قال الوداع ومقصده يجرح القلب ~..

الموضوع في ',, البُريمِي لِلقِصَص والرِوَايات ,,' بواسطة دريج الموت, بتاريخ ‏1 جوان 2011.

  1. دريج الموت

    دريج الموت ¬°•| عضو مميز |•°¬

    بسم الله الرحمن الرحيم



    قال الوداع ومقصده يجرح القلب محال قلبي ينجرح


    يرجى حفظ حقوق الكاتب قبل أدارج اي موضوع ..
    الإدارة



    السلام عليكم والرحمه حبيت انزل هل قصه اللي هي عبارة عن قصه واقعيه ونص من خيالاتي الواسعه اللي مستحيل يستوي الشي


    وماباكم تفهمون غلط هالقصه انا كاتبتنها وان شالله تعيبكم .. تحياتي والحين اخليكم وياروايتي الي هي صح بتكون جريئه شوي بس مب وايد وماباكم تاخذون فكره غلط عني .. واشكر وحده شجعتني دووم كانت تقولي سوي وانتي تقدرين ع انج تكتبين لان دوم اكتب وعقب اقول لامب حلوه وهي واايد يعيبها اللي هي اختي^^ واحيد مرة نزلت روايه لكني ماكملتها وان شالله بكمل الروايه كامله وتعيبكم ..^^






    البارت الاول


    ( قال الوداع ومقصده يجرح القلب محال قلبي ينجرح من وداعه من حبني يامرحبا براعي الحب وان راح ربي يحفظه كل سااعه )


    ............................


    روضه: ماما بس دقيقه الله يخليج

    ام روضه : اوك بروح وبيج

    روضه تكمل رقاادها

    عقب عشر دقاايق

    ام روضه : ماما حبيبتي بسج رقاد وراج مدرسه

    روضه : ان شالله ماما

    وتقوم تتغسل وتتلبس وعقب تصلي وراحت لفت شعرها مال اي شي هااع وتنزل تحت راحت باست راس امها ويلست حذالها

    ام روضه : صليتي

    روضه : هي ماما

    ام روضه: اشك عااد

    روضه :لا ماما هالمرة صدق والله صليت

    ام روضه : الله يهديج وانا اقول ليش ويهج منور

    روضه :هههه

    وعقب ربع ساعه .. الخدامه يت زقرتها لان الباص وصل

    باست راس امها وظهرت برع

    ركبت الباص

    سلمت ع بنت عمتها واربيعتها ويلست روحها تمت اتفكر ..خلوها اتفكر وخلا اعرفكم عليها لين ماتقعد تفكر خخ ..

    روضه : عمرها 14 بنت حبوبه وطيبه وتحب الظحك والسوالف وشوي متينه والمتن هو اللي محلنها وعيونها كبار بني غامج وخشمها صغير يااي مناسب ع ويها وشفايفها ورديه فاتحه وهي حنطاويه ..

    ام روضه : عمرها 35 سنه طيبه وحبويه بس بعد عصبيه ماتحب الغلط وماترظا ع عيالها واتحب الطلعات والسوالف وهيك يعني ماماتي هااع ..

    ..............

    بعد 10 دقايق اربيعتها يت ويلست حذالها روضه سلمت عليها وتمت اتسولف وياها توهم بيدخلون المدرسه

    روضه : روااض بطني يعورني

    روضه 2: هههه انتي كلما ني الاسكول بطنج يعورج

    روضه : هي والله المدرسه عله

    روضه 2: هههه

    وعقب كل وحده سارت صفها

    روضه : اشحالكم بناتات

    البنات: بخير

    لطوف: روواض

    روضه : لطووف

    لطوف: هههه

    تمو يسولفون عقب راحو الساحه لان طاابوور احين يوم وصلو وقفو وجي جان عقب امون اتي صوبها

    اموون : هاا رويض اي مرطب حاطه مال عنب ولا مال فراوله

    روضه : اموون اولا انا اسمي روضه واذا بدلعيني يارواض يا روضوه وثانيا شو مال العنب ولا فراوله والله شفايفي طبعي

    اموون : ههه اعرف بس استهبل هااع

    روضه : حاولي اقين

    وعقب ماخلصو الطابور راحو الصف

    دشت عليهم ابله الرياضيات

    الابله : السلام عليكم

    البنات: وعليكم السلام ورحمه الله وبركاته

    الابله : امنه شو ماعم بدك تسلمي ..

