( أعطيني رقمج بنكون صديقات )

الموضوع في ',, البُريمِي للِحِوار و النقَاشْ ,,' بواسطة GAME _OVER, بتاريخ ‏2 يناير 2011.

  1. GAME _OVER

    GAME _OVER ¬°•| مُشْرفِ سابق |•°¬

    بسم الله الرحمن الرحيم

    السلام عليكم ورحمة الله وبركاته

    أخواني خواتي منتدى محافظة البريمي

    حبيت أن أطرح قضية أنتشرت بين البنات

    وبالأخص الطالبات

    أنتشرت في الأونه الأخيره ظاهرة

    ( أعطيني رقمج بنكون صديقات )

    الكثير من البنات كانن ضحايا في يد أصحاب القلوب السوداء

    والهدف من هذا التسلية أو الخيانه بصديق

    ياما بنات أنطردن من الكليات والجامعات والسبب صديقة

    البنت تجتهد طول عمرها تدرس لكي تحقق طموحها وتتخرج وتلتحق بكلية أو جامعه وفي النهايه تتعرف علي صديقة

    تضيع مستقبلها وتنزل من قيمتها قدام باقي الطالبات وتضيع بسمعت أهلها والبنت ليس لها أي ذنب في كل اللي حصل

    والسبب في كل هذا أنها وثقت في البنت وأعتبرتها صديقه وفالأخير توزع رقمها بين الشباب.






    ف شو ذنب هذي البنت المسكينة ؟

    وما رأيكم في البنت التي وزعت رقم صديقتها ؟


    مع ترك نصيحة لكل بنت
     
  2. غلا السعيدي

    غلا السعيدي ¬°•| عضو مثالي |•°¬

    الثقه شيء اساسي مب حيل الله وحدة تصير صديقه

    البنت الي بتوزع الرقم في قمة النذاله ..............وتسلم اخوي على الموضوع

    تحياتي
    غلا السعيدي :a7m:
     
  3. صقر آلبريمي

    صقر آلبريمي ¬°•|مـכـتـآر [آכـبـﮗ]ولآ [آטּـسآﮚ]ـ |•°¬

    السلام عليـكم ورحمة الله وبـركـآ‘إته

    بسم الله الـرحمن الرحيم

    //


    ف شو ذنب هذي البنت المسكينة ؟

    ليـس لهـآ‘ ذنب مسـكينة على نيـآ‘إتهـآ‘ لا تع ـرف مـآ‘إهي صفـآت تـلك الصديقة

    هل هي سيئة أم صـآ‘لحة ، كيف هي مع ـآ‘ملتهـآ‘ مع البنـآ‘ت

    هـل تع ـرف شي عنهـآ‘إ..


    وما رأيكم في البنت التي وزعت رقم صديقتها ؟

    هـذه البنت ليس لهـآ شرف ولا ح ـيآ‘إة ، قلة الأدب

    ع ـدم تربيتهـآ التربية الحسنة أو الصـآ‘لحه ، تخـدع البنـآ‘ت وتـدمرهن

    ولـكنها ستع ـآقب من رب الع ـآ‘لمين ....



    الـنصيحة ،،،،،

    ـآ‘ أختي الـكريمة ، قبل أن تعطي صديقتـج رقـمج ، إستفسري عنهـآ‘إ..

    عن كل شي وماذا تفعل أين تذهب ........إلـخ


    وبعـد كل هذه الأشيـآء عطيهـآ‘ رقمج وتأكدي وبثقة تـآ‘مة أنهـآ‘ لن توزع الـرقم ..


    شكرآ‘ لـك أخي مستر قنـآ‘صص على الـموضوع الهـآ‘دف والـرآ‘ئع

    وإلي يطـرح هذه المشـكلة أو الظـآ‘هرة المنتشرة فهالـزمن ..

    ألحين حتى صـديقك تخ ـآف أن تثق بهـ....
     
  4. ذابحني غروري

    ذابحني غروري ¬°•| عضو مميز |•°¬

    بصراااااااااااااااحه حتى البنات ما صرت أوثق فيهن أهم شي تكون عندي صديقه وحده مو بالكثر عشان أهتم فيها وأوثق فيها بس صار مره شفت بنيه ف عرس أول مره أشوفها وأونها أنعجبت فيني وطرشت بنيه تاخذ رقمي وانا عطيتها والله بجد هالبنت خلوقه وما شفت منها الا كل خير ربي يحفظها
     
  5. صمت الجروح

    صمت الجروح ¬°•| مشرفة سابِقَة |•°¬

    ظآهرة للأسف أنتشرت في مجتمعنا في الأونه الأخيره
    وللأسف أنهآ من الجنس اللطيف !!

    بـخصوص هـ النوع من الفتيآت
    تحس أن شغلتهم في الحيآة بس هـ الشيء !
    يجمعوا من هنا .. ويوزعوا من هنآك !

    للأسف نآس تفكيرهآ دنيوي بس

    .
    .

    أنصح كل بنت آنهآ قبل لا تعطي أي أحد رقمهآ
    أنه تكون وآثقه بـالبنت زين
    لأن بـ هالزمن الوآحد مآ يثق حتى بـ أخوه
    فـ حرآم تضيع سمعت البنت بسبب رقم !!

