أهداء لشخص "M"في كلاسي

الموضوع في ',, البُريمِي لـ القَصائد المنقولة' بواسطة فيلسوف المشاعر, بتاريخ ‏15 أبريل 2011.

  1. فيلسوف المشاعر

    فيلسوف المشاعر ¬°•| عضو فعّال |•°¬

    وصِيَّه مِن قبل مُوتي أبكتِبها بدُون ألقاب
    عشان اللِّي يجي بَعدِي يتذكَّرني ويقراني

    صَريحَه صَفحِتي هذي وبخلِّيها بدُون احجَاب
    بَسولِف للمَلا .. واللِّي على قلبي على لساني

    بَعَلِّم غِيري وش فِيني مِن همُوم وشِقى وعتاب
    وعلى فِكرَه ترى قلبي(حقيبه) كلَّها أحزاني

    أبذكِر .. كِل ما أذكِر مَدام إن الزمَن ينعاب
    أبغرق .. وأشعِل ظنُوني مَدام إن العُمر فاني

    برسِّي مِن بُقى فيهُم وعَسَاها تِسلَم الأرقاب
    وأبلفِظ آخر أنفاسِي عشان القاصِي والداني

    ترى ما كِل مِن قرَّب قِريبٍ .. والغِياب غياب
    ولا كِل شَخص يِضحَك لِي أعِدِّه مِثل إخواني

    أهاب المُوت في لحظه ولحظه المُوت مِنِّي يهاب
    أواسي نفسي بنفسي وأكُون المَجني الجاني

    أنا ما أكتِب شعوري عَشان ألقى صَدَى وإعجاب
    أنا أكتِب .. لَجِل أرضِي جُروحي وضِيق كِتماني

    وإذا قلبي غدا شايب من همومه بَعدني شاب
    وعُمري توَّه صِغيِّر ... وقُويَه حِيـل أمتاني

    أبد ما كِنت مِتصَوِّر تِجيني نشوة الأحباب
    لأني ما عرفت [ الحُب ] .. إلاَّ يُوم ناداني

    وقبل لا أقول كِلماتي وأودِّيني على المحراب
    أبدفِن دَفتِري بإيدي .. مَدام الوَقت حدَّاني

    إذا شمس اللِّقا غابت وتفارقنا بدُون أسباب
    بتذكرني مَع الأيام ؟ .. وإلاَّ عادي تنساني

    سؤال يدُور في بالي حبيبي والظنون إقراب
    أنا إن رِحت عَن دربي يا غالي وين ألقاني ؟

    وإذا كان الوصِلْ صَادِق ترى بُعدك عَلي كذاب
    أفكِّر فِيك وفي حَالي حقيقه الحُب أعْمَاني

    خذاني مِنْك وسواسٍ فِتَح للأسئِله .. أبواب
    يخلِّيني أشِك إنِّك تِحِب لِك واحِد(ن) ثاني !!

    يا خُوفِي الحَظ مَا يَصدِق مَعَاي ونِنتِهي أغراب
    لأني كِل ما أحْلِم أشوف .. الوَقت صحَّاني

    حبيبي .. لا تِطمِّني وتِشقِق مِن غلاي ثِياب
    أبَسكِن دُوم في بالِك و أبيك تِكُون عنواني

    مَدام إنِّي لَجِل عِينِك زَعَل مِنِّي كِثير أصحاب
    ترى لازم لَجل عِيني .. تِعَوِّض كِل حرماني

    نويت أكتِب شِعِر عَنِّك مَدامِك للشِعِر طلاب
    عسى يعجِبك ما باقي مِن حُروفي وألواني

    أغمِّض عِيني وأكتِبلِك وأفتحهَا ألاقي كتاب !
    شعوري إنصدم منِّي .. وأثاري هذا ديواني



    عجبتني فنقلتها .. واهديها لشخص"M" في كلاسي
    ربي لا خلاني منه
     
  2. عزيزة النفس

    عزيزة النفس ¬°•| عضو مميز جدا |•°¬

    كلمااااااااات في قمة الروعه ... تسلم على هالنقل المميز ...
     
  3. فيلسوف المشاعر

    فيلسوف المشاعر ¬°•| عضو فعّال |•°¬

    تسلمي ع الرد الطيب
    :315921608f80a798bcc
     
  4. مشاكل37675

    مشاكل37675 ¬°•| عضو فعّال |•°¬

    تسلمين ....:07:

    والله لو انا المقصود برد عليج بس مو انا :bounce:
     
  5. دموع الشوق

    دموع الشوق ¬°•| عضــو شرف |•°¬

    كلماااات جميله


    ونقل أروع تسلم يا طيب ع النقل طيب
     
  6. سوسو العبيدانى

    سوسو العبيدانى ¬°•| مشرفة سابقة |•°¬

    عااااااااااااااد انا احسد هالشخص:imuae71:
    نياااله:08: منو قده
    كلمااات حلووه:imuae71: راقت لي
    تسلمين الغاليه
    الله يعطيج اللي في بالج
    :08: :icon_smile_eyebrows
     
  7. عزتي بذاتي

    عزتي بذاتي ¬°•| عضو مميز جدا |•°¬

    واااااااااااااااااااااو

    منو قدة هالحبيب



    بس منو خبريني صدج مابخبر أحد ههههههه

    الله يهنيه يارب


    بس ملاحظة طالعة من قلبي



    ((والـلــــــــــــــه عيب هالسوااالف))
    أهتمي بدراستج أفضل

    تقبلي مروووري​
     
  8. توتة بغداد

    توتة بغداد ¬°•| عضو مميز جدا |•°¬

    تسلمين ع النقل المميز اخيته :ast7y:
     
  9. Emotions

    Emotions ¬°•| عضــو شرف |•°¬

    خخخخخخخخخخخخخخخخخخخخ


    الله يوفيء تنسفيء :2253446f49dd40fbf5e


    تحيااااتي للجمييع :cheer:
     
  10. أحذر كل الحذر

    أحذر كل الحذر ¬°•| عضو مميز جدا |•°¬

    الله يعينك شكله الحب مفشعنك تفشيع
     
  11. دموع الشوق

    دموع الشوق ¬°•| عضــو شرف |•°¬

    مفشعنك تفشيع هههههههههههههههههه
    شو يعني
     

مشاركة هذه الصفحة