1. سيدة أعمال

    سيدة أعمال ¬°•| عضو مميز جدا |•°¬

    السلام عليكم ورحمة الله وبركاته

    قضيــة يجب الإنتبــاه لهـــــا

    بصراحة هذي السالفة لاحظتها أكثر من مرة

    soory ATM out of service

    أو الأصح ATM out of money

    كم مرة رحتوا وشفتوا هالمسج مكتوب على شاشة السحب الآلي؟؟؟؟

    والمصيبة إنها تتكرر أكثر من مرة في الإسبوع

    وتلف كل آلات السحب وتلقى نفس المسج بإختلاف البنوك طبعآ بدون إستثناء كل البنوك الموجودة

    في البريمي دووم آلات السحب خارج الخدمة شو هالخدمة إللي دومها خارج شو ما عندها بيت تنثبر فيه مثلآ

    سؤالي

    يا ليت حد من موظفين البنوك يكتبولنا جدول بالأيام إللي تتطلع فيها الخدمة تتمشى عشان نعرف....

    لأنه ملينا نترياها لين ترجع من الخارج
     
  2. الطرف الذبوحي

    الطرف الذبوحي ¬°•| عضو مميز |•°¬

    امممممممممممم الصراحه انا ماصار عندي هالموقف غير مره او مرتين مع اني يوميا تقريبا اسير اسحب ...

    سوااالم خيتو ع الطرح ...
     
  3. نواف العبدلي

    نواف العبدلي ¬°•| عضو مميز جدا |•°¬

    فكل مكان تصير مش البريمي فقط
    وهذي ظاهره طبيعية نتيجة الضغط الكبير على اجهزة الصرف الآلي مما ينتج عنه نفاذ النقود او تعطل الجهاز او حدوث خلل فالشبكة ...
    وممكن تلافي مثل هذي المشاكل بالصيانة الدورية لأجهزة الصرف الآلي...


    ¬°•| عضو مميز جدا |•°¬
    شكراً
     
    آخر تعديل: ‏23 جوان 2011
  4. لمسة إحتراف

    لمسة إحتراف ¬°•| عٌضوٍ شَرًفِ|•°¬

    أممم
    مشكلة شعبنا دائم الشكوى والتذمر

    ولكن أختي سيدة أعمال
    هل صادف يوم من الايام وشفتي هالمسج واتصلتي خبرتي البنك ؟؟

    هنا يكمن السؤال
    انا احد من عائلتي يعمل بالبنك
    وكل ما يجيه اتصال لعطل او لنتهاء المبلالغ المالية في مكينة الصرف يذهب ويعمل الواجب

    الأرقام التي وضعت أسفل الأزرار مكتوب عليها للخدمة الطواري
    طيب اتصلوا وخبروهم عشان يكون عندهم يقين انا الاله اللي فالمكان الفلاني عطلانه ويتصرفوا

    لا تصيروا نفس غيركم فالحين يشتكوا وبس
    قل خيرا او اصمت
     
  5. الطرف الذبوحي

    الطرف الذبوحي ¬°•| عضو مميز |•°¬

    عين العقل كلامج ختيه يسلموووو
     
  6. الفرقاني

    الفرقاني ¬°•| عضو مبتدى |•°¬

    اواجه هذه المشكلة بشكل مستمر وفعلا هذا نتيجة الضغط الكبير وخاصة ايام الاجازات ،، واعتقد على بنك مسقط وباقي البنوك تركيب مكينات الصراف الالي اكثر من ما موجود الان وفي اماكن اكثر حيوية ،، مثلا جنب السفير والمها وقرب الخياطين من اجل التسهيل ومن اجل اقل تعطيل
     
  7. سيدة أعمال

    سيدة أعمال ¬°•| عضو مميز جدا |•°¬

    كلمناهم بس المشكلة مازالت مستمرة

    وتتكرر منو نرمس في حد أعلى سلطة من مدير البنك؟؟؟

    طبعآ لا لكن ماشي تجاوب وناس يرجعون اليوم الثاني الصبح عشان يسحبون من داخل البنك

    لازم يلقون حل وع فكرة مب أنا الوحيدة رحت عند المدير في غيري وااايدين


    لمسة إحتراف والطرف الذبوحي شو دخل الشعب والتذمر في موظوعي!!!!!

