معوض خير

الموضوع في ',, البُريمِي لـ القَصائد المنقولة' بواسطة الهاجس, بتاريخ ‏11 ماي 2011.

  1. الهاجس

    الهاجس ¬°•| حكاية تميز |•°¬



    معوض خير


    معوّض خير ياحيٍ تهقوى في الزمان ومـال
    سنينك لـو رقيـت بعدلهـا يطرحـك مايلهـا

    تعلّم وإعرف إن الدرب قدامك سهـل وجبـال
    جبـال تطولهـا وجبـال بعيونـك تخايلـهـا

    ومعوّض خير ياحيٍ وردت الماء بدون حبـال
    يطول بك الوقوف وشربة المـاء ماتحصّلهـا

    وقوفك عند راس البير مايسقيـك لـو فنجـال
    ولاينفعك شوف الجمـه اللـي منـت طايلهـا

    ومعوّض خير ياحيٍ خدعك من الرجال أشكال
    تشوف أشكالها وتحطها أرفـع مـن منازلهـا

    تعلّم من زمانك لاتصير مـن أجهـل الجهـال
    ترى في كل يـوم تجيـك عبـره لاتجاهلهـا

    إذا ربي وهب لك عقل تلقى في الرجال رجال
    تعرف اللـي يطلّـع قيمتـك واللـي ينزلهـا

    ترى من بعض مايندي الجبين ويحرج الرجال
    ليا سـاق الميانـه فـي نـفـوسٍ ماتقبّلـهـا

    ومهما شفت في صاحبك من نخوه وطيبة فال
    ترى بعض السجايـا كثـرة الإلحـاح يقتلهـا

    معاريف الرجال ديون وديون الرجـال ثقـال
    ليا صرت متعافي ليش تغـرق فـي جمايلهـا

    رصيدك في حياتك سمعتك مع طيبيـن الفـال
    رجال الطيب والمعروف بالمعـروف عاملهـا

    ولاتبدي بجاهك فـي مقـامٍ مايسـر الحـال
    ولاتشفـع لـنـاسٍ ماتنومـسـك بفعايلـهـا

    لياجاتك تعذّرهـا مـدام العـذر لـه مدخـال
    ووقت الجد قول لهـا الصحيـح ولاتجاملهـا

    وخذ مني نصيحـه لاتصـدق كـل ماينقـال
    يجـرك للنميمـه ليـن يطرحـك بحبايلـهـا

    يجيلك ناقـل النمّـات بهـروجٍ تغـث البـال
    سوالف في قفاك وحظك أطيب يـوم تجهلهـا

    يبـرر بالحميـه والصداقـه شينـة الأفعـال
    يجمّـل صورتـه بعلومـه اللـي ماتجمّلهـا

    ولو كانت حميه فيك رد المخطيه في الحـال
    ولاكان إستمعها فـي قفـاك وجـاك شايلهـا

    ترى من جاب لك ودّى وهذي عـادة النقـال
    يحاول يقتنص من فمك كلمـه لأجـل ينقلهـا

    ومثل ماقال عندك راح عنك وعند غيرك قـال
    وزوّد عشر فوق الكلمه اللـي كنـت قايلهـا

    تجنّب مجلسه لاتجلس إلا مع كريـم خصـال
    تحمّـل ميلتـه وإن ملـت ميلتـك يتحمّلـهـا

    ولاتصبر على الجار الردي لوهي ثلاث ليـال
    تضـرك جيرتـه لوكـان بيبـانـك تقفلـهـا

    وبيع الدار بأول سومةٍ تعرض علـى الـدلال
    ورزقـك عنـد ربٍ كاتـب اللقمـه وكافلهـا

    وبنتك لاتزوجها الردي لوهـو كثيـر المـال
    تربيهـا علـى الطـالات وتشـوّه سلايلـهـا

    وكم من لاش يرمي خيبة إبنه فوق راس الخال
    لوإن الخال من روس الرجال ومـن دلايلهـا

    ليامنك عرفـت تميّـز الطيّـب مـن البطـال
    وفادتك التجارب في الحيـاة وفـي مسايلهـا

