أحلامي الطفــولية

الموضوع في ',, البُريمِي لـ القَصائد المنقولة' بواسطة الهاجس, بتاريخ ‏10 ماي 2011.

  1. الهاجس

    الهاجس ¬°•| حكاية تميز |•°¬



    أحلامي الطفــولية


    آه كـم ونـةٍ بالصـدر مخفيّـه
    في حنايا مـن الأحـزان مليانـه

    عقب كانت حديث قلوب سرّيـه
    ولعت جوف صدرٍ ثـار بركانـه

    يوم عديـت بالأقـدام عصريـه
    فوق رجمٍ لـه الأقـدام طربانـه

    رحت اغني واجاوب كل قمريـه
    وفز قلبي كمـا طيـرٍ بجنحانـه

    وهل دمعي كما همّـال وسميـه
    لين راحت ثيابـي منـه غرقانـه

    يوم لديت فـي الـدار الخلاويـه
    وشفت منزالنـا فيهـا ومرحانـه

    عشت لحظه مع احلامي الطفوليه
    يوم كانت غصون العمـر ريانـه

    شفت نفسي بذيك الديـره الحيـه
    طفل غرقان في لعبه مع اخوانـه

    نصنع من الخيال جمـال وهميـه
    مثل زمل البدو لاشدت اضعانـه

    ثم نشعب جمال الوهـم طرقيـه
    يوم تقفـي نغنـي ليـل يادانـه

    كن ابويـه يحقـق بالنظـر فيّـه
    يوم اغني وانا اغني على شانـه

    كني احس صوته مـن حواليّـه
    واذكره واتذكّر ضحكـة اسنانـه

    يوم يقبـل مـن ديـارٍ نحاويـه
    رغم كل الشقا مايبـدي احزانـه

    ثم يرمي بروحـه داخـل الفيّـه
    وقبل يرتاح يزهم كـل ورعانـه

    في عيونـه لنـا نظـرات حنيّـه
    تروي كبودنـا لوكـان عطشانـه

    ذكريـاتٍ تكـاد تلامـس يديـه
    بعد مالامسـت قلبـي ووجدانـه

    فرحةٍ عشتها لحظـات وشويـه
    زهرة العمر واللحظات عجلانـه

    كن ذاك الزمـان أحـلام ليليّـه
    مابقا مـن كتابـه غيـر عنوانـه

    فرقتنا ضروف الوقـت جبريـه
    مات من مات واللي حي في شانه

    فات عصر الصبا باحلام ورديـه
    والطموحات والآمـال عجزانـه

    مثـل منزالنـا وبيـوت مبنـيـه
    مابقا مـن بناهـا غيـر سيسانـه
     
  2. مداوي جروحهـ

    مداوي جروحهـ ¬°•| عضو فعّال |•°¬

    آه كـم ونـةٍ بالصـدر مخفيّـه
    في حنايا مـن الأحـزان مليانـه


    كلمات رائعة بصراحة
    تسلم أخوي
     
  3. حــزن

    حــزن ¬°•| زوبعة تميز |•°¬


    عقب كانت حديث قلوب سرّيـه
    ولعت جوف صدرٍ ثـار بركانـه
    ..
    في عيونـه لنـا نظـرات حنيّـه
    تروي كبودنـا لوكـان عطشانـه
    ..


    جميـــلهـ هي ذكرياتـ طفولتنا
    الا ليتـها تعود يوماً:imuae59:

    يعطيكـ العافيهـ
    قصيدهـ قمهـ فالروعهـ
    تسلم على النقل المميز
    :approved:
     
  4. بثينة

    بثينة ¬°•| أسْطُورَة آلجِنْس آلْبَشَري |•°¬

    ذكريـاتٍ تكـاد تلامـس يديـه
    بعد مالامسـت قلبـي ووجدانـه

    فرحةٍ عشتها لحظـات وشويـه
    زهرة العمر واللحظات عجلانـه


    كلمآت رآئعة آخي [ آلهآجس ..

    وآصل ع آلآبدآع :imuae59:
     
  5. الهاجس

    الهاجس ¬°•| حكاية تميز |•°¬


    يسلم لي مرورك الجميل
    منور أخي العزيز
     
  6. الهاجس

    الهاجس ¬°•| حكاية تميز |•°¬



    دائمات ما تنير
    مشاركاتي
    مرورج العطر
    تسلمي
    عيونك آخر آمآلي
    عاللفة الجميلة
     
  7. الهاجس

    الهاجس ¬°•| حكاية تميز |•°¬


    الإبداع نراه
    بالمرور
    الراقي منكم
    تسلمي
    أختي العزيزة
    لا هنتي
     
  8. فـيـ الـكـعـبـي ـصـل

    فـيـ الـكـعـبـي ـصـل ¬°•|شاعر الشلّة |•°¬

    ربي يعطيك العافيه اخوي ع النقل ..


    وصح لسان قائل القصيده
     
  9. الهاجس

    الهاجس ¬°•| حكاية تميز |•°¬


    تسلم يالكعبي
    على مرورك الرائع
    لا هنت والله
     
  10. أسطورة روح

    أسطورة روح ¬°•|راعية فزعة|•°¬

    طرررررررررررررحك دوووووووووووم مبددددددددع

    وطرررررررررررروووحك دووووم حلوووووووة

    رااااااااقت لي القصيدة بقوة
     
  11. الهاجس

    الهاجس ¬°•| حكاية تميز |•°¬

    مرورج هو إبداع لمشاركاتي
    تسلمي والله
    لا هنتي ولا هان غاليج
     

مشاركة هذه الصفحة