نبي درررررررررب

الموضوع في 'كلية البريمي الجامعية |BUC' بواسطة ميمو, بتاريخ ‏20 مارس 2011.

حالة الموضوع:
مغلق
  1. ميمو

    ميمو ¬°•| عضو فعّال |•°¬

    السلام عليكم ورحمه الله وبركاته ..
    شحالكم وشحال عيالكم وأحفادكم ..

    أحم نبي درب ياجماعه الخير:cute: ....هذا الكلام موجه ..شباب طبعا :364370309157ae42e12
    وبما أني دوام مسا شوي يديد الأمر علي...
    ليش الله يصلحكم البعض منكم ..يوقف فلممرات ..
    شلوووووووووون نحن نمر ..والله شكلنا غلط ..هو دوام البنات مسا بكبره غلط ..
    لكن محتم علينا ...:cute:

    الشباب ماشاء الله شكثرهم مانقدر نمر منهم ...والله من كثر الزحمه ماينتبهون أبد
    ..كذا مره واحد بغى يكفخني زين انا
    منتبه ول بيحط أنه أنا الغلطانه وبيطلعون علي ميه سالفه

    انا أمشي المسا هناك بطلاع الروح وإذا بس حد بيمر من حذالي ..يالله بستر بموت ههههه
    شووو لو حد كفخني سيده حد يدفني:dead: >>بسم الله علي
    والله امشي واتنافض لين أوصل الكلاس يالله يالله ريولي توديني للكلاس ..عايشه في رعب..:cry:
    يعني من يشوفون بنت يايه يسوي لنا درب لين مانخطف ..:65:
    مب حلو منا أحنا نخطف من بينكم :65:
    لا أنا أشوف العكس ..إذا مابتوخرني من جدامي بكفخج:bomb: ...
    يعني أوخر مني ألقى واحد طلع فجأه مني
    شايفين بيت الرعب جي والله :a'9arb:..من كل جهه أحد يطلع ..
    ....يمكن الموضوع بنسبه لكم تافه لكن أنا مسبب لي أزمه ومطلع للي شيب في راسي ..
    نبي درب ههههه:cute:
    ....
    مافي حل للمشكله بس حبيت إلي يقرى ينتبه ..بث
     
    آخر تعديل: ‏20 مارس 2011
  2. الطـلـيـﮯـآنـيّ

    الطـلـيـﮯـآنـيّ ¬°•| عضــو شرف |•°¬

    الزحمة بسب عدم وجود استراحات للطلاب...

    عاد الي ما يخوذ من الطريج (( لاتعليق)):2253446f49dd40fbf5e
    ا

    ياصبر ايوب: مدخل البنات بالقرب من مصلى الطلبة...

    و ربي اني قدمت ملاحضات و اقتراحات كذا مرة للأدارة ليجاد حل جذري او تغير مكان المصلى و لكن لاحياة لمن تنادي...









     
  3. ننتظر ردود واقتراحات مجلس الطلبة لحل هذه المشكله
     
  4. Ąℓŋ3αỉмỉ

    Ąℓŋ3αỉмỉ ¬°•| مُراقب سَابق ومطور |•°¬

    خخخخخخ
    يالله مكثر البنات وياانا
    حتى في الكفتيريا ويانا .. للعلم عندهم استرراحه شطوولها وعرررضها
    ..
    خيتو للاماانه مثل مااقال الطليااني الكوولج صغيرره واايد
    يعني اتحملو لين مانسير المبنى اليديد ..
     
  5. mechanical-engineer

    mechanical-engineer ¬°•| عضو مميز |•°¬

    هههههه موضوعج حلو
    الزحمة بتخف عقب ما يفتحون المبنى الجديد
     
  6. طواش

    طواش ¬°•| مصدر الخبر|•°¬

    اختي بالنسبه للموضوعك بما انج اول مرة تدرسي في الفترة المسائيه لازم يتغير عليك الوضع عن الصباح .... بالنسبه لوقوف الطلاب: انتي تقصدي الممر المار من امام قسم البرنامج التاسيسي والمؤدي الى مصلى لكن لو تلاحظي يمكن تكون الزحمه من 4 لحد 5 هذا وقت الصلاه
    امام الممر الذي ياتي خلف مبنى الادارة ويؤدي الى قبول والتسجيل فالملاحظ اناممر ضيق تقريبا عرض الممر متر ونصف المتر بهذا ممر حيوي لكل من طلاب الكليه المتجهيين الى الاقسام التخصصات والى قاعات المحاضرات التي تبدا بالرقم 200
    اما بالنسبه الى الممرات الباقيه فهي وسيعه
     
  7. ذرب الطبايع

    ذرب الطبايع ¬°•| عضو مبتدى |•°¬

    اغلب الشباب لو هم مغازلجية لكن محترمين ويخوزون عن درب البنيات < :bicycle:

    بس المصيبة ان كليتنا كلها سكيك انتظري لين السنة اليايه وربج يفرجها

    وبعدين ترى ملاحظ هالكورس نسبة البنات وايد وايد

    اول مرة ادخل الكلاس واحصل سيد البنات صاك لين اليدار الي ورا هـآهـآهـآي
     
  8. خسر من تحدآإني

    خسر من تحدآإني ¬°•| راعية فزعة |•°¬

    خيتوو ماعليه لو حد دزج بس بتتعورين شويونه ويمكن تطيحين فالمستشفى بعد:364370309157ae42e12 خخخخخخخ

    انآ بقترح عليج يوم تخطفين ترآهم مآ ينتبهون إذآ بنت خآطفة لانهم مندمجين فالسوآلف..^^

    لمـآ تمررين رمسي وقوليلهم درب..والا لو سمحتو درب..وبيخوزون ..

