اهدااااااااء لكل جامعي وجاامعية ^^

الموضوع في ',, البُريمِي لـ القَصائد المنقولة' بواسطة مجهول المصير, بتاريخ ‏8 جوان 2011.

  1. مجهول المصير

    مجهول المصير ¬°•| عضو مبتدى |•°¬

    بسم الله الرحمن الرحيم

    السلام عليكم ورحمة الله وبركاته
    .
    .
    قصيدة بقمة الجمال
    للرائع صاحب الإبتسامة النقية :/ حمد السعيــد
    إسمها [ يالجامعي] !!
    تبون الجد كل ما فيها [ حقيقة وربي حقيقه]

    أولا :/ اقرأوها

    يا الجامعي ويا الجامعيه بفرّج =
    عن خاطري بقول تكفى وتكفين

    من بينكم بنزع سلوك التحرّج =
    وأبى تذكر ما مضالي من سنين

    أيام كان الكحل فيها تبرّج =
    لكن حقيقه كانت أجمل من ألحين

    أذكر وانا أجلس بآخر مدرّج =
    مدري كسل ولا عشان العزيزين

    وكان الطموح وكان حلم التخرّج =
    وعشقن بدا من يومنا مستجدين

    كان الطريق لمنطقتنا متعرّج=
    كانت مسافه ولازم نصب بانزين

    وكنا نجي لكن عقب ما انتجرّج =
    مخالفات ونوصل من الاخيرين

    لين انصدمنا بواقعن بالتدرّج =
    ماكو وظايف جن حنا ملايين

    وإلي توظف صار مثل المهرّج =
    عكس التخصص وظفوه المسمين

    والعشق راح ومع هالايام درّج =
    حلمن وتحقيقه قضيه فلسطين

    يالجامعي فضفض همومك وفرّج =
    خلك على بدري ولاحق وبعدين

    انطعتني يا الجامعي لا اتخرّج =
    خلك على هالوضع بين المزايين

    يكفي اتمتع ناظرك بالتفرّج=
    وأحباب قلبك عند عينك اقريبين

    قزر حياتك بالغزل والتهرّج =
    وعن الوظيفه مش بوزك من ألحين

    خصوصا اسمك كان حروة مفرّج=
    والله لتبطي ما توظفت يا شين

    يكفي على الوضع السياسي انعرّج =
    غلطاتنا والنفط سعره ترى زين

    وضعن مرير وجعل ربك يفرّج =
    وابختصر دام المباحث قريبين


    يـــــالجامعـي
     
  2. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح لسان قائل هذه الابيات الجميله ....

    ومشكوور اخوي ع النقل الجميل ..
    ولكن هذه القصيده مكانها في القصائد المنقووله ..

    أتمنى من المشرف نقل القصيده الى المكان المخصص لها ...


    وشكرا
     
  3. Queen Love

    Queen Love ✗ الفريق التطويري الأعلامي ✗

    شكرا لك اخوي ع النقل الطيب

    قصيدة رائعه جدا
     
  4. مجهول المصير

    مجهول المصير ¬°•| عضو مبتدى |•°¬

    العفوووو

    ومشكووورين على المرور الطيب​
     
  5. توتة بغداد

    توتة بغداد ¬°•| عضو مميز جدا |•°¬

    امممممم في اشياء م فهمت معناها بس حلوووه تتكلم عن الطلاب المتخرجين وممحصلين وظايف الله يعين ...

    مشكوووور اخوي ع النقل
    تحياتي
     
  6. القلب الأبيض

    القلب الأبيض ¬°•| مراقب سابق |•°¬

    صح لسآنكـ الغآلي ع القصيدة ..
    تسلمـ والله ..


    إحترآمي .
     
  7. مجهول المصير

    مجهول المصير ¬°•| عضو مبتدى |•°¬

    العفوو وان شالله بدوور اذا حصلت .. يمكن فوق السطح شووفي شي ولا هع ^^
     
  8. مجهول المصير

    مجهول المصير ¬°•| عضو مبتدى |•°¬

    صح ابدنك يالذيب والله يسلمك من كل شر ..
     
  9. دلوعة أبوها

    دلوعة أبوها ¬°•| عضو فعّال |•°¬

    مشكووور أخوووي

    قصيدة ف قمة الابداااع..

    بالتوفييق..
     

مشاركة هذه الصفحة