ما ألـوم الشـباب...لـو قالـوا...!

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي

السـلام عليـكم ورحمـة الله وبركاتـه...

شحالـكم يا أخوانـي وأخواتـي...؟

المهـم خلونـي أدش فالمـوضوع على طـول...

من فتـرة طويلـة صـار لـي موقـف ( جـدا بايـخ )...وأثـر فينـي...وضايقنـي...ونرفزنـي...

بقـول لـكم السالفـة على شكـل أقصوصـة صغيـرة...

.
.
.

الساعـة 3 ونـص الظهـر أنـا كنـت رايحـة الكليـة...على أسـاس الساعـة 4 عنـدي محاضـرة...

المهـم تونـي واصلـة الكليـة نزلـت من السيـارة...ورحـت أقعـد في مصلـى الكليـة على أسـاس أتريـا وقـت الصـلاة...أصلـي وبعـدين أروح المحاضـره...

دخلـت المصلـى...وقعـدت أتريـا وقـت الصـلاة...وكانـت الساعـة بهالوقـت 3:40 العصـر...وصـل لـي مسـج (وسائـط) على التلفـون...

فتحـت المسـج شفـت الرقـم غريـب...نزلـت شـوي تحـت شفـت صـورة...شو تتوقعـون هالصـورة...؟

صـورة (بنـت) جسمهـا كلـه بـرع بس مغطيـة بعـض الأماكـن (أعزكـم الله)...أنـا أنصقعـت بهاللحظـة...وتضايجـت...قلـت منـووو هاللـي ما يخـاف من ربـه رسـل لـي هالصـورة...

المهـم عقـب 10 دقايـق بالضبـط...رن التلفـون...رقـم نفـس رقـم تلفونـي..بس الأختـلاف في آخـر رقـم...المهـم أنـا أول شـي ما رديـت...

تقريـبا نفـس الرقـم يانـي 5 مـرات...وآخـر شي رديـت...وطبعـا المتصـل ريـال...


...

الريـال : السـلام عليـكم...

عبيـر : وعليـكم السـلام...؟ منـو ويـاي...؟

الريـال : أخـتي أنـا ما بطـول عليـج...بس ياليـت تمسحيـن الصـورة اللي وصلـت لـج...

عبيـر : وأصـلا لـيش ترسلـون لـي صـورة مثـل هـاي...؟

الريـال : الصـورة وصلـت لـج بالغـلط....وأنـا مابـا منـج غيـر شـي واحـد...أمسحـي الصـورة وبـس...

عبيـر : وليـش أمسحهـا...؟ وأصـلا ليـش حاشـر عمـرك ع الصـورة...

الريـال : هـاي صـورة وحـده من الأهـل...

عبيـر وهـي معصبـة : أستـح على ويهـك...ياللي ما تستحـي...يعنـي وايـد مفتخـر أنـهـا هـاي وحـدة من أهـلك...؟

الريـال وهـو يصـرخ : أقـولج أمسحيهـااا...

عبيـر : تهـدد يعنـي والا شـو...؟

الريـال : لا ما أهـدد...بس المفـروض تسمحينهـااا...ومالـه داعـي نكبـر السالفـة...

عبيـر : لا بكبرهـاا...والصـورة ما راح أمسحهـاا...وبشـوف شو بتسـوي يعنـي...


...

وعلى طـول صكـرت التلفـون في ويهـة...وغلقـت التلفـون على طـول...ورحـت أصلـي ونزلـت للمحاضـره...وطبعـا رحـت المحاضـره وأنـا مضايجـه وااايـد...

و المحاضـره مدتهـا ساعتيـن...من الساعـة 4 إلـى الساعـة 6...المهـم الدكتـوره ظهرتنـا من وقـت...يعنـي الساعـة 5 ونـص ظهرتنـا...

و عقـب ما خلصنـا المحاضـرة...طلعـت ورحـت أقعـد في مكتبـة الكليـة...وفتحـت التلفـون حصلـت 3 مسجـات...


...

