وصِيَّه مِن قبل مُوتي أبكتِبها بدُون ألقابّ !‎

الموضوع في ',, البُريمِي لـ القَصائد المنقولة' بواسطة مردك لي, بتاريخ ‏14 أبريل 2011.

  1. مردك لي

    مردك لي ¬°•| عضو مثالي |•°¬

    وصِيَّه مِن قبل مُوتي أبكتِبها بدُون ألقابّ !

    [​IMG]

    وصِيَّه مِن قبل مُوتي أبكتِبها بدُون ألقاب
    ................ عشان اللِّي يجي بَعدِي يتذكَّرني ويقراني

    صَريحَه صَفحِتي هذي وبخلِّيها بدُون احجَاب
    ..................... بَسولِف للمَلا .. واللِّي على قلبي على لساني

    بَعَلِّم غِيري وش فِيني مِن همُوم وشِقى وعتاب
    ..................... وعلى فِكرَه ترى قلبي(حقيبه) كلَّها أحزاني

    أبذكِر .. كِل ما أذكِر مَدام إن الزمَن ينعاب
    ..................... أبغرق .. وأشعِل ظنُوني مَدام إن العُمر فاني

    برسِّي مِن بُقى فيهُم وعَسَاها تِسلَم الأرقاب
    ..................... وأبلفِظ آخر أنفاسِي عشان القاصِي والداني

    ترى ما كِل مِن قرَّب قِريبٍ .. والغِياب غياب
    ..................... ولا كِل شَخص يِضحَك لِي أعِدِّه مِثل إخواني

    أهاب المُوت في لحظه ولحظه المُوت مِنِّي يهاب
    ..................... أواسي نفسي بنفسي وأكُون المَجني الجاني

    أنا ما أكتِب شعوري عَشان ألقى صَدَى وإعجاب
    ..................... أنا أكتِب .. لَجِل أرضِي جُروحي وضِيق كِتماني

    وإذا قلبي غدا شايب من همومه بَعدني شاب
    ..................... وعُمري توَّه صِغيِّر ... وقُويَه حِيـل أمتاني

    أبد ما كِنت مِتصَوِّر تِجيني نشوة الأحباب
    ..................... لأني ما عرفت [ الحُب ] .. إلاَّ يُوم ناداني

    وقبل لا أقول كِلماتي وأودِّيني على المحراب
    ..................... أبدفِن دَفتِري بإيدي .. مَدام الوَقت حدَّاني

    إذا شمس اللِّقا غابت وتفارقنا بدُون أسباب
    ..................... بتذكرني مَع الأيام ؟ .. وإلاَّ عادي تنساني

    سؤال يدُور في بالي حبيبي والظنون إقراب
    ..................... أنا إن رِحت عَن دربي يا غالي وين ألقاني ؟

    وإذا كان الوصِلْ صَادِق ترى بُعدك عَلي كذاب
    ..................... أفكِّر فِيك وفي حَالي حقيقه الحُب أعْمَاني

    خذاني مِنْك وسواسٍ فِتَح للأسئِله .. أبواب
    ..................... يخلِّيني أشِك إنِّك تِحِب لِك واحِد(ن) ثاني !!

    يا خُوفِي الحَظ مَا يَصدِق مَعَاي ونِنتِهي أغراب
    ..................... لأني كِل ما أحْلِم أشوف .. الوَقت صحَّاني

    حبيبي .. لا تِطمِّني وتِشقِق مِن غلاي ثِياب
    ..................... أبَسكِن دُوم في بالِك و أبيك تِكُون عنواني

    مَدام إنِّي لَجِل عِينِك زَعَل مِنِّي كِثير أصحاب
    ..................... ترى لازم لَجل عِيني .. تِعَوِّض كِل حرماني

    نويت أكتِب شِعِر عَنِّك مَدامِك للشِعِر طلاب
    ..................... عسى يعجِبك ما باقي مِن حُروفي وألواني

    أغمِّض عِيني وأكتِبلِك وأفتحهَا ألاقي كتاب !
    ..................... شعوري إنصدم منِّي .. وأثاري هذا ديواني

    --


    [​IMG]
     
  2. هيمان

    هيمان ¬°•| عضو مبتدى |•°¬

    صح لسآنك ، وعلآ شآنك ،

    قصيده رآئعه ،

    مآ قصرت
     
  3. نفسي عافت الدنيا

    نفسي عافت الدنيا ¬°•| عضو مبتدى |•°¬

    صح لسانج
    وما قصرتي
    والله روعه هالقصيدة :imuae83:
     
    آخر تعديل: ‏15 أبريل 2011
  4. مسـgg يهـ زحـمهـ

    مسـgg يهـ زحـمهـ ¬°•| عضو مبتدى |•°¬

    مَدام إنِّي لَجِل عِينِك زَعَل مِنِّي كِثير أصحاب
    ..................... ترى لازم لَجل عِيني .. تِعَوِّض كِل حرماني

    صحـ لسانكـ
    واللهـ لاهانكـ
    وقصيدهـ روووووووعهـ
    وتسلمــ
     
  5. Heart-broken

    Heart-broken ¬°•| عضو مميز |•°¬






    صح لسانج اخوي

    قصيدة مررررررة حلوووووووه
     
  6. مردك لي

    مردك لي ¬°•| عضو مثالي |•°¬

    هيمان

    صح الله بدنك وما عليك زود

    تسلم ع المرور الطيب..
     
  7. مردك لي

    مردك لي ¬°•| عضو مثالي |•°¬

    نفسي عافت الدنيا

    صح الله بدنج اختي شاكر مرورج

    نورتينا بطلتج..
     
  8. مردك لي

    مردك لي ¬°•| عضو مثالي |•°¬

    مسـgg يهـ زحـمهـ

    صح الله بدنج اختي شاكر تواجدج وطلتج..

    تسلمين ما عليج مزود,,,,
     
  9. مردك لي

    مردك لي ¬°•| عضو مثالي |•°¬

    Heart-broken

    صح الله بدنج شاكر تواجدج ومرورج...
     

مشاركة هذه الصفحة