ليش بعض البنات ما يحبون يتزوجون مطوع؟؟؟

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي





السلام عليكم ورحمة الله وبركاته





بدون مقدمات يرفض أغلب البنات الزواج من الشباب المتدينين .





وللرفض اسباب منها :





1. أن الشاب المتدين متشدد اكثر من اللازم . وغيرها من الاسباب




ليش أغلب الفتيات في وقتنا الحاضر ماتحب ترتبط بمطوع ....؟



اجتهاد شخصي : كنت بجمعه من البنات في احد المناسبات ومادري طرى على السؤالا للبنات الغير متزوجات ووجهت لهن السؤال ؟؟؟

بصرااااحه اغلبهن والاصح كلهن اجابن بالرفض سالت السبب الكل يناظر ببعض وبنظرة تعجب ....
 

شيخة الكل

¬°•| عضو مميز جدا |•°¬
إنضم
20 أبريل 2010
المشاركات
550
العمر
33
الإقامة
ف بيتين ومكانهن عند بيت الجيران
‏ هههههه ‏

أنا بخبرك لييييش طبعآااا هااااي م وجهة نظري أناا..

لانه لحيييين كل ما سمعت فلاااان متزوووج ع حرمته يطلع ف النهايه مطوع..

ولحيييين ف هالوقت واااايد هالسووووالف صايره وكله يطلع م ورا

المطاوعه ودايم هم معاارضين كل شي...

وشكرآاا ع الطرح
 

سفيرة جامعة البريمي

¬°•| عضو مميز |•°¬
إنضم
4 نوفمبر 2010
المشاركات
396
الإقامة
ف هاي الدنيا
من قال هاي الكلام انا لو ياني مطول ورمنسي وطيب وحبوب والريال م فيه عيب وشغله محترمه وسمعه زينه اكيد بوافق وبعدين شو الفرق بين مطوع والريال العادي يعني لمطوع يصلي هم م يصلون مثلا اكيد لا وهو يستغفر ربه وهم يستغفرون هم اكيد لا طبعا واذا قال الريال سوي جي وهذا لا تسوينه اكيد يريد مصلحتج والخير لك ف الدنياوالاخره.......
 

بلوشية و النعم

¬°•| عضو فعّال |•°¬
إنضم
23 أغسطس 2010
المشاركات
188
الإقامة
ف البيت
شخصيا اعتقد ان المطوع يكون مشدد اكثر من اللازم و البنت
دايما تبا تكون على راحتهال و تبى تسوي اللي ف خاطرها و محد
يقولها شي و تريد واحد ع الستايل و يكون كشخة و رومنسي
هذا حلم البنات طبعا و البنت تكون ف بيت ابوها
وااااايد مدلعة ف بعد كل هالدلع ما تستحمل حد يعاملها بشدة
و الريال المطوع ما يحب ان حرمته تروح السوق حتى
و ما يخليها تلبس جينز و قميص مثل ما كانت متعودة قبل
و ثانكس على طرح الموضوةع الحلو و الرائع
 

جامعية

¬°•| عضو مميز |•°¬
إنضم
22 فبراير 2008
المشاركات
319
الإقامة
عدال بيتهم
مرحبا

تسلمين اختي ع الطرح ..

هو ف الاول والاخير يعتمد ع البنت و الشاب " المطوع"...

الطواعة ماهي يتقصير ثوب ولحية ... وايد شباب متدينين وملتزمين لكنه ف المظهر حالهم حال باقي الشباب ...

المشكلة اللي صايرة ان بعض المطاوع الله يصلحهم ماخذين الدين شدةى وكله حرام وممنوع :facepalm:.. وها طبع ابدا مايمت للدين بالصلة ...

ديننا يسر .. ديننا سماحة . .. خلق ... محبة الخير للناس ... :00100:

صدقيني الشاب المطوع اللي فاهم الدين صح ويطبقه صح والله ثم والله كل البنات يتمننه ... تعرفين ليش !!

