رفقا بالقوارير

الموضوع في ',, البُريمِي للِحِوار و النقَاشْ ,,' بواسطة طموح بلا حدود, بتاريخ ‏10 مارس 2011.

حالة الموضوع:
مغلق
  1. طموح بلا حدود

    طموح بلا حدود ¬°•| عضو مميز جدا |•°¬

    بسم الله الرحمن الرحيم

    رفقا بالقوارير ، بداية موضوعي وأتمنى الكل يشارك فيه ويحط رايه فيه لأن هام ،

    يلا نبدأ ، ليش مستعيلين ترانا بنبدأ هههه خلاص قلنالكم بنبدأ ـ حبيت أطفربكم شوي ،،


    تعالوا نسولف شوي والله صدق ليش بناتنا وحريمنا وخواتنا وربعاتنا وغيرهن ما نعطيهن ويه ممكن نتناقش في الموضوع شوي ما بنكثر عليكم بس شوي عشان خاطري وعلى قولة الهندي عشان خاطر مال انا ههههه

    من وجهة نظري ،،

    أنا أشوف الشباب ما يعطون الاخوات اهتمام وجنه الدنيا يايه تربع لهم مادري شوفيهم اللي بقول جنهم عندهم ثروة بل غيتس ما يعرفون كيف يتصرفوبها يا ناس اتوقعوا مكانكم وثقلوا أشوي ، بناتنا يبالهن أهتمام وخواتنا نفس الشي ،

    شو رايكم باللي يقول وراء كل رجل عظيم إمرأه ، يعني عشان تكون عظيم لا بد من انك تقدم كل الخدمات اللي تباها المرأه .

    لحظة ،، لازم تكون الحرية الكاملة للبنت ونفهمها بكل اللي يالس يدور من حولنا ، ليش ما تكونون جريئين وياهن ، ياخي تكلموا ورمسوهن وقولولهن شو اللي قاعد يصير ، يعني الحين انتو يوم خايفين في تربيتهن يعني هن مب فاهمات ؟ تراهن والله العظيم فاهمات أكثر عني وعنك ، ياخي أعطوهن حريتهن في التعبير واعطوهن حريتهن فاللبس واعطوهن حريتهن فالطلعة واعطوهن حريتهن عشان يشاركن المجتمع ، والله ما اعرف شو اقول لا تزعلون البنات والله حرام عليكم فاللي قاعد يصير فالبيوت من زعل وتوريم ويوم نرد نشوفهن زعلانات ، وانتو الشباب تطلعون وتضحكون ويى ربعكم وحالتكم لله ويوم تشوفونهن غديتوا ما يحتاي شو هالحالة والله انها حالة هستيريه تصيبكم عنبو ها من سنة وسالفة ، ياخي صلبوا عماركم ، عندي وحدة تشتكيلي فالدوام وتخبرني عن سوالف ريلها والمشاكل اللي يسويها لها بصراحه لا تعليق ، خلوكم طيبين عشان تنحبووووون ويوزو عن سوالفكم وعاملو البنات بلين والبركه تراها فيهن ، يوم تردون البيت ما تلقون شي قاصرنكم والفضل لله ومن ثم فيهن ، واسمحولي على الاطالة بس خلاص بسكم بعد شو تبون مع السلامة خلاص قلتلكم بااااي هههههه.
     
  2. عمانيه فالغربه

    عمانيه فالغربه ¬°•| عضو مميز جدا |•°¬

    الله يهديهم بس
    ويفهموناا
     
  3. حصر الحلا

    حصر الحلا :: صالون أميرة الأحلام::

    :364370309157ae42e12:364370309157ae42e12

    الله يعين الجميع
     
  4. عنقود الأمل

    عنقود الأمل ¬°•|عضوة شرف|•°¬

    يعني عارفين غلطكم ومستمرين عليه,,!! حلوة هذي مانعطي ويه,,

    ترى الرسول صلى الله عليه وسلم وصى بالنساء وقال استوصوا بالنساءخيراُ^^في خطبة الوداع التي ألقاها وقد ذكر النساء فيها ( أيها الناس ان لنسائكم عليكم حقا, ولكن عليهنّ حق ألا يوطئن فرشكم غيركم, ولا يدخلن أحدا تكرهونه بيتكم الا باذنكم, ولا يأتين بفاحشة؛ فان فعلن, فان الله قد أذن لكم أن تعضلوهن, وتهجروهن في المضاجع وتضربوهن ضربا غير مبرح, فان انتهين وأطعنكم, فعليكم رزقهن وكسوتهن بالمعروف. وانما النساء عندكم عوان, ولا يملكنّ لأنفسهن شيئا, أخذتموهن بأمانة الله, واستحللتم فروجهن بكلمة الله. فاتقوا الله في النساء, واستوصوا بهن خيرا, ألا هل بلّغت؟ اللهم فاشهد.

    وبس ماعندي شي غير اضيفة بس بارك الله فيك
     
حالة الموضوع:
مغلق

مشاركة هذه الصفحة