المسـج الأول من صاحبـة الصـورة : الله يخليـج يابنت النـاس إمسحـي الصـورة...

المسـج الثانـي من الريـال : أستـري ع البنـت الله يستـر عليـج... >> أصـلا أنـت تعـرف الله...

المسـج الثالـث من صاحبـة الصـورة : ممكـن أكلمـج شـوي...


...

المهـم أنـا وأقـرأ المسجـات...أتصلـت صاحبـة الصـورة...ورديـت علـيهـا...

...

صاحبـة الصـورة : السـلام عليـج...

عبيـر : وعليـكم...

صاحبـة الصـورة : شحالـج...؟

عبيـر : عطينـي من الآخـر...

صاحبـة الصـورة : دخيلـج...إمسحـي صورتـي...والله إنـي مغلطـة...ومب متعمـدة أرسلهـا لـج...

عبيـر : أقـولج...يـا مسـودة الويـه...لو أتصلتـي مـرة ثانيـة صدقينـي بنـشر لـج صورتـج...فاهمـة...

صاحبـة الصـورة : دخيييلـج لا تسويـن جيـه...بعطيـج اللي تبينـه...بس لا تنشـرين صورتـي...

عبيـر : أنـتي ألحيـن خايفـه من الفضيحـة...؟ وخايفـة من النـاس يشـوفون صورتـج بهالشكـل...وما خفتـي من ربـج...؟

صاحبـة الصـورة : أنـزين خبرينـي جـم تبيـن...؟

عبيـر : أنـتي وحـده وقحـه...ولو أتصلتـي مـرة ثانيـة...أعتبـري صورتـج منتشـره...بـاي


...

وعلى طـول صكـرت التلفـون في ويهـا...دقيقتيـن وأتصـل الريـال...

...

الريـال : أقـولج يا بنـت النـاس...أستـري ع البنـت...

عبيـر : وأنـا أقـولك يا ولـد النـاس...وحـده مب ساتـره على نفسهـا...كيـف تبانـي أنـا أستـر عليهـا...

الريـال : أنـزين إنـتي جـم تبيـن...مقابـل إنـج تمسحيـن الصـورة...؟

عبيـر : عنـدك 100 ألـف...؟

الريـال : مب جنـه المبلـغ كبيـر...

عبيـر : عنـدك والا لا...؟

الريـال : عنـدي...

عبيـر : خـلاص دام عنـدك هالمبلـغ...تـزوج البنـت...ولا تقعـد تقـص على بنـت النـاس...

الريـال : أنـا أتزوجهـا...؟ والله لو يخلصـون بنـات الدنيـا كلهـم ما أتـزوج هـاي...

عبيـر : أوكـي...أسمـع...أنـا الحيـن بصكـر...بس قسمـا بالله...و أنـا حلفـت...لو يانـي أي أتصـال منـك والا منهـا...بـنشـر صورتهـا...وبشتكـي علـيك لأنـك أزعجتنـي...

الريـال : والله ما يهمنـي...أنشريهـا كثـر ما تقدريـن...

عبيـر : أوكـي...بـاي...


...

وعلى طـول صـكرت التلفـون...وحولـت جميـع المكالمـت على أخـوي...
.
.
.

على فكـرة أنـا أول ما وصلـت لـي الصـورة مسحتهـا...بس أنـا سويـت نفسـي إنـي مب ماسحتنهـا...عشـان البنـت تخـاف وما تعيـد هالحركـة...

بس والله شو سالفـة البنـات ينشـرون صورهـم...؟ وشـو سالفـة الشـباب يطلـبون من بنـات النـاس صور...؟

ويـن الخـوف من الله...؟ ويـن أهلـهاا هالبنـت...؟ ويـن عقلهـا...؟ وين كرامتهـا...؟ على بالهـا لو طرشـت صورتهـا لـ شـاب بيتزوجهـا...؟

بصراحـة أنـا ما أعـتب على الشـاب...كثـر عتابـي ع البنـت اللي تسـوي جيـه...

