أكتب تعليقك على سموم مصنع الادويه_ الخضراء

الموضوع في 'مركز أخبَار وقَضَايَا مُحـَافَظة البـُريمِي' بواسطة مستشار, بتاريخ ‏10 ماي 2011.

  1. مستشار

    مستشار ¬°•| عضو مميز |•°¬

    العنوان واضح....... بس السؤال الى متى؟؟؟

    ياجماعه تراه مب حاله.... فيه مكان ف البريمي مافيه تلوث؟؟
    روايح مردم النفايات.. روائح محطة الصرف الصحي.. روائح مجاري مستشفى البريمي
    واخيرا وليس اخرا مصنع الادويه..!!! هذا الواضح .. عاد الله يعين على الباقي.

    وين الشعب وين الناس ليش محد يتكلم ؟ شو صار بالدنيا ؟ اطفال اتضررت وماتت والسبب ربو.. من وين الربو وصل؟ شو المشاكل اللي تعاني منه البريمي ولا حد يتكلم؟

    مصنع الادوية ليش ما يسحق سحق من مكانه؟ كم بتخسر الدوله؟؟ كم بيكلف نقله الى موقع بعيد كل البعد عن السكان؟؟ كم وكم؟؟ تدرون ان ريحته توصل لين العقده وعند الجبل المقصوص؟ الله يعين سكان الخضراء
     
    آخر تعديل: ‏10 ماي 2011
  2. •¦{ آلبُريْمِے دَآرِيْ }¦•

    •¦{ آلبُريْمِے دَآرِيْ }¦• ¬°•| فَخْرِ الْبُريْمِي |•°¬

    أوافقك الرأي اخوي بس عاد لو بنتكلم ترى بيقولون هذا المشروع قائم وازالته فيها خسارة ومن هذا القبيل وبعدين بداية تخطيط المشروع اعتقد مافي دراسة بأن في مخطط سكني قريب من المكان

    الله كريم صابرين من ونحن صغار على هالريحه وبصراحه الحين الريحه مب دايم نشمها
    قبل كم سنه كانت الريحه قويه
     
  3. ""فـوشـهـ""

    ""فـوشـهـ"" ¬°•| عضــو مــهــم|•°¬

    صــدق واللـــه ريحــة مصنــع الأدويــهـ وايــد فضيييييعــــهـ ,,,,




    يليـــت يلقــون حــل حــق هلمشكلـــهـ ....
     
  4. حكاية حرف

    حكاية حرف ¬°•| تَرْجَـِoـِةُ إحْـِωـِآسُ |•°¬

    أوافقك الرأي

    كلامك صحيح اخوي طاق طاق وبصراحة تعبنا من الروائح والتلوث الهوائي وهم يعرفوا أضرار هذا التلوث بس يتجاهلوا هالشي ويبنوه قريب من المنازل
    لازم الحكومة تفكر بمصلحة الشعب
    لازم الحكومة تفكر بصحة الأطفال
    لازم يحسوا فينا تعبنا من كثر الكلام والمظاهرات
    نبا وزراء يصلحوا الأخطاء

    وكل الشكر لطاق طاق على الموضوع المميز
     
  5. داش عرض

    داش عرض ¬°•| عضو مبتدى |•°¬

    مشكور على موضوعك طاق طاق

    إزالته تتكلف لكن لأزم الحكومه تتحمل في سبيل المواطنين و المقيمين

    يعني لو يعوضوا المصنع بأرض بعيده عن المناطق السكنيه و تعويض معقول عن المباني
     
  6. سيدة أعمال

    سيدة أعمال ¬°•| عضو مميز جدا |•°¬

    الله يعين أهل البريمي من بيسمعنا بس
     
  7. في الصميم

    في الصميم ¬°•| خارج الخط |•°¬

    إن شاء الله حد بيسمعكم (البريمي أهلها ومسؤوليها فيهم الخير والبركه) بس خلوننا ننقاش الموضوع وإن شاء الله حد بيسمعكم!!

    هذه القضيه تذكرني بسالفة ميناء صحار والتلوث إللي فيه لكن ف البريمي الأمور أخف شوي (لكنها تبقى مشكله وكبيره لأهالي البريمي)!
    يعني من وجهة نظري لو توضع بعض المصفيات أو الفلاتر المخصصه (حتى لو كانت غالية الثمن) ف فائدتها أكبر!!
    نقل المصنع أتوقعه صعب لكن إيجاد حل للروائح "تقنيا وفنيا" ممكن لكن متى وكيف؟؟ هذا السؤال بيتم معلق لين نحصل حد يرد علينا!!

    موضوع نقاشي جميل أخي الكريم وتقبل مروري!!
     
