خبروني منو المسؤول؟؟؟ قضية حياة أو موت

الموضوع في 'مركز أخبَار وقَضَايَا مُحـَافَظة البـُريمِي' بواسطة السنافي, بتاريخ ‏29 جوان 2008.

  1. السنافي

    السنافي ¬°•| عضو جديد |•°¬

    خبروني منو المسؤول؟؟؟؟ رسااله مني لـ ...

    السلام عليكم والرحمه
    شحاالكم يعلكم مرتااحين
    عندي رساله وحبيت اوصلها عن طريق منتدانا منتدى البريمي



    اللي صااار ما ينسكت عنه
    الله يسلمكم السالفه صارت من فتره
    اخويه الصغير مرض وقلنا بنوديه صوب مستشفى البريمي يشوفون شو عوقه
    وكانت تييه آلام بسيطه فبطنه وكل ما تزيد وديناه المستشفى وعاد من فتره رد له الالم ماقدر يستحمله
    حتى المشي مب قادر يمشي شاالنه بيدي وسرت صوب الطواري ..قالولي هذي مب حالة طواري تقدر تسير صوب العياده
    قلت ماعليه نسير صوب العياده نصبر والله المستعان اترييت تقريبا ساعه لين ما اييني الدور
    وفوادي عند اخوي اللي اشوفه يتويع
    المهم دخلنا ع الدكتور وقال مافيه شي لاتحاتون هذ "امساك"فجيت عيوني..اونه امسااااك
    وطلعنا من المستشفى بغرشة ادوول ..
    على طوول سرت به عياده خاصه من شافه الدكتور قال هذا لازم تسيروبه المستشفى عشان يترقد
    قلتله توني رااجع من المستشفى وقالوا مافيه شي
    بصرااحه كلام الدكتور روعني
    رجعت به البيت والولد بعده يتويع ومب رايم يحل من الويع ..عقبها على طول وديته صوب مستشفى خاص فالعين
    من شاافوه قالوا فيه الدوده الزاايده!!! والدكتور قالي حمدوا ربكم لحقتوا ع الولد لانهااا واايد ملتهبه كانت بتنفجر فبطنه!!
    والله اني تيبست محلي من قالي جيه ..وعلى طول سووله عمليه عقب ماسووله شويه فحوصاات وحمدالله ظهر بالسلامه



    لكن خبرووني لو صاار شي فاخووي منوه المسؤول
    اونه امسااك والولد كان يشتكي من الزاايده
    لا حول ولاقوة الا بالله
    لوو راااح فيهاا
    حااطين فالمستشفى نااس ماعندهم ضمير
    مسمين نفسهم دكاتره ع الفااااضي
    انا ماودي اسب ولا ودي اغلط على حد بس هااي مسألة حياة او مووت
    واللي صاار ما ينسكت عنه
    صح ولا انا غلطاان يا أهل المنتدى


    ما اقول غير لاحول ولا قوة الا بالله
     
    آخر تعديل: ‏29 جوان 2008
  2. وقباوي

    وقباوي ¬°•| عضو مميز |•°¬

    لا تعليق فأنت في عمان
     


  3. الكثير يعاني من مستشفى البريمي
    فهو مقصر بدرجه كبيره إتجاه المواطنين..
    مستشفى البريمي تم إفتتاحه سنة 1993
    حيث كان عدد سكان الولايه بسيط جدا..
    تطورت الولايه بدون أن تتطور أدوار المستشفى وأجهزتها..
    فما زلنا ننتظر ذلك الأنتظار الطويل..وما زلنا نتلقى الأدويه البسيطه...واللا مراعاه في وصفها.


    كنت أنتظر دوري لكي أعالج وكان الدور طويل جدا ومختلط..
    كنت أعاني من حساسيه في عيوني..
    المهم وقبل أن يصل دوري بــ 3 أشخاص وفجأه الكهربه أنطفت
    قالت الممرضه عذرا بنعيد من أول ويديد....



    محتاجين إلى تطور أكبر وأكثر..


    أشكرك يا أخوي الكريم على هذا الطرح.
    وأسأل الله العافيه وحمد الله على سلامة أخوك...
    وإن شاء الله عدت على خير...






    عثاري
     
  4. وقباوي

    وقباوي ¬°•| عضو مميز |•°¬

    المسؤل الأول وزير الصحة
    ومن ثم نحن
    فلا أحد يشتكي
    ولا أحد يتكلم
    وبنظل أجبن شعب بعد اليهود إذا ما كان مثلهم في الجُبن
     
  5. طهر

    طهر ¬°•| مشرفة سابقة |•°¬

    السلام عليكم ..~

    اولا الحمد لله على سلامة اخوك ..ومايشوف شر ..

    الزمن يعيد احداثه هنا ..وااايد تكررت مثل هذه الاحداث .. والمتضرر هم نحن..

    العتب على من ؟!! على الاجهزة .. التي تخطئ احياناً ولا راقبة لها اوصيانة متواصلة ..
    ام على الاجهزة الادارية .. قد غفلوا عن واجبهم ؟!!

