عيبٍ على شـــيب

الموضوع في ',, البُريمِي لـ القَصائد المنقولة' بواسطة الهاجس, بتاريخ ‏9 ماي 2011.

  1. الهاجس

    الهاجس ¬°•| حكاية تميز |•°¬



    عيبٍ على شـــيب



    قديش تخدعني المظاهـر ولااتـوب
    ماكنهامـرّت عـلـيّ التجـاريـب

    كم واحدٍ يعطينـي الهـرج مقلـوب
    واناإعتبرته من خيـار الأصاحيـب

    الفرق بين الناس في عقول وقلـوب
    واسرارهم يعلم بهـا عالـم الغيـب

    العين ماتكشف لك اللي ورى الثـوب
    كلٍ يظن ويخطـي الظـن ويصيـب

    اللي يودّك مايـرى فيـك عـذروب
    واللي شناك يحـط فيـك العذاريـب

    إن كان ولينّك من العقـل موهـوب
    لاتستمـع لمروّجـيـن الأكـاذيـب

    كم من حديـثٍ قـد لقينـاه مكـذوب
    على النبي اللي منـزّه عـن العيـب

    العبد فـي دنيـاه غالـب ومغلـوب
    والعمر جـاري والليالـي دواليـب

    يجمع مع الأيـام حسنـات وذنـوب
    والستر ظافـي والعِبَـر بالعواقيـب

    إصبر على الدنيا ترى الصبر مطلوب
    وإستخدم الحكمه وحسـن الأساليـب

    وإحذر تلجّ عواك في كـل عرقـوب
    محـدٍ بقايـل وش مسرّيـك ياذيـب

    ولايعتريك الهـم والـرزق مكتـوب
    مضمون لك مافيـه شـكٍ ولاريـب

    كثر الطمع يدفعك راضي ومغصوب
    للبخل والعزلـه وتـرك المواجيـب

    والنفس لاتارد على كـل مشـروب
    حتى تورّدهـا لصافـي المشاريـب

    لاتندفع معهـا ورى كـل محبـوب
    وتعلقك في حبـال الآمـال وتخيـب

    الناس قالوا كـل ممنـوع مرغـوب
    والعاقل اللي يشغل النفـس بالطيـب

    وإلياإمتطيت من الجهل كل مركـوب
    ضاعت سنين العمر من غير ترتيـب

    إن كان ماتحسب ترى العمر محسوب
    في كل يومٍ تطلع الشمـس وتغيـب

    ولابد تطلع فيـك ميـزات وعيـوب
    واقبح عيوب الرجل عيبٍ على شيب
     
  2. قديش تخدعني المظاهـر ولااتـوب

    كلمات رائعه شكرا سراب الروح
     
  3. الهاجس

    الهاجس ¬°•| حكاية تميز |•°¬


    يعطيك العافية أخي العزيز
    تسلم عالمرور
     

مشاركة هذه الصفحة