ليش هالأسلوووب

الموضوع في ',, البُريمِي للِحِوار و النقَاشْ ,,' بواسطة الطرف الذبوحي, بتاريخ ‏14 جوان 2011.

  1. الطرف الذبوحي

    الطرف الذبوحي ¬°•| عضو مميز |•°¬

    السلام عليكم ورحمة الله وبركاته ،،،

    أمس صار موقف محزن جدام عيني وحبيت اناقشكم فيه ...؟؟

    اليارحه وانا واقفه اتريا دوري فمنفذ المضيف الحدودي بإتجاهي إلى مدينة العين صار جدامي موقف اخواني الاعضاء والصارحه ضايجني:61: ..

    كان واقف جدامي واحد عنده ستيشن لكزس موديل 2010 ( طبعاً اخر موديلات السيارات )
    وفجأه شفت شااااب من الجنسيه الاسيويه متجده اليه وفي يده بعض الاغراض البسيطه وعرفت انه أحد الباعه اللي يتجولون ف الشوارع ...
    المووووووووووووووووووووووووووووووووووهيييم ،،،،،
    فتح الشاب اللي كان جدامي واقف الجامه للبائع الاسيوي وأخذ الغرض من يد البائع ... وصار ينظر للغرض بنظرة سخريه وإشمئزاز ... وفجأه اتفاجئ بالريال يعق الغرض على الارض ويصكر الجامه فويه البائع الاسيوي ...
    نزل مسكين البائع على الارض ولقط الغرض هو ويشل الغرض من على الارض يت عينه علي ولتفت عنه الجهه الثانيه عشان مايحس بالإحراج وأنه حد شاااف الموقف ..
    مشى البائع ويى صوبي فتحتله الجامه ...
    البائع : السلام عليكم ، أنا : وعليكم السلام
    البائع : ماما يريد يشتري
    والله ياجماعة الخير لحمة دمعة الحزن والأسى ف عينه وأنا بالعاده ماأشتري من عند المتجولين ف الشوارع ولكن لاشعورياً خذت الغرض من عنده وماسألته حتى شو نوعه وعطيته كل البيزات اللي فشنطتي ..

    رد علي البائع : ليش ماما أنا حسابي 10 دراهم بس
    قلتله : توكل على الله
    صكيت الجامه وعقبها مادري وين اختفى . ؟؟؟
    والله لولا الحياء لكوني بنت جان نزلت وكفخته جدام الناس :17::027::007:...

    بس ياجامعة الخير موضوع نقاشي

    ليش التكبر على الناس ( وخاصه على من هم أقل منصب منا )؟؟؟

    قالى الله تعالى ( ولا تصعر خدك للناس ولا تمش في الأرض مرحا إن الله لا يحب كل مختال فخور )
    صدق الله العظيم ..

    ليش الواحد كل مازدت عنده بيزه أو إشترى أخر موديل للسيارات أو حصل على منصب عالي تكبر ورفع خشمه على الناس ؟؟؟( طبعاَ لاأعمم في ناس مشاء الله عليهم ينضرب فيهم المثل )

    ولا لأنه فقير مسكين وياي من بلاد الغربه يترزق هني أنا أسوي فيه جي ؟؟؟
    قال رسول الله صلى الله عليه وسلم ( لا فرق بين عربي أو أعجمي إلا بالتقوى ) ...

    شو رايكم ياجماعة الخير وشو هي الاسباب الدافعه لفعل مثل هذا الامر المعارض لأخلاق المسلم ؟؟؟


    انتظر ارائكم

    تقبلوا تحياتي ...
     
  2. سيدة أعمال

    سيدة أعمال ¬°•| عضو مميز جدا |•°¬

    هذا واحد ناقص دين وعقل

    عباله المظاهر راح تخليه إنسان أحسن في نظر الناس

    مايعرف إنه أسلوب التعامل مع الناس لازم يكون أرقى من تصرفه الهمجي

    والله يباله خيزرانة ترن على ظهره لين يقول الله حق :ar15firing:
     
