هل المال يخفي عيوب الرجال؟...................

الموضوع في ',, البُريمِي للِحِوار و النقَاشْ ,,' بواسطة دمي البريمي, بتاريخ ‏22 جوان 2011.

  1. دمي البريمي

    دمي البريمي ¬°•|الفُرْيقَ التطْوٍيِريً|•°¬

    هل المال يخفي عيوب الرجال؟...................



    قرأت هذا المووضوع وعيبني
    وحبت انقله و نتشارك الرأي فيه
    من الشباب والبنات
    كل واحد يحط رأيه بالموضوع
    يقول الشاعر :
    مالي أرى الناس مالوا لمن عنده مال.....و من لا عنده مال فعنه الناس قد مالوا
    مالي أرى الناس منفضة لمن عنده فضة....و من لا عنده فضة فعنه الناس منفضة
    مالي أرى الناس قد ذهبوا لمن عنده ذهب.....و من لا عنده ذهب فعنه اناس قد ذهبوا

    القضية الطروحة......
    هل صحيح ..ان العيب الوحيد للرجل.......هو جيبه.......؟؟؟

    الى أي مدى يصدق مثل هذا القول بالنسبة... لاختيار النساء لرفيق الدرب.....؟؟؟

    ليس جميع النساء طبعا و لكن.......

    هل حقا اغلبية النساء تقدم الجانب المالي عن أي ...جانب اخر.......؟؟؟




    شاركونا بارائكم القيمة ..
    ودي لكم جميعا
     
  2. بنت...الكعبي

    بنت...الكعبي ¬°•| عضو مميز |•°¬

    اممممممممممممممممممممممم

    حنا عزيزتي بزمن الماده

    فتـــــــــــــــــنه أمة محمد المال

    اصراحه وااايد ناس عندهم خير بس علاقاتهم طيبه بالناس يعني ماتغيرهم الماده واكيد في العكس

    والصراحه اذ علي انا اكيد بجوف جانب المال عند الريال يعني هاااذ بعد ضروره حياه

    لكن الدين وربي عندي اهم

    عيل اخذلي واحد مايعرف ربه وغني1!!!! هزلـــــــــــــــــــــــــت

    الدين اهم حبوبه المال وسخ دنيا
     
  3. دمي البريمي

    دمي البريمي ¬°•|الفُرْيقَ التطْوٍيِريً|•°¬

    بنت الكعبي
    نورتي واسعدني مرورك
     
  4. أبو سليمان

    أبو سليمان ¬°•| One of a kind |•°¬

    موضوع جميل..

    الناس قد مالو إلى من عنده مال لأن (هذيلا الناس) المال يعتبروه شي عظيم عندهم.. ونفس الشي لو واحد يحب العلم، راح ينبهر ويميل بالعلماء.. وهلم جرا..

    لكن في نفس الوقت ما خطأ انه الواحد يكون غني او انه يحاول يصير غني.. بالعكس شي حلو انه الواحد يكون متريش..

    مااعرف ليش تحاولو تصورو انه اللي عنده فلوس كأنه مازين..
     
  5. بنت المقابيل

    بنت المقابيل ¬°•| مشرفة سابقة |•°¬

    فيه ناس عندهم مال بس زينين يعني مال وأخلاق .. وفيه ناس عندهم مال بس بدون أخلاق

    وفي الأخير طبعا الخلاق فوق كل شئ .. المال مب دايم
     
  6. طموح بلا حدود

    طموح بلا حدود ¬°•| عضو مميز جدا |•°¬

    والله الموضوع حلو ويحتايله مشاركات كثيرة ،


    يا سيدتي المال وما أدراك ما المال ؟

    نبتعد قليلا عن الدين ولا ندخل موضوع الدين في صلب الموضوع وخلو حوارنا في موضوع المال ، حلو الكلام ...

    المال : منه نأكل .
    المال : منه نلبس .
    امال : منه نتعلم .
    المال : منه نتعالج .
    المال : منه نشتري سيارة .
    المال : منه نبني منزلا .
    المال : منه نتزوج .
    المال : منه نسافر .
    المال : منه نتصدق .
    المال : منه نعين ونعاون .
    المال : منه نزكي .
    المال : منه نسافر .
    المال : منه نقوي به المجتمع .
    المال : منه نغير نفوسنا .
    المال : منه نذهب الى الحج .
    المال : منه نشتري كمبيوتر عشان نرد على موضوعج .

    ولكم منه الذي لا يعد ولا يحصى .

    حلو الموضوع .
     
  7. شناصيه عسوله

    شناصيه عسوله ¬°•| للتميـز عنـوان |•°¬

    وش فايدة المال اذا الانسان ما عنده قلب يحب ويحس,,,

    المال ما كل شي ف الدنيا,,, راحة البال والسعاده والحب اللي بين الإثنين هو أهم شي وهذا هو اللي بيخلي العلاقه الزوجيه تستمر,,, صح مالنا غنى عن المال بس بوجود الحب والحياه الهاديه,,, كل شي يهون,,,

    طرح مميز بصراحه,,,

    يعطيك ربي العافيه....

    وتقبلي مروري
     
  8. طموح بلا حدود

    طموح بلا حدود ¬°•| عضو مميز جدا |•°¬

    كلام شناصية عسولة وايد حلو طبعا أقنعني تشكر على مرورها .
     
