أعظم ( وجع ) بالحب لا صرت تشتاق ,,

دريج الموت

¬°•| عضو مميز |•°¬
إنضم
9 يونيو 2008
المشاركات
250
الإقامة
البريمي
اعظم(وجع)بالحب لا صرت تشتاق
لـ اللي تحب ولا أنت قـادر تشوفه !

يكويـك "جمـرٍ" داخـل القلب حرّاق

زود ٍعلــى نــاره تهـدّك طيوفه !

لا مـرّ بعيـونك كمـا نـوض برّاق

مـالك مجــال إلاّ تســاير ظروفه

ياصاحبـي لـو بينـي وبينـك آفاق

نفسي معـك في كـل حالـة شغوفة

ما كنت "قبلك" خلف الإحساس أنساق

وإن شفت درب الحب أسكت وأطوفه

يلين جـاني منعطـف سيل الأشواق

بأمر الغرام اللـي سطت بي سيوفه

قاومت لكـن ! خافـي الحب ماطاق

صابه صمـود ٍ زلـزل أجزاء خوفه

بغيـت أردّه بـس حسيـت بإخفاق !

في لحظـة ٍ"مـد" لـ كفوفك كفوفه

جا لك ولا كنت أحسـب الحب دفاق

لين أغرق الخـافق وسال بـ نزوفه

أثْــر المحبـة نبضهـا دوم سرّاق

دمي وهـو دمـي بجسمـي تحوفه !!

حاولت أداري حـب قلبـي بالأوراق

وأثْر الورق ماهـي أمينـة حروفه

سـلّ المشاعر من متاهات الأعماق

وأصبح يفسـرّ كل وضـع بوصوفه

يكتب تقاريـر الغـلا وقت الإشراق

وعند المسـا يعطيـك باقي كشوفه

يا"جامـع" ٍ حنيّـة الكـون بأخلاق

معـذور قلبـي لـو يضمك بجوفه
 

azooz-bo sh3er

¬°•| عضو مثالي |•°¬
إنضم
8 نوفمبر 2010
المشاركات
1,790
الإقامة
ابوظبي
روووعه القصيده


بس طوويله وايد ><""

يسلموو على الطرح المميز

ونتريه اليديد :cool:
 

حــزن

¬°•| زوبعة تميز |•°¬
إنضم
11 يناير 2011
المشاركات
1,543
الإقامة
..لبريـمي دآر عيـني..

وإن شفت درب الحب أسكت وأطوفه
يلين جـاني منعطـف سيل الأشواق

صح لســـــــــــــــانكـ الشيخ
وربي لاهنتـ

يعطيكـ العافيهـ
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
كلمات في قمة الرووعه وتستحق التقييم

صح بدنك يالشاعر ونتريا اليديد ياخوي
 
أعلى