    ام على الممرض والدكتور ..؟!! ام على وزارة الصحه .. اللتي لم تحسن التأهيل والتدريب لهؤلاء .. ولم تأبه على الاخطاء الطبية المستمرة والمتزايده ..

    كثيرة هي الاخطاء لكن او تكون على حساب ارواحنا اللتي ائتمناها معهم ؟؟!!


    ..
     
  6. العصري 2007

    العصري 2007 ¬°•| عضو جديد |•°¬

    ااسلامت اخوك وما يشوف شر.والله لو انا بخذ تقرير العمليه وبوديه حقه وقوله روح ايلس عند الهوش بس ما منه من الي حاطنه.والحمد الله الله ستر
     
  7. راعي الطير

    راعي الطير ¬°•| مشرف سابق|•°¬

    حتى انا صار مع اخوي نفس هالمشكلة

    عطو اخوي الصغير عمره تقريبا( سنة وشويه) قطرة مال العمليات وزين ما مات...

    والدكتورة المصرية قامت تمسح البيانات من الكمبيوتر عن نرفع عليها قضية...

    هذيلا ما دكاترة جزَارين...

    اللي يبا يحصل العلاج الزين يعالج بفلوسة..


    واللي ما عنده فلوس الله يساعدة...
     
    آخر تعديل: ‏29 جوان 2008
  8. دلوعه ابوها

    دلوعه ابوها ¬°•| عضو مميز جدا |•°¬

    هلا

    سلامت اخوك ..................
    ما انجول غير الله يصبرنا ع هالحاله الصراحه وايد شكوووي ع المستشفى
    لا حول ولا قوله الا بالله
     
  9. سعود الظاهري

    سعود الظاهري :: إداري سابق ومؤسس ::

    أولا السلام عليك أخوي ورحمة الله وبركاتة . وسلامات على الوالد مايشوف شر ويستاهل السلامة .
    ثانيا : أنا معاك في كل كلمة قلبا وقالبا . بس شو تسوي لا حياة لمن تنادي أنا بصراحة عندي موقف بسس ما أحب أذكرة لان ماشي فاية الشكوة الله . لا وبعد يكولوا مستشفى البريمي زين ويهتم بالمرضى .
    أخيرا أخوي طمنا عن أبوك عسى أهون . ونصيحة أخيرة أذا مرض أحد من أهلك سيدة ودة مستشفى الواحة أو الجيمي أحسلك والسموحة
     
  10. غريب الدار

    غريب الدار ¬°•| مشرف سابق|•°¬

    مرحبـــــــا ياخوي...واللحمدلله على سلامت اخونا ..

    هذا الواقع اللي نعيشه وتعيشه اغلب المستشفيات الحكوميه وليست فعمان فقــط..

    ومانقول الا لا حول ولا قوة الا بالله العلي العظيم
     
  11. قلب الشحوح 2008

    قلب الشحوح 2008 ¬°•| عضو فعّال |•°¬

    سلامات تستاهل سلامه أخوك
    بس اذا صار له شي منو المسؤل هالدكتور بيتحمل اتمه يوم القيامه والطب مهنه لازم تكون فيها أمانه واخلاص هاي ارواح ناس مب لعبه
    والله يجازيهم ان شاء الله
    والحمد لله ع سلامه مرة ثاااانيه
     
  12. أبو قحطان

    أبو قحطان °•|كاتب وصحفي|•°

    أخي الكريم :

    شكراً على مشاركتك ، وأنا سبق وأن حصل موقف مشابه في عام 1993م عانيت من آلام شديده في بطني ولمدة يومين ورحت مستشفى البريمي 3 مرات وماقدروا يعرفوا شو السبب غير أنه ألم في البطن وخلاص وعطوني إبره على فترتين ، ونفس الوقت راجعت مستشفى العين(الجيمي) ولم يستطيعوا إكتشاف السبب !.

    وفي اليوم الثاني بالليل حوالي الساعة (1) صحوت على ألم شديد في بطني فأيقظت أخي وأوصلني لمستشفى العين وهناك توقعوا أني مصاب بإلتهاب الزائدة الدودية كانت الساعة 2 بالليل وأنتظرت حتى الصباح وهدأ الألم بعد أن ركبوا (سقايات المغذي) ، المهم الساعة 10 صباحاً أنا نايم في غرفة العلميات وأجريت العملية لي ، صحوت بعد يوم كامل من أثر البنج لأجد نفسي نائم ولا أستطيع الحراك سقاية مغذي في يدي وبطني مشقوق وبه خياطه وملصق طبي وأنبوب تصفيه يشبه أنبوب تصريف المياه من الغساله خارج من فتحة في بطني ، تصورا كل هذا في وقت واحد وبسبب عملية دودة الزايدة ، أستشعرت بعدها أن الدودة أنفجرت في بطني في الساعة (1) بالليل لما صحيت من النوم منزعج .
    من المسؤول ؟ مستشفى البريمي لم يكتشفوا الأمر ، مستشفى العين سبق وراجعتهم ولم يتبينوا السبب في آلامي ..

