لين متى راح تكون الحرية الشخصية = قلة أدب وتجاز حدود ؟

الموضوع في ',, البُريمِي للِحِوار و النقَاشْ ,,' بواسطة |[ اليآزيهـ ]|, بتاريخ ‏10 يناير 2011.

حالة الموضوع:
مغلق
  1. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    السلام عليكم ورحمة الله وبركاته . .!


    سؤآل يسدح نفسه :
    الملف الشخصي مفتوح لشووه بالضبط؟


    للجاتينك؟ ولا للرمسه الفاضيه ؟ ولا الرمسه اللي ما منها فايده؟ ولا حق قلة الأدب؟
    ولا شو بالضبط؟

    استغرب من البعض سوء استخدامهم للملف الشخصي
    انصدم يوم ادش ملفات بعض الاعضاء انه مترووس سوالف" تخدش الحيا " وسوالف عيني عينك يعني مادري شو اقول عنها . .


    \


    بتقولون هذي شو يخصها محتشره؟ وحرية شخصية .!
    بقولكم صح مايخصني ولكن لين متى راح نظل داون ؟
    ولين متى راح تكون الحرية الشخصية = قلة أدب وتجاز حدود ؟
    لين متى ماراح يكون همنا غير كل واحد يسوف مع " الجنس الآخر "
    لين متى راح نستغل الشي الي مخلوق عشان شي ايجابي ونحن نتستغله بشي سلبي " مثل البلاك البيري" . .


    لين متى بنظل جيه؟ والواحد ماينعطى فرصه الا وراح وماخلى بنت الا ورسل لها وصدع راسها
    والبنات حدث ولاحرج اشوفهن هن اللي يطبن ملفات بعض الشباب ويفتعلون أي سالفه بس عسب يسولفون سوالف " مالها معنى " مع احترامي

    ولا عاد غير اللي يسجل عضوية بس عشان يقرقر مع البنات ..!
    وغير للي ينخش ورى نك بنيه عشان يستهبل ع الشباب!

    انا مش ضد الملف الشخصي - وصح انها احيان تصير سوالف بين الجنسين وهذا شي طبيعي كونا في منتدى مختلط !

    ولكن ياجماعه كل شي بحدود
    والشي اذا زاد عن حده انقلب ضده .
    انا عتبي على السوالف المايعه اللي الواحد حتى ماتسر عينه يوم يشوفها!

    وخاصه البنات - احين بيتمون يسوولفون وعقب من تصير لهم سالفة تحرش..
    والله فلان مايستحي ع ويهه طلب ايميلي ولا رقمني

    مو انتي يالفهميه عاطيته مجال من البدايه
    تحملي..!
    تتحرين يسولف معاج ونيته سليمه؟ ولا لوجه الله . .
    الله يكفينا بس ..



    السموحه يمكن تشوفوني معصبه شوي وانا اكتب
    ولكن هذا كله من حرتي ولاني ابغي الزين للكل . .

    وانا ما اعمم كلامي على الكل
    لان في ناس والنعم فيهم^^

    تحيآتي
     
  2. الم الهواجس

    الم الهواجس ¬°•| عضو مهم |•°¬

    ههههه هدي يزوي هدي

    صدق؟! اللي يصير عيل بسير افتش ملفات الاعضاء واحد واحد

    انا عن نفسي ما عرف شو يستوي ف الدنيا

    بس اذا جيه حالهم ::
    اقوول :364370309157ae42e12 ناس فاضيه ((مع احترامي))
    وما عندهم سالفه بعد ..
    ع العموم هذا الحال ف الدنيا بكبرها ..
    جان من منتدى والا ف سوق والا كليه والا غيره

    الله يهديهم بس ..

    جاري التفتيش ..
    بس انا ما اشك ف حد وين افتش !!
    اااخ طحتوا من رمش عيني
     
    آخر تعديل: ‏10 يناير 2011
  3. |[ اليآزيهـ ]|

    |[ اليآزيهـ ]| :: إدارة الفريق التطويري :: إداري

    ههههههههههه هواجس
    انا قلت " البعض"
    هب الكل لاتمين تسيرين تجسسين ع الآوادم هب زين ههههههههههههه

    انا اضطر احيان ان ادش اغلب الملفات عشان اوزع روباط او رسائل تنبيه او غيره
    واشوف العجيب
    ولكن اسوي طآف

    بس اليوم بصراحه شفت شي خلاني اولع نآر

    وخليها مستوره
    مشكوره على الطله فديتج
    ذكرتيني بايام الصيفي هآآع
     
  4. شمس القوايل

    شمس القوايل ¬°•| عضو مبتدى |•°¬

    الحمدلله من دشيت المنتدى لحد ألحين ماشفت شي غلط ومحد اذاني
     
  5. الحلوة دوووم

    الحلوة دوووم ¬°•| عضو مميز |•°¬

    أفا عليج الدنيا بعدها بخير
     
  6. غلا السعيدي

    غلا السعيدي ¬°•| عضو مثالي |•°¬

    يبالي افتش ملفات الاعضاء هههههههه ........ما معاهم سالفه الصرراااااااااااااااااااااحه :34:
     
  7. The super Challenger

    The super Challenger ¬°•| عضو مميز جدا |•°¬

    بارك الله فيج اختي على الموضوع فعلاً كلامج صح ميه بالميه..
    اصراحه نفس تفكيري ..في بعض الدردشات تحتوي على كلمات نابيه..وفي بعض الاحيان تعدي ع خصوصيا ت الغير..
    وحماقات وتشهير وغيره.. الله يهديهم.. موضوعج حلو مهم وحبيت اشارك فيه..
     