وما ألـوم الشـباب...لو قالـوا...( كـل البنـات نفـس الـشي )...!

بس ما أقـدر أقـول غيـر...( الله يهـدي هالنـوع من البنـات )...


...

نصايـح أوجهـا لكـل بنـت :

1. إتقـي الله ... إتقـي الله ... إتقـي الله ... في السـر والعلـن...

2. لا يقـص عليـج أي شـاب بالكـلام الحلـو فالتلفـون والا غيـر التلفـون...

3. تذكـري أنـه الزنـا بأنواعـة... للبنـت فضيحـة كبيـرة راح تلاحقهـا طـول حياتهـا...عكـس الريـال...

4. أحتشمـي في ملابسـج...في بيتـج...في مكـان دراستـج أو عملـج...وكـل مكـان...

5. إذا ما حافظتـي على نفسـج صدقينـي محـد راح يحافـظ عليـج...

6. تذكـري قـولـه عز وجـل (( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فَرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا))


.
.
.

وأخيـــــــــــــرا ً...

نسـأل الله أن يجنبنـا الفواحـش ما ظهـر منهـا وما بطـن...وأن يحفـظ الشبـاب والبنـات من الفتـن...

وأسـأل الله أن بستـر عوراتنـا...ويحفـظ بنـات المسلميـن يـارب العالميـن...

قال تعالـي : ( إن الصـلاة تنهـى عن الفحشـاء والمنكـر )...

حافظـوا على الصـلاة...لأنـهاا السـلاح اللي يبعدنـا عن الفواحـش...

والصـلاة والسـلام على سيدنـا محمـد...وعلى آلـه وصحبـه أجمعيـن...


.
.
.

أسمحـوا لـي على الإطـالـة...وأتمنـى أشـوف نصايحـكم...وتوجيهاتـكم للشبـاب والبنـات اللي من هالنـوع...

.
.
.

بقلـم : عبير الورد...
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
هلا بنت خالوه والله صدق انا بعد اقول الغلط مب من الشباب بس عاد لو كل وحده تحاسب نفسها قبل لا يتوحون البلا ع الشباب انا ما انكر ان شبابنا طايش بس الشاب لو ما شاف قرين لاين من البنت ما بيتمادي شو تبون اكثر من ان البنات قامن ما يحتشمن بصراحه الواحده تشوفونها في السوق لابسه عباه حفله وفول ميكب والعطر تقول باريس غاليري مار والمشيه يا ارض انهدي ما عليج قدي كانها تقول له تعال رقمني تخيلوا مره سالت شخص من اهلي ليش تسوي جي ما عندك خوات تخاف عليهن قال خواتي حاشمات عماريهن والي تبا حق عمرها بتلقى ما عيبني رده بس بعد كلامه في شئ من الصدق لو الشاب ما يبي يفكر ف البنت هي بتخليه حتى لو كان عن طريق غير مباشر مثل انها تحط صورتها او صوره شئ من جسمها ع طول بيفكر بيقول اوكيه ها جزء من جسمها وبيقعد روحه يرسم الجزء الي باقي في خياله لا تقولون لا لان ها غريزه فيه ومحد يقدر يتحكم فيها



يا ليت قبل لا نقول شباب وصايعين نقول بنات طايشات وكل وحده ترد عمرها ما اقول لكم ان ممكن ان الواحد ما يتجرى ع وحده بس لو شافها وقفته عن حده بالعكس بيستحي ع ويهه وبيحشم عمره لانها بتكسره بتصرفها


الحسنه تخص والسيئه تعم وبالفعل كل الشباب حاطين في بالهم ان البنات نفس الشئ عيل شو المعني من وحده تصور عمرها وتطرشها حق واحد ولا انها تصور عمرها فيديو بشكل عاري وتطرش قمت احس ان عايشين في دوله اوروبيه ع الاقل هالدول يمكن فيها شويه قيود بس نحن وين القيود اذا دينا وهو دينا ما يقيدنا
 

