محلات بيع السجائر والتيغ ومنتجاته..

الموضوع في ',, البُريمِي للِحِوار و النقَاشْ ,,' بواسطة غالي الأثمان, بتاريخ ‏23 مارس 2011.

  1. غالي الأثمان

    غالي الأثمان ¬°•| مراقب سابق|•°¬

    السلام عليكم ورحمة الله وبركاته..

    مادري اذا الموضوع مكرر ولا لا!!!!



    المهم..

    الناس اللي يفتحوا محلات بيع السجائر والتبغ ومنتجاته.. مايعرفوا انه الفلوس اللي يكسبوهن حرام؟!!!

    اكيد يعرفوا.. لكن الطمع غالب عليهم..

    من منا يرضى يعيش عياله من فلوس حرام؟!!!!

    اكيد محد يرضى..

    واصحاب هذي المحلات مافكروا انهم بهاي الطريقه يدمروا الشباب الصغار..

    لانه بتكون السجائر وهذي الاشياء في متناولهم..

    يعني بس بمجرد انهم يروحوا المحل ويدفعوا ويكون عندهم..

    اللي يبي يكسب واللي يبي يتاجر بشي.. يسير يفتح محلات غير عن هذي..

    وتكون محلات ربحها حلال 100%..

    مب يسيروا يفتحوا نفس هالمحلات اللي تزيد في ضياع الشباب..

    الله يهديهم بس..

    والله يرجعهم للطريق الصح..

    نتمنى نشوف نقاشكم الهادف..


    اخوكم: نبع الحنان..
     
  2. مروض الكهان

    مروض الكهان ¬°•| مَشْرف سابق|•°¬

    مثــل ما قلتي السبب الاول يمكن يكون الجشع + انه طريقه ادخل فلوس

    وانا ملاحظ انه محلات التبغ زادت فالبريمي

    لكن ترى بعد عدد الشباب الي يدخن وخاصه شيشه زاد ^^

    فشو تتوقعين من الناس الي هدفها بس تربح اكبر كميه من المال

    اكيد راح تسعى لتوفير طلبات الشباب
     
  3. غالي الأثمان

    غالي الأثمان ¬°•| مراقب سابق|•°¬

    لي عوده..

    اخوي انا ولد مب بنت..
     
  4. ᗩl - ᗰaha

    ᗩl - ᗰaha ¬°•| لـآ إلـﮧ إلـآ آللـﮧ |•°¬



    ـآلسلـآمـ عليكمـ ورحمهـ ـآللهـ وبركـآتهـ
    [ :imuae71: . .



    لـآ حول ولـآ قوه الـأ باللهـ
    وإستغفر ـآللهـ . .



    للـأسف الشديد إنهمـ [ يعرفون إنهـ حرآمـ ]~
    و المشكلهـ مـآ في محل مـآ يبيع ..
    مسوين منآفسهـ . .
    --> تصدق لو مني منعت هالشي وربي

    ::

    بس أخويهـ للـأسف منو إللي بيمنع أحين
    إذى كـآن وللـأسف الـأغلبيهـ يستخدمون هيك أشيـآء والعيآذ باللهـ
    مـآشي غير المنع القآنوني او النصآئح والـإرآشآدآت
    والدعـآء لهمـ بالهدآيهـ . .


    مشكوور اخوويهـ
    موضوع يستحق فعلـآ النقاش فيهـ
    ^^
     
  5. قصايد

    قصايد ¬°•| عضو فعّال |•°¬

    تبا الصراحه ياخوي بلادنا ناقصنها رقابه
    لو كان هالشي موجود ما انتشرت هالمحلات بكثره
    وإذا ع التجار ترا هم مايفكرون بالشباب إللي تدمر حياتهم بسبتهم
    اهم شي انهم يربحون ف التجاره

    يالـيــــــــــــــت لو تتوفر الرقابه ف بلادنا


    تسلم يمينك ياخوي ع الطرح القيم
     
    آخر تعديل: ‏23 مارس 2011
  6. هيبة بدو

    هيبة بدو ¬°•| αѕєєян•εïз•αℓαмαℓ|•°¬

    في ناس غفلت عن ربها وتذكرت مصلحتها بدنيا

    وفي ناس يدرون بلي يسونه خطا ويدرون بربهم بس شو نقول غير حسبي الله عليهم ناوين يخربوا شبابنا على اشياء تذبحهم ويخسرون عيالهم وميزانياتهم واسبه التجار هذيلة