  8. ريم البراري

    ريم البراري ¬°•| عضو مبتدى |•°¬

    باذن الله ستفرج

    عسى يا رب تنحل هالمشكلة عن قريب بس الموضوع يبي شوي صبر ...
    وأنا اللي سمعته إنهم يابوا خبراء ألمان عشان يحلوا هالمشكلة
    وربنا ميسر الأمور ....:imuae40:
     
  9. مستشار

    مستشار ¬°•| عضو مميز |•°¬

    يعطيك العافيه في الصميم ... احب اوضح اني انا بعيد ساكن عن ريحة هالمصننع بس مرات ف العقده ولا وانا مار اشم الريحه واقول الله يعين اهل الخضراء واللي عداله... فعلا مرض وياريت يوقفون وقفه تضرب ( ف الصميم ) عشان على الاقل حد يحس ... واذا على التكلفه ما اعتقد بتكون بالمليارات عملية النقل.
    اشكر جدا مرورك.
     
  10. كاتمة العبرات

    كاتمة العبرات ¬°•| عضو مبتدى |•°¬

    الريحه احيانا توصل لين ارض جو بحسب جهة وقوة الهوا... بصراحه الله يعينكم
    المسؤولين اكيد يشمون الريحه بس ليش ما يترمسون
    الله المستعان
     
  11. نواف العبدلي

    نواف العبدلي ¬°•| عضو مميز جدا |•°¬

    خلاص تأقلمنا على هذا الوضع
    صرنا مدمنين على روائح الادويه


     
  12. واعي

    واعي ¬°•| عضو مبتدى |•°¬

    الله يعين ...
    طق طق احسنت ..
     
  13. هبة الريح

    هبة الريح ¬°•| عضو جديد |•°¬

    طاق طاق .. موضوعك زين ...
    يزاك الله خير ...
     
  14. مستشار

    مستشار ¬°•| عضو مميز |•°¬

    وياك.........
     
  15. & ظبية أبوها &

    & ظبية أبوها & ¬°•| عضو مميز جدا |•°¬

    والله صدقج لازم يلقوووون حل حق هالمشكله
    ماينسكت ع هالحال :dead:
     
  16. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    كل مكان مهمل فيه روايح مب بس الحواير الي جنب المصنع -_________________________-
     
  17. مميز

    مميز ¬°•| عضو شرف |•°¬

    السلام عليكم ورحمة الله وبركته
    مرحباً أخي طاق طاق أشكرك على طرح هذا الموضوع المهم
    وما ذكرته ليس بخطأ .لكن عندي تعليق على هذا الموضوع و(أختلاف في الرأي لا يفسد في الود قضيه) صحيح أنه مصنع الأدوية زاعجكم بس المصنع ما تأسس من يوم أو يومين يعني صار له سنين وأعتقد هم ما مقصرين باذلين أقصى ما عندهم عشان يخلو المصنع من أفضل الشركات على مستوى الشرق الأوسط وأعتقد هالشي راح يكون من صالح البريمي إنها تأسس شركه بهالمستوى.وإذا على الروائح هم المتعاقدين مع شركه عالميه عشان يوفرا تقنيه تبعد هالروائح عن المساكن وعن منطقة الخضراء بشكل عام .على الأقل المصنع بعيد عن مناطقنا السكنية مب الصرف الصحي إللي حاطينه ف وسط المدينه وين أضرر الأكبر برأيك؟ هذا الموضوع اللي يحتاج فعلاً لنقاش. وإن شالله ما يصير إلا إلي فيه الخير.بس رجاءاً إنتوا تبون هالمصنع يتسكر بس لازم تفكروا ف هالناس المساكين إلي تشتغل صار لهم سنين وين بتروح إذا نقطع رزقهم كيف تقدر توفر وظائف حق 500 عامل او اكثر انا بصراحه ماادري وإنت تعرف الوضع عندنا ف عمان. أنا سمعت إنه فيه خطط راح يسونها إنشالله قريب راح يكون فيه تحسنات في هالمشكله يعني بس أصبروا عليهم شوي هالشركه تحتاج دعم منا يعني لازم نتعاون وياهم مب ضدهم شو بتحس وانت تسمع عن اقتصاد البريمي انه توب او تسمع انه البريمي فيها شركات ومصانع تشغل الشباب والبنات اكيد الكل بيفرح ولو على الروائح اسال عن أي بلد من البلدان الصناعه الثانيه اكيد فيه مشاكل بسيطه لكن يتغلبون عليها لأنه اقتصاد البلد مهم أنا ما أقول انه الناس مب مهمين لا بس من وجهة نظري فيه ناس تشتغل من زمان والحمدلله ما اعتقد جاهم أي مرض اخوي ف الصميم اقتراحك حلو بس على حسب علمي انه الشركه مركبه فلاتر من كم سنه علشان كذيه الروائح خفت شوي. بس اذا عندكم أي اقتراح بالخصوص هالموضوع وكيف نخليهم يقللون من الروائح ياليت تحطونه لأنه كثير تهمنا سمعة البريمي واقتصادها . وأعذرني إذا طولت في الحديث..

    مميز
     

مشاركة هذه الصفحة