إستفتاء إجتماعي

السلام عليكم


هل أنت كمواطن تحس إنك خذيت حقوقك كلها

حقك في مسكن إجتماعي ؟

حقك في وظيفة تأمن لك الكرامة؟

إذا إنت موظف أو إنتي موظفة هل الراتب يكفي لعيش حياة كريمة؟

حقك في أموال البترول؟؟


ياريت ما ينحذف الموظوع

نفتح باب النقاش بكل شفافية تفضلوا

 

اختي سيدة أعمال ,,,,وضعتي الاصبع على الجرح الذي لم يلتئم بعد ولن يلتئم في المدى القريب .....أسئلة محتاجة الى وقفة مع النفس ومع المجتمع ومع اصحاب القرار في السلطنة .... الى متى ونحن نعاني من عدم حصول المواطن كفايته من منجزات النهضة ومن خيرات عمان .....وابسطها السكن الملائم والوظيفة الحكومية الحكومية ,,,,وأشدد على كلمة حكومية ....لانها الضمان الوحيد لمستقبل وظيفي آمن .....ولانضحك على أنفسنا ونقول ان القطاع الخاص هو البديل .....والدليل أسألوا اللي يشتغلون في المحال التجارية والمهن البسيطة التابعة للقطاع الخاص ....يشتغل شهرين او اذا زاد ستة اشهر والاسباب كثيرة منها الراتب الضعيف جدا واللي مايتناسب مع الغلاء المستشري في كل مكان ...اسألوا اللي يشتغلون في هذه المهن البسيطة التابعة للقطاع الخاص ....تزوجت؟ بنيت بيت؟ كونت نفسك؟ بتحصل الجواب وبمرارة لأ لأ ..... كم الراتب اذا زاد 170 الى 200ريال ....شو ممكن انه يسوي بهذا الراتب البسيط جدا ...يسدد أيجار المنزل او يسدد فواتير الماء والكهرباء أو بصرف على اهله أو يصب بترول ....
اختي الكريمة طرحت موضوع غاية في الاهمية ......ولكن اتمنى ان يجد حلولا جذرية ومناسبة من المسؤولين لان اوضاع الناس صعبة جدا جدا جدا ........وشكرا

 

بو عبيد تسلم على المداخلة الطيبة تقريبا فسرت الوضع الحالي

للمواطنين

وياريت نشوف آراء باجي الأعضاء

سواء بالإيجاب أو السلب

 

إيجابتي هي:
كغى صبرا عليكم يا اصحاب السعاده

لقد اهنتم الشعب العماني وجعلتموه مثل الهندي يعمل في كل بقعه من الارض
ورضيتم له الذل

يا اسفتاه عليكم

 

موضوووووووووووووووع في غايه الروعه تسلمي اختي ....

اللي عايش الوضع غير اللي مب عايشه يعني اللي عاش الغربه هو اللي بيفسر لك كل شي ...

شنو اللي يعانيه وشنو اللي يحس فيه يعني والله الغربه وبعيد عن الاهل تكفيك انك تتطالب بحققك كمواطن عماني ومثل ما قلتوا ترا صايرين هنود الخليج ولاااااااااااا ما اقول عمان فقيره ولا شي الحمدالله الله انعم غليها خير وبركه بس سبحان الله مادري وين الخير هذا يروح ....

الواحد لمن يشتغل برا ويكد صح المعاش الحمدالله حلو بس وين الاهل وين اللمه يمعت الاهل والرحلات والكشتات وووووو وهاي ابسط الااشياء اللي تنحرم منها فما بالك بالاسره والعايله والمه ....

شنو اجول ولا اقول والله ف قلبي حجي بس مادري شنو اكتب ولا شنو ؟؟؟الله يعين الجميع ان شااااااااااء الله يتبدل الوضع ف اسررع وقت بس ان شاء الله في امل انه يتغير كل شي ...


ولي عوده اختي :1:

 

والله حرااام عليكم تسمونا هنوووود الخليج عيب والله عليكم عيب لا تقولون جذيه ارفعوا راسكم ترى الفلوس مب كل شئ اهم شي الكرامة انا جامعي وما محصل وظيفه لا وبعد دارس على حسابي بس ما ارضى انكم تسمونا هنود احترموا انفسكم شوي وشكرا

 

لو زاد صفر زيادة على الراتب يكون تمام ^^ بيقدر يستثمر بيقدر يتزوج بيقدر يبني بيت بيقدر يسوي وايد اشياء

200 ريال يروحن على مصاريف استهلاكية اغلبه وبعضه توفير يمكن لزواج او لتوفير مسكن افضل بس شو نسوي هذي حالنا وما تمن وظايف حكومية وايد


امس رحنا مقابلة لوظيفة الواسطات عيني ينكم ربيعي داخل ودخلوا عليه واحد

وواحد جدموه علينا وقالوا هذا متدرب ابا اعر ف متدرب شو خصه بالمقابلات ؟

المشكلة هنا الدول الثانية الواحد يعرس وهو بعمر 18 معاه وظيفة وبيت وكل شي

هنا لو كونت نفسك وعمرك 25+ قول الحمد لله اغلبالي ما توظفو 20 وفوق اعمارهم وكل سنة يروح شبابهم

والناس من الحاجة بي اكثر


لو يحطون لكل مواطن حصة مالية من البترول بيفكونا من وايد اشياء نحن ما نطلب وايد بس نبي شي معقول يكفينا نكون نفسنا

 

طبعا وبدون مجامله غير راظي بس اقول الحمدلله كونت نفسي بدون اعتمادي على اي احد
والله لايسامح اي شخص بسببه انضلمت وماحصلة حق من حقوقي

 

لما تتكلمو فة المواضيع اتذكرو السلطان واحمدو ربكم ان قائدكم

 

عماني وافتخر بس متى

للاسف الشعب العماني مشتتيبه
ويقولون الاولييين (من طلع من داره قل مقداره )
نجد العماني في كل مكان في جميع دول الخليج
حتى فالبحرين موجوديييين مع فقرها تحصل العماني يشتغل فيها
ااااااااااااخ ااااااااااااااااااااخ
وردي على اللي يقووول الفلوس مب كل شي
اقوله :الفلوس هي تعز الريال وماتخليه محتاي غيره اويتشتت ويتغرب عن اهله
تحصله ينذل وهو صابر بس عشان يعيش اهله
تعرف معنى المذله او ان الريال يكون مذلووول ؟؟؟؟؟


متي بي اليوم اللي اقووول فيه ( عماني وافتخر )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

ان شالله الاوضاع بتتحسن
والحمدلله ع كل حــال

 

تم كتابة الموظوع قبل التعديلات السارية حاليا

إللي يرد يشوف التاريخ قبل

الحمدلله ع النعمة إللي عايشين فيها وايد أشيا تغيرت

من تاريخ ما كتبت الموظوع للحين