    امنه : ابله سلمت

    الابله : عيل ليه جالسه

    امنه : ابله سلمت ويلست

    الابله : اي واايد عليكي

    امنه : هههههه

    الابله تمت تشرح الدرس وامون كل شوي تظحكهم

    جان مرة وحده ميثاا تظحك بصوت عاالي

    الابله : ميثا نحن عم ندرس ماعم نلعب ع شو بتظحكي

    ميثا : ماشي ابله هاي امنه

    الابله : خلااص باائه امنه

    امنه : ابله انا مايخصني هاي روضوه

    رووضه: اووووويه طااع الخررط اموون انا ساكته ليش تخرطين

    امنه: والله ظحكتي

    روضه : ابتسمت انزين بس ماظحكت والله حااله

    امنه : هاهاهااهاهاهاا

    الابله : خلاص انتبهو

    بعد ماشرحت الدرس وحلو خلصو دق الجرس وكان عليهم انجليزي والابله غايبه حصتين كان عليهم عقب كان بريك اللي هو (الفسحه ) وتمو يسولفون

    فطوم:رواض ها احمدوه واايد يسال عنج وككل يسلم عليج شو بينكم

    روضه : وشو قصدج فشو بينا مابينا شي انزين انا شلي

    لطوف: اشك انه يحبج

    فطوم : مي 2

    روضه : روحو لا ماعندكم سالفه اونه يحبج

    فطووم : والله يحبج حتى طاعي حاط صوب نكه حرفج

    روضه : وانا شو اسويله مب في بس وحده اسمها يبدا بحرف الار يعني مب شرط اكون انا ..

    لطووف: جب والله انتي

    روضه : يااربااه غيرو سالفه

    فطوم : هههه انزين ماخبرتكم

    روضه : شو

    فطوم : اممم رشود تيربو يبا يشوف صورتي

    روضه سكتت ونزلت راسها

    لطوف: ورويتيه

    فطوم:لا بعدني

    وروضه :بتروينه

    فطوم: اممم ماعرف يمكن

    لطوف:فطوم اممم لاتروينه

    روضو: يب

    فطووم:امممم بشوف

    لطوف:براايج

    روضوه : امممم

    عقب مادق الجرس مرو الحصص بسرعه واستوا ع البيت

    وبعد ماحظنو بعض وهيك وسلمو ركبت الباص وان بنت عمها تيلس حذالها

    تومي : روااض بلااج

    روضه: مابلاي شي

    تومي : والله فيج شي طاعي كيف ويهج مستوي

    روضه :اوبييه مامستوي شي

    تومي:روضه انتي صايحه او شي اتحسين ان في شي يعورج

    روضه : تومي ماافيني شي والله

    تومي : اوكيك شو سويتي اليوم

    روضه : مااشي كالعاده ظحك وعبط

    تومي : هههه زين عيل

    روضه : هاااع اقولج يلا قومي بيتكم

    تومي: وانتي بعد بيتكم

    روضه : اعرف انزين انتي نزلي عسبت انزل

    تومي نزلت وعقب رواض نزلت وكل وحده نزلت بيتهم

    دخلت داخل وحطت شنطتها وجان تروح اتسلم ع امها وجان تطالع اختها فطوم يايه صوبها حظنتها وباستها عقب نزلتها تحت وجان اخوها محمد اي ويبوسها ابتسمت لهم وجان اتروح غرفتها وبدلت ويلست سيدا فتحت الاب وجاقت البيبي مالها شو مطرشين

    وعقب الخدامه يت قالتلها تبغين غدا قالت لا جان اتروح

    وتمت يالسه واتحس بصداع جان تبند اللاب وتروح تاخذلها بندول حبتين ورقدت


    لين مااتقوم خلوني اعرفكم ع شخصيات اللي ظهرت فهالباارت

    ..................

    روضه 2 :هي ربيعه روضه وطيبه صف تاسع شراتها بس مب نفس الكلاس

    لطوف :عمرها 14 وطيوبه بعد واتحب السوالف ومرحه

    امون:عمرها15 وطفسه هااع واتحب الظحك وسوالف

    فطوم:عمرها 15 وطيبه واتحب السوالف الظحك

    تومي:فطوم بنت عمها بس يدلعونها تومي وعمرها 15 صف 10 وبيتهم حذال بيت قوم رواض

    محمد:اخوها عمره 4 سنوات حبوب وطيوب

    فطامي :اختها يزقونها تمتم هااع لان بنت عمها ماتعرف تنطق اسمها فالحين كله يقوللها تمتم هااع

    ...............