  3. الطرف الذبوحي

    الطرف الذبوحي ¬°•| عضو مميز |•°¬

    هههههه ياليت لو الخيزرنه تفيد ... ياختي شكرا لمرورج الغاوي
     
  4. نظر عيني

    نظر عيني ¬°•| عضو مميز جدا |•°¬

    تراه بعض الناس ما عنده أسلوب فالتعامل ويقولوا أحنا فوق بس الله بيعاقبهم

    مشكوره الطرف الذبحوي
     
  5. الطرف الذبوحي

    الطرف الذبوحي ¬°•| عضو مميز |•°¬

    ربج كريم خيتووو .. تسلمين ع المرور
     
  6. في الصميم

    في الصميم ¬°•| خارج الخط |•°¬

    السلام عليكم ورحمة الله وبركاته
    موضوع نقاشي جميل أختي الفاضله ،،،

    من وجهة نظري :
    إن الروح إذا علت وتكبرت بملاهي الدنيا لتكبرت على من بني جنسها ، وهذا ما يحصل ف الوقت الحالي ، كم من نفوس غيرها المال وكم من نفوس غيرتها الوظائف والمناصب ، وهنا الفرق بين النفس التي تبقى كما هي والنفس التي تتكبر على الناس!!

    هذا الشخص وغيره من الأشخاص تفكيره دنيء وسلوكه ليس نابع من أخلاق تعلمناها وأقوى كلمة أستطيع قولها أنه ليس من باب الإنسانيه التعامل هكذا مع أي شخص !!!

    ربما تعودت نفسه على إحتقار الناس والإستهزاء بهم والتعالي عليهم ، وهذا مفخرة عندهم يحسون بها !!!

    العلاج : كتاب الله وسنة النبي المصطفى - صلى الله عليه وسلم - والعمل على رقي الروح لمدارك الكمال وسمها وعلوها بالأخلاق الحسنه والتربية الصالحه هي الأساس !!

    آسف ع الإطاله ، وشكرا لكم على الموضوع النقاش الجميل مرة أخرى!!
     
  7. عين الجزي

    عين الجزي ¬°•| عضو مبتدى |•°¬

    موضوع جميل
    الظاهر ان صاحبنا اخذه الغرور والتكبر وماتشطرغير على هذه المسكين كان يقول ان الي سواه هو الصح
    بلى علي ياخوي لو انت فكرت شو وعلى الاقل ماتشتري منه شي حتى لو تعطيه فلوس ما كان احسن
    تتوقعوه ذاك البائع لو دعى دعوه عليه والله سبحان وتعالى استجاب لدعائه لان دعوى المظلوم مستجابه
    لكن الشي الي سويته اختي كان عين الصواب وجزيتي خيرا
    وتقبلي مروري
     
  8. DYNAMIC

    DYNAMIC ¬°•| عضــو مــهــم|•°¬

    لا حول ولا قوة إلا بالله

    عمل فيه كبر وظلم ... نسأل الله العفو والعافية

    عمل ليس من ديننا دين الرحمة وليس من عاداتنا ... التعاون والكرم

    إن الله الذي أعطى هذا الظالم وحرم ذلك المحتاج قادر على أن يقلب حالهما

    هذا المتكبر الظالم ابتلاه الله عز وجل بهذا المحتاج فأساء ... أساء إلى نفسه قبل أن يسيء إلى الرجل المسكين

    ماذا لو رفع يديه إلى الله عز وجل وسأله أن ينتقم له ؟! ... فاستجاب الله دعاءه ؟!

    هكذا هو المتكبر, يتحين المواقف ليستطيل على من دونه

    ...

    إذا دعتك قدرتك إلى ظلم الناس فتذكر قدرة الله عليك

    شكرا على الموضوع الطرف الذبوحي

    :bowtie-guy:
     
    آخر تعديل: ‏14 جوان 2011
  9. الطرف الذبوحي

    الطرف الذبوحي ¬°•| عضو مميز |•°¬


    الف شكر استاااذي في الصميم على تعليقك الرائع وكلاماتك النابعه من عقل مفكر وناضج وفاهم الدنيا صح

    نسأل الله الهدايه للجميع ...
     
  10. محمد خررررررررباش

    محمد خررررررررباش ¬°•| عضو مميز جدا |•°¬

    ههههههههههههههههههههههههه

    والله رمستج صحيحه لاكن سبان الله ما فكرتي

    انه كان يبي يعطيه وطاحت من ايد "الاسيوي" كل شي يايز وانا اخوج

    والله يا اختي "الطرف الذبوحي"صبوع ايدج هب وحده

    ف هاذي الدنيه الطيب والشرير

    الفقير والغني

    المتكبر المتواضع :bt:

    هاذا موقف من لاشي جدام مواقف ثانيه بس انتو معروفين((الجنس لناعم))

    بقلوبكم الطيبه طبعا مو الكل:lll-_-: هع هع هع هع

    واشكرج على الموضوع الطيب:book::6:
     
