سؤال مرتبط بالجامعة

الموضوع في 'جَامعة البُريمي | University of Buraimi' بواسطة أسير الشوق1991, بتاريخ ‏13 يناير 2011.

حالة الموضوع:
مغلق
  1. أسير الشوق1991

    أسير الشوق1991 ¬°•| عضو مبتدى |•°¬

    :a054::a054::a054::a054: السلام عليكم

    ممكن احد يفهني الخطة الدراسية للجامعة والانظمة الدراسية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  2. جامعية

    جامعية ¬°•| عضو مميز |•°¬

    وعليكم السلام

    شوف اخوي الخطة الدراسية ف الجامعة تعتمد ع الكلية وع التخصص ..

    كل كلية لها ساعات دراسية معينة لازم الطالب بخلصها ف عدد محدد من السنوات عشان يتخرج مع السماح بسنتين اضافيتين في حال التاخر .. والساعات تكون ساعات معتمدة وساعات دراسية ... يعني كيف ؟؟
    مثلا كلية الاداب فيها 126 ساعة معتمد لازم الطالب يخلصها ف 4 سنوات دراسية ويسمح له بسنتين اضافيتين في حالات التاخير ..


    الخطة الدراسية مهمة واااااااااااااااايد لكل طالب في بداية دراسته لانها توضح له شو المواد اللي بياخذها ومتى ياخذها .. ولازم تلتزم بالخطة .. لاتاخذ مواد ف غير موعدها ولا تحذف مواد الا من تشوف نفسك مب قادر تعدي امتحان المنتصف ..

    وتبا الصراحة المرشد الاكاديمي يلعب دور كبييييير ف مدى استيعابك الخطة ومساعدتك ع الالتزام فيها ... يا بالايجاب او السلب ... شي مرشدين متابعيت تلاميذهم اول باول وشي منهم اي حد يروح لهم عشان التوقيع ع اورقه يصدق لان مايعرف تلاميذه ..

    ف الجدول بتشوف الفصول الدراسية (خريف ، ربيع، صيف ) المواد اللي تنزل ف الخريف مابتزل الا ف الخريف اللي بعده ونفس الشي للربيع .. بس الحالة الاستثنائية ممكن ينزلن ف الصيف للخريجين المتاخرين او للمحولين من دراستهم ..

    من جي لاتاخذ مواد وعقب تقول بحذف وبخها ف الربيع لا لان احيانا المواد تعتمد ع بعضها ... يعني مثلا عشان تاخذ كيميا 2 لازم تكون ماخذ كيميا 1 . .. ومثلا دام خذت كمبيوتر 1 لازم تاخذ كمبيوتر 2 ... وجي ..

    فاذا حذفت مادة ماتنطرح الا ف كل فصل خريف او كل فصل ربيع بتتاخر سنة دراسية الا في حال ضغظت ع نفسك واذا كذا مرة صيفي ممكن تتخرج عقب الدفعة بفصل ..

    المواد الدراسية تنقسم الى ثلاث انواع ...
    متطالبات جامعية .. وهاي الكل لازم يدرسها مثل العربي والمجتمع وعمان والحضارة الاسلامية ... وذيلا خلصهن ف الاول احسن عشان تفضى لمواد التخصص عقب

    متطلبات الكلية .. هاي تكون مواد خاصة بكل كلية لازم طلاب الكلية ياخذوهن ... ف الاداب عندنا العربي 1و 2 .. وذيلا بعد خلصهن حسب الخطة ...

    مواد اختيارية .. لكل طالب الحق ان يختار 4 او 3 مواد من قائمة تحطها الجامعة للمواد الاختيارية عشان يدرسها .. ويسمح لك تاخذ اي مادة اختيارية دام انها ماتدخل ضمن تخصصك او ضمن المتطلبات الجامعية او الكلية وتعتبر لك كاختياري عقب ماتعادلها ف عمادة الجامعة بشرط استيفائها عدد الساعات الدراسية .. يعني المواد الاختيارية تكون مثلا ساعتين فاذا اخذت مادة ب 3 ساعات عادي تنحذف ساعة بس اقل من 2 مايصير لان يكون شي نقص ساعة ...
    مواد التخصص وهاي اللي تكون ف تخصص الطالب الرئيسي

    مواد التخصص الفرعي وهاي تكون لتخصص الفرعي في حال كان التخصص يسمح باخذ تخصص فرعي لان مب كل الكليات تسمح بهالنظام


    كل مادة لها ساعات دراسية وساعات معتمد ... يعني مثلا يمكن عدد الساعات اللي تدرسهن لمادة يكونن 4 ساعات محاضرتين كل وحدة ساعتين بس من هالاربعة ياخذون بس ساعتين معتمدات .. جي يعني ...