    صدقيني مندمجين فالسوآلف :blahblah1:

    وبعدين اكثر شي الزحمه عند المصلى ..ومن حقهم المكان <<مع ان مكان المصلى غلط × غلط ....
    بس اكيد بيوسعون لج درب لو انتبهو عليج..

    وشي كفتيريا حق الرجآله وللنسوان..
    خلج فالكفتيريا اللي حق البنآت..^^

    المستحى مآ بيفيدج بتمين وآقفه سنه ..رمسي وبيفجون لج الدرب..

    بس اللي يوقفون متعمدين والا يعلقون الله يهدآهم ماعليج من حد دآمج نيتج العلم..^^


    وتحملي لين السنـه اليآآيه..لانــه حتى لو قدمتي طلب فالكوليج..
    بيقولون لج:(فالكليه اليديده)...^^


    الحمــدلله نحن نآس مرتآحين فالصبآحي:icon_smile_eyebrows
    عــآد تحملي ع روحج..كورس وبيعدي ع خيييير:19:


    والسمووحه منج..
    خويتج/ المقبآآلييييه..^^
     
  9. سوسو العبيدانى

    سوسو العبيدانى ¬°•| مشرفة سابقة |•°¬

    مسكينه الغاليه:2253446f49dd40fbf5e يبالك شجاعه شوى
    وبعدين انتى امشي اليدار اليدار:cute:
    ما اعتقد بتحصلين احد مستند باليدار بعد:bigsmile:
     
  10. صمت الجروح

    صمت الجروح ¬°•| مشرفة سابِقَة |•°¬

    أهلاً عزيزتي


    لـ ربمآ السبب هو صغر المبنى أو ضيق الممرات
    وليست جميع الممرات فقط ممرات محددة مثل ما ذكرها الأخوان
    ومثل ما ذكروا بعد .. صعب يتم توسعة المبنى لأنه خلاص المبنى الجديد على وشك الأنتهاء منه
    وكلهآ شهرين أو ثلاثه ونكون في المبنى الجديد

    كل ما عليكِ الآن فعله هو التأقلم على هذا الوضع
    ومن هو من خلال أنكِ تحاولي أن ترسمي لـ نفسكِ ممراً
    حتى لو كان هناك [ شباب ] .. كلمة [ لو سمحتوا ] ممكن أن تفسح لكي المجال
    فـ هم أخوننا قبل أن يكونوا زملاء دراسة

    بـ التوفيق عزيزتي =)
     
  11. ميمو

    ميمو ¬°•| عضو فعّال |•°¬

    ألحين بالله عليك ماشي أسترحات المصلي وتحت المظله وتحت الكفتيريا ..كلها ماشي :confident:..أنا ما قصدت بس من عند المصلى واقاعه الأنتظار ..
    أنا قصدت كله هههههه...
    أما إذا تقصد أني ما أخذ من الطريج لا أخذ بس خلني أحصله الأول:asd2:



    شكرا على مرورك
    قصدك لين ما أموت :asd2:

    ياهذا المبنى كل مانقول شي قالو لنا المبنى اليديد ..قدامنا 16 أسبوع ...الله يعني ياخوي بس ..

    الزحمه فكل وقت ياخوي ..انا أقصد التجمعات إلي مسوينها فدرب ..يعني يحلالكم الوقفه في نص الدرب هههههه

    وين وايد بنات الله يصلحك أكثر شي شباب يالله بستر ..يمكن كلاس إلي فيه أنت البنات كلهم هناك وخلص ههههه

    لا والله وأنا أتريا لين أحد يكفخني ماحلاها يوم حد يكفخني:bomb: ..
    أموت ولحد يصكني ..هذي أهون ..
    يندمجون فسوالف هب في نص الدرب >>بدت تعصب أهااا
    أنا ما أنكر أنه المكان وسكك وكله غلط في غلط ولا أنا أنتظر أصلا من الأداره أنها تسوي شي لأني عارفه بيقولون المبني اليديد...
    أنا قلت عشان تخف تجمعات إلي فنص الدرب لاحظوا قلت نص الدرب ..
    وبعدين أقول لو سمحت ليش وهو شايفني أني أبي أمر ..!!!
    لو مب شايف ماعليه قلنا لكن ...شقول ؟؟؟