    أنا أتكلم عن الأعطال المتكررة في آلات السحب الآلي في بنوك البريمي فهمتوا علي ؟؟؟؟

     
    آخر تعديل: ‏23 جوان 2011
  8. لمسة إحتراف

    لمسة إحتراف ¬°•| عٌضوٍ شَرًفِ|•°¬

    اختي انتي كاتبة شكوى
    طيب انتي جالك مرة اتصلتي برقم الطواري وخبرتيهم لعطل صاير فمكينة السحب ؟؟
     
  9. سيدة أعمال

    سيدة أعمال ¬°•| عضو مميز جدا |•°¬

    إتصلنا ويقول ما عنده السلطة يفتح البنك إلا في الدوام الرسمي

    عشان يحط الفلوس

    سؤالي ليش العشوائية وما يكون فيه تنظيم عشان ما تتعطل مصالح الناس

    ليش العميل يتصل وينتظر ويوقف ساعة أو حتى عشر دقايق وين الجودة في خدمة العملاء؟؟؟؟

    مالهم أي عذر شغلهم ولازم يكون على أكمل وجه
     
  10. لمسة إحتراف

    لمسة إحتراف ¬°•| عٌضوٍ شَرًفِ|•°¬

    اذا كان فعلا هذا الرد اللي يردوه للعملاء
    لكي كل الحق انك تشتكي عليهم
     
  11. ندى الصباح

    ندى الصباح ¬°•| مُشرفة سابقة |•°¬

    صدقتي والله أغلب ATM الي فالبريمي حالتها حاله

    يا ما فيها بيزات وخاصه وقت طلوع الرواتب

    يا ATM عطلانه والله مرات نطوف ع أغلب البنوك

    وبالعافيه نحصل ATM صاحيه

    بس مب دائما هالحاله بس واايد تكرر
     
  12. ود البريمي

    ود البريمي ¬°•| عضو مميز |•°¬

    مشكلة أسبوعية واللي يزيد الطين بله تتكاثر في الاجازات الاسبوعية والرسميه لان ماشاءالله اخوانا العمانيين اللي يوون من خارج المحافظة يمرون ويسحبون فيا تتعطل المكينه او يخلصن فلوسها ونتم نحن نتريا الين الصبح عسب نسحب من داخل .. أنا صادفتني هالمشكلة وأتصلت بالطواري وعطيته كل المعلومات عقب قالي مالك حل الايوم الاحد لانه صادف الخميس فليل ..
    فأرجو الأهتمام من قبل أدرات البنوك وخصوصا" بنك مسقط وزيادة عدد المكاين .. .
     
  13. توته مطروبه

    توته مطروبه ¬°•| عضو مثالي |•°¬

    عندج حق خيتو
    واعتقد المفروض في مدينه مثل البريمي صار عدد سكانها في تزايد مستمر
    المفروض ايحطوون عدد اكبر مب وحده وثنتين للبنك الواحد المفروض ايكون
    فيه جوده اكثر في الخدمه
    انا كنت اشتغل في بنك ودوم اقولهم ايحطون فالمكينه بس لا حياة لمن تنادي
     
  14. سيدة أعمال

    سيدة أعمال ¬°•| عضو مميز جدا |•°¬

    مشكورين ع التفاعل والردود الطيبة

    أتمنى يلقى حل هالموظوع
     
  15. صمت الجروح

    صمت الجروح ¬°•| مشرفة سابِقَة |•°¬

    * نفسي أسمع موآطن عمآني يحمد ربه ويشكره على نعمة الامان في هذآ الوطن !



    طبيعي يآ عزيزتي رح تكون الـ ATM .. برآ الخدمة
    لأن مآ شآء الله عدد سكآن البريمي كَبير .. ولآ تنسي هـ الأيآم عندنا سيآح من عمآن وضوآحيهآ والإمارات
    والكل الشعب يسحب من هذي الـ ATM المسكينة
    ونحن اللي عندنا ينعدن بـ الأصابع.. والضغط كبير عليهم !