    بعد4 ساعات قامت روضه من الرقااد كانت الساعه 7 ونص جان تروح تسبح وهي تحس بدوخه يودت عمرها وعقب ماخلصت يلست فغرفتها تمت تتعبث بالبيبي جان تحدر القروب تمت اتسولف عقب كتبتلهم برب لان حست انها يوعانه وجان تنزل تحت جان اتشوف اختها يالسه وجان تيلس حذالها

    روضه:ميمي وين ماما

    ميمي:ظهرو

    روضه:وين

    ميمي:ماعرف يمكن راحو بيت يدو

    روضه :اها

    وجان تروح فوق

    .......................................
     
    آخر تعديل بواسطة المشرف: ‏2 جوان 2011
  2. مردك لي

    مردك لي ¬°•| عضو مثالي |•°¬

    وجان يا ريت تكملين القصه ههههههههه عيبتني جان هااااي هع,,,,
     
  3. {~كَيَفَيَ بَطَرَآنَهَ~}

    {~كَيَفَيَ بَطَرَآنَهَ~} ¬°•| عضو مبتدى |•°¬

    وحآآآآن متى بتكمليين القصه...

    هع...

    عيبتني وآآيد آويد شي...

    :bt:​
     
  4. بثينة

    بثينة ¬°•| أسْطُورَة آلجِنْس آلْبَشَري |•°¬

    حيلوة آلقصة

    في آنتظآر آلبآرت آلثآني :19:
     
  5. roodey-a7

    roodey-a7 ¬°•| عضو جديد |•°¬

    السلام عليكم اختي ..

    لو سمحتي انتي قبل ماتنشرين القصه اتاكدي من اسم الكاتبه ..

    تراني انا اللي كاتبتنا وهالقصه عن حياتي انا فبليز يعني قبل ماتسوين شي لاتخلينه باسمج ترا هامب لعب يهال وان الكاتبه انتي ترا انا اللي تاعبه عليها ويالسه اكتبها ع اقل قول اسمي وخلي الباقي عليج انج انتي ناقلتنها حرام عليج جي تسوين ..><

    الله يساامحج ..
     
  6. الغزال العنيد

    الغزال العنيد ¬°•| عضو مميز |•°¬

    يسلموووووووووووووووووووووو حلووووووووووووووووووووه مته التكمله :26:
     
  7. roodey-a7

    roodey-a7 ¬°•| عضو جديد |•°¬

    شو رايكم انا اكمللكم ترا عندي الرواايه ..


