$* ... بين قوسين ... *$

الموضوع في ',, البُريمِي لِـ/ للشٌعرٍوالْقصِيْد,,' بواسطة عذب الأطباع, بتاريخ ‏18 أبريل 2011.

  1. عذب الأطباع

    عذب الأطباع ¬°•| عضو مبتدى |•°¬

    هذه القصيدة ... كتبتها ... عندما كنت في ألمانيا ... أتمنى أن تعجبكم ...


    ببدا قصيدي بقول كان ياماكان ...
    في قصة ابتدت من مطار برلين ...

    قصة ماخْطرت على بال إنسان ...
    باقي أحلل خفاياها إلى الحين ...

    سافرت أنا موادع حبايب وخلاّن ...
    وأمنّي النفس بالشوفة مادام حيّين ...

    اقترب عيد الأضحى يوم الكل فرحان ...
    ماغير أهلي هم غدوا عقبي محازين ...

    قفّيت عنهم والحشا تصلاه نيران ...
    أمشي وغصب(ن) تلتفت يمّهم عين ...

    صعدت الطايرة وأنا أقول يارحمن ...
    انّك تسهّل وكل الأمور اتّم وتزين ...

    وصلت المطار والقلب بالخوف مليان ...
    مرتبك وأفكاري براسي ملايين ...

    وفي زحمة أفكاري توارى للأعيان ...
    طيف(ن) سكن قلبي له جملة سنين ...

    يومه رمى بصوت كما ناقوس رهبان ...
    أوقظني من الغفوة وأمسك باليدين ...

    عاتبني ثم قال ماخبرت انك جبان ...
    وماهقيت انك ياقوي الباس بتلين ...

    ياكيف تخضع لظن الأصل فيه شيطان ...
    اترك اليمنى عجين وخلّ الثانية طين ...

    وليش وجهك دايم ممتلي هم وأحزان ...
    تكفى عشاني اضحك بوجه السنين ...

    وليش بسبتي حكمت قلبك بحرمان ...
    ليش تصد جاوب سؤالي يالظنين ...

    إيمانك بالقدر تراه واحد من أركان ...
    وأنت مؤمن(ن) بالزين منه والشين ...

    لاتجعل همومك جبل فوق الأمتان ...
    لأن الجمل لو طاح تكثر سكاكين ...

    عاشر من تعاشر كل من عليها فان ...
    هذا مثالك والا نسيته يالفطين ...

    قم صيح بأعلى صوت وعجّل بنسيان ...
    واكسر قيود الحزن لاتبقى سجين ...

    وانا بحرّرك من عهدك كلّه على شان ...
    ماتبقى على الذكرى وللذكرى سجين ...

    ماأحب أشوفك للهواجيس مزبان ...
    لاياتاج راسي ياسيد المحبين ...

    والحين تسمحلي موعد رحلتي حان ...
    وأنت ياخلّي يرعاك رب العالمين ...

    وابتعد هالطيف عنّي والفكر حيران ...
    ليش الحين بالذات يعطيني قوانين ...

    ليش يامر يعاتب ويقول نسيان ...
    عزّ الله أشعل بقلبي عدّة براكين ...

    بركان حبه اللي امتلا شوق وأشجان ...
    وبركان حبّي له على الشد واللين ...

    وبركان وعدي له تحت ذيك الأغصان ...
    بأن القلب له واحد مايقبل اثنين ...

    سلمان ... ياسلمان وينك ياسلمان ...
    خلّك بجنبي لا أصيح مثل البزارين ...

    شل شنطتي عنّي ترا العمر خدران ...
    الحمل فوق كتفي غدا مثل حملين ...

    أحس اني صرت كما شخص سكران ...
    يمشي لكن وين..؟ مايدري على وين ...

    خذني على الفندق ترا اخوك تعبان ...
    قبل أطلع وأركض سواة المجانين ...

    ثم ركبنا لنا تكس وأعطيناه عنوان ...
    وقلنا له تركّد بخطك ياأخضر العين ...

    وصلنا لوجهتنا وكنت بالحيل نعسان ...
    قلت لخويّي شوف غرفة بسريرين ...

    ولاتحسبني في الأكل ماني بجيعان ...
    تلقاني قريب شبّاكي أجر لحنين ...

    ولولا الحيا والدين ورفقتي كان ...
    أخذت لي وسكي وصكّيت كاسين ...

    وفي صبح ثاني يوم موعدي حان ...
    الله من رجفة(ن) بين الضلاعين ...

    دكتور رونلد أنت يادكتور الألمان ...
    ياللي اختصاصك طب قلب وشرايين ...

    هذا انا جيتك على الموعد الآن ...
    بس قبل هذا اسمعني بكلمتين ...

    ليا منّك فتحت الصدر بالله بالهوان ...
    مابيك تزعج منهم بوسطه نايمين ...

    وإذا منّك وصلت القلب دق بيبان ...
    لاتروّعهم وقول ترانا زايرين ...

    اكذب وقول شغلة ساعات(ن) ثمان ...
    وبعد هالساعات ترانا مغادرين ...

    وفي رحلة البحث بتشوف جدران ...
    منقوش فيها حرف مابين حرفين ...

    ايه لاتستغرب ليش أنت شدهان ...
    الحرفين حاء ثم باء وبينهم سين ...

    حاول تبتعد عنهم على قدر الامكان ...
    ومافيه باس لو تحطهم بين قوسين ...

