علامك يا بحر....!!!

الموضوع في ',, البُريمِي لـ القَصائد المنقولة' بواسطة بنت الهامور, بتاريخ ‏14 جوان 2011.

  1. بنت الهامور

    بنت الهامور ¬°•| عضو مميز |•°¬

    انا يا بحر ما جيتك فضى و لـ مشاهدك شفقان
    انا جيتك ابنسى الياس وبعض الهم يباريني


    علامك يابحر غاضب علامك تصرخ بكتمان
    انا جيـــــــتك ابشكيلك وابي منك تواسيني

    أنا مثلك بحر لكن وسط نفسي انا غرقان
    تعبــــت ابحر مع نفـــــــــسي واسالها انا ويني

    انا محتار في وصفي ومع نفسي انا حيران
    انا لا قادر افهمـــــــها وهي تجهل مضاميني

    أنا مليت من حزني وتعبت ابحث عن السلوان
    ولاضــــنيت به شي عن احزاني يسليني

    احس ان الحزن عالم بحورة وصحوة ووديان
    تخيل يابحر حجمه اذا حجمه سكن فيني

    تصور لو شقا الدنيا تجمع في كيان انــــسان
    تصدق مابقى بالكون اسى مابات في عيني

    ترى كل الحزن لو غاب وراح لاخر الاوطان
    يغيب ويرتحل لحظات ويرجع يستقر فيني

    أنا اخر فصول الحزن وأنا لدروبه العنوان
    وانا اخــــــر عزوفــــــاته واصـــواته تغنيني

    انا والليل والغربه تعانقـــــــــــنا مثل الأخوان
    ليلي كل آهــــــــــاتي وللـــــــغربه عناويني

    تعبت اسقى ثرى احلامي وأزرع بالوهم بستان
    تعبت ولانبت زرعي وتعبت وجفت بساتيني

    جحدني حظي العاثر رماني بسكه الحرمان
    جحـــــدني ولامـــــرة على الفرحه يرســــيني

    ألا يابحر جاوبني وش اخر هذي الاحزان .؟
    وش اخر رحـــله أوجاعي وعناي وغربه سنيني .!؟
     
  2. المسافر راح

    المسافر راح ¬°•| عضــو مــهــم|•°¬

    ما اجمل ان تشاطر مشاعرك مع
    البحر...كنز الأسرار.
    الذي يسمع منك كل ما ف خاطرك ولكن..
    بالإستجابة هو عجزان.

    جميل ما طرحته لنا اختي.

    نتريا يديك.

    تحياتي..........المسافر راح........
     
  3. بنت الهامور

    بنت الهامور ¬°•| عضو مميز |•°¬

    ""يــــــــــــاليت البحر يجاوب"""
    مشكورة الغالية ع المرور
     
  4. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    قصيده جدا جميييله ..

    ربي يعطيج العافيه أختي على هذا الابداع. ولا تحرمينا من يديدج.
     
  5. بنت المقابيل

    بنت المقابيل ¬°•| مشرفة سابقة |•°¬

    صح لسانج

    أبدعتي تسلمين الغلا
     
  6. Queen Love

    Queen Love ✗ الفريق التطويري الأعلامي ✗

    صح لسانج خيتووو

    ونترقب الزود
     
  7. بنت الهامور

    بنت الهامور ¬°•| عضو مميز |•°¬

    تسلمولي

    ثانكس

    الله يعطيكم العافية:imuae69::imuae69:
     
  8. دموع الشوق

    دموع الشوق ¬°•| عضــو شرف |•°¬

    يسلمووا عن النقل المميز نتيا زووود منج ...
    "
    "
    "

    علامك يابحر غاضب علامك تصرخ بكتمان
    انا جيـــــــتك ابشكيلك وابي منك تواسيني
     

مشاركة هذه الصفحة