أغاني كنا نغنيها أول

الموضوع في ',, البُريمِي للتُراثِ والحَضارات ,,' بواسطة •¦{ آلبُريْمِے دَآرِيْ }¦•, بتاريخ ‏12 ماي 2011.

  1. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    اغاني كنا انغنيها اول


    سلام عليكم ورحمة الله وبركاته


    طبعا هاي اغاني كانوا الصغار قبل يغنونها

    يلا ردو زمان اول

    مش اغاني هالايام؟؟؟

    ====

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله

    ====

    خوصه بوصه يا النبوصه كلاج الدود من حندود
    ليلى ليلى عطينا سيفج بنلاجي به عبدالله بن سلطان
    لادغتنه عقربيه شقربيه دوسة خيل ولا مطيه

    ====

    عمتي مرت ابويه ... الله يسلط عليها
    يوم يتها الهديه .. دستها في الزويه
    تتحسبني طلاّبه .. اطلب على البيبان
    ما جن ابويه تاجر ..بيصوغ لي الذهبان

    ====

    طاحت عليه نفه .. قوموا اشترولي دفه
    طاح المطر برعوده .. ********ر حوي سعوده
    طاح المطر بيد الله ... ********ر حوي عبدالله
    طاح المطر من فوق .. ********ر حوي بن طوق

    ====

    يا عليا بنت ابوها ... والخطاب اخطبوها
    سبعة ورا البيت .. والثامن عند ابوها
    واحد يدق الزعفران ... والثاني يقول يا ليتني خادم ابوها

    ====

    يا بنية ما دريتي ... عن خطار لفوج
    قالت لفوني غبشة .. على خيول وبوش
    مصلين الجمعه ..صقر ولد الشيوخ
    يالس على الدجيجه .. يالس ويعد فلوس
    يا الطاسه يا المخبوقه .. ما ضمتها الفلوس


    ====

    يا بنيه موتي غصه ... اذا انا مريت
    انا سلبت فوادج ... في السكه واتليت
    يالغرفة يا الشرجيه ... بناها بو علي
    حق عاشه البدويه .. بنت محمد علي

    ====

    من اليوع لو متّي .. ما يوزج شتّي
    بيوزج تاير .. لو بالحجي جاير
    يا بنيتي يالزينه ... صبي لبوج دهينه
    جان ما رضى ولد عمج.. صبي واجلعي عينه

    ====

    يرقد وليدي رقده هنيه
    رقدة الغزلان في البريه
    يرقد وليدي طيب الله نومه
    وعدو وليدى ما هنا بمنام

    ====

    عيال عمي سبعة .. خلوني باتنقى
    نقيت بو طاقية .... بو يوخه ما رضى
    زامط عليه بخشمه .. يا خشم اليوحره
    خشمي طويل وغاوي ..شفته في المنظره .
    حيا الله اللي يباني .... يسلم العشره

    ====


    يامي يامي ياماية ...راعي البحر ما ابااه
    يشل مزمات العومة...وتصل على علباه
    ابا وليد عمي من خنيره ورداه..
    .ما هد خطام الصفرا ولا ضيع عصاه
     
  2. بنت هلي

    بنت هلي ¬°•| مُشرِفة سابقة |•°¬

    أغاني جميلة والله ، رسخت فذاكرتنا، وألحين عكثر هالستلايتات ، بس كله بدون فايدة

    ماله طعم مثل كلمات وأغاني أول..... تسلم خويه
     
  3. ذكرتنا بالايام الحلوه..

    شكرا البريمي على الموضوع الرائع
     
  4. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    الحين طلعت اغاني شاطر شاطر وقوم نانسي واليسا
    الله يرحم اغاني قبل
     
  5. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    انشاء الله ايامك كلها جميله اخوي
    نورت الصفحه
     
  6. @ ســطل مشاعــر @

    @ ســطل مشاعــر @ ¬°•| عضو مميز |•°¬

    مشكووووووور ياخويه
    يليت الزمان الاولي يعووووود
     
  7. مُداوية العَليل

    مُداوية العَليل ¬°•| عضــو شرف |•°¬

    جميـــــلة
    :00100:
     
  8. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    العفو أختي ولاشكر على واجب
    ياليت الزمان الماضي يعود بس هذي الامنية مستحيلة
    لان اليوم اللي يروح خلاص مايرجع
     
  9. توته مطروبه

    توته مطروبه ¬°•| عضو مثالي |•°¬

    ناااااااااااااااااااااااااااااايس
    احبهم هالاغاني تذكرني بايام الوقن وابوي الله يرحمه
     
  10. & ظبية أبوها &

    & ظبية أبوها & ¬°•| عضو مميز جدا |•°¬

    يرحم أيااام اول
    والله انهن اغااني حلوووووه واااايد مب شراات احين
    يسلموووو ع الطرح البريمي داري ومرباي داايم متألق
     
  11. al3sh8

    al3sh8 ¬°•| عضو مبتدى |•°¬

    هيه هيه زماان اول..:blush-anim-cl:
    اذكر هذيله الاغاني يوم كنت صف خامس كنامسوين حفله العيد الوطني وملبسينا مخور وزري ونغنيهن..يااله اياام حلوه...
     
  12. Samt Sohar

    Samt Sohar ¬°•| عضــو مــهــم|•°¬

    ما اعرف الا وحده بس منها


    بحكم اني لما كنت ضغنونه هب ف عمان عااايشه ^^


    ثاانكس
     
  13. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    ياهلا ويامرحبا اختي
    شئ جميل أن نتذكر الماضي الجميل
    واسعدني أنكي تذكرتيه من خلال هذا الموضوع
     
  14. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    ياهلا ويامرحبا اختي صمت
    نورتي الموضوع بتواجدج
     
  15. عسولة كيوت

    عسولة كيوت ¬°•| عضو مثالي |•°¬

    صدق يا يا ايااااااااااااااااام اول وين زمانج وين طاريج :182fd25f9b06446ba41
     
  16. عسولة كيوت

    عسولة كيوت ¬°•| عضو مثالي |•°¬

    يسلمو ع الطرح الحلو بالتوفيج
     
  17. هيه زمان اول

    الله يعيد هاك الزمان

    يسلموا ع الرطرح

    اختكم في الله: نقـــــــــ في بحرـــــــطة:bt:
     
  18. مردك لي

    مردك لي ¬°•| عضو مثالي |•°¬

    الله ع ذكريات اول يا حلات الاغاني مب شرات الحين....
     
  19. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    ياهلا ويامرحبا اختي نقطه في بحر
    وحياج الله
    أسعدني مرورج
    والله يرجع الذكريات الجميله بس الايام ماترجع
     
  20. تحداني على البعد وتناسيته

    تحداني على البعد وتناسيته ¬°•| فخر المنتدى |•°¬

    الله يرحم اياام زمااااااااااااااااان

    كل الشكر أخوي ...
     

مشاركة هذه الصفحة