    روحي بـ الأيام العآدية ورح تحصليهآ موجودة في بيتهآ ومخليه لج الفوآلة بكل مآ تشتهيهآ
    لكن لو تروحي لهآ بـ أيآم الإجازات فـ أسمحي لهآ لأنهآ طآلعة تتمشى مثل بآقي الشعب العمآني :hai-there:

    أعتقد هنآك كمية محدده من الـأموآل توضع في الـ ATM
    وهذي الأموآل محددة من قّبل المسؤولين في البنوك .. لذلك يتطلب منآ الآن وضع رسآلة لـ البنوك أن تضيف عدد الأموآل في المكآئن .. وليست شكوى لـ المسؤولين عن المكآئن !

    مآ شآء الله عليهم بمجرد مآ تتصلي فيهم رح يجوآ يلبوآ طلبىتكم في حآل عدم أنشغالهم
    رغم انه هـ الشي مش من ضمن شروط العمل !
    لأنه أتوقع لو أنتي كنتي مكآنهم رح تجآوبي وتقولي : عذراً أنآ خآرج نطآق العمل !!


    أنتي سيدة اعمال .. ولكن لآ أعتقد بـ أنكِ تعمقتي فيه
    لأن في مجآل الـ Business .. وبـ التحديد في فرع كيفية كتآبة رسآلة شكوى [ A letter of complaint ]
    فرع كامل يشرح كيفية كتآبة الرسآلة , ومن الشروط هو أنه يجب كتآبة الحلول مع الشكوى , ولا تستقبل أي رسالة شكوى بدون حلول !


    وفقكِ الله في مجآلكِ ..


     
  16. طواش

    طواش ¬°•| مصدر الخبر|•°¬

    اعصابك الاخت لمسه احتراف:nocomennt:
     
  17. سيدة أعمال

    سيدة أعمال ¬°•| عضو مميز جدا |•°¬

    صمت الجروح هدي أعصابج

    :bal:

    شو تعريفج ل

    جودة خدمة العملاء ؟؟؟؟

    ما سبب وضع رقم الطواري بجانب آلة الصرف ؟؟

    أما بالنسبة لي كسيدة أعمال

    the time is money
     
  18. صمت الجروح

    صمت الجروح ¬°•| مشرفة سابِقَة |•°¬



    أعصآبي بآردة , لكن تحمست لـ النقاش [​IMG]



    خدمة العملاء هم لـ الردود على الأتصالات .. لكن مآدآري إذا من ظمنهآ يعبوآ المكآئن بـ Money
    لأن أعتقد لهآ موظفين معينين !

    the time is money .. هذهِ مقولة صحيحة
    ولكن لآ تكَمن فآئدتهآ إلآ بعد درآسة عميقة في عآلم الـ Businees
    لأن ضروري جداً أن تدرسي الـ Management .. وتتفرعي في عيآل عمهآ :315921608f80a798bcc
    وأيضاً لآزم تكون عندج خلفية عن بآقي الأسآسيآت في هذآ العآلم ..


    وفقكِ المولى .. :approved:
     
  19. عايش يومه

    عايش يومه ¬°•| عضــو شرف |•°¬

    الموضوع مهم بصراحه ... مشككورة على الطرح
    بصراحه تعبنا من هالموضوع ... مثل ما تفضلت طارحه الموضوع
    بس ياترى معقوله كل هالمدة وما عرفوا الاخوان المختصين في البنك متوسط السحب من الجهاز الالي للصرف يوميا!!!
    وعلى اساس المتوسط بحط فلوس في الجهاز اعلى من المتوسط وصدقوني بتنحل، اما اني احط نفس المبلغ يوميا ويطلع عندي عجز ويسكر الجهاز واقول والله زحمه بصراحه هذا مب رد

    نتمنى حل هالمشكله وخاصه البنك العود
     
  20. سيدة أعمال

    سيدة أعمال ¬°•| عضو مميز جدا |•°¬

    خدمة العملاء مب بس يردون على الإتصالات

    من ضمن مهامهم متابعة شكوى العميل وإيجاد الحل المناسب

    وضمان عدم تكرار الخطأ مع عميل آخر

    هذا شي

    والشي الثاني أنا عندي بكالوريوس في إدارة الأعمال وبكالوريوس في الهندسة الكهربائية

    وأحضر للماجستير للتخصصين في بريطانيا إن شاءالله

    يعني أعرف شو بالضبط معنى جودة خدمة العملاء

    صمت الجروح

    الإدارة مب بس بالدراسة والخبرة لها دور كبير

     

مشاركة هذه الصفحة