    السبب أن ألم الزائدة الدودية مفاجيء وقليل الحدوث وليس من السهولة التنبؤ به ويحتاج الى فحوصات وجهاز أشعة صوتيه (سونار) .

    يجب أن لا نلقي بكثير من الإتهامات على المسشتفى ولكن يجب علينا أن نكون حذرين خلال مراجعاتنا لكي لا نستخدم أدويه خطأ أو نصدق تشخيص خطأ ، على فكرة بعض الأمراض في مستشفيات عمان ما يعرفوا يشخصوها ، وإذا عرفوا ما يعرفوا يعالجوها ويقولوا لك ما في علاج ! وإذا رحت مستشفى خاص بتحصل علاج ونص بعد .
     
  13. منوة الروح

    منوة الروح ¬°•| مراقبة عامه سابقه |•°¬

    لا حوول ولا قوة الا بالله


    شو بنقوول وايد تكلمنا فالموضوع
    واايد مشاكل صاارت فالمستشفى

    المهم الحمدالله على سلامه اخووك
    زين يوم لحقت عليه


    والسموحه
    منوة الروح
     
  14. لمسة إحتراف

    لمسة إحتراف ¬°•| عٌضوٍ شَرًفِ|•°¬

    سلامة اخووك


    كلنا نعاني من مستشفى البريمي


    انا مرة كان فيني تسمم

    جالوولي عندج مغص بسيط

    ورحت مستشفى الجيمي


    وسوولي غسييل معده لان التسمم كاان خطيييير



    بس الحمدلله


    والله يهدييهم هالمستشفى
     
  15. amoor

    amoor موقوف

    لا حوول ولا قوة الا بالله


    تستأهل سلامت اخوك الي اهوا اخونا ...

    والله هذيل الدكاتره شايفين عمارهم ما اعرف على شو بس دكتور وخلاص ما يبي يعالج الناس ..والله ضلم

    بس يقولو حال الناس هذا الدواء وراح يشفاء والدواء ما يفيد بشي ..

    الله يعينا ..
     
  16. غلا الامارات

    غلا الامارات ¬°•| مشرفه سابقه |•°¬

    اول شي حمدلله ع سلآمتهـ.~

    و بصرآحهـ.. هاا الشي فاغلبية المستشفياات ..~ لآنه صعب انهم يعرفوون الزاايد بسرعهـ..~

    انا في عندي من الاهل وحده يتهاا الدووده الزاايد و تقريباا فالمستشفى يعني بعد المووت عرفوو انه فيهاا الدوودة الزاايده لانه صعي يعرفونهاا بسرعه.~

    ع العموم هاا كل ~ اللي عندي و السموحه
     
  17. غلا الامارات

    غلا الامارات ¬°•| مشرفه سابقه |•°¬

    اول شي حمدلله ع سلآمتهـ.~

    و بصرآحهـ.. هاا الشي فاغلبية المستشفياات ..~ لآنه صعب انهم يعرفوون الزاايد بسرعهـ..~

    انا في عندي من الاهل وحده يتهاا الدووده الزاايد و تقريباا فالمستشفى يعني بعد المووت عرفوو انه فيهاا الدوودة الزاايده لانه صعب يعرفونهاا بسرعه.~

    ع العموم هاا كل ~ اللي عندي و السموحه
     
  18. السنافي

    السنافي ¬°•| عضو جديد |•°¬

    تسلمون على مروركم
    والله يسلمكم من كل شر
    وحمدالله سلامة اخوي وانا ما قلت اللي قلته الا من خوفي على اخوي
    وما با شي من المستشفى بس من الغيض اللي ياني كتبت الموضوع
    بس حبيت اقوول للي رد وقاال الدوده الزاايده صعب انها تنعرف!!!!!!
    اقوله انا اللي مب داارس طب تعلمت من يوم ونحن فالمدرسه اذا شفت بطن المريض واارم ولو قربت ايدك فمكان الدوده الزايده وصرخ المريض اعرف انه يشتكي منهاا<<<<<<مايبالها معرفه

    خلوها على الله بس ..الكل يشتكي والكل ساااكت
    الحمدالله على كل حال

    اخوكم السنافي
     
  19. وقباوي

    وقباوي ¬°•| عضو مميز |•°¬

    الحمدلله على سلامة أخوك
    أنته أخوك عاش والحمدلله
    شورايك في اللي مات ولده في المستشفى السلاطاني بسبب تأخر الأطباء في العلاج وهو يشاكي بوزير الصحة والأطباء منذ 13 سنة ولم يفعلوا له شيء وهذا أخر ما كتبه في السبلة العمانية

    كنت قد قلت لك وله أنت في سلطنة عمان
     
  20. الفرج قريب

    الفرج قريب ¬°•| عضو مبتدى |•°¬

    المشكلة في إدارة المستشفى التعبانة

    لازم يكون فيه ردع لكل مخطئ ومذنب
    الله يعينا
     

مشاركة هذه الصفحة