لان اكثر واحد يحترم المرأة واكثر واحد يقدرها ويعطيها حقوقها ... اذا حبها اكرمها واذا ما حبها مايظلمها ... :315921608f80a798bcc

وحدة من ربيعاتي تقدم لها شاب ملتزم له وظيفة ومنصب ف الولاية وله سمعته بين الناس ... طاااااااااااااااااارت فرح :aa_france2: لانه مطوع والله حتى خواتها المعرسات كانن يقولن لها " حظج ياج مطوع"...

ف النهاية هاي حياة وكلن يقضيها بهواه ...


وسلامتكن
 

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
ما عليكم زووود يا ربي ..واشكركـ وجهة نظركم ..واراكم الحلوه ..
نترياا الزوود من البنيات والشباب ..
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
ردود وتعليقات جميلة ...

الصراحه ما شي فرق , المهم ريال قدها وقدود , واهم شي يكون مصلي وعارف ربه , ومب كل مطوع يعني خلاص امشي ع الدرب المستقيم وكله حرام وعيب ومنقود , في رياييل متدينين ونفس الوقت متعصبين ما يحبون حريمهم تكشخ ولا تسوي هذا وهذاك ,,


وكلن بنصيبه والسموحه ع التقصير !!
 

*اميرة بينهم وقمرهم كلهم*

¬°•| عضو فعّال |•°¬
إنضم
18 أكتوبر 2010
المشاركات
115
الإقامة
هنا لاه
بصراحه عن نفسي عادي عندي مطوع ولا غير مطوع يعني زين لو يكون مطوع بس ما متشدد وايد
لأن عن نفسي احب اتكشخ لما اطلع طلعات (اطلع بصياعه لاه :biglaugh:شوي مب وايد)بس طبعا يكون معي اخواني بس لو خذيت مطوع هو بيخليني البس برقع ومدري شو قد يكون هذا لمصلحتي انا بس هم بعد انا ماحب اتقيد بنظام معين طبعي جي وبالمختصر المفيد عاااااااااااادي لو تقدملي مطوع ..
 
التعديل الأخير:

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
مثل ما قالت بلوشية والنعم ..

عن نفسي مابا مطوع يحرمني من وايد اشيااء .. لاني اعرفهم وايد مشددين ..

نبا الراحه .. ما نبا نضيج بعمارنا ..

:333:
 

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
منو قالكم كل مطوع متشدد

انا اخوي مطوع ومتزوج والحمد لله

لا متشدد ع عياله ولا شي بالعكس

اخوي الثاني متشدد

يمكن فكرهم انه المطوع لا بيخليها تلبس اللي تريده

من موضه العبايا والشيل والشنط وعاد البنات كله ولا استايلهن

ولا ما بيخليها تعيش كحياتها الطبيعيه يعني ما فيها طلعات للمولات يعني تحس انه فيه فرق كبير

بين حياتها الاعتياديه والحياة الجديده وهيك شغلاتها



 

غلا السعيدي

¬°•| عضو مثالي |•°¬
إنضم
18 نوفمبر 2010
المشاركات
1,205
الإقامة
عمان الحبيبة
:0962b59e9642d670ff5مستحيل اخذ مطوع ...........متشدد
شكله غلط
ياخي التدين شيء مطلوب بس مب كيه الكندوره قصيره
اللحيه طويله
والله لوعه ...............

تحياتي
غلا
 

لمسة حب awaw

¬°•| مُشرفة سابقة|•°¬
إنضم
28 ديسمبر 2010
المشاركات
2,002
الإقامة
بِلـآديے ۧ بَلًـآد الٍـξ ـًز وآلًكِرمـً وآلـجَـۉَد
هيه والله صـــــادقات ما يواقفن لان المطاااااوعه واااايد متشددين..
بس احيانا في مطاوعة اوكيه وما يهون احد يرفضهم..
هذي وجهت نظري ..
وتسلمييين ع الموضوع المميز
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
:9lam:
بصرااحه موضوع والسموحه على الكلمه مب كامل
ما وضحتي جهه الطوااعه
وبعدين يوم تقولو مطوع تعرفوو شوو يعني
ختيه غلا السعيدي اسمحيلي ردج ما عجبني ابداا
ولووعه هالي قدرتي عليه
الله يستر علينا وعلى سائر عرب المسلمين
^^
والريااال ما يعيبه شي
والي يكون من نصيب البنت بتاخذه لو شوو ما صار
وفي شباب واكثر الناسس بعد عن الله بس في تشددهم وغيرتهم عمياان
احتراماتي للجميع
سويره
 

