1. ممثل حاكم الحب

    ممثل حاكم الحب ¬°•| عضو مبتدى |•°¬

    بسم الله الرحمن الرحيم

    ابدأ موضوعي بدون اي مقدمات :-
    يوم الاثنين الساعه 8:45 مساء ذهبت للعلاج في ( المركز الصحي ) لكن للأسف لم يستقبلوني بحجة قرب انهاء الوقت وعندهم مرضى كثيرين وقالو روح للطوارئ , ولسوء الحظ كان هناك في نفس الوقت حادث وفي امراه متوفيه وطبعا لن يستقبلوني !!! قلت امري لله روحت مجمع ياس الطبي وكان هناك عندهم احتفال وما يستقبلون اي مريض لحين انتهاء الوقت ( يعني وين اسير ) امري لله وانا مريض وقفت في الحدود وزحمه وروحت مستشفى التوام

    يعني في مثل هذه الظروف وين يروح المريض اذا المركز الصحي + المستشفى ما استقبلوني والمجمع اللي يعتبر اكبر مجمع خاص في البريمي ما يستقبلو هذا الوقت اي مريض
    اذا عندكم يا اخوان اي بديل خبروني ؟؟؟!!!

    والسموحه على الاطالة
     
  2. مروض الكهان

    مروض الكهان ¬°•| مَشْرف سابق|•°¬

    أنا معاكـ بصراحه وخاصه في نقطه المركز الصحي

    دائما يتعذرون بحجه ما شيء مكان

    عيـــل انتو ليش حاطينكم هني

    والطوارئ مثل ما قلت بعد دوم مزحوم بالحوادث

    واذا ما فيه حادث يقولك اتريا دوركـ لحد ما يوصلكـ فالمركز الصحي

    المهزله الي اتصير فالمستشفى ما ادري متى نهايتها

    ومن انفتح المجمع الصحي الامر ازداد سوا
     
  3. طواش

    طواش ¬°•| مصدر الخبر|•°¬

    في يوم من الايام صارلي موقف ما انساها طول حياتي
    كنت مريض (حمى وضيق تنفس) كان الوقت الساعه 12 بليل سرت ع الطوارئ قالي اسمحلي ما نعالجك باكر الصباح سير مجمع الصحي اكلمه وانا مهدود حيلي قالي بعطيك بروفين اقوله صدري ما قادر... بس سلمت من ضرب
    كان اطلع عنهم مباشرة ع الجيمي ماقصروا خلوني عندهم حتى الملاحظه حتى الصباح درجه حرارتي 39 وضيق تنفس شديد
    ماذا اقول غير حسبي الله عليهم وعلى من وضع ها القانون؟؟؟؟
     
  4. دبلوماسي المحافظه

    دبلوماسي المحافظه ¬°•| فخر المنتدى |•°¬

    والله المسلخ(المجمع) الصحي اليديد
    انا مره كنت تعبااان حيل رحت قالو خلاص الوقت انتهى روح الطواري ورحت بس بعد ضرابه استقبلوني اجريت اتصااال لمدير الخدمات وهو بدوره اتصل فيهم واذا ما كان لي معرفه بمدير الخدمات كنت برجع البيت اسوء بباقي الناس
     
  5. الهاجس

    الهاجس ¬°•| حكاية تميز |•°¬



    الله يعينك أخوي ممثل حاكم الحب والله هالحالة دوم موجودة بالمستشفى يعني لو كنت تتريا بعد ما يسكر المجمع أو المسمى الثاني ( غلطة وزارة الصحة ) يعني بعد الساعة 9 ولا 8:45 وكان دورك ما باقي له غير واحد وسبحان وصلت حالة طارئة خلاص إنسى إنك تتعالج لو طولت الحالة ,, يعني على الأقل المفروض توفير طبيبين ,
     
  6. سيدة أعمال

    سيدة أعمال ¬°•| عضو مميز جدا |•°¬

    سووا مظاهرة وجلعوهم من كراسيهم

    يوم إيي وزير الصحة شخصيآ بيقابلكم

    وبتنحل المشكلة

    لا تسوون لهم سالفة ألحينه وقته صار صوت المواطن مسموع
     
  7. بن شليويح

    بن شليويح ¬°•| عضو مبتدى |•°¬

    شو كله بالمظاهرات عيل بتخرب البلاد والسبه هالمظاهرات

    لو على فراش الموت افضل اموت ف بيتنا ولا اسير مستشفى البريمي <<<< وجه نظري :364370309157ae42e12
     
  8. صقر الديرة

    صقر الديرة ¬°•| عضو مميز |•°¬

    الله يعين الجميع ويصبرهم وفي الحقيقة لا بد من النظر في مثل هذة الحالات وتعديل وقت الدوام وتوفير عدد كافي من الأطبة ِ​
     
  9. «|شمُوخْ|»

    «|شمُوخْ|» ¬°•| مشرفة سآبقة |•°¬

    اللي عنده اي اعتراااض يسير يقابل مدير المجمع شخصيا لان هذي القرارات اكيد من عنده

    والموضفين لازم يتبعوون التعليمااات واكيد الموضفين شخصيا مب مرتاحيين لهذي الاوضاع بس ما باليد حيله
     
  10. صمت الجروح

    صمت الجروح ¬°•| مشرفة سابِقَة |•°¬

    أنا معك بكل نقطة ذكرتها
    لكن الجملة اللي بـ الخط الأحمر أنا أبداً ما معك !

