روعة الكلمات

algernas

¬°•| عضو فعّال |•°¬
إنضم
6 مايو 2008
المشاركات
102
القصيده :الاسطوره

ماتقبلت الفراق ما ليدي فيه حيله
آه لو ان الظروف المقبله تكشف قدرها



لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها



ما هقيت الليله اللي جابت الفرقا طويله
لين صارت ليلة امس بعيني اطول من شهرها



والعذاب اللي يذوب بعين من يفقد خليله
عندي اكبر من عذاب العين لو تفقد نظرها



والحبيب اللي صدوده مثل مداته جزيله
صد عني واعرفه لو صد عن حاجه هجرها



كن روحي يوم حست في جفاه وصعب نيله
بشرتني بالضياع وشدة العزم لسفرها



ما رحمها من هلاك وما تقبّلها دخيله
تحتضر قدام عينه لين ماتت من قهرها



عاد ليت اللي ذبحها وارهب الموت بوسيله
ما دفن وجه الضحيه والسكاكين بنحرها



ليت قلبه يوم سوى فعلته كمّل جميله
لو غسلها من عروقه وبكفن صدره قبرها



من حفر بضلوع قلبه حفرةٍ تكفي قتيله
ليه ما يدفن قتيله بالضلوع اللي حفرها؟



اشتكيته للرفوف وللبراويز الهزيله
وانذعرت من النياح اللي سمعته في صورها



رحت اسولف للجبال الصم عن قصة رحيله
ما تركت متونها الا ينحت الدمع بصخرها



واحدٍ حقق جماله كذب اساطير الف ليله
يسكن السبع البحور ويحبس الحور بدررها



الدروب بكبرياها ترتجف تحته ذليله
والورود اللي تقبّل خطوته تنبت بأثرها



والغصون اليا بغاها تنثني له.تنثني له
والفياض ان حب ينثر عطرها يلمس زهرها



لو يصوّت للغدير المنجرف جفف سبيله
وان تبسّم للجبال الصامته نطّق حجرها



كل حاجه تستوي له. لي بغاها تستوي له
بالنظر واستغفر الله لو بقول : انه سحرها



ذاك لو بس يتمنا فاكهة شجرة ضليله
بس يفتح راحت ايده ويتساقط له ثمرها !



كن ربي سخر له المعجزات المستحيله
واصبح اسطوره وكل الالسنه تنقل خبرها



هان محجر دمع عيني لين جفّف سلسبيله
والتفت لأخير دمعه قبّلت يده ونثرها



دمعةٍ كن بشقاها يوم طاحت في شليله
جادلٍ جات بدويٍ تطلب الستر وسترها



له علي انه ليا من طاح من عيني تشيله
ولي عليه انه يرجّع لابتساماتي ثغرها



لو طعوني بالسكاكين بيده تشفي غليله
لاشتريها من عذابي وادفع بدمي مهرها



واطلبه ينهال فيني طعن لين يطيح حيله
بس لا يترك عيوني تنحرم نعمة بصرها



له بعيني مثل ما للطهر بالنفس الاصيله
تقطع يدين الردا لو مس شعره من شعرها



مابغيته غير دربٍ شتّت اقدام الدليله
مزنةٍ ما بللتني واستحيت اطلب مطرها



والعطايا من يدين الخلق للطالب قليله
والوهايب من يد الله للعباد اجل وأرها



وان نسيت اني زرعت العشق وحظوظي بخيله
ما نسيت ان العطايا تستحق اللي شكرها



صعب تلقى شخص وافي يجزي الطيب بمثيله
والعرب كد قالت ان : الناس ما تترك قشرها



بقلم : حامد زيد
 

لمسة إحتراف

¬°•| عٌضوٍ شَرًفِ|•°¬
إنضم
8 مايو 2008
المشاركات
2,045
الإقامة
{..عالمي الخاص
رحت اسولف للجبال الصم عن قصة رحيله
ما تركت متونها الا ينحت الدمع بصخرها




واااايد حلوة القصيدة
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
تسلم اخويه

على النقله المميزة لشاعر مميز

تميز بحظورة دوماا


فان قلمي يعجز عن التعقيب على شعر هذاا العملاق


الله يعطيك العافيه


احترامي


سويرة
 

algernas

¬°•| عضو فعّال |•°¬
إنضم
6 مايو 2008
المشاركات
102
تسلم اخويه

على النقله المميزة لشاعر مميز

تميز بحظورة دوماا


فان قلمي يعجز عن التعقيب على شعر هذاا العملاق


الله يعطيك العافيه


احترامي


سويرة




تسلمين اختي على المرورالكريم الذي
عطر صفحاتي

ربي يحفظك​
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
يا سـلام ع الأختيــار الروووعـه...

حامـد زيـد شاعــر فنــان... ^_^

تسلـم أخوي ع النقـله الحلـوووه...
 

عطر الانفاس

¬°•| عضو مبتدى |•°¬
إنضم
10 يونيو 2008
المشاركات
47
تسلم يا الجرناس
أختيار جميل وموفق
ما شاء الله عليك ابداعك واضح في الانتقاء
 

جسووم

¬°•| مراقب سابق |•°¬
إنضم
21 مارس 2008
المشاركات
1,549
الإقامة
Chicago
شاكر فنك طويل العمر
 
أعلى