ما هزك غيابي

الموضوع في ',, البُريمِي لـ القَصائد المنقولة' بواسطة القلب الولهان, بتاريخ ‏2 مارس 2011.

  1. وش يهمكـ .!!
    ليه غبت ؟
    و وين غبت ؟
    وليه جيت ؟..
    دام ما هزّكـ غيابي وش يهزكـ.. لا لفيت ؟!

    ما تعوضني دموعكـ .. عن صدودكـ .. والجحود..
    ليتني ما قلت أحبكـ .. ليتني لكـ.. ماحكيت !

    ليتني ما جبت طاري.. ليتني.. ريحت بالي
    و ليتني في مثل حبكـ .. بالمحبة.. ما وفيت !

    كنت ما آفهم بالخيانة.. كثر ما آسمع.. بالخيانة!
    و كنت وافي بالمحبة.. كثر ما عني.. سليت !

    و كنت أشوف الناس مثلي .. غلطتي و أكبر ذنوبي
    آآيه لأني بالمحبة .. في هواكـ انت .. ابتليت .!!

    آآيه لأني في عيوني كنت أشوفكـ شي ثاني ..
    وش أشوفكـ شي ثاني ؟! كنت ملككـ ! ما حييت..

    كنت أردد في غيابكـ.. أجمل بيوت القصايد..
    كنت أررد ( من يقول اني بنسيانكـ.. نويت ؟ )

    ثم أردد ( و أن قويت أنساكـ ؟ نسيانك صعب ! )
    و كنت أرددها بصوتي في غيابكـ.. بيت.. بيت..

    طحت من عيني حسايف من مكانـ(ـن) كنت فيه
    ما رقى به شخص غيركـ..!! لا و لا غيركـ.. رضيت !

    لأنكـ أول شخص عندي و آخر انسانـ(ـن) أبيه
    و لأنكـ انت اللي ملكني و لأنكـ انت اللي قويت ..

    يسكن بوسط الحنايا و ان جرح قلبي يمون ..
    ساكنـ(ـن) وسط الخفوق وفي عيوني له مبيت..

    جفني الأول فراشه وجفني الثاني غطاه..
    و لو عطيته كل عمري أعتبرني ما عطيت ..!!

    كنت مفرط في حناني .. وكنت مفرط بالغرام..
    لين صرت انسان عادي.. في عيونكـ لو بكيت .!

    من غلاتكـ ,, من قساتكـ ,, من جحودكـ للوفا ..
    من ضياع سنين عمري.. و أروع أحلامـ(ـن) بنيت..

    أصبحت مثل الحطام اللي تطاير في هبوب ..!
    ودي أستدركـ شتاتي.. لا ضميت.. ولارويت ..!!

    غير حبكـ.. يوم حبكـ .. ضيّع سنيني معاه.. !!
    حسبي الله..ان صدفتكـ .. و حسبي الله ان طريت..

    وين ما لديت وجهي.. ألمحكـ تضحكـ علي
    ألمحكـ تضحكـ علي ..!! وغير ربي ما شكيت ..!!!

    مات قلبي وش بقى بي ؟
    أسألكـ بالله حي ؟!!!
    و الخفوق اللي رميته في هواكـ اليوم ميت ؟!!!

    كيف أنسى ؟!.. و كيف أسلى ؟!..
    أسألكـ بالله كيف ؟؟!!
    و لو اقول اني نسيتكـ .. يعلم الله
    ما نسيت ..!!!

    طعنتـ(ـن) أدمت جروحي .. من كفوف اللي عطيته..
    كل شيـ(ـن) في حياتي... و إعتبرني ما عطيت .!!!!!!!

    أكرهكـ ؟!!
    و أكره حياتي ؟!!
    و أكره سنيني معاكـ..!!
    و أوعدكـ ما احب ثاني .. طول عمري ما حييت ..!!!

    وش يهمكـ !!
    ليه غبت ؟
    و وين غبت ؟
    وليه جيت ؟
    دام ما هزّكـ غيابي وش يهزكـ.. لا لفيت ؟!! ..




    منقول
     

مشاركة هذه الصفحة