يــــــا حظ من عنده عجوزٍ وشايب‏

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079


يــــــا حظ من عنده عجوزٍ وشايب‏

997409578.jpg



يــــــا حظ من عنده عجوزٍ وشايب****وإلا حدى الاثنين يا ســــــعد عينه


وجودهم يجلـــــى النكد و الصعايب****و يـــا حظ من يدرك حدى والدينه


ابوٍ كبير و له علومِ طــــــــــــرايب****و كل المـــــراجل حازها في يمينه


و أمٍ إلى شافه تهـــــــون المصاعب****تسعـــــــــــــد ببره لو يقبل جبينه


ترفع يدينه للولي بالمطــــــــــــالب****و ترجي ولي العرش يسعد سنينه


أقدامها تحتـــه جنـــــــــــانٍ رطايب****و أبوك عزه في توالــــــي سنينه


و بيتٍ بدون كبار مثل الخـــــــرايب****و اللي فقـــــــدهم قولوا الله يعينه


نــــــور البيوت و يجمعون الحبايب****وكل السلــــــــوم الطيبة جامعينه


فيهم لقسوات الليـــــــــــالي غلايب****مروضيـــــــن الوقت ومطوعينه


اخضــــع لهم و إنذل إن كنت راغب****في جنــــــــــــــةٍ يا علنا ساكنينه


و ازرع و تجنــــي لكل شيٍ عقايب****وكلٍ يبــــــــــي ياخذ على قد دينه


و احــــذر تقول أجيب واحد يراقب****و يخــــــــدم أبوي وراتبه دافعينه


وأمـــــك تقول الخادمة له تواضب****بغريفـــــــــــةٍ بالحوش ومكرمينه


لعيونـــــنا كم جت لهم من متاعب****ووقتٍ شحيـــــح وليلهم ساهرينه


و مهما نسوي لأجلهم فهو واجــب****شيءٍ قليـــــــــل وحقهم هاضمينه


اغنـــــــم زمانك قبل جمع الكسايب****يا سعــــــــــد منهو بر في والدينه
 

دموع الشوق

¬°•| عضــو شرف |•°¬
إنضم
6 نوفمبر 2010
المشاركات
3,011
تسلم ع النقل المميز

بصرااااحه الابيااات ابدااااااع وايد عيبتني
 

عسولة كيوت

¬°•| عضو مثالي |•°¬
إنضم
30 مارس 2011
المشاركات
1,162
ههههههه حلوة بس القعدة ويا العيوز والشايب ترفع الضغط
يسلمو ع الموضوع الرائع:2253446f49dd40fbf5e
 

فتى الحزين

¬°•| عضو مبتدى |•°¬
إنضم
27 مارس 2011
المشاركات
93
يسلمو على الابيات الجميله
 

الشامسية

¬°•| شيف ملكي |•°¬
إنضم
15 يونيو 2010
المشاركات
5,136
ماشاء الله كلمات رائعة
بصراحة جلستهم ما تنمل
ما شي احلى من التجمع معاهم في الضحك والسوالف
الله يخليهم ويحفظهم
اللهم اجعلنا من البارين فيهم الراضين علينا
مشكور اخوي على اختيارك الحلو
بالتوفيق لك
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
ويـــا سعد منهو بر بواااالدينه


صح الله لسانك اخوي واعتلى شانك


اليهال والسيبان زينة وفنر البيت

البيت من دونهم ظلمه ف ظلمه


تسلم اخوي ع القصيده وما عليك زود

وتقبل تواجدي البسيط ع متصفحك

ودمت بــــــــــــــود...
 

غـــرام أطـــفال

¬°•| عضو مبتدى |•°¬
إنضم
2 مايو 2011
المشاركات
28
الإقامة
خارج نطاق الديره
يا بخت من عنده عيوز وشايب

كبار السن يونسون البيت فديتهم والله

يسلمووو خيوووو ع الطرح
 

أسطورة روح

¬°•|راعية فزعة|•°¬
إنضم
5 يناير 2011
المشاركات
1,050
الإقامة
مركونـ بين البحر والبيت وحداني،، ابني لروحي أمل وج
يالله يا ليت لو عندي عجوز وشايب قسم بشلهم على راسي من فوق

تسلم على النقل خيو خيااااااااااال لقصد سرررررررراب
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
دموع الشوق & عسولة كيوت & The Queen
فتى الحزين & الشامسية & مردك لي
غـــرام أطـــفال & مربطه الجن



لا عدمنا طلتكم المنورة والله
وهي والله البيت من دونهم ما يسوى
وسوالفهم ما تنمل
هم زينة البيت وبقاه
الله يخلي لكم شيابكم
إن شاء الله
 

دلع بسنع

¬°•| عضو فعّال |•°¬
إنضم
25 أكتوبر 2010
المشاركات
194
الإقامة
عمان
موضوع فقمة الروعه شكرا سراب الروح ولا انت تستاهل تسمى المبدع على مواضيعك الاكثر من رائعه
وعسولة كيووت سمحيلي بجول شي صدجيني الجعده مع كبار السن احلى شي وما تنمل بعد وانت ما بتعرفي هالشي الا اذا فقدتيهم بعد طول عمر انشالله

اشكرك من كل قلبي يا المبدع
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
موضوع فقمة الروعه شكرا سراب الروح ولا انت تستاهل تسمى المبدع على مواضيعك الاكثر من رائعه
وعسولة كيووت سمحيلي بجول شي صدجيني الجعده مع كبار السن احلى شي وما تنمل بعد وانت ما بتعرفي هالشي الا اذا فقدتيهم بعد طول عمر انشالله

اشكرك من كل قلبي يا المبدع


أخجلتي تواضعي
يكلماتج الجميلة

تسلمي والله
لا هنتي ولا هان غاليج
:imuae72:
 
أعلى