بنت العرب

¬°•| مشرفة سابقة|•°¬
إنضم
15 يناير 2008
المشاركات
1,304
لا حول ولا قوة الا بالله
صدقج يالغاليه اللي خانت اهلها مستحيل حد يثق فيها
ولو انها حبت حد وما كلمت غيره تعرفين شو بيقولها ..بقولها دامج رمستيني اكيد رمستي عشره غيري


الله يهدي هالبنااات ويستر عليهن

وتسلمين الغاليه ع الموضوع
ونتريا يديدج
 
التعديل الأخير:

منوة الروح

¬°•| مراقبة عامه سابقه |•°¬
إنضم
4 مايو 2008
المشاركات
4,146
مشكوورة ع الموضوع حبيبتي

والله وانا اقرى الموضوع مب مصدقه

اول كنا نقوول هالاشياء تصير فالافلام والقصص الخياله
ماكنت متوقعه اشووف هالشي بعيني او اسمع عنه



طبعاا الطرفين غلطانين
بس الغلط الكبير على البنت مثل ماقلتي


لو هي صج عندها كرامتها وخايفه من الله
وعقلها فراسها
مستحيل تخلي حد يقص عليهااا
والبنت اهم شي كرامتها وسمعتها


والله يستر علينا
ويحفظنا من كل شر
آآمين


وبعدين مثل ماقلتي
مستحيل يتزوجها
بياخذ اللى يباه منها


وبيفرها مثل مايفر اي شي رخييص


وذيج الساعه لا كرامه ولا ثقه اهل
وبتكوون منبووذه فالمجتمع
ويا ويلهاا من عقاب الله




والسموحه ع التعليثق السريع
نقبلي مروري
اختج منوة الروح
 

شيخة المزايين

¬°•| مُشرفَة سابقة|•°¬
إنضم
12 مايو 2008
المشاركات
1,605
الإقامة
ف بيتناااااااا
الغلط من الاصل على البنت

شو نسوي بعضهن مب عدهن ضمير ولا شي
الله يهديهن ويهدي الجميع

وشكرااا على الموضوع الرااائع
 

سفير الحب

موقوف
إنضم
14 يونيو 2008
المشاركات
1,632
الله يعين ..

من أيام أحد الزملاء الله يستر عليه خبرني إنه صديقته رسلتله صورها وهي عارية ..

والله ما كأنه مجتمع مسلم ...

شوفوا كيف الفساد .. لا وبعد يخبرني إنها طلعت معه من الكلية وراحوا صوب الخلاء وقالي إنه مص شفايف وثارت شهوة البنت وافتعل فيها ..

شوفوا كيف مجتمع مسلم شو يصيرله ..

آسف على هالكلام بس والله واقعي وصارير في نهاية شهر 5 الماضي ..

وطبعا ذكرت هالكلام عشان يعرفوا البنات شو يصير وراهم ..

لا وبعض الشباب يكلموا صديقاتهم قدامنا ,, وأحيانا يخلوا الموبايل سبيكر ..

الله يهدي الناس ويهدي البنات خاصة وطبعا مب كلهم هاذي الفئة المريضة ..

آسف على بعض المصطلحات بس شوفوا يا بنات كيف الشباب يتكلموا عليكم ولا وبعد نعرف اسم البنت واسم بلادها وأي حارة وكم أخ عندها وكل معلوماتها ..

إحذرن من ذلك يا أخوات الإسلام ..
 
التعديل الأخير:

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
تسلم يديج غناتي

الصراحه مثل هالشكال وااايد البنت الي تستر روحها محد بضرها بشي

بس تستاهل اللي سويتي فيها

الله يهديهم بس
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
لج التحيه أختي الكريمه على موقفج يمكن تتعلم درس و تاخذ عبره
ولكن كل إنسان يحاسب على أخطائه و البنات ليست كبعضها و كثيرا
منهن من تحافظ على دينها و عرضها و تحشم نفسها و أنا مع أخوي الربيعي
و أسال الله الستر بالدنيا و الآخره لي و للجميع تقبلي مروري
 

طهر

¬°•| مشرفة سابقة |•°¬
إنضم
17 فبراير 2008
المشاركات
1,010
الإقامة
ثآني لفّه يمينْ
لا حول ولا قوة الا بالله ..