  8. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    اللهم اني اعوذ بك من الخبث والخبائث


    ^^ الواحد يلزم حدوده بعد في نطاق المعقول واحترام المساحة الشخصية الموضوعة بين الجنسين لتجنب التحرشات ...الخ
     
  9. درة صعراء

    درة صعراء ¬°•| عضو مبتدى |•°¬

    أكيد في حدود
    بس أنا بصرااااحة ماشفت شيء
     
  10. دانة غزر

    دانة غزر رئيسة المشرفين إداري

    فيه اعضااء الله يهديهم بس داخلين المنتدى حق السوالف

    انزين سولفواا ما قلنا شي بس طبعااا بادب من غير تجااوز حدووود

    مشكوره حبوبه على طرحج الرائع وهذا دليل على حبج وحرصج للمنتدى
     
  11. البارونه

    البارونه ¬°•| عضو مميز |•°¬

    موضوعج رائع اختى..

    وعاد ماسواااااال ذا المنسدح :huh-:


    بروحج قلتيها يسمونها حريه شخصيه والى يرضهاع نفسه بيسوى اكثر من جيه ..
     
  12. لمسة حب awaw

    لمسة حب awaw ¬°•| مُشرفة سابقة|•°¬

    كلامج صحيح خيتو اليازية 100%
    الله يهدي الجميع ان شاء الله..
    مشكووره واااايد وان شاء الله يهتدون من موضوعج..
    تم تقييمج..
     
  13. صقر آلبريمي

    صقر آلبريمي ¬°•|مـכـتـآر [آכـبـﮗ]ولآ [آטּـسآﮚ]ـ |•°¬

    السلام عليكم ورحمة الله وبركاته

    بسم الله الرحمن الرحمن

    //


    مثل هؤلاء النـاس كثير ، لا أحد يهمهم تقدم المنتدى ولكن يهمهم
    التعرف على البنـات والسوآلف ، يشتركون لأشياء تافهة ج ـدا .

    وفيه أنوأع كثيرة من هالأشياء تصير يوميـأ ...


    بسسس الله يعفينـآ‘ من شـرهم ..



    خ ـآلصص الإح ـترآ‘م ...
     
  14. بن يعقوب

    بن يعقوب ¬°•| عضو مميز |•°¬

    ههههه ما غلط المغني الهندي لما قال
    زمانا خرابهي
     
  15. الاشواك الناعمه

    الاشواك الناعمه ¬°•| عضو فعّال |•°¬

    حبيبتي كل واحد وكتابته تعبر عن مستواه الثقافي وحالته النفسيه ومستواى اخلاقه

    فلا تستغربي لان الناس مب واحد واصابع ايدج هم مب واحد..
     
  16. في الصميم

    في الصميم ¬°•| خارج الخط |•°¬

    "وما خفي كان أعظم"
    مقولة في محلها
    الله يستر بس
    يماعة الخير المنتدى أهدافه واضحة يعنى مب لازم نسير وندور على ثغرة ونقول هنيه الخير "حقنا"
    لو كان زائر من دولة خليجية ولا من بلادنا دخل صدفة ع الملف الشخصي لأحد الأعضاء وشاف إللي شافه
    شو بيستوي؟؟
    الجواب"الخير يخص والشر يعم" وأعوذ بالله من الشرور

    شكرا اليازية على الطرح



    في الصميم
     
  17. عسولة الجامعة

    عسولة الجامعة ¬°•| عضو مميز جدا |•°¬

    يعطيج العافيو يا اختيا اليازيه وكثر الله من امثالج موضوعج خطير ويحتاج وقفة كل واحد فينا
    تحياتي لج
     
  18. طبيب-صعراء

    طبيب-صعراء ¬°•| عضو مميز |•°¬

    جيد .................
     
  19. ^ سحآبة صيف ^

    ^ سحآبة صيف ^ ¬°•| عضو مميز |•°¬

    الياااااااااااااااااازية فعلا اتفق وياج ف هالشي

    لازم كل عضو وكل عضوة يحترمووون نفسهم
    ويعرفووون انهم داشين منتدى للإفادة والاستفادة
    مب عشان المغازل والترقيم
    الله المستعاان :cupidarrow:
     
حالة الموضوع:
مغلق

مشاركة هذه الصفحة