اعلان رسمي لاغلاق منفذ بين البريمي والعين .. موثوق بمقطع صوت

الموضوع في 'مركز أخبَار وقَضَايَا مُحـَافَظة البـُريمِي' بواسطة alshamsi109, بتاريخ ‏23 ماي 2008.

حالة الموضوع:
مغلق
  1. alshamsi109

    alshamsi109 ¬°•| عضو مميز جدا |•°¬

    البريمي والاثار الجانبية بعد اغلاق المنفذ(مصدر موثووق)

    السلام عليكم ورحمة الله وبركاته
    هاذه اخبار البريمي بالتفصيل الممل
    حبيت اذكر لكم اخبار البريمي المستقبلية والاثار الجانبية لاغلاق المنفذ
    اولا
    خبر اكيد وموثوق انه منفذ عود التوبة اللي صوب حماسه (منطقتي)بيقفلوه تاريخ 25/7/2008
    بيستوي خروج و دخوول العمانيين ومجلس التعاون الخليجي من منفذ الهيلي وخروج ودخوول الوافدين من منفذ الشكلة
    شو راح يستوي بعد كذيه انا بخبركم بعد دراسة واستنتاجات من رايي طبعا
    1-اول شي الوافدين اللي يشتغلون بالامارات وساكنين البريمي بسبب رخص الايجارت بفرق شاسع عن العين راح تطول عليهم المسافة ويخرج اغلبهم من البريمي 70 كم تقريبا فرق المسافه صح؟؟؟
    وبهذا السبب البنايات والشقق اللي بمنطقة حماسة راح تنزل اسعارها تحت طبعا لنه اغلب سكانها من العين والمسافة بتطوول عليهم
    2-جميع الاراضي اللي بعد اليبل المقصوص لين منفذ الشكلة راح اسعارها تضرب فووق فرصه للمستثمرين طبعا ليش ؟انا بخبركم الهوامير طبعا راح يشترو اغلب الاراضي ويبنوها شقق وبيوت وياجروها للوافدين بتكوون اقرب عليهم
    بالعين وتوفير مبالغ كبيرة بالنسبه للايجارات
    رخص الايجارت وانخفاض الاسعار بالبريمي
    3- بشهر 8 بعد اجتماع عدد من المسوولين بفندق البريمي من اسبوعين
    اظن انه البريمي تنتعش مرة ثانية ليش ؟؟؟
    في الوقت الحالي يدخل البريمي كل يوم 300 شخص سائح على سبيل تبديل الفيزا من الامارات وتبديل الفيزا يعني انا بخبركم كيف اي وافد في الامارات تنتهي فيزته الاقامة او زيارة او يريد ينقل كفالته لازم يغادر الدولة (الامارات)يعني ختم دخوول وخروج عشان يطبعوله التاشيرة اليديدة ف اول شي كانو يغادرو الامارات الى جزيرة كيش او قشم بايران بسبب رخص التذكرة والمصاريف والفنادق ف بعد تحطم طايرة في مطار الشارقة ووفاة 50 شخص يمكن هذا السبب
    وقرب البريمي ورخص الاسعار فيها
    تم اختيار البريمي لتكون وجهة لتبديل الفيزا مع كيش وقشم وايران
    الحين يدشون 300 شخص يوميا بس باول شهر 8 راح يدخل البريمي يوميا 2000 شخص بسبب اغلاق جزيرتي كيش وقشم يعني انشالله ترجع تنتعش مرة اخرى
    4- البريمي ياخواني شكلها بتخترب وانا انصح جميع الاخووان بالحذر تبي تعرفوون ليش انا بخبركم وهذا الواقع
    جميع بناات المراقص والراقصات مال الملاهي الليلية وال.....؟؟؟ والفلبينيات والروسيات اللي تنتهي فيزتهن واغلبهن زيارة كل شهر لازم يبدلن فيزا يعني يدشن البريمي ظني لاحظتو بعض الفنادق بالبريمي كيف استوت
    نصهن والعياذ بالله ....؟؟؟ مب كلهن عشان مانظلم احد الحين تمشي بالشارع تشوف الفلبينيات اكثر من الهنود بالبريمي
    اشكال غريبة ف الليل تحصل تقوول تتمشى بباريس (البنات نصف ثلث عاريات مااندل وين يابوهن)
    5-ايجارات الفنادق ارتفعت اضعاف مضاعفه من 8 ريالات غرفة وصاله الى 45 ريال ليش لنه ماشي غرف فاضية باي فندق
    6- انتشار عيادات المساج بالبريمي بشكل فظيع اول كان صينيات الحين جميع الجنسيات واغلبهم يمارس المهنة ب ......؟؟؟ استغفر الله العظيم
    7- اذا تطلع من دوار الشرطه الى دواار الغزلان تحصل فوق 500 محل اقمشة نسائية وتفصيل وكلهم نفس الشي عنبو هالكثر الحريم يفصلن؟؟؟؟؟؟؟؟؟؟؟؟؟؟ هذا سبب فقر الريايييييييييييل خخخخخخخخخخخخخخ
    8-كل واحد مافتح صالون حلاقة فتحو الف حلاق عداله وكل حلاق فيه خمس كراسي وخمس حلاقين عنبوا هالكثر نتحلق (بس بعدها الحلاقة بعشر ربيات وخمس ربيات يعني مانفقر الحريم تفصيل عباية من 200 درهم لين 5000خخخخخخخخخخخخخخ
    9-تفصيل الملابس والكنادير الرجالية اهاااااااااا الحين طحت فينا حنا الف خياط رجالي مال تفصيل الكنادير هالكثر نفصل كنادير حشى هذا سبب الافلاس نص الشهر ومن تيي الحرمه ابا 500 ريبه ماعندي طار الراتب
    10-التجارة زينه وحلوة بس مب هالكثر صح الارزاق كلها بيد الله سبحانه وتعالى بس الواحد يقايس حق عمره يعني ما اظن البريمي تستوعب كل هالمحلات لو تتنوع زين
    11- الصراحه في منتجع رائع جدا وضخم وفخم جدا الحين قيد الانشاء برملة حماسة بالبريمي انشالله بينعش المنطقة وموول حلو بعد خلف فندق السلام
    12- سمحوولي طولت عليكم
    7-هلكت بعدين بكمل
     
