أشم أخبار جميله: أغلاق منفذ وادي الجزي شهر ابريل القادم.....شكرا لشرطة عمان السلطانيه

الموضوع في 'مركز أخبَار وقَضَايَا مُحـَافَظة البـُريمِي' بواسطة دبلوماسي المحافظه, بتاريخ ‏5 مارس 2011.

  1. دبلوماسي المحافظه

    دبلوماسي المحافظه ¬°•| فخر المنتدى |•°¬

    ان شاء الله وبتوفيقه سوف يغلق مركز وادي جزي في شهر اربعه ونكون احرااار بس الخبر مو متاكد منه وما اريد اعمل اشاعات بس سمعت الخبر من مسوؤال كبير في الولايه واعذروني اذا طلع الموضوع ما في محله
     
  2. خطاب

    خطاب ¬°•| عضو فعّال |•°¬

    شيخي الخبر صار له مده على مكتب مالك بن سليمان

    والسالفه بيتكنسل مركز وادي الجزي ويتفعل مراكز البريمي والروضى وخطم الشكله

    يعنى بتفتح المركز اللي مخليه احين سمبديقه

    وتخيل الزحمه
     
  3. Aminoo91

    Aminoo91 ¬°•| عضو فعّال |•°¬

    سوف يتم تفعيل مراكز البريمي الحدوديه .. وتحويل مركز وادي الجزي الى مركز شرطه والغاء مركز صاع

    دمتم بود
     
  4. عايش يومه

    عايش يومه ¬°•| عضــو شرف |•°¬

    الله لا قال ان شاء الله .....
    غلق مركز وادي الجزي وتفعيل منفذ هيلي ومنفذ المضيف بيأدي الى نتائج لاتحمد عقباها
    لااااااااااااا لالغاء مركز وادي الجزي
    لااااااااااااااااااا والف لاااااااااااااااااا لتغعيل منفذ هيلي والمضيف
     
  5. عايش يومه

    عايش يومه ¬°•| عضــو شرف |•°¬

    ما ادري شو اقول بس والله شيء يقهر
    فيه بعض الناس تحاول تضرب اقتصاد البريمي بأي شكل من الاشكال
    مرة يقولون بيفعلون منافذ هيلي والمضيف !!!!؟
    ومرة يقولون بيدمرون شارع بارهوز وبينقلون كل الانشطة التجارية الى الصناعية!!!؟؟

    والله ما اعرف كيف هالناس تفكر !!!!
     
    آخر تعديل: ‏5 مارس 2011
  6. عايش يومه

    عايش يومه ¬°•| عضــو شرف |•°¬

    اتمنى تطهير البلد من بعض الناس اللي ما تعرف تفكر
     
  7. سلطان

    سلطان ¬°•| عضو جديد |•°¬

    على فكرة اليوم العصر تم تشغيل تجريبي لمركز البريمي وانته داخل من منفذ هيلي ، لو شفتو الزحمة الى صايرة واصلة دوار القطارة .... الله يستر
     
  8. بقااايا جرووح

    بقااايا جرووح ¬°•| عضو مبتدى |•°¬

    ياااااربي ليييش جي.....؟؟؟؟
    عسبت تصييير الزحمه يعني؟؟؟؟؟ افففففف:65:
     
  9. ناصر الخميساني

    ناصر الخميساني ¬°•| مُخرج |•°¬

    قبل لا نتفلسف وااايد..

    الرجاء وضع الخبر الأصلي ومن وين (المصدر)..

    اللي رد ع الموضوع
    رجاء إذا عندكم أي خبر صحيح
    أكتبوا المصدر
    /
    \
    /
    \
    /
    مهم جداً تراه..


    تحياتي ~
     
    آخر تعديل: ‏6 مارس 2011
  10. خطاب

    خطاب ¬°•| عضو فعّال |•°¬



    المصدر من شرطة عمان السلطانيه

    وانا متاكد من صحة الخبر
     
  11. خطاب

    خطاب ¬°•| عضو فعّال |•°¬

    هم بدو في ها الشي بس المقصود بتدمير شارع من دوار المازدا الي دوار الشرطه

    بيشلو كل محلات اللي ع الشارع الكهربائين والاطارات وبيفتح للاقمشه والخيايط

    وفي قرار انه ممنوع اعطى اي ترخيص بلديه لمحل كهربائي الا في الصناعيه او منطقة المعارض السيارات
     
  12. Mr.Engineer

    Mr.Engineer ¬°•| عضو شرف|•°¬

    انصحكم تروحون مطار العين وتاخذون رحلة صوب مسقط ومن مسقط لين البريمي

    وبهذا الشكل بتكونون اختصرتم نصف الوقت :gd:

