لعيش الانسان وليش للعبث بها والاستهزاء بها

    بالتوفيق للجميع



     

مشاركة هذه الصفحة