ياليتني كنت الكفن يوم تمشوون

الموضوع في ',, البُريمِي لـ القَصائد المنقولة' بواسطة مردك لي, بتاريخ ‏1 مارس 2011.

  1. مردك لي

    مردك لي ¬°•| عضو مثالي |•°¬

    ياللي دفنتـوا جثتـه.. ليـه تبكـون؟
    لولا الحيا..لأقـول : معكـم خذونـي


    منه انحرمت وكنت انا عنه مسجـون
    ما أذكر لمحته .. غير مـره بعيونـي


    شفته ..وكانت فرحتـي مالهـا لـون
    عجزت لأوصف .. من لمحته شجوني


    ياليتني ..كنت الكفـن يـوم تمشـون
    أبقـى معـه بالقبـر ثـم تدفنـونـي


    أو ليتني .. من خلفكم كنت (مجنـون)
    أتبع خطاكـم والعـذر هـو : جنونـي


    أبكي وراكم .. وأدعي ان كان تدعون
    مايكفي انه عـاش عمـره بدونـي؟؟


    تكفون < هاكم عمري اليـوم تكفـون
    برخـص حياتـي دام خابـت ظنونـي


    مافادني صبري !! ولا فادنـي عـون
    ولا فادني دمع(ن) .. حرق لي جفوني


    ياما بكيتـه والبكـي يحـرق عيـون
    ميت أو انه حي .. دمعـي بعيونـي!!


    العام كان بفرحتـه.. يعـزف لحـون
    واليوم ؛ تحت الأرض .. ماهو بكوني


    لكن أنا في فرحتـه.. كنـت مدفـون
    فوق الثرى .. واليوم موته سجونـي


    (سميت قلبي عقـب فرقـاه ملعـون)
    هو و الليالي .. عن هنـاه امنعونـي


    ياليتني.. ماعشـت لحظـه بهالكـون
    وياليت ربعي .. في سكات اذبحونـي


    وياليتكم .. عن همّي اليـوم تـدرون
    منه انحرمت > ومن عزاه .. احرموني


    حتى بوفاته !! يوم أنا طحت مطعـون
    أخفيت طعناتي .. قبـل لا يفضحونـي


    بكيت!! لكـن .. ماتظاهـرت بالهـون
    أبكي وأقول : الموت هو سبة طعونـي


    وإن كان في حبّـي أنـا ..ماتحسّـون
    دلوني لقبـره .. وهنـاك ..اتركونـي.
     
  2. احساس طفله

    احساس طفله ¬°•| مُشْرفِة سابقة |•°¬

    ياما بكيتـه والبكـي يحـرق عيـون
    ميت أو انه حي .. دمعـي بعيونـي!!



    كلماااات حلوووووه

    يعطيك العافيه شاعرنا

    تستاااهل احلى تقيييييم :005:
     
  3. مردك لي

    مردك لي ¬°•| عضو مثالي |•°¬

    تسلم يمناااااااااااج هالرد خيتوو


    يعطيج العافيه
     
  4. مخاوي الجروح

    مخاوي الجروح ¬°•| عضو مثالي |•°¬

    يعطييك العافيه اخوي الغالي على الكلمات الاحساسيه ..
     
  5. قلبها عليل

    قلبها عليل ¬°•| عضو مبتدى |•°¬

    العام كان بفرحتـه.. يعـزف لحـون
    واليوم ؛ تحت الأرض .. ماهو بكوني


    ياااااااااااا سلام روعه روعه قمت الابداع

    تسلم الشاعر على هذي الكلامات الروعه

    تقبل مروري
     
    آخر تعديل: ‏2 مارس 2011
  6. Queen Love

    Queen Love ✗ الفريق التطويري الأعلامي ✗

    قصيدة حزينه ولكنها جميله

    شكرا ع الطرح الطييب
     
  7. مردك لي

    مردك لي ¬°•| عضو مثالي |•°¬

    الف شكر لكم ع هالمرور الطيب
     
  8. miss 6air

    miss 6air ¬°•|مُشِرفَة سَابقة |•°¬

    تكفون < هاكم عمري اليـوم تكفـون
    برخـص حياتـي دام خابـت ظنونـي


    الله ... استوينا روحنا عالم بهالقصيدة الرائعة ..
     
  9. عِشْقُـ اْبّدٌوٍيٌـ

    عِشْقُـ اْبّدٌوٍيٌـ ¬°•| عضو فعّال |•°¬

    أبكي وراكم .. وأدعي ان كان تدعون
    مايكفي انه عـاش عمـره بدونـي؟؟


    اوووف اوووف..

    ماعلييييك زووود ربي يكثر من هالقصاايد الغاويه..

    صح اللسانك ولاهنت..
     
  10. مردك لي

    مردك لي ¬°•| عضو مثالي |•°¬

    صح الله بدنكم


    يسلمون والله
     
  11. توتة بغداد

    توتة بغداد ¬°•| عضو مميز جدا |•°¬

    العام كان بفرحتـه.. يعـزف لحـون
    واليوم ؛ تحت الأرض .. ماهو بكوني

    يسسسسسلم هالذوووق اخوي تحياتي
     

مشاركة هذه الصفحة