1. جابرية أصيلة

    جابرية أصيلة ¬°•| عضو مبتدى |•°¬

    بسسم الله الرحمن الرحيم



    السلآم عليكم ورحمـة اللـه وبركآآته



    الشآعر/ عبد الله محمد الجآبري دولة الإمآرآت العربيه المتحده ..~



    شـآعر مشآرك في شآعر المليون في موسمـه الرآبـع



    قصيده قويـه الصرآآحه شدتني بقوه ..~



    وقد آبدت لجنـة التحيكم آعجآبهـآإ بالشآعر وبالقصيده ..كمـآإ آبدى الجمهور تفـآعله مع القصيده مذ آن بدآ إلى أن ختم مشآركتـه بشيلـه رآآئـعه ..~



    وقد آطلقت عليـه اللجنـه آسم شآآعر المفآجآءه ..~



    وحبيت انقل لكم هالقصيده الجزلـه ^^



    ـــ
    يتنفّس الليل من ضيق الزوايا كلام
    و الوعد يفرش على رمل الأماني حصير


    الحلم ينصب على بيدا ظروفي خيام
    و يضمّني من شتا الواقع و صيف المصير


    أستصغر الحزن رغم إني أعيش في ظلام
    مثل القمر واقعه مظلم .. لكنّه " ينير "


    أحاول أعكس طموحي في عيون الأنام
    و أكحّل الحال .. لو إنّه زماني ضرير


    يا كم هبّت على ضلوعي رياح الهيام ؟!
    لي خلف بيبان صدري يسمع لها صفير


    حمّلت نفسي من الدنيا هموم و خصام
    و صار الأمل في عيوني مثل كف الفقير


    اللي إذا طاح دمعه و الأسى فيه قام
    يشوف نفسه وسط عين المزكّي كسير


    قالوا لي: "صغير .. لا تحمّل زمانك ملام"
    جاوبت: "قولوا لزماني لا تعارض صغير !!"


    تمر " الآمال " في عيني .. [ مرور الكرام ]
    شروات صحوَا الضمير في صدر ما به ضمير


    و اليوم .. سقت الطموح و نظرتي للأمام
    و اللي تبقّى علي --> أفرد جناحي و أطير


    هنا .. ترفرف من أفواه القصايد حمام
    و أشم للعز ريحة ( زعفران ) و ( عبير )


    لعيون أرض الكرامة / و الوفا / و السلام
    بحاول أرضي القليل إن ما رضيت الكثير


    عسى أول الصبح يكتبني على صدر الغمام
    { شاعر .. طموحه يجمّل موطنه للأخير }


    يا دار شاعرك صمته طال له حول عام
    مدّيه تصفيق دام إن الشعر منه غير


    لو يازم المجد في سيره بعيد المرام
    لا بد يوصل مدامه صار لأهل سفير


    هنا .. يطيح العتب من فوق كتف الهمام
    و أخط في كتاب فكري شي ممكن يصير


    غيري يقول ( المطر ناتج من الاصطدام )
    و أنا أقول ( السحاب أتعبه طول المسير )


    يبغي يخفف من حمول الليالي الجسام
    و أرخى جفون العنا و إنهل دمعه غزير


    مثلي بعد ما اختنقني الصمت صغت الكلام
    نثرت منه = الكثير .. و اللي تبقّى = كثير



    :get-1-2009-7lydrpf4
     
    آخر تعديل: ‏21 ماي 2011
  2. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    صح لسان قائلها ...

    ومشكوره أختي ع الطرح ..
    بس هذي القصيده مكانها في القصلئد المنقووووله ..

    اتمنى من المشرف نقل القصيده الى القسم المناسب..



    تحياتي لج ..
     
  3. جابرية أصيلة

    جابرية أصيلة ¬°•| عضو مبتدى |•°¬

    العفوووووووو.........
     
  4. الأنين

    الأنين ¬°•| عضو مميز جدا |•°¬

    مشكوووووووره ع الموضوع
     
  5. ناصر المنصوري

    ناصر المنصوري ¬°•| عضو فعّال |•°¬

    يسلموا على الطرح اختيه
    والكلمات الجميله
     
  6. أبـوشـهـاب

    أبـوشـهـاب ¬°•| عضو مميز جدا |•°¬

    تسلمين على طرحج للموضوع
     

مشاركة هذه الصفحة