    وجان تروح فوق
    ........................
    خلوني اعرفكم ع ميمي ..
    ميمي:اسمها مريوم ويدلعونها ميمي اخت روضه وعمرها 7 سنوات وعليها مخ دومها تظهر الاولى و تحب تقهر روااض هاع ..
    ..............
    تمت يالسه وتطالع البيبي مالها حست بالملل وجان تحدر القروب من ايميلها
    جان تشوف احمدو ستايل مطرش اهداء فالقروب
    ‏‏‏‏‏‏‏‏‏‏‏تـَـِ ع ـَـِـَآأآأل
    شوُف آلشوُق فـٌ‘عينيےُ ينآدَيك <3
    تحّكَي "غـلآهہَ" آلعّين قبلَ شفآتيےُ X_X
    (( فـَّيےُ ذم'تـيـےٌ )) 3-|
    ترـےٌ محّد'ن عّنـديےُ يسّــآوُيك <3
    انتَ آلغلآ وُ"كَل آلغلآ" في حٍيآتـَّ♥ــي >.R.<
    روضه طرشتله :ناايس
    احمدو طرشلها :عيونج النايس وبكبرج نايس
    روضه :ثاانك
    احمدو:ولكم
    اربيعتها فطوم بس نكها فالقروب خنفوسه :ناايس احمدوو
    احمدو:ثاانك
    خنفوسه:ولكم
    ونك روضو روودي ..
    جان تكتبلهم :برب
    خنفوسه:تيت
    احمدو:تو الناس رودي ماسولفنا وياج
    رودي :لا بروح اذاكر اوني عاد هع
    احمدو:ههه زين زين بالتوفيج وتيك كير
    رودي :يو 2
    وجان تصك القروب بلوك خخ ..
    عقب فتحت شنطتها تمت تطالع شو ماخذين وجي اونها تحل واجباتها مال اي شي كل ها عسبت ماتنقص درجات او يودونها عند الاخصاائيه لان هي معروفه انها شاطره وامها اربيعت الاخصائيه عسبت جي ماتبا ياخذون فكره غلط عنها ..
    بعد ماحلت بعد حست ان صداع ردلها خذت 4 حبات بندول ورقدت
    اليوم ال2 قامت بكل كسل ع صوت امها
    ام روضه:بسج رقاد ماماتي الباص نص ساعه وبي
    روضه :ماما انتي وصليني
    ام روضه :اوكيك بس قومي اتجهزي
    روضه :ان شالله
    ام روضه ظهرت من غرفتها وروضه راحت تاخذلها شاور لان تحس لازم اتكون نشيطه واتلبست وجي
    وعقب نزلت تحت وهي مرتبه كالعاده سلمت ع امها
    روضه :ماما بابا متى بيرد من السفر
    ام روضه :ماعرف يمكن اسبوع الياي
    روضه :اها
    ام روضه :اتريقي
    روضه :ماما اتعرفيني انتي ماحب تريق الصبح
    ام روضه :اوكيك يلا نروح
    روضه :هي ماما
    جان تروح تركب سيارة امها عندها رنج سودا رقم ثنائي ووصلتها امها
    بعد مادخلت داخل المدرسه لمحت لطوف يايه صوبها سلمت عليها
    لطوف:ها هاي امج
    روضه :هي
    لطوف:محلوة شو تسوي فعمرها
    روضه :ههههه تستهبلين حظرج ماما من يومها حلوه
    لطوف:وانا اقول ليش انتي حلوه
    روضه:عن التحسيس الزايد قومي ندخل داخل
    لطوف:يلا
    بعد مادخلو داخل تمو يسولفون وعبط وعقب قالولهم ان ماشي طاابور
    لان اجتماع ابلوات
    كانو الشله الفاسده يالسين ورا اللي هو اخر صف هااع
    كانو سوالف كانو ياكلون جيتوز وعاد كلما ياكلون يظحكون
    امون :ها مواز طااعي هالزعيم ينفع حقج
    موااز:لا حقج زين
    الكل :ههههههههههههههه
    امون : شو رايكم فالزعامه ماالي هههه
    لطوف:ههههه لا وبعد زعاامه زين زين هههههههه
    روضه :ههههه
    مواز :ها هالصيف وين بتروحون
    روضه :انا يمكن اروح تركيا
    ميثا :انا بروح سرلينكا
    فطوم :ترا سرلنكا ناايس
    روضه : هي يب وكله طبيعه
    مواز:انا بروح تايلند
    رووضه :اه يااتايلند ذكرياات والله احلى شي
    فطوم :صدقج والله
    لطووف:هي وكل اللي يكونون فطيارة وياج مرات اتحصلينهم فنفس الفندق
    مواز :انا اول مارد بسير سكي دبي
    لطوف:هههه ليش
    مواااز:شي اطرررراار هناك
    روضه:اطررارر هاا مرة زعامه مرة اطراار هههه
    ميثا : شو يعني اطررار
    فطوم: يعني طرر
    موااز :هاللي فاهمتني
    فطوم :هااع
    لطوف:هههههههههه
    جان ابله اتيهم واتقوللهم الساعه 10ونص بيرخصونكم
    لطوف:عيل ليش ياين نحن
    روضه :هي والله
    فطوم:عبط بس شو مستوي
    روضه :قومو نظهر نسالهم
    ظهرو الشله وهم متحمسين هااع
    روضه جافت الاخصائيه :ابله امنه ليش بيردونا من وقت
    ابله امنه :لان ماشي ماي فالحمامات
    روضه :اها ..ابله اتصدقين توني كنت بروح الحمام اابله انا ماروم ايود عمري
    ابله امنه :امم تعالي اتصلي فامج
    روضه :اوك
    جان تروح تتصل وامها 5 دقايق ووصلت لان البيت جريب اصلن من المدرسه بعد ..
    جان تاخذ فون امها وتعطي اربيعاتها عسبت ايون يشلونهم عقب خذت الفون وراحت صوب بنت عمها زقرتها يت برع عسبت يروحون
    امهم ودتهم المحطه ماودتهم البيت نزلو المحطه وخذلهم شي ياكلونه عقب ردتهم البيت وعقب امها سارت راك عند امها لانها تعبانه
    ردت البيت وجان تفتح المسن من الفون جان تطالع احمدو حادر حاط بعد اهداء
    *‏يا ناس  ‏‏‏‏‏‏وربي من زۈۆد حبي لـﮬ ..
    حطيــت آسسسمـﮬ ...
    [ ڳلمـۃ مرور ]
    [****] <3X_X..>R<..