    آخر تعديل: ‏23 ماي 2008
  2. لمسة إحتراف

    لمسة إحتراف ¬°•| عٌضوٍ شَرًفِ|•°¬

    السلطنه بيدها الكثير من الاوراق ومنها اقامة طريق سريع البريمي الروضة دبي وتفعيل
    التواصل مع امارة دبي .
    هذا مع الاحترام للاخوة في امارة ابوظبي ومدينة العين فهم احرار فيما يخص حدودهم
    والجميع يقدر قراراتهم والتي تصب في مصلحتهم ولن يفسد ذلك الود الذي يجمع بين البلدين


    =========

    ان شاء الله الامور تتغير وتكون الى افضل مما هو عليه الان .. والله يرحم الشيخ زايد ويطول في عمر مولاي السلطان ..


    وعلاقة الامارات بعمان اكبر مما نتصور .. يجمعهم تاريخ مشترك وروابط دفينه ومصالح مشتركه

    وصديقهم صديقنا وعدوهم عدونا .. ولو قدر الله عليهم بشيء نحن سنستضر منها

    وان اصابهم الخير فرحنا لهم
     
  3. alshamsi109

    alshamsi109 ¬°•| عضو مميز جدا |•°¬

    الله يسمع منج
     
  4. الغــريب

    الغــريب ¬°•| نعم نعم |•°¬

    إن شاء الله ما يصير إلى كل خير

    واستنتاجاتك كلها صحيحه

    والله يعين من بلاوي الروسيات واللي على شاكلتهن




    ويثبت الموضوع
     
  5. قلب الأسد

    قلب الأسد ¬°•| عضــو شرف |•°¬

    تسلم اخوي الشامسي ع الطرح المتميز

    الكل متخوف من العواقب الي بتصير


    اكيد له تاثيرات سلبية للبريمي

    وكلامك صح في الي يصير حولينا

    بس ف الاخير


    كما تفضلت اخي ..

    التوازن .. فلا نبالغ .. ولا نسترخي ؟؟

    وابصراحه الفترة الماضية كان التضخم الاقتصادي في البريمي
    ولكن سرعان ما سيذبل الايام القادمة ؟؟


    اشبه بالمنحنى .. في السابق كان في الاسفل .. ولان اصبح في القمة .. وسياتي يوم وينزل .. كما كان سابقا ...


    تسلم اخوي ع الاطراء .. والغريب ع التثبيت .. والله يكون في عونا من الجاي والي بيصير
     
  6. منوة الروح

    منوة الروح ¬°•| مراقبة عامه سابقه |•°¬

    مشكووووور اخووي الشامسي ع الموضوع



    وان شاء الله خير
    يمكن نحن بنواجه صعووبه فالبدايه بعدين كل شي عاادي

    والى فيه الخير ان شاء الله بيصير
     
  7. السَعيدي

    السَعيدي <font color="#ff0000">¬°•| إداري سابق|•°¬</span></

    ليس الموضوع بهذه الطريقه

    يا اخوان انتو تتكلمو عن دوله مب عن قبيله من قبائل البدو اذا ما نزل المطر اضطرو الى الرحيل

    البريمي لها مكانتها واذا صار اي شي لاقدر الله ممكن يتعالج بغيره من البدائل

    كل الاجراءات التي قامت بها السلطنه في الفتره الاخيره بالنسبة للبريمي جعلتها مستعده لاي اجراء من الاخوه في الامارات.