استغفر الله من هالبنات ،، الله يهديهن ..

والله ماعندي كلام اقوله في حقهن ..

شو نسوي دام نفسهن صارت عندهن رخصية .. ..

شكرا الغلا ع الموضوع ..
 

الفلاحي صاحي

¬°•| عضو مثالي |•°¬
إنضم
10 يونيو 2008
المشاركات
1,536
الإقامة
في قلوب محبيني
:patch_punnch::patch_punnch::patch_punnch::patch_punnch::patch_punnch::patch_punnch::patch_punnch::patch_punnch::patch_punnch:
متابع هيييييييهههيهههيهه
الله يهدي الجميع وخصوصا الي في بالي
وهي القصه حلوه وانت رديتي عليهم صح يعطيج العافيه
هذه فترة المراهقه ونقص في الثقافه يندمر جيل كامل
ولاكن ماأقدر الى أقول قضاء وقدر
أو قدر ومكتوب
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
هلا بنت خالوه والله صدق انا بعد اقول الغلط مب من الشباب بس عاد لو كل وحده تحاسب نفسها قبل لا يتوحون البلا ع الشباب انا ما انكر ان شبابنا طايش بس الشاب لو ما شاف قرين لاين من البنت ما بيتمادي شو تبون اكثر من ان البنات قامن ما يحتشمن بصراحه الواحده تشوفونها في السوق لابسه عباه حفله وفول ميكب والعطر تقول باريس غاليري مار والمشيه يا ارض انهدي ما عليج قدي كانها تقول له تعال رقمني تخيلوا مره سالت شخص من اهلي ليش تسوي جي ما عندك خوات تخاف عليهن قال خواتي حاشمات عماريهن والي تبا حق عمرها بتلقى ما عيبني رده بس بعد كلامه في شئ من الصدق لو الشاب ما يبي يفكر ف البنت هي بتخليه حتى لو كان عن طريق غير مباشر مثل انها تحط صورتها او صوره شئ من جسمها ع طول بيفكر بيقول اوكيه ها جزء من جسمها وبيقعد روحه يرسم الجزء الي باقي في خياله لا تقولون لا لان ها غريزه فيه ومحد يقدر يتحكم فيها



يا ليت قبل لا نقول شباب وصايعين نقول بنات طايشات وكل وحده ترد عمرها ما اقول لكم ان ممكن ان الواحد ما يتجرى ع وحده بس لو شافها وقفته عن حده بالعكس بيستحي ع ويهه وبيحشم عمره لانها بتكسره بتصرفها


الحسنه تخص والسيئه تعم وبالفعل كل الشباب حاطين في بالهم ان البنات نفس الشئ عيل شو المعني من وحده تصور عمرها وتطرشها حق واحد ولا انها تصور عمرها فيديو بشكل عاري وتطرش قمت احس ان عايشين في دوله اوروبيه ع الاقل هالدول يمكن فيها شويه قيود بس نحن وين القيود اذا دينا وهو دينا ما يقيدنا

صدقـتي بكلامـج بنـت خالتيـه... :)

صـارن أكثرهـن لا حيـا ولا حشيمـه...

لا وبعـد متعلمـات الحيـن يلبسـن عبايـه راصـه...

ونـص الكشـه برع والعطـر تشمينـه من بعـد كيلـو :mad:

الله يهديـن إن شاء الله ويستـر علينـا وعليهـن...

كـل الشكـر لج عزيزتـي ع المـرور الطيـب...
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
لا حول ولا قوة الا بالله
صدقج يالغاليه اللي خانت اهلها مستحيل حد يثق فيها
ولو انها حبت حد وما كلمت غيره تعرفين شو بيقولها ..بقولها دامج رمستيني اكيد رمستي عشره غيري


الله يهدي هالبنااات ويستر عليهن

وتسلمين الغاليه ع الموضوع
ونتريا يديدج

آميـن يـارب العالميــن...