  11. الطرف الذبوحي

    الطرف الذبوحي ¬°•| عضو مميز |•°¬

    وإيااك يارب اخي الكريم الف شكر لك ع المداخله الطيبه
     
  12. الطرف الذبوحي

    الطرف الذبوحي ¬°•| عضو مميز |•°¬


    العفووووو اخي الفاضل اسعدتني مداخلتك الطيبه
     
  13. azooz-bo sh3er

    azooz-bo sh3er ¬°•| عضو مثالي |•°¬

    يسلموو عى الموظووع الحلوو

    هل الموقف انا استوالي اكثر عن مره .. بس تقريبن مب شراته يعني بل ظبط

    بس يشاابه الموقف .. كنت واقف صوب بنك مسقط .. وياني ولد سوري يبيع قران صغير شرات القلاده

    يحطونهاا فل السياره .. انا اشتريت منه وحده وعلقتهاا فل السيااره .. يوم سار للي جدامي عنده استيشن

    وكلهم شباب .. نزل راعي السياره.. طبعن بعد ماقله يب اشوف هاه وهاه وهاه .. يوم شل كل شي فيده قال للولد ماتعرف هااه ممنوع ..((راعي الاستيشن .. الغرض انه .. يبه الولد يهرب ..عسب ياخذ الي فيده ببلاش))

    فشوي شفت الولد يهرب .. انا ماعيبني الموقف .. سرت لراعي الاستيشن .. وللاسف طلعت اعرفه زين مازين ..

    والله حراام ناس يياين يترزقوون .. جي سون فيهم ..(( قلتله فويهاا اصراحه طحت من عيني )) وسرت عنه

    في ناس جذه طبعهم .. بس مب كل اصابع يدج سووه .. في منهم الطيب وفي الشرير<< مثل ماقال اخوي محمد خربااش

    مووظووع حلووو .. والنقاش فيه مفتووح .. ودي اقول وقوول .. بس مابقول غير .. (( يومن لك ... ويومن عليك ))

    وسموحه عل قصوور

    :imuae87:​
     
  14. الطرف الذبوحي

    الطرف الذبوحي ¬°•| عضو مميز |•°¬

    الف شكر اخوي محمد على ابداء وجهة نظرك ف الموضوع ...
    لاكن الموقف كان واااضح وضووووح الشمس جدااام عيني فل نفترض انها طاحت من ايد البائع مب كان المفروض يعتذر منه على الاقل هو دايركت بند الجامه ف ويهه ...
    تقبل تحياتي
     
  15. الطرف الذبوحي

    الطرف الذبوحي ¬°•| عضو مميز |•°¬


    يسمح ذنوبك ياخوي ... والف شكر لك ع المداخله :bt:
     
  16. محمد خررررررررباش

    محمد خررررررررباش ¬°•| عضو مميز جدا |•°¬

    والله فيه واحد من الشباب عجبني تعليقه

    يحليله يقول (( قران صغير ))

    هههههههههههههههههههههههه

    قسم بلله بموت من الضحك :belokan:
     
  17. محمد خررررررررباش

    محمد خررررررررباش ¬°•| عضو مميز جدا |•°¬

    الله يسلم خيتي الطرف الذبوحي

    بس سبحان الله ممكن ما انتبه انه البيزات طاحت من ايده

    بس فيه نوعيه كثيره من الى قلتي عنه

    اشكررررررررررررررررررررج على الطرح المتميز:hai-there:
     
  18. الطرف الذبوحي

    الطرف الذبوحي ¬°•| عضو مميز |•°¬

    تحطيم اقوى شي اقولك رمى الغرض على ارض مب البيزات :007:...

    ولا دافع عنه .... لانه متعمد يسوي هالحركه:027:
     
  19. همس الشجون

    همس الشجون ¬°•| عضو مثالي |•°¬

    السلام عليكم

    مشكله لما الواحد يشوف نفسه على الناس ويتكبر ويعاملهم بوقاحه خاصة اذا كان عنده فلوس يا جماعة الخير الفلوس ما كل شيء ياما ناس فقيرين لكنهم ماشاءلله عليهم في تعاملهم مع الناس
    بس ما عليه الدنيا دواره واكيد بيرد له هالموقف مثل ما سوى لغيره
     
  20. الطرف الذبوحي

    الطرف الذبوحي ¬°•| عضو مميز |•°¬

    1. تسلمين الغاليه ... صدقتي ان الدنيا دوراه وكما تدين تدان ...
     

مشاركة هذه الصفحة