    جان تكتبله :احمدوو منو ار
    احمدو استايل :اممم الحب مالي ار
    رودي:انزين شو اسمها
    في واحد فالقروب اسمه خلود :احمدوو فرصه لاتفوتها
    احمدو استايل :خلود انت جب
    خلود:والله برايك انت اللي بتخسر مب انا
    احمدوو استايل :انزين رودي حرف الار اخوي
    رودي :اها جين جين
    احمدو استايل :جانت دنياج
    رودي: وجي يعني لهدرجه اتحب اخوك
    احمدو استايل:مب بس جي اعشقه امووت فيه
    رودي:الله يديم المحبه اللي من بينكم
    احمدو استايل :اميين
    رودي:اجمعين .. اممم انزين انا احين بظهر موب متفيجه احس اني تعباانه
    احمدو ستايل : هاها بسم الله عليج من شو تعبانه عسا ماشر
    رودي:ماشي حاسه بصداع من امس
    احمدو ستايل :خذيتي بندول
    رودي:خذيت
    احمدو ستايل : روحي المستشفى
    رودي:جي بسوي انزين يلا سي يو
    احمدو ستايل :سلامات ماتشوفين شر وسي يا
    رودي:الشر مايك
    وجان تظهر من المسن وهي تفكر جان تتصل فامها وخبرتها انها بتروح المستشفى امها قالتلها اوك جان تروح تخبر الدريول وخبرت الخدامه واصلن محد فالبيت غيرها مريوم رايحه بيت عمتها ومحمد وتمتم رايحين ويا امها جان تروح تجهز لبست قميص طويل لين ركبه لون ازرق ولبست سكني اسود وغيرت كفر البيبي متفيجه واايد هااع ..
    بعد ماخلصت خذت شنطتها اللي لين اخر ظهر يوصل لونه اسود واجحلت وبس عقب راحت زقرت الخدامه عسبت اتي وياها وركبت سيارة وتاكدت ان بطاقتها وياها والبيزات وفونها وتمت اتسولف ويا اربيعاتها ع بيبي ام عقب ماخلصت تمت يالسه وعقب نص ساعه وصلو مستشفى الامارات تراهم ساكنين فدبي ومستشفى الامارات فجميرا بعد ماوصلت البشكارة دخلت وياها قالتلها تيلس لين ماهي تخلص راحت عطت بطاقتها وجي عقب راحت تيلس تمت محتارة وقعدت اتفكر ليش هالصداع ايها وكله يرقدها وعقب 5 دقايق زقروها دشت داخل عند دكتور وقالتله بلاها
    جان يقوللها ها من الارهاق والسهر جان اتقوله بس انا ماسهر واايد جان يقول حاولي تخففين من السهر وماتشتغلين واايد جان اتقوله امم انزين اوصف لي دوا وابا اجازه بعد لان كل احس اني برقد في الحصه جان يقوللهااوك عطاها اجازه يومين وقال بياخذدم منها عاد هي تتوتر يوم ياخذون منها الدم تراها فيها فقر الدم ومرات العرج مايظهر بسرعه عسبت جي وعقب راحت عسبت ياخذون دمها وجي جان يقولولها عندها الظغط انصدمت قاللها ها من تفكير وتمت وعقب ماكانت تبا تسير صوب رسبشن مرة وحد اغمى عليها طااحت والخدامه سيدا يت صوبها والنيرس يو صوبها شلوها وودوها عقب ساعه وعت وشربت ماي حست ان كل شي اوك عقب ردت عند الرسبشن خذتلها موعد عقب توها كانت تبا تظهر جان واحد يدعمها
    روضه: شو ماتشووف
    ...:هي مااشوف عندج مانع
    روضه : لا عندي دوواس
    ....:دوااس ولا فتون ههههه
    روضه:سخيييف حدك
    وجاان تروح عنه
    ....:ههههه انتي الاسخف
    ....2:بس انزين رااحت يلا خلنا ندخل
    راحت يلست فالسيارة والخدامه لحقتها ويا الادويه قالت حق الدريول يوصلها بيت قوم يدتها
    .............
    بعد ماوصلت دشت داخل جافت وايد نعول (اكرمكم الله ) جان تدخل داخل سلمت ع كل جافت حريم وشي يهال بعد جان اتروح صوب يدتها وحبت راسها جان يدتها تقول :حبج العافيه بنتي
    روضه :الله يعافيج امايه ..وقال بصوت خفيف:ماما منو هايل
    يدتها :بنات عمه ابوج
    روضه : اها
    جان يدتها تقول بصوت عالي :هااي بنت احمد
    وحده منهم قالت : مريم صح
    روضه :لاروضه
    جان تقوللها :ماشالله عليج كبرتي وحلويتي احيدج يوم كنتي صغيره اتين تلعيبن ويا خالد وعمر
