أغاني تراثيه

الموضوع في ',, البُريمِي للتُراثِ والحَضارات ,,' بواسطة مردك لي, بتاريخ ‏23 فبراير 2011.

  1. مردك لي

    مردك لي ¬°•| عضو مثالي |•°¬

    هذي بعض من الأغاني التراثية الي كان ينـ[ش]ـدها الأطفاال قديما


    •• •• ••• •• ••• •• ••• •• ••• •• ••• •• ••• ••


    ولد عمي ما بغاني ... تنقى علي واختار
    تنقى ام السلاسل .. ام الشغاب الطوال
    حلفت انا لزامط .. بالند وبالبياض

    •• •• ••• •• ••• •• ••• •• ••• •• ••• •• ••• ••

    يا عليا قومي ركبي ... بيقودبج علوه
    المطرح والزوالي .. جدامج ربعوه
    نهار ما صبحتي .. المدفع ثوروه
    الحلوى في القواطي .. والنخي نثروه

    •• •• ••• •• ••• •• ••• •• ••• •• ••• •• ••• ••

    يا فاطمة بنت راشد .. يا شيخة البنات
    انتي قصيره وبيضا ... والخشم مكعبات
    يا قصة يانثرية ... تنثر على الحياة

    •• •• ••• •• ••• •• ••• •• ••• •• ••• •• ••• ••

    يا عليا بنت ابوها ... والخطاب اخطبوها
    سبعة ورا البيت .. والثامن عند ابوها
    واحد يدق الزعفران ... والثاني يقول يا ليتني خادم ابوها.

    •• •• ••• •• ••• •• ••• •• ••• •• ••• •• ••• ••

    يا بنية ما دريتي ... عن خطار لفوج
    قالت لفوني غبشة .. على خيول وبوش
    مصلين الجمعه ..صقر ولد الشيوخ
    يالس على الدجيجه .. يالس ويعد فلوس
    يا الطاسه يا المخبوقه .. ما ضمتها الفلوس

    •• •• ••• •• ••• •• ••• •• ••• •• ••• •• ••• ••

    يا بنيه موتي غصه ... اذا انا مريت
    انا سلبت فوادج ... في السكه واتليت
    يالغرفة يا الشرجيه ... بناها بو علي
    حق عاشه البدويه .. بنت محمد علي

    .•• •• ••• •• ••• •• ••• •• ••• •• ••• •• ••• ••

    من اليوع لو متّي .. ما يوزج شتّي
    بيوزج تاير .. لو بالحجي جاير
    يا بنيتي يالزينه ... صبي لبوج دهينه
    جان ما رضى ولد عمج.. صبي واجلعي عينه

    •• •• ••• •• ••• •• ••• •• ••• •• ••• •• ••• ••

    يرقد وليدي رقده هنيه
    رقدة الغزلان في البريه
    يرقد وليدي طيب الله نومه
    وعدو وليدى ما هنا بمنام

    •• •• ••• •• ••• •• ••• •• ••• •• ••• •• ••• ••

    عيال عمي سبعة .. خلوني باتنقى
    نقيت بو طاقية .... بو يوخه ما رضى
    زامط عليه بخشمه .. يا خشم اليوحره
    خشمي طويل وغاوي ..شفته في المنظره .
    حيا الله اللي يباني .... يسلم العشره

    •• •• ••• •• ••• •• ••• •• ••• •• ••• •• ••• ••

    عمتي مرت ابويه ... الله يسلط عليها
    يوم يتها الهديه .. دستها في الزويه
    تتحسبني طلاّبه .. اطلب على البيبان
    ما جن ابويه تاجر ..بيصوغ لي الذهبان

    •• •• ••• •• ••• •• ••• •• ••• •• ••• •• ••• ••

    طاحت عليه نفه .. قوموا اشترولي دفه
    طاح المطر برعوده .. كسر حوي سعوده
    طاح المطر بيد الله ... كسر حوي عبدالله
    طاح المطر من فوق .. كسر حوي بن طوق

    •• •• ••• •• ••• •• ••• •• ••• •• ••• •• ••• ••

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله
     
  2. ناصر الخميساني

    ناصر الخميساني ¬°•| مُخرج |•°¬

    ههه

    صح أن زمن

    يا الله.. والله إنك لما تتذكر تقول وين كنا عايشين بسعادة محد يضيع علينا..

    والحين كثرت المشاغل والدنيا.. الله يبدل من حال إلى حال..


    لكن صرااحة تذكرت شي منهن وشي ما اذكرته..

    تحياتي لك
     
  3. كعبية وكلي فخر

    كعبية وكلي فخر ¬°•| عضو مثالي |•°¬

    حمامه نودي نودي .. سلمي على سعودي
    سعودي ساير مكه .. بيب ثياب بو العكه
    بحطه في صندوقي .. صندوقي ماله مفتاح
    والمفتاح عند الحداد .. والحداد يبغي فلوس
    والفلوس عند العروس .. والعروس تبغي عيال
    والعيال يبغون حليب ... والحليب عند البقر
    والبقر يبغون حشيش .. والحشيش فوق اليبل
    واليبل يبغي مطر ... والمطر عند الله


    هذا اللي اعرفها بس هع هع

    الله يعطيك العافيهـ يا الشيخ
     
  4. مـريم

    مـريم ¬°•| حظ عينيـے لو تشوفگ گل يوم |•°¬

    ريووس

    اربع بس من اللي بقوا في ذاكرتي :borg:

    شكرا لج على الطرح
     
  5. دانة غزر

    دانة غزر رئيسة المشرفين إداري

    الله الله صدق انهاااا ذكرياااااااات

    كانت ايااام حلوووووه وايد

    يسلمووو على هالمووووووووضوع
     
  6. Heaven

    Heaven ¬°•| عضو مبتدى |•°¬

    -

    أيَامْ زَمانَ ..

    ماذَكر غَير بَشكار أميَ بنْجاليَ يوم بَصقَره بَابوه... كَمْلوا عاَاد :laugh:
    وأذكر ولَديَ دعَمَ الْبيْتَ [ مالتَ عبيدَ ..]


    تَسلمَ يمْناجَ ع الْطرحَ ..




     
  7. الحروف أغلاها عين

    الحروف أغلاها عين ¬°•| عضو فعّال |•°¬

    يااااالله

    زمن أول حلووووووو :29:

    الحين ماحد يعرف هالاغاني

    يعرفوا عبدالله بالخير وجماعته الـــــ:590:

    هع يسلمو ع الطرح
     
  8. Marlboro

    Marlboro ¬°•| عضو جديد |•°¬

    تسلم مردك لي بس ذكرتتي بشي عندي من زمان اتذكرت انه هل الاغاني كلهن عندي ع سيدي تقريبا والحين يالس اتسمعهن واضحات بعد :3ash:
     

مشاركة هذه الصفحة