    صحيح أنه مجمع ياس كان عندهم فعالية .. وأنا شخصية كنت مدعوة وحاظرة أغطي الحفل
    لكن كنت أشوف بنفسي كان في 3 موظفين في الاستقبال .. ودكتورين في الأقسام
    وكانوا المرضى يجوا ويعالجوا .. محد قالهم ما نعالج لحد ما نخلص !

    المجمع كان مفتوح والمختبر والاشعه والدكاترة تعالج

    وإذا كان صحيح الكلام اللي تقوله ياليت تييب اسم الموظف اللي قال لك ما نعالج
    لأني انا بعيوني شفت المرضى لما تدخل وتعالج !


    .
    .

    يجب أن نعي تماماً لما نقوله
    ويجب أن لا نشوه سمعت أي شخص أو مؤسسة في لحظة غضب أو قهر

     
  11. طواش

    طواش ¬°•| مصدر الخبر|•°¬

    تسلمي يامشرفتنااااااااااااا:chek::chek:
     
  12. نورة الحلوة

    نورة الحلوة ¬°•| عضو مبتدى |•°¬

    اجول الكلام في النت ما يفيد لو بس ترفعون الشكوى الي محافظه البريمي ويخلي المجمع مفتوح 24 ساعه يكون احسن ومستشفي البريمي للحالات الطارئه والحوادث مو احسن يا جماعه بدل كل يوم شكوة وجاعدين علي الفاضي نشتكي لبعضنا
     
  13. السَعيدي

    السَعيدي <font color="#ff0000">¬°•| إداري سابق|•°¬</span></

    أولا بالنسبة لموضوعك اخوي كان بإمكانك تروح عياده خاصه وفي الوقت لي ذكرته وايد عيادات فاتحه
    واقل ما فيها ابره وبتقوم مثل الحصان

    بالنسبة لردود بعض الأخوان

    الطواري قبل فتره كان ما يستقبل المرضى إلا أصحاب الحالات الضروريه
    ولكن بتعليمات من وزير الصحه صار يستقبل اي شخص حتى لو فيه زكام:914:

     
  14. مستشار

    مستشار ¬°•| عضو مميز |•°¬

    صح يستقبلون المريض بس مايعالجونه... نحن سرنا واستقبلونا بس كيف الحال ؟ وقالولنا بكرا سيروا المركز الصحي !!!وجرب وشوف. كلها مسخره يارجال.. تصدر تعليمات بس التنفيذ ف المشمش
     
  15. جاسم الهاشمي

    جاسم الهاشمي :: فريق النبراس ::

    :92::92::cupidarrow::05::imuae6::imuae6::imuae6:
     
  16. شموخ

    شموخ ¬°•| عضو جديد |•°¬

    صحيحة رمستج أخوي أنا مرة كنت مريضة وتعبانة ورحت الطواري الساعة أربع الفجر وكان الدكتور من الجنسيات العربية ولا أهتم ولاشي وحتى كان فراش السرير غير نظيف وصارت بيني وبينة مشاده على هذا معجولة أرجد في فراش غير نظيف وتحصلهم اللي في الطواري مالهم نفس وتعبانين وين عيل الإخلاص في العمل وقسم اليمين الله المستعان .
     
  17. ""فـوشـهـ""

    ""فـوشـهـ"" ¬°•| عضــو مــهــم|•°¬

    لا تعليـــــــــــــــق :61:
     
  18. عسولة الجامعة

    عسولة الجامعة ¬°•| عضو مميز جدا |•°¬

    الله كريم انا يوم امرض ما روح مكان الله يخلي البندول و الزنجبيل والزعتر انصحكم فية خلو عنكم المستشفى:333:
     
  19. ونه العوود

    ونه العوود ¬°•| عضــو مــهــم|•°¬

    مثل حالتكم بالضبط..بس أنا استقبلوني فالطواري وراعوني وكل شي م قصروا..م أدري يمكن لاني كنت فاقدة الوعي وما احس بشي ولا يمكن كان المستشفى فاضي م اعرف...بس كانت الحالة جدا قوية..ياليت يستقبلونا مثل م يستقبلوا العزايم ههههه^^الله المستعان..شكرا لطارح الموضوع
     
  20. طويل العمر

    طويل العمر ¬°•| عضو مميز |•°¬

    صباح الخير
    القلب مليان والكيبورد ما يمانع قوله يمين يسير قوله يسار يسير
    الموضوع كله يكدر من بدايته نفس الموضوع كنت فالمستشفى يوم الخميس الفجر كان اخوي مرقد فالطواري تخيل عدالنا غرفة فضوها من الاغراض وبدا شغل المكانس الكهربا والديتول وفيه مرضى نايمين ويتالموا تخيل لما قلت للممرض شو صاير ليش كل هالازعاج زعل وما عجبه وتغير لونه ونقلوه فالترقيد بعدها داخل المستشفى منعا للاحراج او المشاكل لاني كنت من قبل معصب بسبب عدم تشخيص حالة اخوي وفيه دليل فكلامي عندي صور لحالة المستشفى وتوقيت فالموبايل اريد احطهم فالمنتدى لكني ماعرف للاسف شو هالحاله
    لو انه الحكومة تحبنا كشعب كانت وفرت النا شيئين يميز محبتهم النا التعليم والعلاج وللاسف نحن نفتقر للاثنين
     

مشاركة هذه الصفحة