يا ويل قلبي كل ما اشتقت لقياه..

الموضوع في ',, البُريمِي لـ القَصائد المنقولة' بواسطة الهاجس, بتاريخ ‏8 فبراير 2011.

  1. الهاجس

    الهاجس ¬°•| حكاية تميز |•°¬



    يا ويل قلبي كل ما اشتقت لقياه..

    يا ويل قلبي كل ما اشتقت لقياه .............
    ....................وشلون ما تشتاق عيني لعينه

    أنا أدري إني حيل أحبه وأهواه.............
    ...............وأنا أدري إن القلب صار بيدينه


    أموت أنا به في غيابه وأحياه..............
    ...............وشلون أجل لو صافحتني يمينه


    حاولت أنا اكتم عبرتي يوم فرقاه...........
    ..................وألملم جروح الزمان الطعينه


    واعطيه من قلب المعنّى معاناه..............
    ...............وآخذ من جروحه ولو هي دفينه


    وأضيع به في زحمة الناس وأنساه.........
    ..........وأنسى معه ذكرى السنين وحنينه


    لقيت نفسي كل ما حل طرياه...............
    ..................عروق قلبي كلها تقول وينه


    يامر على قلبي ولا شك ينهاه...............
    .................كلي أنا تحت الإشارة رهينة


    ما كل من يضحك سعيد بدنياه...............
    ..............وما كل من يبكي دموعه حزينه


    أحدن بكى .. والكل يدري عن بكاه........
    ................وحدن مع الضحكه تحس بونينه


    ياشين فرقى الحب وياشين بلواه..........
    ...............والمشكلة دنيا بلا حب .. شينه


    والزين ما يكمل ولو كان ماحلاه ...........
    ........................إلا حبيبي ماتغيّر بزينه


    ماجيت أسولف عن حلاه ومزاياه............
    ...........يكفي أحاسيسي وقلبي عارفينه


    كن الفضا في غيبته ضاق مسعاه..........
    ................وكني غريقٍ ينتظر له سفينه


    شف دنيتي ياصاحبي عقب فرقاه..........
    ..............مثل الظلام اللي حصل بالمدينة


    باكتبه أنا في صفحة الشعر واقراه .....
    .............وباذبحه بزود الغلا دون سكينة


    وبارسمَه في لوحة الشعر وانعاه.........
    ................وبادفنَه بين الضلوع الحنينه


    بوسط الحشا في داخل الصدر مثواه.....
    ..................إما يسار القلب وإلا يمينه
     
  2. رحآيل

    رحآيل ¬°•| مُشْرِفة سابقة |•°¬

    تسلم أخوي عالقصيدة الطيبة
    والحلوة والجميلة ..
     
  3. الهاجس

    الهاجس ¬°•| حكاية تميز |•°¬




    لمساتج الطيبة يا رحايل على موضوعاتي ,, يعطيج ألف عافية عليها ,,:confident:
     
  4. احساس طفله

    احساس طفله ¬°•| مُشْرفِة سابقة |•°¬

    وأضيع به في زحمة الناس وأنساه.........
    ..........وأنسى معه ذكرى السنين وحنينه


    تسلم اخوي ع الكلمااات الروووعهـ

    يعطيك العافيهـ

    ^^
     
  5. الهاجس

    الهاجس ¬°•| حكاية تميز |•°¬


    الله يعافيج إحساس طفلة ويزاج الله خير عالمرور الطيب
     
  6. ANGELOO

    ANGELOO ¬°•| مُشْرِفَ سابق |•°¬

    [​IMG]

    وشلون ما تشتاق عيني لعينه


    كلمات جميله
    ونقل مميز من شخص مميز
    واصل ابداعك

    [​IMG]
     
  7. الهاجس

    الهاجس ¬°•| حكاية تميز |•°¬



    تسلم أخوي العزيز على المرور المتميز

    والتميز يينا بمشاركة إخواني وخواتي المتميزين فهالمنتدى الطيب

    مع تحياتي ,,
     

مشاركة هذه الصفحة