قصيدة الموت للشاعر طارق المحياس

حصر الحلا

:: صالون أميرة الأحلام::
إنضم
20 أكتوبر 2010
المشاركات
1,131
العمر
33
الإقامة
هناآأإأك...
(المــــوت)

بعدي عنك يعني الموت يعني اندفن بتراب .. ولكني رغم هذا اببعد عنك وأخليك
صحيح اني ابتعقد وبتحطم يا أعز الأحباب .. ولكنه بيجيني يوم بنسى فيه انا طاريك
انا ماكنت ابي هشيء ولكن كثرة الاسباب .. وانا حاولت اتصبر واقول الله عسى يهديك
ولكن بالفعل مافاد طيبي والرجا بك خاب .. أنا سويت لك كل شيء ولكن مايبين فيك
كثير اشياء خلتني أعيد حساب والف حساب .. وأراجع كل قرارتي وأحط لي حد لتشكيك
ابعرف لي متى بصبر وانا شعري في بعدك شاب .. كفايه والله ما اقدر كفايه الله يخليك
في كل مره اقول اليوم بيبادلني كلام إعجاب .. ويحسسني بحبه لي ويقولي بكل شيء أفديك
ولكن وين أنا ووينه وفعلاً إيش جاب لجاب .. ثمان سنين ولين اليوم ماقد قال أنا اغليك
وأنا إللي بعت له روحي وأرخصت لعيونه رقاب .. واهديته حنان الكون وقلبي كان له تمليك
وأرخصت البشر لجله وقلبي في إيدينه ذاب .. وكم مره أردد له **** أعشقك ابغيك
ولا قدر أحاسيسي وحتى ما عملي حساب .. وأنا كنت اسئله دايم أبعرف قول بس شفيك
إذا طبعك تحب تكتم أنا بصبر ولا بنساب .. وصدقني ببيع الكون وكل الناس لجل اشريك
وإذا إن كنت تتحاشى المحبه وتختلق الغياب .. انا برحل وبترك لك فؤادي خله بين إيديك
اقولك ليش ما اقدر يا محبوبي نكون أصحاب .. لأن الغيره تذبحني إذا غيري لمسها إيديك
أموت وأنكوي بناري وتدري ماني بكذاب .. قسم بالله صدق اموت إذا غيري تغزل فيك
**** وأعشق ترابك ولو غيري عليه عاب .. شسوي دام انا قلبي يحب أرضٍ تحت رجليك
بعد كل اللي قلته لك تبينا مانكون قراب .. قسم بالله ما اقدر يا إما اجيك او ماجيك
انا من يوم فارقتك يا محبوبي وفرحي غاب .. نستني بعدك الدنيا وانا والله مو ناسيك
انا من كثر ما حاتيك وأفكر بك بديت أهاب .. قسم بالله لاتظن في احد كثري أنا يحاتيك
حلفت انك بتبقالي يا محبوبي أهل وأحباب .. لاتنسى انك حلفت بيوم بالقرآن ماخليك
وهذا أنته نسيت الود والعشره وكل ما طاب .. تزعلني وتصد عني وأنا إللي أعتذر وأرضيك
ترى لو كان حبك ذنب محال القلب عنه تاب .. ياربي لا تآخذني يا قلبي بليز لايغويك
ترى كل إللي قلته لك أبد ماهو جفا و عتاب .. ولكن بس ابي اعرف إذا أني كنت انا اعنيك
ثمان سنين وانا مدري نحن أحباب ولا أغراب .. غريبه والله مدري كيف هشيء يا الغلا يرضيك
اناديك وتصد عني تحط بينك وبيني حجاب .. تصد عني وتحط حجاب طيب ليش وانا اناديك
انا ما ابالغ ان قلت لك بدت تثقل علي ثياب .. بديت اكره انا نفسي وأخاف أكرهك أو أجفيك
انا والله ماودي عقب هالعمر نسد الباب .. ترى كله ولا في يوم عيوني بالهجر تبكيك
انا متحطم ومنهار وكله منك يا أعز الأحباب .. وانا ما أبي يجيني يوم وأنسى فيه انا طاريك
وتدري البعد يعني الموت يعني اندفن بتراب .. تعال ارجوك وادفني في قلبك قبل ما أخليك
ترى هالامر بين يديك تعال الحقني لا ترتاب .. وسو اللي تبي تسويه دام الامر بين إيديك
كثير أشياء خلتني أعيد حساب والف حساب .. وأراجع كل قراراتي وأحط لي حد لتشكيك
وأنا ماكنت أبي هالشيء ولكن كثرة الاسباب .. وأنا حاولت أتصبر وأقول الله عسى يهديك
ابعرف لي متى بصبر وانا شعري في بعدك شاب .. كفايه والله ما اقدر كفايه الله يخليك
 

عزتي بذاتي

¬°•| عضو مميز جدا |•°¬
إنضم
8 مارس 2011
المشاركات
531
الإقامة
ف،بيتناااا
أموت وأنكوي بناري وتدري ماني بكذاب .. قسم بالله صدق اموت إذا غيري تغزل فيك



:get-1-2009-oef8ifpj:get-1-2009-oef8ifpj:get-1-2009-oef8ifpj:get-1-2009-oef8ifpj:get-1-2009-oef8ifpj:get-1-2009-oef8ifpj


رهيبــــــــــــــــــــــــــــه صح لسان شـــــاااااااااااااااعــــرنــا
 

أمواج هادئة

¬°•| طالب مدرسي |•°¬
إنضم
11 ديسمبر 2010
المشاركات
1,448
الإقامة
في أرض الله الواسعة
كلمات روعة .. وأبيات أروع..
تسلمين على النقل..
 

@ ســطل مشاعــر @

¬°•| عضو مميز |•°¬
إنضم
27 أبريل 2011
المشاركات
251
الإقامة
دار الزين فديتها
" صح لسآآآآآآآآآآآآن قايلهآآآآآآآآآ"
وتسلم يد نأأأاقلهاااا"
 

فـيـ الـكـعـبـي ـصـل

¬°•|شاعر الشلّة |•°¬
إنضم
11 يوليو 2010
المشاركات
4,224
الإقامة
البريمي
صح لسان قائل هذه الابيات .

وتسلمين أختي ع النقل ..

بس هذا الموضوع مكانه في قسم القصائد المنقووله ..

أتمنى من المشرف نقل الموضوع إلى المكان المخصص له ..

وشكرا
 

عزتي بذاتي

¬°•| عضو مميز جدا |•°¬
إنضم
8 مارس 2011
المشاركات
531
الإقامة
ف،بيتناااا
بنقـــــل إلــــى القســــــــم المنــــاسب
 

منى الروح

¬°•| عضو فعّال |•°¬
إنضم
11 أغسطس 2010
المشاركات
198
الإقامة
فيـ قلبـ الحدثـ
مــايحتاي المحياس دووم متميز يسلمو,, :gd::gd:

.
 
أعلى