    روضه ابتسمت
    جان تقوللها :تذكريني
    روضه ارتبكت : امم بصراحه لا لاني من زمان مب شايفتنكم
    جان تقوللها :انا بنت عمه ابوج فاطمه
    روضه :عاشت الاسامي عمو فاطمه
    فاطمه : ماشالله عليج وكم عمرج
    روضه : 14
    فاطمه : العمر كله حبيبتي
    روضه : ويااج
    جان وحده اسمها هنادي :تقوللها وانا بعد عمري 14 صف كم روضه
    روضه :تاسع
    هنادي :المفروظ اتكونين 8 صح
    روضه : يب مجدمه سنه
    هنادي: اها واي مدرسه
    روضه : السلام
    هنادي: اها انا ف ام سقيم
    روضه :حلو اربيعااتي اهنااك
    هنادي:زين والله
    جان واحد من اليهال اي صوبها اسمه مايد
    مايد :ثو اثمج (شو اسمج )
    روضه :روضه
    مايد :رودي (روضي )
    روضه :هي رودي ههه
    مايد : اندين انتي ليث بلوحج يايه ماتخافين (انزين انتي ليش بروحج يايه ماتخافين )
    روضه :لاحبيبي يايه ويالخدامه
    مايد: اها
    هم وايد حريم طبعا كانو يسولفون عقب روضه استاذنت من هنادي راحت برع جان تتصل
    روضه :الو
    ..:الوين هلا هلا بالطش والرش
    روضه :اشحالك
    ...:بخير اشحالج انتي
    روضه:بخير انزين عمي انا فبيتكم وبروح غرفتك اوك
    عمها :اوك
    عمها اسمه :مروان وطيوب وحبوب عمره 25 شرطي مب متزوج ..
    جان تدخل داخل وقالت حق هنادي اتي وياها جان يروحون صوب غرفته
    دشت داخل هنادي وايد يعيبها الديكور وجي
    جان روضه اتقوللها :سوي اللي تبينه الغرفه غرفج
    هنادي :ههههه لاوالله هاي غرفت منو
    روضه :غرفه عمي مروان
    هنادي: اها
    جان روضه تروح صوب الاب باد ماله وقالت حق هنادي اذا تبين تلعبين فاللاب العبي سوي اي شي
    هنادي :اوجيج
    تمت تلعب بالاي باد وجي جان عقب ساعه عمها يدخل وعاد طاعو كل وحده مندمجه روضه منسدحه ع سريره ومندمجه وهنادي بعد شراتها بس منسدحه ع ارض وحاطه اغااني وتقرا روايه عاد هو دش وتم ساكت عقب 5 دقايق قال :احم احم
    روضه جافته ابتسمت له وراحت صوبه سلمت عليه وهوحظنها عقب ودرها اما عند هنادي فاتعدلت فيلستها وقالتله :السلام عليكم
    مروان :وعليكم السلام
    روضه :عمي اشتقتلك واايد اشوفك راد من وقت دوم اتي ع فير
    مراون :لا اليوم اترخصت لان بروح بيت عمتج مريم
    روضه :اها سلم عليهم
    مروان: يبلغ ..وسار الحمام بدل وعقب ظهر من الغرفه
    وعقب قالت حق هنادي انا بروح اشوف قوم يدي لاني ماسلمت عليهم اوك
    هنادي:ويت انا بي وياج
    روضه :اوكي
    بعد مابندت كل شي فالغرفه وظهرت هي وهنادي راحو تحت ماحصلو حد استغربو جان تقوللها يمكن فالميلس جان اتقوللها يمكن جان يروحون الميلس حصلهم جان روضه اتروح اتسلم ع عمها محمد ويدها حبت راسهم
    يدها وعمها :حبج العافيه
    روضه:الله يعافيكم
    وجان اتروح صوب الشباب قالتلهم السلام عليكم وردو عليها جان اتروح وتيلس فالزوايه وهنادي حذالها تمت تتعبث فالبيبي وجي وجان تحدر القروب حست ان مافي حد جان تحط الفيس اللي عيونه اتدور جان يكتبولها :ولكم رودي
    جان تكتبت:يسلمو وكتبولها :ربي يسلمج تمو يظابرون وجي جان اربيعتها لطوف تحدر وتمو يسولفون عقب قالتلهم انها بتغيب عاد لطوف سبتها سب اي والله اذا مايتي بعظج ومادري شو المهم جان تقوللها عندي اجازه وجي جان تقوللها انتي خريطه اتين المدرسه شرات الهورس والحين تبين تغيبين جان تقول هههههه انزين والله تعبانه جان تقوللها خريط ميمع تعال اتسمع جان تقول والله جان اتقوللها ههه اوك صدقتج يالخريطه جان تقوللها لا والله قالتلها هي والله جان احمدو استايل يقوللها :رودي شو قالولج فالمستشفى
