.. علاج مفيد لكل المعاصي‎

الموضوع في ',, البُريمِي لِـ/ الهَمسَات الإسلَامية ,,' بواسطة بنت هلي, بتاريخ ‏14 جوان 2011.

  1. بنت هلي

    بنت هلي ¬°•| مُشرِفة سابقة |•°¬

    [​IMG]




    ذكر خالد بن الجبير علاج تم تجريبه من قبل عدة أشخاص








    أنقل لكم التجارب الناجحة


    < <.. أول تجربة ..>>

    أخ فاضل .. يناظر بنظرة عجيبة للنساء ...و يعمل في محل للنساء ...فجيت قلت له : يا فلان انت تناظر !!.. قال: لا ما أناظر ..قلت : لا انت تناظر لا تضحك علي ..لكن تبي العلاج و الا ما تبي !! ..
    علاج مئة في المئة ..قال لي : يوخّر عني النظر ... والله أنا مبتلى به .. قلت : انت تبي .. قال : وش هو ؟؟ قلت له : ناظر على كيفك بس بعد كل مناظرة روح توضأ و صلي لك ركعتين !!..قال : هذي كثيرة ..قلت : انت تبي النار و الا الجنة ..قال: والله أنا ابيي الجنة...قلت : بس ركعتين .. والله الشيطان بيغض بصرك .. قال لي : طيب .. قلت : كلمني بعد شهر .. ركعتين و سوف يعينك ربي .. بعد شهر كلمته : ها شو الأخبار ؟؟ قاعد يضحك .. قلت :ليش تضحك ؟؟.. قال لي : والله يا دكتور ..الاسبوع الأول عشر تسليمات ..و ثماني تسليمات ..قلت : و الثاني ... قال : خمس تسليمات .. قلت : و الثالث .. قال : اثنين .. قلت : الحين هالاسبوع .. قال : واحد .. قلت .. طيب كلمني بعد اسبوعين .. قال : طيب ... بعديين ما كلمني . كلمته أنا ... قال : يا دكتور والله انقلها عني .. اذا أنا جييت أبا أناظر .. في شي يقول لي ..: فيها صلاة .. فيها وضوء ..!!! ..لا تناظر .. ( ميين يمنعه الشيطان .. لييش ؟؟؟!!! لأنه بيغفر له ما تقدم من ذنبه ..)... قال : يا دكتور .. أنا أٌقول للمرأة في الاستقبال .. خذي الكارت و ادخلي .. قلت : انت ما تناظر ؟؟... قال : والله أباا أرفع أناظر ..يقول لي الشيطان : ويين في وضوء .. في صلاة .... بس لا تناظر ... !!!!







    < < التجربــة الثانيــــة >>

    جاني وااحد ... يدخن .. قال لي : يا دكتور أنا بطّلت كل شي ..الا الدخان ....قلت : انت تبيي تتوب ؟؟
    قال : والله هالدخان أزعجني .. عجزت انّي أتوب منه ... قلت : اسمع .. مع كل سيجارة ركعتين .. قال : ركعتين !!! .. قلت : توضأ حتى لو كنت متوضأ .. بعدها شافني و هو يضحك .. قال لي : والله يا دكتور .. أول يوم ..خمس سجاير .. من ثلاثين سيجارة الى خمس ..صرت اذا طلّعت أباا أولعّها .. قال لي الشيطان ...مب لازم يا أخي .. فيها وضوء .. فيها صلاة .. لا لا لا .. يقول : أول يوم . خمس .. ثاني يوم ثلاث .. و بأمر الله لم يتم اسبوع الا و قد انقطعت عن الدخان .. قال الدكتور : والله ما كنت أتصور انها تنفع في الدخان ..اللي يبي يبطل دخان .. يتوضأ ركعتين ..