    يمكن تقول ذا تخريف أو هذا جنان ...
    بقول ايه أدري أنت سْيد العاقلين ...

    احفظ كلامي وانا بدوّر لي مكان ...
    لجل آتوضا وآخذ لي ركعتين ...

    يارب هذا الكون ياحنّان يامنّان ...
    يامن إيّاك نعبد وإيّاك نستعين ...

    تشملني بعطف منك ورحمة وتحنان ...
    وتجعلني ممّن هم صحايفهم يمين ...

    والحين يالله تفضّل يادكتور الألمان ...
    جهّز كل مقصاتك وحدّ السكاكين ...

    لكن تذكّر ان المهمة زرع شريان ...
    والثلاث حروف حطّها بين قوسين ...





    وسلامتكم ...
     
  2. حالتي حاله

    حالتي حاله ¬°•| عضو مبتدى |•°¬

    صح لسانك وربي لا هنت
    قصيده قمه ف الروعه
    وانا من محبي الشعر وبكثره
    الله يوفجك وننتظر يديدك بفارغ الصبر
    بس سؤال(ثلاث حروف حطها بين قوسين) شو هن؟؟؟
    وتقبل مروري
     
  3. عذب الأطباع

    عذب الأطباع ¬°•| عضو مبتدى |•°¬

    صح بدنك أختي ...

    تسلمين هذا من ذوقك والله ...

    ويوفقك ربي ان شاء الله ...

    الثلاث حروف ... (( ح ب )) معناها حب ...

    (( س )) أول حرف من اسم زوجتي الله يرحمها ...

    مرورك أسعدني ...
     
  4. سوسو العبيدانى

    سوسو العبيدانى ¬°•| مشرفة سابقة |•°¬

    بعد انا استوفقنى
    بيت اللي بيه الحروف ويلست افكهم:2253446f49dd40fbf5e
    لو ادري كنت نزلت وشفت الحل...........هع:2253446f49dd40fbf5e

    سامحنا فتحنا لك جرح يمكن ما تبي تذكره

    قصيدتك جميله جدا
    فيه:B: شي من اسلوب ابن فطيس
    وكلماتك رااقت لي كثير:47:
    تقبل مروري
     
  5. بكيفي

    بكيفي ¬°•| عضو مميز |•°¬

    صـــــــــــح لسااااااااااانك خييوووووو...

    اسعــــــــــدك الرحمن....


    تقبل مروري
     
  6. مردك لي

    مردك لي ¬°•| عضو مثالي |•°¬

    صح الله لســــانــــــك شاعرنا وما عليك زووود

    سلمت اناملك ع هالقصيده الرائعه

    والله يشفيك من شر كل حاسد وعذال..

    تقبل مروري البسيط ع متصفحك

    ودمت بـــــــــــسلامه...
     
  7. عذب الأطباع

    عذب الأطباع ¬°•| عضو مبتدى |•°¬

    هلا فيك اختي سوسو ...

    ههههههه يسعدك ربي ...

    لا ماعليك لاتشيلين هم ...

    لي الفخر والله إذا كنت على درب شاعر كبير مثل (( محمد بن فطيس )) ...

    هذي شهادة أعتز فيها كثير ...

    ولكن لست إلاّ شاعراً بسيطاً ...

    كوني بخيرٍ حيث أنتِ ...

    لكِ احترامي ...
     
  8. عذب الأطباع

    عذب الأطباع ¬°•| عضو مبتدى |•°¬

    صح بدنك أختي (( بكيفي )) ...

    نورتي متصفحي ... بحضوركِ ...

    وأسعدكِ الله في الدارين ...

    كوني بخيرٍ حيث أنتِ ...

    لكِ احترامي ...
     
  9. عذب الأطباع

    عذب الأطباع ¬°•| عضو مبتدى |•°¬

    صح بدنك أخوي المتميز ...

    تسلم هذا من ذوقك ...

    وأنا لست إلاّ تلميذاً أتعلّم منكم ...

    فشكراً بحجم السماء على حضورك ...

    كن بخيرٍ حيث أنت ...

    ودمت في رعاية من لاتنام عينه ...
     
  10. أسطورة روح

    أسطورة روح ¬°•|راعية فزعة|•°¬

    سلااااااااااام(ن) علييييييييييييييكم

     
  11. عذب الأطباع

    عذب الأطباع ¬°•| عضو مبتدى |•°¬

     
  12. البريميهـ

    البريميهـ ¬°•| عضو فعّال |•°¬

    والحين يالله تفضّل يادكتور الألمان ...
    جهّز كل مقصاتك وحدّ السكاكين ...

    لكن تذكّر ان المهمة زرع شريان ...
    والثلاث حروف حطّها بين قوسين ...


    يعطيكـ العافيهـ
    القصيدة فيـ قمة الروعهـ
    واللهـ لاهانكـ
     
  13. الجررريح

    الجررريح ¬°•| عضو مميز جدا |•°¬

    صح لسانج أخي

    قصيدة ف قمة قمة قمة الرووووعه

    وكلمات نابضه م أحساس شاعري تعجب الأنسان ف الرد عليها

    م جملها ما يستطيع التعبير

    ما عليج زود شاعر القمة

    ربي يوفقج ربي لا هانج
     
  14. Queen Love

    Queen Love ✗ الفريق التطويري الأعلامي ✗

    صح لسانك

    الكلمات حيل اثرت فيني
     

مشاركة هذه الصفحة