ذكريني كَل مَآفآضتْ عيُونك .. وآفقدونِي

الموضوع في ',, البُريمِي لـ القَصائد المنقولة' بواسطة الهاجس, بتاريخ ‏28 أبريل 2011.

  1. الهاجس

    الهاجس ¬°•| حكاية تميز |•°¬



    ذكريني كَل مَآفآضتْ عيُونك .. وآفقدونِي


    ما برد عزمي و لا غير لهيب الحب لوني ..............
    .............. دام لي قلبٍ من عروق الوفا يسقي وريده

    و الهوى حظ ونصيب و دمعتي عذرى جفوني ..............
    .............. و لـ إلجفون سلوم و الدمعه تخاف من النقيده

    ليه يا من تسرقين الود من نظرة عيوني ..............
    .............. ما حسبتي غيبة اللي لا نوا الغيبه فقيده

    و ليه لا عزمت ابنسى من على الدنيا نسوني ..............
    .............. ما ذكرت الا انتي وجرحٍ مساحاته عديده

    ليت عذرك عن وفاك و غلطتك يلغي شجوني ..............
    .............. و ليت لي قلبٍ بدون احساس و احكامه شديده

    كنت اظنك ما تعيشين العمر لحظه بدوني ..............
    .............. و أثر ما لـ إلظن غير اللوم و لحون القصيده

    اذكريني كل ما فاضت عيونك و افقدوني ..............
    .............. و كل ما دمعك نشد خدك و قال شصار بيده

    واذكريني لا غزا البرد الضلوع و مآ لقوني ..............
    .............. و لا جبرك الوقت في ممشاه واطباعك عنيده

    و اذكريني كل ما جاتك من العالم لحوني ..............
    .............. عقب ما كنتي من لساني تعرفين الجديده

    و اذكريني كل ما احتجتي تخونيني وخوني ..............
    .............. في غيابي كل ذكرى بيننا كانت سعيده

    و الا انا لا من ذكرتك ما ذكرت الا طعوني ..............
    .............. في الزمان اللي تجمعنا به الله لا يعيده

    ما ربحت الا جفاك و ما خسرت الا جنوني ..............
    .............. و لا بعد هذا سوى النسيان والفرقا الاكيده

    سامح الله غلطة احساسي قبل غلطة عيوني ..............
    .............. وسامح الله هاجسي في ما هدالك من رصيده

    لو ظنوني يوم واحد تشعر بخيبة ظنوني ..............
    .............. ما يصير الحزن سيد الصدر و افراحي عبيده

    سامح الله ذنب كل اللي على الضيقه حدوني ..............
    .............. لين صرت اواجه الايام في بسمه وحيده
     
  2. الهاجس

    الهاجس ¬°•| حكاية تميز |•°¬

  3. الشامسية

    الشامسية ¬°•| شيف ملكي |•°¬

    ما شاء الله قصيدة رائعة
    تسلم اخوي ما قصرت على الاختيار الرائع
    موفق ان شاء الله
    الله يعطيك الصحة والعافية
    نتريا الذود منج


    ههههههههههههههههه
    اشفيك معصب عشان محد رد عليك
    اسميني ضحكت من الخاطر خخخخخخخخخ
     
  4. مردك لي

    مردك لي ¬°•| عضو مثالي |•°¬

    ما اصعب الوحده وما اصعب الطعنه من شخص

    عزيته واغليته الله يكون ف العون...


    تسلم اخوي ع الطراح الراقي كشخصك الراقي


    تقبل طلتي وتواجدي ع متصفحك الشيخ...

    ودمت بـــــــــــــــود,,,
     
  5. الهاجس

    الهاجس ¬°•| حكاية تميز |•°¬


    الشامسية

    ألف شكر لج

    أحييتي المشاركة

    لاهنتي والله
     
  6. الهاجس

    الهاجس ¬°•| حكاية تميز |•°¬


    مردك لي

    إسمك الرائع

    إنطبع على مشاركاتي

    وأنارها كنور شخصك

    الكريم لا هنت
     
  7. غـــرام أطـــفال

    غـــرام أطـــفال ¬°•| عضو مبتدى |•°¬

    تسلم اخوي ع الطرح المميز

    قصيده رائعه جدا...

    ودمت متألق,,
     
  8. الهاجس

    الهاجس ¬°•| حكاية تميز |•°¬


    تألقي مجرد مرور
    شخصكم الرائع
    ألف شكر
    لا هنتي والله
     

مشاركة هذه الصفحة