    < < التجربــة الثالثـــة >>

    الشاهد اني زرت الجبيل ..و ركب معي شاب .. قال لي : يا دكتور ممكن أركب معك عشان بقول لك قصة عندي .. قلت : تفضل .. ركب ..بعدها قال لي : يا دكتور تذكر شريطك الفلاني . قلت : نعم .. قال : أنا سمعته ... الشيطان كان باليني ينومني عن صلاة الفجر .. لي شهرين أو ثلاث ... يوم قريت عجبتني الفكرة .. قلت والله .. بكرا لو أضيع صلاة الفجر ..لأصلي مئة ركعة ..قلت : ايش سوى بك ..؟؟؟.. قال : صار يقومني على صلاة الفجر ..لي سنة و نص .. أقوم قبل الآذان بعشر دقايق ..يقول لي : قم .. انت و وجهك ... (هذا نوى .. ما طبق !!!) .. مئة ركعة يا ظالم !!!.. قم .. صلي الفجر.. يقول لي :سنة و نص ..المؤذن لما شافني أقعد عند المسجد .. قال لي خذ هذا المفتاح انت راعي طاعة ..مادرى اني أنا حرقت الشيطان .. ..




    [​IMG]
     
    آخر تعديل: ‏15 جوان 2011
  2. Queen Love

    Queen Love ✗ الفريق التطويري الأعلامي ✗

    صراحه شي عجييب


    يسلمووو ع الافاااااادة الطيبه
     
  3. بنت هلي

    بنت هلي ¬°•| مُشرِفة سابقة |•°¬

    جزاك الله خير أُخيّتي على المرور
     
  4. الهاجس

    الهاجس ¬°•| حكاية تميز |•°¬

  5. دمي البريمي

    دمي البريمي ¬°•|الفُرْيقَ التطْوٍيِريً|•°¬

    تسلمي بنت هلـــــــي:08295cc7a1617fc8932
    الموضوع روووووعه
     
  6. بكيفي

    بكيفي ¬°•| عضو مميز |•°¬

    يعطييييييكــ العافية ع الطرح...

    اسعـــــدكــ الرب
     
  7. بنت هلي

    بنت هلي ¬°•| مُشرِفة سابقة |•°¬

    آآآآآآآآمين يارب العالمين.. تسلم أخي
     
  8. بنت هلي

    بنت هلي ¬°•| مُشرِفة سابقة |•°¬

    جزاك الله خير أختي، تسلمين على المرور
     
  9. بنت هلي

    بنت هلي ¬°•| مُشرِفة سابقة |•°¬

    يعاااافيك ربي... مشكورة أختي على المرور
     
  10. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬

    سبحآآن الله العظيم

    بآرك الله فيج غآليتي وجعله بموآزين حسنآتج الطيبه
     
  11. بنت هلي

    بنت هلي ¬°•| مُشرِفة سابقة |•°¬

    مشكورة الغالية شوق قطر ​
     
  12. لن أقف دون الجنة

    لن أقف دون الجنة ¬°•| عضو مثالي |•°¬

    تسلمين على الطرح :4f7c50bc2e7eee3c450


    وننتظر اليديد :hehe2:


    وتستاهلي التقييم على الموضوع
     
  13. بنت هلي

    بنت هلي ¬°•| مُشرِفة سابقة |•°¬

    جزاك الله خير عالمرور أختي ​
     
  14. الباطني

    الباطني ¬°•| عضو مبتدى |•°¬

    جزاك الله خير وفي ميزان حسناتك
    دمت بسعاده
     
  15. بنت هلي

    بنت هلي ¬°•| مُشرِفة سابقة |•°¬

    جزاك ربي الجنة خويه.
     
  16. تحداني على البعد وتناسيته

    تحداني على البعد وتناسيته ¬°•| فخر المنتدى |•°¬

  17. ملاذي

    ملاذي ¬°•| عضو مميز |•°¬

    الدكتورر مميز في اسلوبه

    وهو غني عن التعريف

    تقبل مروري
     
  18. ندى الصباح

    ندى الصباح ¬°•| مُشرفة سابقة |•°¬

    يعطيج العافيه غاليتي ع التجارب
    قصص بمنتهى الروعه بميزان حسناتج
     

مشاركة هذه الصفحة