    موضوعك جميل جزاك الله كل خير
     
  7. في الصميم

    في الصميم ¬°•| خارج الخط |•°¬

    من زمان كنت أشوف محلات أو مقاهي الشيشة وكنت أعصب لما أشوف الشباب الصغار يسيرون ويدوخوا!
    لكن الموضوع تطور ألحين وأصبحت تجارة "الحرام" مشروعة!
    ولو كان الأمر هكذا فقط لكان هينا قليلا لكن تعدى إلى الحديث الشريف الذي يقول "لا ضرر ولا ضرار"
    الموضوع يبدأ من الجهات المصرحة لهذه المشاريع التجارية لمعرفة مبررات عمل تصريح لهذه الفئة "الدنيئة" من المحلات التي لا نرى منها فائدة تذكر
    فساد للمجتمع وللشباب وللأجيال القادمة
    وف الأول والأخير الجميع متضرر فردا فردا (صحة،عادات وقيم،أموال محرمة،شباب بلا مستقبل)
    قد يكون كلامي "حادا" قليلا
    لكن يجب أن يكون في الصميم

    أختي الكريمة موضوعج متميز ويناقش مع الأعضاء قضية يجب أن يجد لها المجتمع الحل العاجل له!
    دمت في صحة وعافية وشكرا لك

    [​IMG]
     
    آخر تعديل: ‏26 مارس 2011
  8. سيدة أعمال

    سيدة أعمال ¬°•| عضو مميز جدا |•°¬

    ســـواءا بنت أو ولد إذا يبون شي بيسوونه

    محد يقدر يتحكم في حد هالأيام حتى الأبو

    ما يروم ينصح ولده

    بيروح يدور المحال وبيحصلهن وبيشتري وبيدخن لا من شاف ولا من درى

    لا الجهات المختصة بتتحرك ولا الأهل كلمتهم مسموعة

    خلكم واقعيين شوية
     
  9. غالي الأثمان

    غالي الأثمان ¬°•| مراقب سابق|•°¬

    اكيد الطمع سبب..

    والسبب الثاني هو قلة الوازع الديني..

    الله يهدي الجميع بس..

    يسلمو اخوي ع المداخله المميزه..
     
  10. غالي الأثمان

    غالي الأثمان ¬°•| مراقب سابق|•°¬

    الله يهديهم..

    يسلمو اختي على المرور الجميل..
     
  11. غالي الأثمان

    غالي الأثمان ¬°•| مراقب سابق|•°¬

    نتمنى انهم يرجعوا للطريق الصح..

    اشكرك اختي على مداخلتك الطيبه..
     
  12. غالي الأثمان

    غالي الأثمان ¬°•| مراقب سابق|•°¬

    صحيح محد يقدر يمنع حد..

    لكن اذا كانت هالمحلات ف المتناول اكيد بيكون عدد الشباب اللي يدخنوا اكثر لانهم حصلوا محل قريب..

    اشكرك ع مداخلتك..
     
    آخر تعديل: ‏26 مارس 2011
  13. حتروووش

    حتروووش ¬°•| عضو مميز جدا |•°¬

    اخي " نبع الحاان "


    إعذرني فلبس لي اي تعليق على موووضوووعك الجميل

    الذي يهدف الى التووعيه والإبتعااااد عن الاشيااء التي تضر بالصحه





    تحياااااااتي
     
  14. طواش

    طواش ¬°•| مصدر الخبر|•°¬

    سيده اعمال
    انا معاك في كلامك
    ولكن لي ما نعمل شي يكون ع نقاط ساعد ع حل هالموضوع
     
  15. الهدف

    الهدف ¬°•| عضــو مــهــم|•°¬

    موضوع نقاش هادف


    فهالفترة انتشرت هالمحلات بشكل كبير

    ومحد يفكر بمستقبل الشباب وضياعه كل واحد يفكر بمصلحته وبس للأسف الشديد

    دايما كل ماأمر من ذاك الصوب أحصل التجمعات تزيد يوم بعد يوم وذيج البقعه ماتقدر تمر منها

    من كثر السيايير والشباب خلاص صارت المحلات متوفره والمقاهي عدالها


    مانقول غير الله يهدي شبابنا


    ومشكور أخوي ع طرحك لنفس هالمواضيع اللي تستحق للنقاش
     
  16. عايش يومه

    عايش يومه ¬°•| عضــو شرف |•°¬

    صباح الخير....

