ترشيحات مجلس الشورى

الموضوع في 'مركز أخبَار وقَضَايَا مُحـَافَظة البـُريمِي' بواسطة عابر طريق, بتاريخ ‏3 يناير 2011.

  1. عابر طريق

    عابر طريق ¬°•| عضو مبتدى |•°¬

    كل عام والجميع بخير
    جميعنا نعلم ان الترشيحات لمن يرغب من المواطنين بترشيح نفسه لعضوية مجلس الشورى على الابواب وطبعا كل مترشح لديه خطط وطموحات وافكار جديدة يمكن ان تخدم المصلحة العامة والخاصة ومايعنينا هنا المصلحة العامة التي تخدم الوطن والمواطن.
    السؤال هنا :
    ماهي مواصفات العضو المرتقب من وجهة نظركم ؟ وماهي الاشياء المطالب بها تجاه بلده؟
    هل الجميع مستعد للادلاء بصوته,, ولا يوم تطلع النتايج نصيح ونقول ليش فلان فاز وفلان مافاز مع انه الاجدر.ونحن جالسين في بيوتنا.
    ارجو ممن يشارك عدم الخروج عن الموضوع وعدم ذكر اسماء او التلميح اليها فلكل وجة نظر ونحترمها
    وشكرا للجميع
     
  2. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    فالبدايه للاسف مافي أي مقترحات يقدمونها المرشحين لمواطنين بالتفاصيل عشان يتم ترشيحهم على أساس الأقتراحات ..
    بمى انى أول سنه أقدر أصوت فما بصوت عشان قبيله أو عشيره أو نسب .. الي عنده طموح للأرتقاء بعُمان الصوت بيروح عنده ولي عنده كلام ومن دون افعال فاكيد راح ابتعد عنه كل البعد ..

    ولي عوده ثانيه للموضوع وبالفعل موضوع مفيد .. واتمنى المرشحين من الولايات الثلاث للمحافظه أدلاء بمقترحاتهم في هاذا القسم وتكون افعال بعد الأقوال ولا يكتفون بالافعال فقط ..
     
  3. البارونه

    البارونه ¬°•| عضو مميز |•°¬

    تسلم اخوى على هذا الموضوع ..:bt:




    اهم شي فالمرشح يكون الشخص المناسب فالمكان المناسب:08295cc7a1617fc8932 .. مومن يوصل ينسى العهود والوعود .:a033:.ويكون كحلم انه يوصل لمنصب ولقب سعاده .. ويلهى بتجارته الجديده ..:9lam: وينسى مطالب الولايه وحتياجاتها ..


    لانه هذه امانه مفروض يكون كفؤ لها..:182fd25f9b06446ba41

    اتمنى مازليت فشي .. ولا غلطت على احد ..




    واحترامي للجميع ..:imuae69:
     
  4. طويل العمر

    طويل العمر ¬°•| عضو مميز |•°¬

    السموحه بالاول على الكلام الي بقوله لكن اليوم الترشيح صار بعشرين ريال وهذا الشي صار وبيصير وراح يظل يصير قبل الترشيح المرشح ما يهمك وفالك طيب والرمسه الترتيب وبعد ما ياخذ الصوت اذا تسمع عنه زين لا يساعد ولا شي الفرق الوحيد الي يصير اتشوفه بعد فترة من ترشحه وفوزه يغير السياره والبيت وتبين عليه الفلوس وبس وانت وين يا مواطن من هذا كله واذا سار يطالب الحكومة بشي راح يطالب به لنفسه وللمقربين من اهله وهذا حال الدنيا واقولكم هالكلام من واقع صار قدام عيني والمعين الله
     
  5. دانه

    دانه ¬°•| عضو مثالي |•°¬

    انا معا الاخ طويل العمر
    كلامك 100%
     
  6. عسولة الجامعة

    عسولة الجامعة ¬°•| عضو مميز جدا |•°¬

    في البداية احب اقول اني اتمنى من كل قلبي ان انشوف ناس ووجوة جديدة تترشح وياريت اتكون وجوة شباب واصحاب شهادات بس خلاص ملينا كل سنة نفس المرشحين وبدون فايدة ودائما خارج التغطية ووقت الترشيح والتصويت يتعيرون ليش كل هاذا اذا انت ما تقدر اتساعد الناس ياخي لا تترشح من الاساس وتحرم كفاءات من هاذا المنصب الي يمكن من خلالة يساعدون الناس والوم من جهة علينا كا ناخبين وقت التصويت ما انشوف غير الجماعة ولاهل مع انة نعرف انة ما بيأيدة شي :angry:


    سوري على الاطالة : عسولة الجامعة
     
  7. الرماااسي

    الرماااسي ¬°•| عضو مبتدى |•°¬

    أتمنى أشوف مرشحين ... مثقفين و فاهمين و عنده الطموح للرقي بالوطن ...

