البارحه مليت من يلست البيت ..

الموضوع في ',, البُريمِي لِـ/ للشٌعرٍوالْقصِيْد,,' بواسطة ŢħᴀᴙƂ ɅḽӎҘᴀηi, بتاريخ ‏18 مارس 2011.

  1. ŢħᴀᴙƂ ɅḽӎҘᴀηi

    ŢħᴀᴙƂ ɅḽӎҘᴀηi ¬°•| عضو مميز |•°¬

    البارحه مليت من يلست البيت .. وحيد لا له حد يشكي ولا ربـــــــــع

    شديت فكري بالقوافي و هديت .. شغلت مركوبي يدا رملة البـــــــــــــدع

    مريت بالماضي وياليت مــــا ييت .. وبدا يهل الحزن .. ويتساقط الدمــــع

    كما الثلوج الي تخيم ب ( سبليت ) .. تسقط على الاشجار وتثلج النــــــبع

    طاحن دموعي على الملابس وعييت .. حاولت امشي بس يمنعني الدمــــــع

    ضحيت بالدنيا وضحيت ضحـــــــــــيت .. عساه يفطن لي يخالف بي الــــــشرع

    صد وتنسى " ليتني كنت صديت " .. راح وتنسى وجاوب الوصل بردع

    ما كنت فاعل سوء او كنت سبيت .. بالعكس فاعل خير وادور النـــــــفع

    تدري القهر لو يوم يالك وحبيـــــــت .. من قلبك الي صار يحرب بلا درع

    تحرب عشان الي تحبه وياليـــــــــــــت .. ينظر لحالك من قدا الطيب والشفع

    لكن خاسره بات ف القلب تنهيـــــت .. كثر الالم وضيق او كثرة الوجــــــــع

    ماييت بشكي همي اليوم ما ييــــــــت .. يا غير ابغي ابعد الهم بالنـــــــــــــــزع

    شديت فكري من بعد ضيم شديت .. ذاب الكلام وذاب في قلبي الشمع

    البارحه مليت من يلست البيت .. وحيد لا له حد يشكي ولا ربــــــــــــــــع
     
  2. أمواج هادئة

    أمواج هادئة ¬°•| طالب مدرسي |•°¬

    حــــــلو...
    كـــلمات عامية رائعة..
    تنم عن ذوق رفيع..
    تم توظيفها التوظيف الصحيح..
    أتمنى لك مزيد من الإبداع..
     
  3. أحلى قلب

    أحلى قلب ¬°•| عضو مبتدى |•°¬

    الله الله الله


    صح لسااانك واعتلا شانك خويه ذرب

    ماشاء الله عليك

    قصيده متميزه بمعنى الكلمه

    والأحلى انك تحس انها تنبض بالمشاعر والاحاسيس

    في شي لما اقراه احس يدخل قلبي على طول

    وحلو انك قدرت توفق بين المعنى والوزن

    الكلمات مهما كانت كثيره تبقى مقصره وماتوفيك حقك

    منور القسم بتواجدك


    ختك أحلى قلب
     
  4. كسرة عود

    كسرة عود ¬°•| عضو مبتدى |•°¬

    تحرب عشان الي تحبه وياليـــــــــــــت .. ينظر لحالك من قدا الطيب والشفع

    لكن خاسره بات ف القلب تنهيـــــت .. كثر الالم وضيق او كثرة الوجــــــــع


    صح لسانك
    بالاول احييك ع شاعريتك العذبه
    مشاعرك اللي تترجم بالقصيد
    ابدعتت اخوي في اختيار الكلمات
    والوصف بمعاني قويه,,
    حسيت انك متخشع من الحب
    وفي نفس الوقت مهموم منه
    فيهاا عتاااااب ...

    اخوي الواحد اذا حب كثرت امانيه
    وانت تمنيت...
    صد وتنسى " ليتني كنت صديت " ..

    الله يعينك ويقويك ,,,,تسلم
    والسموحه
     
  5. ملك السراب

    ملك السراب ¬°•| عضو مبتدى |•°¬

    صح لسانك شاعرنا
     
  6. ŢħᴀᴙƂ ɅḽӎҘᴀηi

    ŢħᴀᴙƂ ɅḽӎҘᴀηi ¬°•| عضو مميز |•°¬

    الله لا هانكم ..
     
  7. احساس طفله

    احساس طفله ¬°•| مُشْرفِة سابقة |•°¬

    لكن خاسره بات ف القلب تنهيـــــت .. كثر الالم وضيق او كثرة الوجــــــــع

    ماييت بشكي همي اليوم ما ييــــــــت .. يا غير ابغي ابعد الهم بالنـــــــــــــــزع



    كلماااات قمه فالروووعه

    يسلمووو خيووو

    يعطيك العافيه :cupidarrow:

    ^^
     

مشاركة هذه الصفحة