  9. شناصيه عسوله

    شناصيه عسوله ¬°•| للتميـز عنـوان |•°¬


    لا شكر على واجب,,,, تسلم
     
  10. دمي البريمي

    دمي البريمي ¬°•|الفُرْيقَ التطْوٍيِريً|•°¬

    طموح بلا حدود
    شناصيه عسووله
    اسعدني مروركم نورتو الموضووووع
     
  11. سيدة أعمال

    سيدة أعمال ¬°•| عضو مميز جدا |•°¬

    المال يخفي كرش الرجل فقط لاغير

    أسولف لا تصدقون ههههه

    لكنه لايخفي عيوبه الثانية

    إذا عنده عيوب أخلاقية أو عيوب نفسية أو عيوب مجتمعية

    عمرها الفلوس ما قيمت الناس

    ولكن الأفعال هي ميزان تقييم حقيقي للفرد سواءآ رجل أو مرأة
     
    آخر تعديل: ‏26 جوان 2011
  12. دمي البريمي

    دمي البريمي ¬°•|الفُرْيقَ التطْوٍيِريً|•°¬

    سيده اعماااااال مداخله جدا لطيفه
    اسعدني مرورك يالغلا
     
  13. لمسة شموخي

    لمسة شموخي ¬°•| عضو مثالي |•°¬

    طرح جميل
    المــــــــــــال مهم بالحياه لكن الراحه النفسيه أهم من كل شي
    ايش الفيده يتزوجها غني ومايقدر مكانتها ؟؟؟؟
    والعكس صحيح
     
  14. &حنايا القلب&

    &حنايا القلب& ¬°•| عضو مميز |•°¬

    ومالى لا ارى الناس تميل لمن عندهم اخلاقى
    اذهبت شيم الكرام اما يعلمون بأن المال فانى
    وسر حياة الناس سعادة تدومى

    قول النبي صلى الله عليه وسلم هذا المال خضرة حلوة وقال الله تعالى زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا قال عمر اللهم إنا لا نستطيع إلا أن نفرح بما زينته لنا اللهم إني أسألك أن أنفقه في حقه .
     
  15. حكاية حرف

    حكاية حرف ¬°•| تَرْجَـِoـِةُ إحْـِωـِآسُ |•°¬

    السلام عليكم ...
    بصراحة البنات إذا خطبهن واحد بيفكرن ف المستقبل ...
    كيف بجهز حق عرسي ؟؟؟؟ أكيد أحتاج المبلغ الفلاني ...
    وبعد الزواج أريد آخذ اغراض ... أريد بيت ... أريد سيارة ...
    وبعدين بييب عيال كيف بصرف عليهم ؟؟؟؟؟ يعني لازم آخذ واحد عنده فلوس وراهي ..
    بس نست بإن رزق كل مولود ايي يوم ينولد ..
    بس الصراحة إذا الواحد ما يقدر يصرف على نفسة لا يوهق بنات الناس ....

    بس ف الأخير الله كريم ويرزق من يشاء
     
  16. الاشواك الناعمه

    الاشواك الناعمه ¬°•| عضو فعّال |•°¬

    حشا الفلوس مب كل شي .. بعدين الفلوس تروح وترجع ..
    يمكن اتزوجه غني وبعدين يفلس

    واتوهج انا ....
     
  17. حكاية حرف

    حكاية حرف ¬°•| تَرْجَـِoـِةُ إحْـِωـِآسُ |•°¬

    إختي الأشواك الناعمة
    تزوجيه وضمي فلوسه ع ما يفلس هههههه
     
  18. ريحانة الصبى

    ريحانة الصبى ¬°•| عضــو مــهــم|•°¬

    الدنيا صارت تمشي بالفلوس واذا م عندكم فلوس كثيره

    بتصير الدنيا تمشيك ع كيفها بينما يلي عنده فلوس

    م نقول بيمشي الدنيا بس بنقول بيقدر يواجه مواقف الدنيا

    والفلوس مهمه كثير أكيد والدين أهم عيل أنا أخذلي واحد م عنده

    فلوس أو عنده ع قد حاله بعد م ينفع أو واحد م يعرف ربه م ينفع

    بس صدقوني لفلوس مهمه في هذا الزمان كثير وكثير بعد بشكل

    أنتوا م تعرفوه لا تحاولوا تقصوا ع نفسكم لو م عندك فلس أنت ولا شئ

    هذا مو كلامي بس هذا يلي صاير في هالزمان والسموحه
     
  19. طموح بلا حدود

    طموح بلا حدود ¬°•| عضو مميز جدا |•°¬

    والله يا جماعة الخير انا مع الحب ومع كل شئ لكن اسألو المتزوجين ما يهتمون في بعض والسبب الزوجه تلتهي فعيالها ولا تهتم فالزوج اذا ما عنده فلوس بتلقون الريال يسير يراكض عشان تكون له قيمة عند زوجته والمجتمع اللي حوليه ، تعرفون لو كان الزوج يطلب من ربعه واهله هل بيكون له مكانه عند زوجته ، لكم التعليق .

    اريد تعليق وخاصة من عند شناصية عسولة .
     
  20. شناصيه عسوله

    شناصيه عسوله ¬°•| للتميـز عنـوان |•°¬

    بالعكس دامه طموح ويراكض عشان بيته وزوجته وعياله عشان ما يخسرهم,, هو بكذا بيكبر ف عين زوجته وبتحبه أكثر لأنه يسوي المستحيل عشان ما يخليهم محتاجين لشي,,, ومثل ما تقول انك مع الحب,, والزوجين دامهم مرتاحين مع بعض وراضين ف بعض صدقني ماشي شي ف الدنيا بينقص من كرامته جدامها
    وشي ثاني احب اضيفه اذا كان الزوج ما عنده فلوووس وايد,, الزوجه تظمن ان زوجها ما راح يتزوج عليها


    أتمنى كلامي وصل,,,,,, والسموووووووووووووووووحه
     

مشاركة هذه الصفحة