وأنـا معـاج فكلامـج أختـي...

أكيـد البنـت اللي ترمـس شـاب بيقـول أنـها ترمـس غيـره...

بس الله يهـدي الجميـع... :)

شاكـرة لج مـرورج وتعليقـج غاليتـي...
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
مشكوورة ع الموضوع حبيبتي

والله وانا اقرى الموضوع مب مصدقه

اول كنا نقوول هالاشياء تصير فالافلام والقصص الخياله
ماكنت متوقعه اشووف هالشي بعيني او اسمع عنه



طبعاا الطرفين غلطانين
بس الغلط الكبير على البنت مثل ماقلتي


لو هي صج عندها كرامتها وخايفه من الله
وعقلها فراسها
مستحيل تخلي حد يقص عليهااا
والبنت اهم شي كرامتها وسمعتها


والله يستر علينا
ويحفظنا من كل شر
آآمين


وبعدين مثل ماقلتي
مستحيل يتزوجها
بياخذ اللى يباه منها


وبيفرها مثل مايفر اي شي رخييص


وذيج الساعه لا كرامه ولا ثقه اهل
وبتكوون منبووذه فالمجتمع
ويا ويلهاا من عقاب الله




والسموحه ع التعليثق السريع
نقبلي مروري
اختج منوة الروح

صدقـج والله هاي الأشيـاء قبـل تصيـر فالأفـلام...

والحيـن صـأرت واقـع عنـد المسلميـن للأسـف !!

غاليتـي أشكـرج ع ردج الحلـووو...

والله يهـدي الجميـع ويستـر عليهـم... :)
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
الغلط من الاصل على البنت

شو نسوي بعضهن مب عدهن ضمير ولا شي
الله يهديهن ويهدي الجميع

وشكرااا على الموضوع الرااائع

الله يهديـهن ويصلـح حالهـن يـارب...

العفـووو أختـي...وأشكـرج ع المـرور...
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
الله يعين ..

من أيام أحد الزملاء الله يستر عليه خبرني إنه صديقته رسلتله صورها وهي عارية ..

والله ما كأنه مجتمع مسلم ...

شوفوا كيف الفساد .. لا وبعد يخبرني إنها طلعت معه من الكلية وراحوا صوب الخلاء وقالي إنه مص شفايف وثارت شهوة البنت وافتعل فيها ..

شوفوا كيف مجتمع مسلم شو يصيرله ..

آسف على هالكلام بس والله واقعي وصارير في نهاية شهر 5 الماضي ..

وطبعا ذكرت هالكلام عشان يعرفوا البنات شو يصير وراهم ..

لا وبعض الشباب يكلموا صديقاتهم قدامنا ,, وأحيانا يخلوا الموبايل سبيكر ..

الله يهدي الناس ويهدي البنات خاصة وطبعا مب كلهم هاذي الفئة المريضة ..

آسف على بعض المصطلحات بس شوفوا يا بنات كيف الشباب يتكلموا عليكم ولا وبعد نعرف اسم البنت واسم بلادها وأي حارة وكم أخ عندها وكل معلوماتها ..

إحذرن من ذلك يا أخوات الإسلام ..

أستغفـر الله وأتـوب إليـه ... !!

وهـذا صديقـك وايـد مفتخـر بنفسـه إنـه سـوى جيـه...؟!

الله يهديهـم إن شاء الله...فـوق أنهـم يزنـون بعـد يفضحـون نفسهـم...

لا حـول ولا قـوة إلا بالله...والله هالزمـن بنشـوف وايـد...

تسلـم ع المـرور أخـوي...
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
تسلم يديج غناتي

الصراحه مثل هالشكال وااايد البنت الي تستر روحها محد بضرها بشي

بس تستاهل اللي سويتي فيها

الله يهديهم بس

الله يسلمـج إختـي...

فعـلا أي بنـت ساتـره نفسهـا محـد بيضرهـا... ;)

شاكـرة لج مـرورج و ردج الطـيب...
 
أعلى