    جان تقوله :مااشي من الارهاق وسهر
    احمدو استايل :وشو عطوج
    جان تقول ماعرف بعدني ماشفت الادويه
    احمدو استاايل :اها تيك كير
    رودي: يو 2 اممم انزين انا احين بخليكم لاني فبيت يدتي شي يو
    احمدو استايل و لطوف وخنفوسه وخلود : سي يو
    وجان تصك القروب بلوك خخ ..
    تمت اتفكر و عقب الحريم والريايل راحو فالحديقه والبنات والشباب تمو جان مايد اي صوب روضه ويمط خدودها جان تيوده وتقوله ليش تمط جان يقولوها :احب العوذج (احب العوزج )
    جان تقول :لاوالله
    مايد:والله
    جان ولد عمها محمد اسمه عبدالله ويدلعونه عبادي هو اخو تومي :ها روضوه شو دراسه
    روضه :ترتوبيشن والله
    عبادي:روااض ها بعدج اترابعين امون
    روضه اطالعته بنظره :عبادي مايخصك واعرف ارابع منو
    عبادي:برايج والله
    روضه :اممم انزين شباب انا بروح احين هومنا فمان الله
    الكل:فمان كريم
    هنادي:روضه صح
    روضه :هلا
    هنادي:اممم صح بغيت البن
    روضه : اوكيك عطيني فونج
    هنادي:هاج عقب ماظافت عمرها عطتها
    جان مايد اي صوبها
    مايد:لاتلووحين (لاتروحين )
    روضه :لا حبيبي بروح بيتنا
    مايد:اندين عتيني حواوه ولوحي (انزين عطيني حلاوه وروحي )
    روضه : ههههه اوك وجان تيلس ع غنفه وتمت تدور حلاوة فشنطتها حصلت وجان تعطيه جان يبوسها ابتسمت له وجان تظهر برع وهنادي وميود وياها جان يروحون صوب الحديقه راحت سلمت عليهم وزقرت خدامتهم عسبت يروحون بعد جان اتروح تركب السيارة والخدامه وياها اربيعتها لطوف اتصلت فيها تمت اتسولف وياها سمعت صوت يهال وجي جان اتقول منو عندج قالت حمدو وميود
    روضه:اها لطوف انا برمس ماما وبرد اتصل فيج اوك
    لطوف:اوجيج دبو بااي
    روضه :باي
    جان تتصل فامها وطمنتها عليها وقالتلها ان بتشل اختها وبتي عندهم لان امها بتبات عندهم وقبل ماتروح بتاخذ حق مها واخواتها ملابس لان ماخذو ويااهم مرت ع اختها وعقب ردو البيت قالت حق البشكارة اتظهر ملابس امهاو اخوها واختها وهي بتظهر مالها وخل اتقول حق الخدامه الثانيه اتظهر ملابس مريوم اختها لان تعرف اختها بتسوي طااف خذت اي بودها والاي باد وغيرت كفر البيبي خلته ملون لان مب متفيجه تاخذ كفرات البيبي وياها وحطتلها بدل وخذت وياها جي كمن قلوز وجحال وبلاشر وشبرات وتوكه حق شعرها وبس ونزلت هاند باقها تحت وعقب نص ساعه هي ومريوم والخدامتين والدريول راحو رااك لان اهل اامها فراك بعد
    كان ساعه 10 الا ربع مريوم اختها كانت يالسه ورا فدبه وعقب روضو والخدامتين ورا الدريول والدريول يسوق جي كان حالهم روضه كانت حادره القروب اتسولف وخبرتهم ان بتروح رايك جان احمدو استايل يقوللها انا اهناك جان تقول زين زين بس مب جنه مدارس جان يقول عادي مأجز انا تمت اتسولف وياهم وجي عقب 45دقيقه بظبط قالت حق دريولهم يوديهم صوب المحطه نزلت كانو شي وايد شباب لان صوب المحطه شي عسبت يعبون بترول حق دراجات وجي جان تنزل خذت له رد بول و3 بيبسي حق الخدامه والدريول وحلاويات وجبس وفيتامين حق مريوم جان تروح توها تبا تدفع جان واحد يقوللها مب لازم تدفعين جان تطالعه بطرف عينه وتوها بتظهر البيزات جان يدفع جان تدفع وقالت حقه ع ماظن عندي بيزات مب شرط تدفع عني خل بيزاتك صدقه حقهم ..
    ...:لاتحسسني تراج يااهل لاتصدقين عمرج ..
    روضه : ع ماظن ماقلت اني بصدق عمري اوشي فبليز شاتب يور ماوث ..وجان تظهر من المحطه ..وتركب سيارتهم بعد نص ساعه وصلو الظيت (الظيت منطقه فراك )