    الحذر وآجب دآئماً
     
  6. توتة بغداد

    توتة بغداد ¬°•| عضو مميز جدا |•°¬

    السلام علييييييييييكم اخوي هذا الموضع وايد مهم
    انا استوتلي هاي السالفه وصارتلي مشاكل وايد بس الحمدلله اهلي واثقين فيني وذلك بسب بنات الله يسامحهن عطوا رقمي حك م اعرف منو واتوزع الرقم اظن ع كل شباب عمان ههههههههههه
    بس الحمدلله يوم خبرت ابوي اتفهم الموضوع واظطريت الى تغير رقمي والحين ع عدد الاصابع بس يعرفوا رقمي


    ف شو ذنب هذي البنت المسكينة ؟

    مالها اي ذنب بس هي تصرفت معاها بحسن نيه بس اله يسامح البنات

    وما رأيكم في البنت التي وزعت رقم صديقتها ؟

    مالها لا ضمير ولا رحمه لو مهما كانت نيتها تجاه البنت حرام جي في اهل ما يرحمون مثل ماكلت يجلسوهم ف البيت ويضيع مستقبلهم بسبب بنت

    ونصيحتي للبنات انهم يختارون الصديقات ويعفوهم زين ذاك الوكت بتعطين رقمج

    تحياتي لك اخوي موضوع ناااااااااايس
    :imuae40:
     
  7. ذابحني غروري

    ذابحني غروري ¬°•| عضو مميز |•°¬

    والله ما أعرف كيف انتوا كذا توثقوا بصراااااااااااااااااااااااااااااااحه أعز انسانه ف حياتي من الحينه وانا مب واثقه فيها كنت واثقه بس تغيرت علاقتنا ومب الكثير ارد ع رناتها وعادي تطنش رسائلي شايفه نفسها وانا اطنشها احسن
     
  8. بريمي دار عيني

    بريمي دار عيني ¬°•| عضو مميز |•°¬

    مشكوؤر اخــوي ع الموضوع ..

    بس انا مالي خص دام السالفه لبنأت ..

    وليش ارز بعمري ... :arg:



    كل وـإحد يع ــرف نصيحته ... ولا نصيحة اهله .. وحر بعمــره ... وهيك شي ^^
     
  9. غلاها

    غلاها ¬°•| عضو مميز جدا |•°¬

    لازم الوحده تختار ربيعاتها عدل

    انا الحمد لله عندي ربيعاتي لو يطلبن عيوني عطيتهن

    وقفن معاي وقفات مستحيل انساهن

    ...........
     
  10. روح جعلان

    روح جعلان ¬°•| عضو مميز جدا |•°¬

    لنا بجووول شي واااحد الشباب لما وصلهم الرجم واتصلواا وما حصلوااا من البنت كلااام ليش ماخلوها ف حالها ..؟؟؟؟؟؟

    خلوا عندكم شوية ذكاء اكيد هالبنت موووزع رجمها ولا مستحيل ماترد عليكم .......اذا من ذاك النووووووووع......
     
  11. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    :0962b59e9642d670ff5

    موضوووع جميييل ل في قمه الروعه
    توزيع الارقااام ..
    ذكرتني بحادثه قبل 6 سنوات
    كنت طالبه ثانويه ايامها
    رن تلفوني وكنت انتظر مكالمه من خالي على ما اذكر
    رديت فلانه ايوة ولما بداا يرمس الشخص
    اكتشفت اني ارمس غريب
    في ويهه
    ساعه ونص
    والا تلفون ما سكت من الرنين
    منو وزع رقمي ما اعرف من وين يا الرقم ما اعرف
    المهم غلقت التلفون وسرت عند ابووي
    قلتله لو تعطاني مليون ارد استخدم هالرقم مستحيل
    ............
    الموضووع مب موضووع ثقه الصعنه ما تعرف من وين تجي
    المهم تعرف تتصرف وبسرعه
    ^^
    يسلمووووووووووووووووووزن
    احتراماتي
    سويره
     
  12. دانة الديرة

    دانة الديرة ¬°•| عضو مميز |•°¬

    أنا شخصيا ما أوثق فحد أبدا أبدا ..

    لأنه ما في صداقة فهذا الزمن
    ...مصخرة وهبال والبنات صايرات ديوثات والعياذ بالله ...

    اللهم أبعدنا عن أولاد الحرام ..