    والعكس يوم تبون تروحون االعين
     
  13. خطاب

    خطاب ¬°•| عضو فعّال |•°¬

    هههههههههههههههههههههه

    بس المصاريف بتزيد


    شو الحل
     
  14. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    بنشوف كيف بتصير الامور بعد تطبيق هالشي والسلبيات والايجابيات
     
  15. سلام_العشق-2009

    سلام_العشق-2009 ¬°•| عضو مبتدى |•°¬

    ياجمااااعه لو صدج تم اغلاق منفذ وادي الجزي بتصير اكبر المشاكل في البريمي الحين اربع مراكز وبعدها صايره مشاكل

    انا اشوف احسن يخلو وادي الجزي ويغلقو الكراكز الثانية.


    وجهة نظر والكل يبدي رايه.
     
  16. عايش يومه

    عايش يومه ¬°•| عضــو شرف |•°¬

    الحل بتوسعة مركز وادي الجزي باضافة اكثر عن مسار ولنقل مثلا اربعة مسارات بدل اثنين وبهذي الطريقة بحل مشكلة الزحمة نهائيا !!!!

    الناس تطالب بالغاء مركز وادي بس عشان الزحمة اما نحن اهالي محافظة البريمي نطالب بعدم تفعيل منافذ هيلي والمضيف عشان نعيش !!!
     
  17. نسيم الشوق

    نسيم الشوق ¬°•| مجموعة تفاعل لأجل البريمي |•°¬

    انشاء الله بدل ما كنا محيوزين من صوبين
     
  18. بن يعقوب

    بن يعقوب ¬°•| عضو مميز |•°¬

    والله اللي ايون يتسوقون البريمي والعين بيستانسون

    واللي من البريمي بيذوقون الويل

    عيل مراكز العين 4 او 5 مسارات وشوف الزحمه توصل وين

    بيون هذيلا بمسارين او 3


    عزالله بنتبهدل


    حسبي الله ونعم الوكيل
     
  19. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    يا اخوان هناك سياسات ستتبع في سبيل تيسير الحركه
    لاتستعيلون الامور ..
     
  20. alali

    alali ¬°•| عضو مبتدى |•°¬

    الحين الشرطة عمان السلطانية يوم حطو المركز ما فكرو في الزحمه ما حسبو كم سياره بتدخل وكم سياره بتطلع من البريمي بس كذي حطو المركز ب3 معابر عبور فقط !!!
    قبل ما تفعل الامارات مركز المضيف كان يحسبون كم سياره بتخطف يومين وكان عندهم احصائيات في كل يوم يعرفو كم سياره تعبر واكثر الأيام زحمه عقب حطو 5 معابر دخول مع معبر طوارئ وخمس معابر خروج ،،، على فكره في شي مهم لازم تعرفونه...

    هذي الأحصائيه كان قبل ما ينتهي تعديل شارع وادي الجزي وشارع وادي الجزي له دور كبير في الزحمه إلى صايره خاصة في أيام العطل الرسيه وبذات آخر الشهر ^^^^^^^^^^^

    بعد ما أنتهى تعديل شارع الوداي الجزي من البريمي إلى صحار زاد عدد القادمين من الباطنه إلى العين وهذا الشي ما كان في الحسبان وحتا المسؤولين في الامارات تفاجئو بعدد القادمين من عمان لانهم أكثر من 6 شهور وهم مسوين احصائيات ألكترونيه عن طريق الكمبيوتر تعرف بعدد السيارات :إلي تدخل في العين والي تطلع
    عقب ما عرف بأعداد السيايير التي تمر حطو المركز وحدد عدد المعابر لعبور السيارات بحيث تكون عبور السيارات بشكل سلس ما تسبب زحمه وهذا الشي ملاحظ فيه في الايام العاديه إلي ما فيها اجازات ولا اعياد ولا آخر الشهر
    اما المصيبه في هذه الايام ...

    والحين شرطة عمان يوم حطة المركز تجاااااااااااهلة كل هذه الامور
    ومااا فكرو اصل شو الزحمه إلى بتسويه .. وين التخطيط؟؟؟؟؟؟؟؟؟؟؟؟؟؟؟
    بس كذيه خذوه فغلووه!!!! قبل سو حسبتكم في عدد معابر الدخول في البريمي انا عن نفسي لازم ما يقل عن 10 معابر دخول من غير الخروج وما علينه من الشارع ترا الزحمه تكون من المركز...
    ومنه توفرون فرص عمل عشان الشباب عشان يشتغلون.
     

مشاركة هذه الصفحة