    وان شالله مااكون ازعجت حد واذا ماتبوني اكتب عن اللي منزله القصه ترا عادي عندي
     
    آخر تعديل: ‏2 جوان 2011
  8. شووق قطر

    شووق قطر ¬°•| مراقبة عامة سابقة وصاحبة العطاء المميز |•°¬


    حبيبت قلبي آولآ اللي منزل القصه ولد واكيد اهو نقلهآ مثل مآاهي حتى مآغير شي يعني مآخآطب نفسه بآلبدآيه يعني معروف انه اهو مآنسبهآاليه

    ومآجآن قصده اعجبته القصه ونزلهآ


    وانتي مآشآء الله علييج مبدعه والقصه وآيد حييلوه يلآ كملي ابدآعآتج:001:
     
  9. دريج الموت

    دريج الموت ¬°•| عضو مميز |•°¬

    لالالا اختي هاي القصه شفتها عند اربيعي وسالته انته مسونها قالي لالا بس مااعرف يبتها من منتدى وقالته خلاص انا بشيلها وبحطها ع المنتدى وهاي القصه اختي يعني انا ماقلت مالتي مسموحه منج بس القصه بصراحه عيبتني واااايد ولله
     
  10. azooz-bo sh3er

    azooz-bo sh3er ¬°•| عضو مثالي |•°¬

    بلاااااكووووووووو تظااربوون .....:91:

    عل عمووم

    يسلمووو على القصه الحلووه

    ابدعتي

    ونتريه يديدج

    :35:
     
  11. roodey-a7

    roodey-a7 ¬°•| عضو جديد |•°¬

    هلا اخوي ..اولا السمووحه بس انا صدق عصبت وانا انسانه ماحب حد ينشر شي من شو مايكتب اسم اللي كاتبنه وبصراحه انا امس اول مادخلت المنتدى شفت صوب الكااتبه :دريج الموت ..

    ويعني انا اللي كااتبتنها وشو بيكون موقفي اول شي قلت بسوي طااف عقب بعد ماخبرت اربيعتي قالتلي حقج ولاتسوين طااف حق السالفه واتقاهمي وياهم وبس وتراني مابكمل اهني واتمنى انك انت اللي تكمله لاني بظهر من الموقع هذا وشكرا ..
     
  12. عيناوي بجنون

    عيناوي بجنون ¬°•| عضو مميز جدا |•°¬

    اهم شي كملوا القصة


    ترا عيبتني
     
  13. azooz-bo sh3er

    azooz-bo sh3er ¬°•| عضو مثالي |•°¬

    ريلااكس ريلاكس ماله داعي العصبيه .. انشااء الله المراقبين بيحلوون الساالفه

    ماله داعي تظهرين من المنتدى لسبب مثل هااه .. مجرد سووء تفاهم .. وانشااء الله تحلوونه بل تفاهم

    :35:
     
  14. الهدف

    الهدف ¬°•| عضــو مــهــم|•°¬

    حصل خير والأمور طيبه
    أختي roodey-a7 نحن فهمنا دريج الموت أنه عيبته ونقلها لنا بس أنت استعجلتي

    والحمدلله أنج فهمتي قصده وما شاء الله عليج مبدعه فالكتابه

    وأحين ننتظر تكملة القصه منج أو من أخونا دريج


    حمستونا للتكمله
     

مشاركة هذه الصفحة