    أما الكفتيريا انا مايبت سالفتها :confident:..لأنه بالأساس يوم دوام المسا لا كفتريا البنات ولا الأولاد أصكهم خليني أروح الكلاس الأول عشان أروح كفتريا البنات...أحسني أضرب خط لهناك ولين أوصل بموت في نص الدرب>>ميؤس منها
    انا من الكلاس لقاعه الأنتظار ومنها للكلاس الثاني وبس ,كفا الله المؤمنين شر القتال :asd2:..
    لاتقولولي سكك ومادري شو ..أدري هذا الشي أنا قلت الشباب يتجمعون في السكك ونص الدرب ويدقون سوالف ههه ..ونحنا البنات نضطر نمشي من النص لأنه ولاا وحد يوسع لنا درب وشاااااااااايفينا ...ليش مايوخرون ..
    والله الوحده تستحقر نفسها وهي تمشي نص الأولاد..وين ماطقها عويه :cute:...
    بعدين أنا أستحي أقول لواحد لو سمحت ..لا بالله هزلوت ههه..
    >>مكبره الموضوع أكبر من حجمه صح ؟؟
    أكيد شايفين جي ...

    :cute:إذا عندج شجاعه هاتي منها حبتين لي وللي معي
    هو أنا أشوف اليدار ههههههه


    سبق وقلت ما أنتظر لأحد يوسع لمبني أدري هذا مستحيل ...
    ولو سمحت بقولها لو مب شايفنيني ..بس يشوف ولا يوخر ..؟؟؟ ليش



    وملاحظه انا مغازلجيه على قولتكم من الشباب للحين ماصدف لي شخص يغازل ..
    ..ولو صدف أكيد مابيكون على بنت حشيم ساتره نفسها ..
    هذا المغازل ما أحاتيها مثل ما أبي درب يوصلني للكلاس ..
    شكلي بيب لي سياره غولف هاي وأمشي وأسوي بيب بيب



    لكل من رد ..شكرا لكم ..هو موضوع لو يوصل لبعض أو الربع خلنا نقول ...
    بس عشان ينتبهون لا أقل ولا أكثر ...
    وتحملوني أدري مكبره الموضوع وايد >.<
     
    آخر تعديل: ‏22 مارس 2011
  12. صمت الجروح

    صمت الجروح ¬°•| مشرفة سابِقَة |•°¬

    تمام عزيزتي


    إذاً من هذا المنبر نوجه لـ جميع الشباب كلمه وهي
    أن يفتحوا المجال للطالبات أن يمروا من بينهم في ففترة المساء
    لان نحن خواتهم قبل ما نكون زميلاة دراسة

    =)
     
  13. رماد الشوق

    رماد الشوق ¬°•| فخر المنتدى |•°¬

    الله يعينج اختي ميمووو ...
    انا اقوول تصبري لحد ما يفتحون المبنى اليديد..
    وبالتوفيق ميمو ..
     
  14. ميمو

    ميمو ¬°•| عضو فعّال |•°¬

    ..مشكوره خيتي ..صمت على وقفتج وياي ههه:ast7y:..

    رماد الشوق مانقول غير اللهم أطولك ياروووح ...^^
     
  15. علاوووي92

    علاوووي92 ¬°•| عضو مميز |•°¬

    الله يعينج أختي:2253446f49dd40fbf5e
     
  16. ميمو

    ميمو ¬°•| عضو فعّال |•°¬

    ..ويعين الجميع يارب ..~^^
     
  17. الحب الصافي

    الحب الصافي ¬°•| عضو مميز |•°¬

    يعني البنات يحمدو ربم عندهم استراحه بدل لا يجلسن ف الاستراحه يجلسن يخطن الكليه رايحات رادات
    المشكله مب من الشباب من النات الي 24ساعه يمشن

    انا بنت وادام مساء بس خذي هاي القاعده واثق الخطوه يمشي ملك
     
  18. أحلى قلب

    أحلى قلب ¬°•| عضو مبتدى |•°¬

    والله صدقها ميمو انا اول كورس مسى لي وعشان اطلع واوصل الباب ايلس احسب الف حساب

    الله يعين
     
  19. الامير21

    الامير21 ¬°•| عضو مميز |•°¬

    مررراااااحب
    انا حبيت اشاركم النقاش واقول
    بأن السبب الرئيسي هو مكان المصلى أو المكان المخصص لتأدية الصلوات
    اتوقع ان يكون خاااااطئ

    يعنى تكون الزحمة ف وقت تأدية الصلوات او لما الشباب يروحون يصلون وطبعا لما يروحو يصلو لازم يمرو ع دربهم ع المكان المخصص لاستراحة البنات

    وعاد البنات حدث ولا حرج 5 داخلات 12 طالعات
    7 داخلات 16 طالعات والشباب ينعدون ع الاصابع
     
  20. أحلى قلب

    أحلى قلب ¬°•| عضو مبتدى |•°¬

    اخويه تعقيب على كلامك ،، اظن البنات ينعدن والشباب ماشاء الله حدث ولا حرج


    ولما نطلع وندخل جماعه ترانا يا اما انروح صوب قاعة المحاضره يا اما نرجع الاستراحه


    خاصه ان نحن محاضراتنا اتخلص الساعه 4 يعني الواحد يشوف البقعه كلها بياض هب من كثر البنات
     
حالة الموضوع:
مغلق

مشاركة هذه الصفحة