دلع رواضي

¬°•| عضو مبتدى |•°¬
إنضم
2 يوليو 2010
المشاركات
78
الإقامة
البريمي
الحمد الله متزوجه مطوع

وما حرمني من شي

عايشه نفس كل الحريم

اطلع والبس واكشخ

ولا يمنعي من اللي اريده

والحمد لله

تعرفينين شو عكس المطوع ؟!

المطوع اللي يطيع ربع

وعكس المطوع عاصي

اللي يعصي ربه

وانتن اختارن زينه الدنيا

ولا الآخره.

 

مس بنوته

¬°•| عضو مثالي |•°¬
إنضم
25 مارس 2009
المشاركات
1,755
لانهن مايعرفن حقيقة وفوائد المطوع،،،،،

بس في انواع من المطاوعه في منهم متعصبين وفي منهم متشددين وفي منهم متوسطين ع حسب الشخصيه....
 
التعديل الأخير:

مزيونة قطر

¬°•| عضو مميز |•°¬
إنضم
2 يوليو 2010
المشاركات
420
الإقامة
بـــداري وعــــزي
المشكله انه الكل البنيات مخلين فكره فروسهم وهي انه ((((المطوع متشدد المطوع ما يحب الاستايلات المطوع عنيد والمطووع ............)) بالعكس واايد ريايل ملتزمين بس هالشيء يفرح وربي ..نااس تخاف ربها فاكيد بتخااف على بيتها وحرمته فالاول ..
صدقني المطوع مهما جان بس فضايله اكثر من الشاب العادي ..
وجهة نظر فقط ..والسمووحه

واشكر واحترم كل وجهة نظر انكتبت على صفحتي ..يسلمووووو..
 

عيـوز ستآآيل

¬°•| عضو مثالي |•°¬
إنضم
5 نوفمبر 2010
المشاركات
1,084

ذكرتوني بمسلسل بنات آدم هع

انا اشوف السالفه كلها وع بعضها // قسمه ونصيب ))

لـــــــــــــــــو البنت مابغت >> غصبا عنها بتآخذه إذا ((الله كاتبلها إياه))

عاد مابتقوول ذيج الحزه >> اوووه هذا ضد قناعاتي// هع
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
عفوا بس بعض الردود ما عيبتني ,,

أصلا المطوع هو الشخص الملتزم بأخلاقه ودينه وتعامله واسلوبه وسوكياته ,,

يعني مب شرط مطوع بس مقصر ثوبه ومطول لحيته ,, كل شيء بحدود يعني ,,

وبعضهم لا طواعة ولا شيء بس متشددين بدرجة فضيعة ,,

وف النهاية الزواج قسمة ونصيب ,,
 

خفوق القلب

¬°•| عضو مميز جدا |•°¬
إنضم
28 ديسمبر 2009
المشاركات
503
الإقامة
فوق السماء
مثل ما تعرفين خيتوو الحين البنت اكثر صارت تحرر من قبل والمطوع ما عنده واحد اثنين كله ممنوع وحرام وعيب وبيحرمها من اشياء حتى لو كانت عاديه ووبعدين انا اشوف المطاوعه ما ياخذون وحده ياخذون اربع عشان يقضون ع العنوسه هع هع والوحده تدور الراحه النفسيه ف هالزمن ^^
ويعطيج العافيه ع الطرح الطيب
 

ذابحني غروري

¬°•| عضو مميز |•°¬
إنضم
21 نوفمبر 2010
المشاركات
225
من وجهة نظري وبدون احراج مستحيل ارتبط بمطوع احس المطاوعه مب زينين ويتزوجون ع زوجاتهم ووووووو
أصلا حتى شكلهم ما يشجع وآآآآآآآآآآآآآآآآآآآآآآآسفه هذا رأي وأتمنى تحترموه وبدون تعليق
 
أعلى