هـل حـب الــبنت خيـاـ ـ ـنه لأهــلها؟؟؟

أخواني .. أخواتي ..
أتمنى من الكل المشاركة في الموضوع ..

لما يحب شاب بنت معينة وصارح أهله أو ربعه بهالحب ..
محد يقدر يعيبه أو يقول له شي ..!!

بس لما البنت تحب شاب معين ..
تنقلب الدنيا .. و تسير خاينه لأهلها ..
و ما تقدر تصارح حد إلا صديقاتها المقربات و مب دايما ً ..

سؤالي ينقسم لعدة أقسام ..

الأول ؟؟

هل الحب الشريف في مجتمعنا الشرقي عيب كبير ؟؟!!

الثاني ؟؟

هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!

الثالث و الأخير ؟؟


هل عاداتنا تسمح للرجل أن يحب
و لا تسمح للمرأة أن تحب ؟؟!!


في انتظار آراءكم










( م _ ن _ ق _ و _ ل ) ​

 

نشكرج أختي السولعيه ع هالمشاركه ولج مني اجاوب ع السؤال الأول بس مو أحين لأني بطلع من المنتدى...

ننتظر ردود أعضاء منتدانا ............

 

صراحه موضوع حساس

يبيله يلسه محترمه

وكووب شاي

لي عوده << ناويه على شي شين ههههه

تقبلي مروري

وفائق احترامي

سويرة

 

انا اشوف الحب لاهو عيب ولا حرام ............................
بدون تعليق..............................
وتسلمي ع الموضوع...............

 

السلام عليكم ورحمة الله وبركاته ..

بداية اختي .. الحب شي مو باليد .. تقدرين تمنعين نفسك من محبة اهلك ؟ اصحابك ؟ نفسك ؟

الحب مشاعر غير مرئية تتسم بالمصداقية الكاملة والعذوبة ..

:

والحب يجي بدون سابق انذار .. سواء للشاب او الفتاة ..

ومثل ماقلتي صحيح ان الشباب يحبون ويفصحون عن حبهم .. لكن في مجتمعنا وخليني بس اقول ممكن السلطنة

مو كل الاهل سواسية .. مو كلهم يرضون عن هالحب بعضهم حتى يعتبر محبة الولد عيب ..

:

فما بالك بالفتاة ؟ والبنت اذا حبت صحيح ماتعلم احد يمكن بس صديقاتها وفعلا مثل ماقلتي مو دايم ..

يصير تكتمه بقلبه وتداريه لين تلاقي الحلول بنفسها وتنجرف ورا عاطفتها ومشاعرها ..
الين يجرونها لطريق مجهووول لا تعلم ماهيته ..

:

ولا اقدر بعد اني اقول يتوجب على الاهل مصادقة ابناءهم والتحاور معهم على الدوام ..
لأنه امر صعب ومو الكل يطبقه .. البعض يعتبره وقاحة .. بعضهم يقولون فيه حدود بيني وبين بنتي او ولدي ؟
نظرية انا اقف امامها متعجب؟؟




الحــــــــــــــــب عمره ما كان عيب الا اذا كان خارج عن الحدود ودخل بأشياء حرام..بس بمجتمعاتنا العادات والتقاليد تمنعك من افشاء حبك قدام الناس..هذا اول شي أما ثاني شي الحب شي كبير ..انتي ممكن تحسين انك تحبين هذا الشخص ومقتنعه من حبك له وتكونت قناعه بداخلك انك تحبينه ..بس بالحقيقه هذا مايكون حب


هل من حق الشاب أن يحب و يفصح عن حبه و مو من حق البنت أن تحب و تفصح عن حبها ؟؟!!
لا حتى الشاب ممكن اذا افصح عن حبه يوقفون اهله كلهم بوجهه..اما البنت اذا افصحت عن حبها مو بس اهلها اللي بيوقفون بوجهها بتشوفين العالم كله بيوقف بوجهها حتى اللي ماله دخل فيها بيتدخل ..وأنا موب ضد هذا الشي

هل عاداتنا تسمح للرجل أن يحب
و لا تسمح للمرأة أن تحب ؟؟!!
عاداتنا تسمح للرجل والمرأه أنا يحبون ولكن بشرط ..أنا يكون هذا الحب بعد الزواج

 

ما عندي تعليق
بس اقول

الحب واحد لاكن الناس اجناس حد يذكر العشرة وحد دوم ناسي


وظاهري وفى وكفى

 

خلاصة الكلام الحب اساس الحياه بس بحدود قيمنا ومبدنا الاسلاميه وسلامتكم
الف شكر ع المووضوع............

 

الحب ما هو عيب لكن مثل ما قال اخوي جسوووووم في حدود التعاليم الاسلامية والعادات والتقاليد

مشكوره اختي ع الموضوع

 

الحب مب حراااااااام ولكن بحدود
لان كل شي يزيد عن حده ينقلب ضده
الحب العذري هو احسن شي

اممممممم هذا رائي بختصاااار

 

موضوع حلو للنقاش

أنا أشوف أن مافيها شي البنت إذا حبت لاعيب ولاحرام لأن الانسان مايملك مشاعره فإيده وهذا مب خيانه
بس الخيانة أنها ترمس اللي تحبه من وراهم أو تقابله و...الخ..لأنهم وثقوا فيها وعطوها الثقة والأمان وهي استغلت هالثقة وخانتها

دمتم بود

 

اوووه مانروم عليج

يلا عيل اترياج وابا شاي لاتنيسني هع

 

اوكي عيل انا اترياج مع ردج يالغلا


:
:
:

 

الله يسلمج حبوبه

مشكوره على مرورج

:
:
:

 

كــــــــــــــــــــــلام لاغبـــــــــار عليــــــــــــه
اعتبر ردك اضافه للموضوع اخووي

اشكرك ولك مني كل الاحترام والتقدير

:
:
:
:

 

اشكرج اختي على مرورج

هيه والله كفى ووفى اخوي الظاهري

:
:
:

 

ياليت اخوي لو وضحت الحدود من وجهة نظرك

اشكرك على مرورك العطر
:
:
:
:

 

العفووو اختي

واشكرج على مرورج النايس
:
:
:

 

صحيح مئه في المئه

اشكرج حبوبتي على ردج

:
:
:

 

اشكرج الغلا على ردج الحلووو

ودمتي
:
:
: