الجيش السلطانــي !!!

الموضوع في 'مركز أخبَار وقَضَايَا مُحـَافَظة البـُريمِي' بواسطة السامــي, بتاريخ ‏9 ماي 2011.

  1. السامــي

    السامــي ¬°•| عضو مبتدى |•°¬

    السلام عليكم ورحمة الله وبركاته

    ياجماعه سؤال احد اسمه طلع في الجيش السلطاني .. ولا اسم عيال عمه ... ولا من جيرانه من سكان محافظة البريمي

    لانه احس انهم نصبو علينــا ,,, سجلونا تاريخ 18/4/2011 ورمو اوراقنا الزباله

    18363 الف شخص ولا عاد بانشوف غيرهم يقولون

    انا اسمي ماطلع مع اني عندي شهادة الحادي عشر !!!! يعني كيف الي اقل مني الله يعينهم بس

    كان عندنــا امل يقبلونــا بس الحين كل واحد فيكم يدور له شغل ثاني غير الجيش اغسلو يدينكم منــه

    مسوين زحمـــه تعال سجل في النادي واخر شئ طلعو يقصون علينــا يبون يسكتونــا بس

    واصلن اذا يبون يقبلونا من زمان كان شالونه مثل شباب صحار سجلو على طول الى الباصات !!!

    امور غريبـــه عجيبه تحدث بس الشكوه لغير الله مذله

    مازال الفســـاد متواجـــد

    ودي
     
  2. في الصميم

    في الصميم ¬°•| خارج الخط |•°¬

    السلام عليكم أخي الكريم
    ما هي الشروط المطلوبه / مع إحترامي لك لكن هل تقبل شهادة الصف الحادي عشر أم المجال مسموح للكل؟

    أخي الكريم مب زين نتهمهم واحنا ما نعرف الحقيقه بعد!!
    يعني إذا وضح السبب سيبطل العجب ونحن ننتظر التوضيح!!

    إحترامي لك!!
     
  3. زيكو

    زيكو ¬°•| عضو فعّال |•°¬

    أخي العزيز جاي الدور لكم..

    لا تفقد الامل..

    حشاهم يكونوا نصابين..

    خل هالكلام عنك..وان شاء اللهـ الدور لـ شباب المحافظة قريبـ

    تحياتي لك
     
  4. السامــي

    السامــي ¬°•| عضو مبتدى |•°¬

    وعليكم السلام ورحمة الله وبركاته

    هذي هــي الشروط :

    يعلن الجيش السلطاني العماني بفتح باب التسجيل للانخراط في السلك العسكري وذالك من يوم الاثنين 18/4/2011 وحتى يوم الاربعاء الموافق:20/4/2011 م
    الساعه السابعه صباحا بنادي النهضه بولايه البريمي وفق الشروط التاليه:
    1- ان يكون المتقدم من ابناء محافظه البريمي ( البريمي ومحضه والسنينه)
    2-ان يكون حاصل على شهادة الحادي عشر كحد ادنى
    3- ان لا يقل عمر المتقدم عن (18) سنه ولا يزيد عن (30) سنه
    4- ان يكون لائق طبيا
    وعلى من يجد نفسه الكفاءة والرغبة بالتسجيل ان يحضر معه التالي :
    1- اصل البطاقه الشخصيه مع صوره منها
    2- اصل الشهاده الدراسيه مع صوره منها


    :::::::::::::::::::::::::::::::::::::::::::::::::::::::::::::::::::::::::::

    وبعدين انا ماتهمت بالباطل وقررة وتكلمت الا بعد التمعن في كلامهم الي في الجريده

    شوف الكلام وانت احكم بنفسك وفهمني معناه يمكن انا احيانا يخونني التعبير !!!!

    ...................... نـــص الاعلان عن اسماء المقبولين الي نزل تاريخ 8 / 5 / 2011 ........................

    إلحاقا للاعلان المنشور بتاريخ 23 مارس 2011م يسر الجيش السلطاني العماني ان يعلن للمواطنين الكرام الذين تقدموا بطلباتهم والمستوفين لشروط التجنيد بأن عليهم الحضور الساعه الخامسه سباحا حسب التواريخ الموضحه لكل مجموعه وذلك لأجراء الفحص الطبي المبدئي مصطحبين معهم اصل البطاقه الشخصيه والملابس الرياضيه


    .............. الخاتــمــــه ................

    اما المواطنين التي لم ترد اسماهم في هذا الاعلان فاءنه يؤسفنا إبلاغهم بأنهم لم يستوفوا شروط التجنيد المعلن عنهــا سابقا .. وان قيادة الجيش السلطاني العماني تقدر لهم رغبتهم الاكيده في الالتحاق بالخدمه العسكريه متمنين لهم التوفيق في حياتهم المستقبليه .


