القيامة

الموضوع في ',, البُريمِي لـ القَصائد المنقولة' بواسطة احلى ملاك, بتاريخ ‏12 يناير 2011.

  1. احلى ملاك

    احلى ملاك ¬°•| عضو مبتدى |•°¬


    صرت أحس إن القيامة أقرب من رموش عيني ..

    وصرت أحس انه بقى لي بدنيتي كمن شهر ..

    ويوم أفكر يا ترى شي اللي أخذته من سنيني ..؟

    أكتشف وبكل أسف.. خسران انا بالمختصر .. =$

    وين ذولاك اللي في عمري حسافه وانا ويني ..!

    ليش انا للحين ضامي وغيري يغرف مـِل البحر ..؟!

    ليش انا ماني موفـّق ؟ ليش هـَمّ الدنيا فيني ؟

    أبتسم للناس واضحك وانا ميت مــِل القهر ..=$

    ليش صار ابسط طموحي إني بس أردّ ديني ..؟!

    ليش ما فكـّر في نفسي حالي من حال البشر ..؟!

    إيه .. والدنيا متاع .. وضحكتين ودمعتيني ..

    واللي باقي. ماهو كثر اللي مضى من هالعمر ..!

    لو وقف مستقبلي ياصاحبي بينك وبيني ..

    والله !! لاختارك ولو مستقبلي مجد وفخر .. !

    كيف مختارك مدامك صرت ثالث والديني ..؟!

    كيف مختارك مدامك صرت لي لذة عمر ..!

    يكفي إني قربك اعرف قيمتي واكبر بعيني ..

    يكفي إني قربك اشعر إني دايم منتصر ..

    هذا وانته مو بإيديني .. كيف لو كنت بإيديني .. ؟!

    بس على كل حال أقول الحمد لله والشكر ..

    ما أبي غير إني أحشر وآخذ أعمالي بيميني ..

    وماأبي غير الله ينجي قلبي من ضيق القبر ..

    وما أبي غير الله في وقت الصراط انه يعيني ..!

    ومابي غير الله يفرّج كلما ضاق الصدر ..

    صرت أحس إن القيامة اقرب من رموش عيني ..

    وصرت أحس انه بقى لي بدنيتي كمن شهر ..

    ودام انا للحين عايش.. بس بتفاخر [ بديني ] !

    وبإذن ربي راح ألبي وقت آذان الفجر ..

    ما بافوّت أي ركعة.. ياعسى ربي يهديني ..

    العشاء والمغرب وحتى العصر ويا الظهر ..

    لين ماتطلع على وجهي سمات الصالحيني ..

    ودّي بهيبة عـٌمـَر .. ودّي بتقوى بو بكر ..

    باقي آخر أمنيه .. ياربي برفعلك إيديني ..!

    من بعد ما موت .. ربي الهم إخواني الصبر ..

    ياعساي اموت في مسجد .. وانا من الساجديني ..!

    والقى نفسي برحمتك.. بالجنة مع خير البشر .. =)
     
  2. أبو سلطااان

    أبو سلطااان مؤسس و رئيس الفريق التطويري إداري

    ما شاء الله ع الكلمات و الأحاسيس الطيبه
    إلى الأمام و بنتظار القادم الرائع ...

     
  3. ابتسامة ملاك

    ابتسامة ملاك ¬°•| عضو مميز |•°¬

    كلمااات حلوة وتعبير حلوو
    يسلمووو
     
  4. بيـاض السحـب

    بيـاض السحـب ¬°•| مُشْرِفَة سابقة |•°¬

    احلى ملاك

    صح لسان قائلها وسلمت يمين ناقلها

    أبيات رائعة وجميلة لشاعر مبدع

    سلمت على هذا الاختيار العذب والجميل

    فذائقتك تعبر عن روعة اختيارك لهذا الابيات

    فلك تحيتي ومودتي
     

مشاركة هذه الصفحة