    وان تم غلق المنافذ بين البريمي والعين اول الظرر سيكون اجتماعي
    فلا ينكر احد بأن الناس في العين والبريمي اخوه واولاد عم

    اما بالنسبه للظرر الاقتصادي فهذا سيكون على الطرفين

    مثل ما نحن بحاجة الى العين اكيد العين بحاجة للبريمي


    يا اخوان الدنيا بعدها بخير

    والحمدلله حكومتنا الرشيده كما ذكرة المشرفة بصمة ابهامي قادرة على ايجاد البدائل والحلول لكل الظروف


    كل ماقلته هو وجهة نظر متواضعه لي
     
  8. alshamsi109

    alshamsi109 ¬°•| عضو مميز جدا |•°¬

    صح اخي الفاضل حكومتنا ما قصرت والله يطول بعمر مولانا السلطان ويحفظه
    بس انته مالاحظت انهم اول ماسوو المراكز كيف الحركة الاقتصادية بالبريمي ماتت والحمد لله رجعت انتعشت حصلولها حل والحين عدة مشاريع بعد بتستوي بييبلكم اخبارها اول باول انشاء الله منها مصنع السيارات اللي بعد مصنع الادوية انا مب طايع اطرح موضوعه حتى يكون موثوق اول واييب كل تفاصيله كامل
     
  9. alshamsi109

    alshamsi109 ¬°•| عضو مميز جدا |•°¬



    شكرا اخي العزيز ومشكور على رايك وردك المثقف ماشاء الله عليك الصراحه في سوال دووم يدور ف بالي واظن انك تجاوبني عليه التضخم الاقتصادي تراني ما فهمته خير شر واباك تشرحلي اياه تراني متوهوق دووم يسالوني عنه ولا اعرف شو ارد
     
  10. alshamsi109

    alshamsi109 ¬°•| عضو مميز جدا |•°¬

    شكرا اخي العزيز الغريب عالتثبيت الصراحه شجعتني من ثبتت الموضوع جزاك الله خير
     
  11. السَعيدي

    السَعيدي <font color="#ff0000">¬°•| إداري سابق|•°¬</span></

    مهما يكن فالحياة ستستمر
    وتأكدو بأن البريمي لن تتراجع الى الخلف بل العكس

    الثوره العمرانيه والتوسع ودخول الجميع الى مجال التجارة سيكون لمدينتنا مصدر القوه

    اخواني الكرام

    انتظرو البريمي ولن يطول انتظاركم

    وسترون في اي نعيم انتم


    اهم شي الثقه
     
  12. alshamsi109

    alshamsi109 ¬°•| عضو مميز جدا |•°¬

    انشاء الله ربنا يسمع منك
     
  13. قلب الأسد

    قلب الأسد ¬°•| عضــو شرف |•°¬

    تسلمون ع تفاعلكم وابراز ما في جعبتكم

    في موضوع التضخم الاقتصادي الحاصل في ولاية البريمي


    ابصراحه الفترة الراهنه الي نعيش عليها

    كما تعلمون العالم باسرة في تضخم .. من جانب الاقتصاد وارتفاع الاسعار

    ولكن ..

    هناك تضخم فالاسعار الغير عادي

    يعني ..

    المبالغه اذا صح التعبير

    يعني الحين اصبر التفريغ في بعض المحلات 8000 ريال عماني فقط لتفريغ محل ؟؟

    او عند شراء منزل لا يقل عن 300 الف ريال اذا كان قديم ... ولا يقل عن 500 ريال اذا كان حديثا ؟؟

    وين ف السابق ؟؟

    وين الحين ..