    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا

    بعد هذي ترى مالك غنى عن صحبـة العقّـال
    يدلونـك بـرايٍ ينقـض الدعـوه ويفتلـهـا

    يقولون الرجال اللي سوالفهـم حِكـم وأمثـال
    ليامن ضاعـت الحيلـه يـدل القـوم عاقلهـا

    نصيحة واحدٍ جرّب وشاف من الزمان اهوال
    يقدّم لـك خلاصـة هجـرةٍ جـرّب هوايلهـا
     
  2. شكرا سراب الروح على القصيده
     
  3. الهاجس

    الهاجس ¬°•| حكاية تميز |•°¬

    الله يسلم غاليك أخي العزيز
    دائما تنور مشاركاتي
    لاهنت ولا هان غاليك
    إن شاء الله​
     
  4. مداوي جروحهـ

    مداوي جروحهـ ¬°•| عضو فعّال |•°¬

    رصيدك في حياتك سمعتك مع طيبيـن الفـال
    رجال الطيب والمعروف بالمعـروف عاملهـا

    ولاتبدي بجاهك فـي مقـامٍ مايسـر الحـال
    ولاتشفـع لـنـاسٍ ماتنومـسـك بفعايلـهـا



    كلمات روعة بصراحة
    ألف شكر
    على النقل الرائع
     
  5. الهاجس

    الهاجس ¬°•| حكاية تميز |•°¬


    الأروع هو مرور
    أخي الكريم

    لا هنت
     
  6. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    تسلم اخوي ع النقل ..

    وصح الله لسان قائلها ..
     
  7. ناصر المنصوري

    ناصر المنصوري ¬°•| عضو فعّال |•°¬


    ليامنك عرفـت تميّـز الطيّـب مـن البطـال
    وفادتك التجارب في الحيـاة وفـي مسايلهـا

    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا


    كلمات جميله

    نقل موفق اخويه

    تسلم
     
  8. الهاجس

    الهاجس ¬°•| حكاية تميز |•°¬

    تسلم يالكعبي
    عالمرور الرائع
    لا هنت
     
  9. الهاجس

    الهاجس ¬°•| حكاية تميز |•°¬

    جميل هو مرورك
    أخي الكريم
    لا هنت والله
     
  10. ضيف البريمي

    ضيف البريمي ¬°•| عضو فعّال |•°¬

    يسسسلمو ع النقل :Afkr:
     
  11. بكيفي

    بكيفي ¬°•| عضو مميز |•°¬

    تعلّم من زمانك لاتصير مـن أجهـل الجهـال
    ترى في كل يـوم تجيـك عبـره لاتجاهلهـا


    سلمت يمناكــ ع الطرح..
    يعطيكــ العافية
     
  12. الهاجس

    الهاجس ¬°•| حكاية تميز |•°¬

    يعطيج العافية
    إختي العزيزة
    لا هنتي
     
  13. بثينة

    بثينة ¬°•| أسْطُورَة آلجِنْس آلْبَشَري |•°¬

    وكشفت الفرق مابين الصحيح وحيلة المحتـال
    وتعلمت الفراسه في الوجيـه اللـي تقابلهـا

    بعد هذي ترى مالك غنى عن صحبـة العقّـال
    يدلونـك بـرايٍ ينقـض الدعـوه ويفتلـهـا



    يثلموآ ع آلنقل آلمميز
     
  14. مردك لي

    مردك لي ¬°•| عضو مثالي |•°¬

    تشكر اخويه ع القصيده الرائعه وكلها حكم ونصائح جميله جدا

    تسلم ع الطرح الاكثر من رائع,,,

    وتقبل طلتي البسيطه ع متصفحك..

    ودمت ف حفظ الرحمن..
     
  15. الهاجس

    الهاجس ¬°•| حكاية تميز |•°¬



    يعطيج العافية
    والله
    منوّرة المشاركة إختي العزيزة
     
  16. الهاجس

    الهاجس ¬°•| حكاية تميز |•°¬



    منوّر والله
    أخي العزيز

    يعطيك العافية عالمرور

    :imuae83:
     

مشاركة هذه الصفحة