    انتهــــاء

    بعدين انا هب جالس اتبلا على الناس بدون دليل
     
    آخر تعديل: ‏9 ماي 2011
  5. & ظبية أبوها &

    & ظبية أبوها & ¬°•| عضو مميز جدا |•°¬

    اليوووووم وايد اسماء نااازلين بس محد من البريمي مقبول ليش ؟؟؟
    الصراحه لهم الحق انهم يعصبو
    اللين متى بينتظروا :angry3:
     
    آخر تعديل: ‏9 ماي 2011
  6. السامــي

    السامــي ¬°•| عضو مبتدى |•°¬


    اي دور جاي الله يهديك وهم قالوا انهــا اخر دفعــه هاي ... معاد شئ بعدهـــا يعنــي


    ننتظر على وش بعــد ؟؟؟ عطونــا الزبدهــ
     
    آخر تعديل بواسطة المشرف: ‏9 ماي 2011
  7. حماسة البريمي

    حماسة البريمي ¬°•| عضو فعّال |•°¬

    ان شاء الله يتم تعيينهم

    وترى الجيش مخففين على الشباب هالايام

    يعني الدورة مب صعبة نفس أول .... عشان محد يشرد من الجيش
     
  8. في الصميم

    في الصميم ¬°•| خارج الخط |•°¬

    أخوي لا تعصب علينا الله يهديك فقط إحنا بغينا بعض المعلومات "شروط القبول" عشان ما نظلم أي طرف ونتأكد وأيضا أتوقع مب إنت بس إللي ما قبلوك ف البريمي ، أتوقع عدد كبير، ويزاك الله خير أدرجت المعلومات والبيانات المطلوبه ...
    ألحين بعد ما نزلت آخر دفعه هل تم التواصل مع غير المقبولين بإتصال أو غيره أم فقط إعلان ف الجرائد وسؤال آخر هل تم التواصل مع كتيبة الجيش ف البريمي (إذا عندهم فكره)؟؟!!



    حاشاك أخوي محد قال تتبلا ولا حد إتهمك ،، نعرف إن من حقك تعرف ليش ما قبلوك ،، إن شاء الله بنبحث عن إجابه وفالك طيب!!!
     
  9. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  10. في الصميم

    في الصميم ¬°•| خارج الخط |•°¬

    أخوي "السامي" مثل ما قالك أخوي "Al-na3aimi" شوف الأسامي وتأكد!!

    ننتظر ردك!!
     
  11. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

  12. في الصميم

    في الصميم ¬°•| خارج الخط |•°¬

    تأكد أخوي "السامي"بعدك من القائمه وإن شاء الله أسمك من بينهم!!
    أخوي "Ąℓŋ3αỉмỉ" شكرا لك ع المساعده وإن شاء الله يتوفقوا شباب البريمي!!!
     
  13. بالتوفيق لكل الشبااب
     
  14. دبلوماسي المحافظه

    دبلوماسي المحافظه ¬°•| فخر المنتدى |•°¬

    اخي العزيز لك وعد مني ان اسبوع اليااي في اسامي شباب البريمي في الجريده الرسميه والخبر اليوم في الدوام قريته في رساله رسميه لمسوؤلنا بارك الله فيك
     
  15. دبلوماسي المحافظه

    دبلوماسي المحافظه ¬°•| فخر المنتدى |•°¬

    اليوم في شباب قابلو المحافظ وراواهم صوره الكتاب الي جاي من الجيش ان اسامي اهل البريمي الاسبوع الجاي
     
  16. صقر آلبريمي

    صقر آلبريمي ¬°•|مـכـتـآر [آכـبـﮗ]ولآ [آטּـسآﮚ]ـ |•°¬

    عسى الله يوفقكم في مسعاهم !!
     
  17. السامــي

    السامــي ¬°•| عضو مبتدى |•°¬

    اسف اذا عصبت عليك بس من القهر الي فيني

    وصدقك تقريبا ماحد طلع اسمه من الي سجلوا تاريخ 18 / 4 / 2011 م

    ابد ماتواصلوا معانا همزة الوصل بيننا وبينهم هي الجرائد غيرها ماشئ

    والكتيبه الي في البريمي بصراحه مارحت عندهم

    والحين خلاص المشرف : دبلماسي المحافظة .... جأب الكلام الي يبرد القلب

    وان شاءالله يكون خيـــر

    منتظرين الاسبوع القادم
     
  18. السامــي

    السامــي ¬°•| عضو مبتدى |•°¬


    صح الكلام الاسامي الي طلعت سجلوا تاريخ : 23 / 3 / 2011 م هــــم الي طلعوا

    ونحنـــا سجلنــا تاريــــخ : 18 / 4 / 2011 م

    شكرا على المداخله
     
  19. السامــي

    السامــي ¬°•| عضو مبتدى |•°¬

    اقسم بالله 4 ساعات وانا جالس اقراء حتى عيوني صرن صغــار من كثر القراءه

    اكثر من 4 مرات وانا اعيد قراءة الصفحه الواحــده

    وللاسف لم احصل اسمي

    اشكرك مره اخرى على التواجــد
     
  20. السامــي

    السامــي ¬°•| عضو مبتدى |•°¬

    خلاص دام انت جبت الخبر قلبي تطمن

    وان شاءالله نطلع كلنا شباب البريمي الاسبوع الياي

    اشكرك جزيل الشكر على الخبــر الي يشرح القلب

    كفيــت وفــيـــت اخــوي

    الله يعطيك العاافيه
     

مشاركة هذه الصفحة