الهريس بطريقة نــــدى الصبــــاح

بسم الله الرحمن الرحيم

اشحالكم يا اعضاء منتدى البريمي

اليوم سويتلكم هريس وحالفه عليكم إلا تأكلوا منه وتعطوني رايكم

تراني هب ذاك الزود محترفه فالهريس بس اسويه بمساعده امي طشونه

وعاد اليوم سويته بروحي وطلعن الفضايح ههههه ما شي بس طلع اشوي خفيف

خلونا ويااا الهريس وبسني هذربه...

المكونات:

2 دجاج واللي حاب يسويه بالحم يسويه بس انا هالمره مسوتنه بالدجاج
ملتين حب هريس يعتمد ع حسب الكميه اللي تبينها
هيل وملح وأعواد قرفه و سمن
مويه للطهي


الطريقه:
نغسل حب الهريس ونخليه فالماي لمده اربع ساعات
ونقطع الدجاج ونغسله زين ما زين
نحضر القدر اللي بنهرس فيه ونحط فيها الماي وعقب نحط الدجاج وأعواد القرفه وأشويه ملح
ونخليها ع النار لحد ما ينضي الدجاج

نفصل العظم عن الدجاج عقب نحط حب الهريس ونخلطه اشويه ونخليه ع نار هادئه ونظيف حبات الهيل
ع حسب الذوق تبينه مطحون الهيل ولا لا
وبين فتره والتاليه نخلطه عسب ما يلصق فالقدر ويحترق
ونتم ع هالحال لحد ما ينضي الحب

إذا كنتي مسوتنه من وقت يعني بالليل وتبينه الصبح عادي بندي عنه النار والصبح بتحصليه متشرب الماي وناضي آكثر وما عليج غير تضربيه بالمضراب وإذا فيه آله يكون أفضل وأسهلج من التعب

سخنيه إذا تبيه ساخن وايد وحطيه فالصحن وسوي عليه السمن
وصحه وهني


عاد السموحه منكم أحس اني ما عارفه اشرحلكم واايد
​

 

يا سلام ع الهريس

شكل رووووووووعه تسلم ايدج

امس كنت مسويه هريس بالحم :29:

بس الحين اشتهيته يوم شفت الهريس مالج

ما شاء الله عليك ابدعتي ...

 

الهريس من أروع الأكلات وأنا عن نفسي أفضله باللحم

تسلم ايدج اختي ماقصرتي

 

الله يعطيج العافيه تسلم ايدج :ax:

 

طبخة شعبية وايد حلوه

تسلمين ندى ع الطبخة
​

 

ياالله ابا هريس
روعه الهريس
مشكوووووووووره فديتتج

 

ياسلااام شكله روووعه تسلم ايديج

وحده من ربايعي يوم الاربعاء مسويتلنا هريس كشخه ويايبتنه حقآ فالكوولج فديتهآ ..:brows:

 

ربي يسلمكم جميع

اسعدني مروركم

 

جفت موضووووع فيه هريس وع دشيت:biggrin: يـــ مآآل العآفيه

والله انتوآ ابدآآع بآلطبخ هريس يآندى مسويه مره وحده يآحظك

يبيلي آخذ دووره عندكم

لزيز تسلم ايآديج

 

يا سلام عليج يا ندى
بصراحة روووووووووووووووووعة شكله وبعد أكيد الطعم
اليوم كلت على العشى بصراحة لذيذ :65feefa3889db737a61​

تسلم ايدج ما قصرتي فديتج
الله يعطيج الصحة والعافية
موفقه فديتج ​

 

شوق قطر آند الشامسه
ربي يسلمكم من كل شر
تسلمن ع الاطراء
مروركن هو اللي محلي

 

ماشاء الله عليج ، هريسه حلو، أنا مسويه
بعد من يومين بس ماصّورتها،،، تسلم أيدك :imuae40:​

 

يسلموو خيتووو ع الطرح

 

تسلم الايدي خيتو

انا مره سويت هريس بس حطيت فيها بهارات هنديه وطلعت حاره هههههههه

 

نااااااااااااايس
يسلمووووو ع الطبخة

 

الله هريس وجبتي المفضله تو قرب رمضان بصرب مالخاطر ،ثانكس خيتوا

 

الهريس صراحه شي
انا متخصصه فالهريس في بيتنا
اكثر شي يفضلوه عندنا باللحم وبدون قرفه فقط بهيل
وما اتعب عمري وااايد
اسويه في قدر الضغط
احط فيه كل شي واخليه كم دقيقه لين يفور عقب اخليه ع نار هادئه لمدة ساعه تقريبا وابند عنه

 

احب الهريس انا

تسلمين علمتني الطريقه ف حياتي ماسويته



تقبلي مروري