    كطالب جامعي يسمح لك بحذف المادة 3 مرات عقبها ماتقدر تستخدم الحذف فكون جدا حذر ف قرار الحذف

    كل فصل دراسي له عدد معين من الساعات اقل عدد تقدر تسجله من الساعات 11 واكثر شيب 21 او 24 وطبعا هاي تكون ضغط كبيييييير ع الطالب ..

    لازم معدلك الدراسي يكون فوق 2 والا تطيح ملاحظة اكاديمية وبصعوبة تطلع منها ... مسموح لك 3 مرات ملاحطة اكاديمية و ف الرابعة يطلب منك تغير الكلية الى اقل منها او الطرد من الجامعة ....

    لكن يمكن التغاضي عن حالات معينة مثل اللي يطيح بفارق جدا بسيط 1.99 العمتدة تحطه 2 ويطلع من الملاحظة ..

    في حالة الملاحظة لايسمح بتسجيل اكثر من 9 ساعات ... وطبعا فيها تاخير كبير لطالب ..

    امممم شو بعد !!
    ها اللي تذكرته احين .. لا تلومني صار لي سنتين ودعت الجامعة ..

    وكاخت لك انصحك شد حيلك باول سنتين دراسة لانهن هن الاساس اذا ثبت نفسك فيهن تسهل عليك الامور عقب .. لانك اذا تساهلت بيصير واااااااااااااااااايد صعب تصلح الوضع عقب .. كل سنة تمر الدراسة تصير اصعب وضغط الدكاترا اكثر ...
    لا تشارك ب الانشطة من اول سنة .. لانها بتشغلك عن الدراسة .. حاةل تثبت نفسك وعقب لاحق ع الانشطة ... ويوم تشترك فيهن خلك مبدع ولك بصمتك وحافظ ع تفوقك عشان ماتخسر دراستك ولا تخسر احترام دكاترتك ..
    ولا تخلي شي يحبطك ... انا دايما كنت اردد عبارة " اللي درسوا ف الجامعة وتخرجوا مب احسن عني .. دام دخلتها فانا حالي حالهم "...

    وصدقني انا طحت ملاحظة من اول كورس وغيرت التخصص بس لاني اجتهدت وهدفي كان الدراسة والتزمت بالخطة .. حمدلله ابدا ما استخدمت الحذف وعلاقتي كانت جدا رائعة مع دكاترتي وحمدلله تخرجت مع الدفعة وبامتاز بعد ..

    وحط ف بالك : اللي رايح يلعب بيحصل 100 الف باب واللي رايح يدرس بعد بيحصل 100 الف باب .. شد الحيل ..

    كل التوفيق ان شاء الله
     
  3. *اميرة بينهم وقمرهم كلهم*

    *اميرة بينهم وقمرهم كلهم* ¬°•| عضو فعّال |•°¬

    بعدني سنه اولى فاونديشن :biglaugh:
    اذا عرفت خبرني عسب افهم:icon_smile_big:
     
  4. ANGELOO

    ANGELOO ¬°•| مُشْرِفَ سابق |•°¬

    جامعية
    ما قصرتي ربي لاهانج
    اتمنى ان جامعيه تكون جاوبت على استفسارك​
     
  5. صعب المنآل

    صعب المنآل ¬°•| عضو جديد |•°¬

    أونـــــــــه جامعي وماداري شي عــــــن الجامعة .

    The better you settle in your home..
     
  6. GAME _OVER

    GAME _OVER ¬°•| مُشْرفِ سابق |•°¬

    ينقل للقسم المناسب
     
  7. أبيض وأسود$

    أبيض وأسود$ :: تـاجر معتمد::

    :imuae6:


    هاااااااااااااااااااااااااي

    كشششششحاااااااااااااالكم ؟?!!
     
  8. صمت الجروح

    صمت الجروح ¬°•| مشرفة سابِقَة |•°¬

    أهلاً عزيزتي

    أي جامعة تقصدي بـ الضبط ؟
    أتمنى التوضيح
     
  9. توتة بغداد

    توتة بغداد ¬°•| عضو مميز جدا |•°¬

    السلام عليكم اخوي شو ها الرد ع اداري جامعتنا لان الاخت بلوشيه ردت ع استفسارات الاخ المفروض يكون ردك اكثر لاباقه من جي لانه ادراري الاستاذ ما عضو عادي فهمت تحياتي لك اخوي :banned:
     
حالة الموضوع:
مغلق

مشاركة هذه الصفحة