    حدث طفرة غير عادية ؟؟


    ليش هذا يعني كل شيء ارتفع خلاص بنرفع السعر؟؟


    انما قصدت في التضخم ما تحتوية من مبالغه ؟؟



    في الاراضي ؟؟ اتخيل ارض 20000 ريال وهي تحت الجبل ؟؟

    وفي لحظة ينخفض السعر وفي لحظة يرتفع

    هنا تحدث المشكلة ... التجار في تذبذب ؟؟

    يعني بخبر بسيط يرفع الاسعار وبخبر بسيط تهوي الاسعار في القاع ؟؟



    انا بعطيكم مثال ؟؟


    تعرفون مزرعه بن كلفوت حولوها الى اراضي ؟؟

    في تلك الفترة هوت الاراضي الي بجنبها .. وصار كل واحد خايف انه يخسر وقامو يبيعون اراضيهم وفي بعضهم يخسرون فيها ؟؟

    يعني هذا التضخم

    يعني نبالغ في الشيء ان صح التعبير


    هذا والله اعلم .. وها انا اقدمت وامليت عليكم ما في جعبتي

    اخوكم قلب الاسد كان هنا
     
  14. أحمد

    أحمد ¬°•| عضو مبتدى |•°¬

    ان شاء الله مايصير الا الخير وهذا الخبر ايضا سمعت عنه


    الله يلم شملهم على الخير




    شكرا الشامسي على الطرح
     
  15. alshamsi109

    alshamsi109 ¬°•| عضو مميز جدا |•°¬

    حياكم الله ومشكورين عالتفاعل الجميل صدجك مزرعه بن كلفووت عندي الكروكي مالها قسموها الي 42 قطعه ارض مساحاتهن من 600 لين 14500
    واللي عالشارع العام تقريبا كلهن حولوهن سكني تجاري


    الله يعينا الحين اذا نبا نبني بيت ظني يكلف فووووووووووووووووووووووق 800 الف

    الله يرحمنا برحمته
     
  16. دايم الشوق

    دايم الشوق ¬°•| مُشرف سابق |•°¬

    خخخخخخخخخخخخخخخ .. انزين ليش الكل محتشر .... ....


    بس ابا اعلق تعليق بسيط ... و البعض بيشوف انه ماله داعي هالتعليق ... بس ف نظري تعليق لازم ينقال .....


    حبيت اعلق على اللي قال .. انه البريمي بتطور .. وبتكوت احسن من قبل ... اوكيه ما ختلفنا ...بس .... حبيت اقول ...


    لو البريمي كانت تبا تطور وتتفتح اكثر من قبل وتتنوع ف التحارة وفي أشياء ثانية ... كانت من زمان بتطور وتكون مدينة راقية....اقصد من هاللكلام .....

    يعني يوم الحدود كانت مفتوحة والأمور سهلة وكل شيء رخيص .. وماشفنا شيء ولا حتى تطور بسيظ .. يعني احين راح تتطور .... ....



    يمكن راح تتطور .... بس يبالها كمن سنه .....


    والسموحة ع التعليق ......
     
    آخر تعديل: ‏25 ماي 2008
  17. alshamsi109

    alshamsi109 ¬°•| عضو مميز جدا |•°¬

    hافا عليك اخي خذ راحتك هذا الموضوع مسواي حق المناقشة

    ورايك نحترمه مثل مانحترم راي جميع الاخوان والاخوات

    الله يقدم اللي فيه الخير انشا الله
     
  18. alshamsi109

    alshamsi109 ¬°•| عضو مميز جدا |•°¬

    ثانكس ا لووووووووووووووووووت عالمرور

    يعني شكرا عالمرور يعني غراسيه يعني سباسيبا يعني تشكرات يعني شكريا

    شكرا بجميع اللغات
    ومشكورين ردود وتفاعل وتفاهم جمييييييييييييييييييييييييييييييييييييل
     
  19. منوة الروح

    منوة الروح ¬°•| مراقبة عامه سابقه |•°¬

    خخخخخ امممممي كلامك شوينه مقنع دايم الشوق



    بس مااتدري شو بيصير عقب




    نحن ودنا البريمي تتطور


    بس حبه حبه وخطوة خطوة ^_^
     
  20. السَعيدي

    السَعيدي <font color="#ff0000">¬°•| إداري سابق|•°¬</span></

    دايم الشوق

    كلامك غلط في غلط

    انت مب غريب عليك التشائم انا اعرفك عدل

    يا خوي وين احسن البريمي اليوم او البريمي قبل انشاء المراكز الحدوديه
    وتعقيد الحركة بين المدينتين؟؟؟

    اقصد البريمي والعين


    الجواب معروف

    طبعا البريمي اليوم صارت افظل عن قبل في كل شي.

    فليش تقول ان البريمي ما راح تطور؟؟؟

    البريمي من المدن اللي تتقدم يوم بعد يوم

    وما يمضي يوم الا وصار شي يديد فيها


    ارجوك تكلم بالمنطق وليس بالتحيز وتفضيل بلد على آخر

    افهم قصدي

    يا صديقي
     
حالة الموضوع:
مغلق

مشاركة هذه الصفحة