    انزين شو هو الحل!!! ؟؟ او كيف نعالج المشكله اللي نحن بانفسنا سبب فيها

    قبل لا امنع الشيء لازم اقارح او اضع البديل المناسب

    الكل يعرف انه الفراااااغ هو اهم سبب من اسباب الضياع والانحراف ، فاذا ما استثمرنا الفراغ بالنسبة للشباب والشابات بشكل ايجابي فاكيد بيستغلها الشيطان واعوانه بشكل سلبي وهذا طبعا اللي صاير ... فتحنا ابواب للشيطان وللاسف مافتحنا ولا باب واحد للخير او الشيء الايجابي اللي ممكن يجذب هالشباب لتفريغ طاقاتهم واستغلال اوقات فراغهم بشكل يعود لهم ولنا وللوطن بالخير..

    نقول مثلا صار قانون يمنع فيه مقاهي الشيشة ويمنع بيع التبغ والسجائر و ... و ... سكرنا كل الابواب اللي ممكن من خلالها تكون سبب في انحراف الشباب .... طيب والبديل!!؟؟ وين يروحون؟؟

    البديل مش جاهز.. ترى الحياة مب كلها شغل ودراسه وبس!!! الحياة فيها جانب ترويحي للنفس للاسف نحن متجاهلينه تماما .. وين الحدائق اللي ممكن من خلالها الواحد يمكن يقضي وقت حلو مع نفسه ومع اهله!!؟ وين اماكن الترفيه باختلاف مجالاتها ؟؟!! وين الامكان والمنشآت الرياضية اللي تجذب الشباب والشابات لتفريغ طاقاتهم المتفجرة؟؟!! وين ... وين ...وين... وايد مجالات يمكن لو فعلناها صدقوني بتشوفون شبابنا غير

    اما اغلق كل الابواب عنهم واقولهم عيشوا شغل ودراسه وبس ... مستحيل .. بتسكرون باب والشيطان بيفتح عشرين باب

    سامحوني على الاطاله والاخطاء لاني كتبت ردي وبدون ما اراجعه
     
  17. حلاتي في عيونيR

    حلاتي في عيونيR ¬°•| عضو مميز |•°¬

    والله أنا رايي هم يعرفون إنه حرام مب يهال عسب حد يعلمهم الصح من الغلط بس حبهم للمال غلب عليهم وعلى إيمانهم...يمكن هدفهم فالحياه الدمار ويضيعون عيال الناس...وأصلا اللي مايبا يضيع من نفسه محد يقدر يضيعه...بس إذا حد نصحهم ماعندهم غير" أـــــــــا أعـــــــرف مصلحتـــــــــــــي زيـــــــن" أي تعرف اي؟؟؟إذا جذيه عيل على الدنيا السلام...وفالنهاية كل واحد بيتحاسب على أعماله..:cupidarrow:
     
  18. الهدف

    الهدف ¬°•| عضــو مــهــم|•°¬

    معاه حق أخوي عايش يومه

    إذا ما وجدنا البديل ماراح تنحل المشكله
     
  19. ناصر الخميساني

    ناصر الخميساني ¬°•| مُخرج |•°¬

    السؤال هنا.. أليس من الخطأ الفادح أن نصرح (تصاريح رسمية) لفتح محلات من هذا النوع؟

    ما هي حجة الدوائر المسئولة عن الموضوع؟
    /
    \
    /
    \
    أليس هدف المحلات التجارية إفادة المجتمع.. بغض النظر عن المحلات المتنوعة؟

    ولكن أليس في هذا الموضوع ضرر على المجتمع..
    ....
    /
    \
    /
    \
    /
    أما بالنسبة للأفراد.. فقد شبع المجتمع نشرات وإعلانات وتنبيهات وتحذيرات.. والمجيبن لها قليل..


    تحيتي المخلصة لك أخي العزيز ~ المهندس
     
  20. alshibli

    alshibli ¬°•| مراقب عام |•°¬ إداري

    اتوقع ان الموضوع عبارة عن سلسلة ممتالية،،
    يعني المنتجين يبيعو للموردين والموردين يبعو لأصحاب المحلات،،
    فاتوقع من الصعب منعهم ،،
    طبعا انا ما انكر ان الحكومة لازم يكون لها درور،،،
    ولكن نفس ما قلت اخوي،، انه لازم التغيير يكون من عند اصحاب المحلات،،
    " إن الله لا يغير ما بقوم حتى يغيروا ما بأنفسهم "


     

مشاركة هذه الصفحة