    التصويت للأجدر .. نحن ف 2011 ... يجب ان نبتعد عن ال5 و ال10 ريال لأنها ما بتفيدنا بالشي الكثير ..

    نبى نشوف انتخابات غير هالسنة ... كل مرشح يعرض اولوياته و وجهات نظره و الاشياء اللي ينوي يسويها ..

    و نحن المواطنين يجب ان نصوت للافضل مب للي يدفع أكثر ...

    و السمووووحة ...
     
  8. ANGELOO

    ANGELOO ¬°•| مُشْرِفَ سابق |•°¬

    موضوع مميز ومهم
    لي عوده ان شاء الله


    بالنسبه للمبالغ اللي يدفعونها علشان يصوتولهم
    تم طرح قرار بشأن هالموضوع اذا تبين للمرشح دفع اي مبلغ للناخب راح يقاضى ويسجن لمدة سنه كامله
    هالكلام اللي وصلنـــــا
    أتمنى ان ألاقي نص القرار وهل هالشي اكيد ومن اي مصدر علشان ادرجلكــــم القرار
    تحياتي للجميع​
     
  9. ديواني

    ديواني ¬°•| عضو مبتدى |•°¬

    وزارة الداخلية : تتوعد المترشحين لعضوية المجلس ألذين يعدون الناخبين بالمنافـــع
    ضمن التعديل فى اللآئحة ألآنتخابية قضت المادة 36 مكرر بمعاقبة كل مترشح أعطى وألتزم أو تعهد بأن يعطى ناخبا منفعة لنفسه أو لغيره مقابل صوته فى ألآنتخابات بالحبس لمدة لاتزيد عن سنة أو بغرامة لاتقل عن الف ريال عمانى أو بالعقوبتين معا ويحرم من حق الترشح لعضوية مجلس الشورى للفترة ألمترشح عنها والفترة التالية ....


    جريدة عمان
    الصفحة لرابعة
    4/1/2011
     
  10. remnas

    remnas ¬°•| عضو مبتدى |•°¬

    الله يستر...
    مشكلة البطاله ما انحلت ...
    شو تبون حق المشاكل الثانيه



    الله يهديكم...كان عندكم كلام وغيركم يريد يشتغل
     
  11. السهران

    السهران ¬°•| عضو فعّال |•°¬

    [ لا تتعبو حالكم في البحث عن مرشح كفء 00اي مرشح يمشي 00 لايهم مثقف 00جامعي 00 شيخ 00 المهم يعرف يقرأ السؤال اللي معطاي من رئيس المجلس ولا يعارض او يعقب على جواب المسؤل ويفضل من يعرف مقولة اكتفي بما جاء في تساؤؤل سعادة العضو
    اليس هذا حال اعضاء مجلس الشورى ؟
     
  12. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    انزين ابا ارشح عمري وين اروح ؟؟ وشو المطلوب مني؟؟ تراه عندي مقترح بيقضي على البطالة
     
  13. إنسآنـﮧ

    إنسآنـﮧ °• الفريق الأخباري التطويري للمحافظة •°

    اتمنى من الأعضاء عدم الخروج عن اساس الموضوع ..........


    والإجابة على هذا السؤال.....


    والله يوفق الجميع
     
  14. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    والله عضو الشورى لازم يكون متواضع معاصر لسانه يحركونه سكان المنطقة الي يمثلها ما يخذلهم اذا واجه مشكلة بالمجلس يشاور الناس الي يمثلهم ما يستغل منصبه يسوي عزايم ويروح لشيوخ وينسى ناسه انا لو ترشحت قصو رقبتي لو خذلتكم ^___^
     
  15. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    لو يخلون سن الترشيح للمجلس يبدأ من الـ 20 سنه بيكون وايد أحسن بنشوف شباب وايد يرشحون انفسهم وخاصه من عنده فكر مستقبلي لعُمان مما يادى الى تغيير الوجوه والفكل القديم للاعضاء الحاليين .. بهاذا ستزهو بهم عُمان ..

    فقط وجهة نظر ..
     
  16. DarkFireSlash

    DarkFireSlash ¬°•|مٌفكِر وُمبِدع تطوِري |•°¬

    كم هو حدود عمر المرشح 30+ سنة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  17. •¦[محمد السعدي]¦•

    •¦[محمد السعدي]¦• :: فريق التغطيات التطويري ::

    أيوا فوق الثلاثين ويعرف يقرى ويكتب ..
     

مشاركة هذه الصفحة