    ربي يحفظك وتسلم ع الطرح المميز
     
  13. GAME _OVER

    GAME _OVER ¬°•| مُشْرفِ سابق |•°¬


    يعطيج ألف عافيه خيتي على هذا المرور الطيب

    ونفس ما قلتي أن الثقه شي أساسي في حياتنا وفي كثير من الأمور

    ويجب على كل شخص أن يحذر













    تسلمين خيتي دانه على هذا الرد المتواضع

    ولكن بالعكس الصداقه موجوده مع حسن أختيار الصديق

    والبعض فيهم الخير والبعض لأ مب الكل شرات بعض













    ما عليج زود خيتي أم حمد على هذا الرد الأكثر من رائع

    وتصرفتي في الموقف تصرف حسن ويجب على الكل أن لا يتجاهل مثل هذي الأمور


    ربي يعطيج ألف عافيه






    تسلمين خيتي روح جعلان على هذا الرد

    ولكن الموضوع ما يخص الشباب انا خصيت البنات في الموضوع

    مب سالفة أن الولد أخذ رقم السالفة من اللي وصل الرقم لهذا الشاب هذا هو الموضوع




    يعطيج الف عافيه خيتي على هذا المرور الكشوخي

    والله يخليلج صديقاتج ان شاء الله وعسى الله يبعد عنج صديقات السوء








    العفوووو أخوي

    وتسلم على هذي الطله شوفتك تكفيني

    يعطيك ألف عافيه





    تسلمين خيتي توتة بغداد

    على هذي الطله الحلوه

    وعلى وضع البصمه في هذا الموضوع

    وأقول يا حسافة على هذي التربية من البنات الأهل يربون ويبون البنت ترفع راسهم

    وفالأخير ما يشوفون منها ألا كل شر شووو مصير أهلها بعد تربيتهم للبنت

    ولكن راح يلقون جزاهم في يوم على أفعالهم


    ربي يعطيج ألف عافيه خيتي





    ما شاء الله عليج خيتي على هذا الرد الرائع

    ما عليييج زوود

    ونفس ما قلتي الحذر واجب دائماً

    يعطيج ألف عافية على هذا المرور وهذي البصمه الطيب






    تسلم أخوي صقر البريمي على هذي المشاركة وهذا الرد الجميل


    ما أزيد عليك


    ربي يعطيك ألف عافيه





    تسلمين خيتي على هذي المشاركة الطيب

    وعيبني موقفج مع البنت فالعرس^^

    مرات صديقة وحده تكفي ومرات لأ يعني مب كل ما زاد العدد من الأصدقاء أنعدمت الثقه

    بالعكس الثقه حلو أن تكون دوم موجوده ولكن لا تعطي لأي شخص ألا للي يستاهلها

    وربي يعطيج ألف عافيه
     
  14. بريمي دار عيني

    بريمي دار عيني ¬°•| عضو مميز |•°¬

    :a7m::a7m::a7m::a7m::a7m::a7m::a7m::a7m::a7m:



    وتسلمون ع الرردود الي اتأبعهـإأ حصريأ اول بأول ؟؟
     
  15. قطوة البريمي

    قطوة البريمي ¬°•| مُشرِفَة سابقة |•°¬

    بصراحه ما اتخيل ف يوم من الايام وحده تسويبي جيه ..

    تقوم توزع رقمي!!

    حمدلله ما عندي هالنوعيه .. ولا صدق بكره اني اعطي البنات رقمي

    تحس ببتنعدم الثقه لو استوتلي هالحركه

    احسهن بنات مرضى ويبالهن علاج ..


    جد جد لو سوتلي اياها بنت ماضنتي برحمها ..
    :a'9arb:
     
  16. GAME _OVER

    GAME _OVER ¬°•| مُشْرفِ سابق |•°¬



    تسلمين خيتي على هذي الطله الحلوه والفنتك

    وهذي المشاركه الرائعه

    وتبين الصراحه مب بنات مرضوى وبس بنات تنقصهم العقول والقلب النظيف

    هذي النوعيه من البنات قلوبهم سوداء وليس لديهم أي أحساس

    ونفس ما قالت أختي ( أم حمد )

    الحذر واجب علينا

    يعطيج العافيه خيتي


    :bt:
     
  17. فديتني قمر

    فديتني قمر ¬°•| عضو فعّال |•°¬

    اله يستر علينا ان شالله


    ويستر ع كل البنات
     
  18. راعية بو شنب

    راعية بو شنب ¬°•| عضو مميز |•°¬

    حلوه هاي مسكينه وع نياتها ,و البنات اليوم ما عليهن خوف يكسرن الي يكسرهن , واذا مب ف الويه بيطعنن ف الظهر
    من ورا لورى , ولو صارت هاي عندي وعرفت البنت الي سوتها فيني والله لخليها تحرم توطي ريلها برا البيت والنذاله ما تمشي علي ..
    نصيحه للبنات (( لا تكونن ضعيفات قلب خلكن جبل ما يهزكن ريح ومحد بيقدر ينطالكن ))
    اختكم راعية بو شنب والسموحه !!
     
  19. بلوشية و النعم

    بلوشية و النعم ¬°•| عضو فعّال |•°¬

    المفروض الانسان ما يثق ف اي شخص على طول
    لازم يتعرف عليه سيدا و تتطمن قلبه ان هالانسان
    ماشي ع الصراط المستقيم و اصلا تخسي اعطي
    ايميلي او رقمي لأي بنت اتعرف عليها لازم تكون عزيزة على قلبي عشان
    اعطيها الرقم
    لا يغرك الشكل الخارجي للإنسان
     
  20. قيادة حرس الرئاسة

    قيادة حرس الرئاسة ¬°•| ђάсқεя~4έṽέя |•°¬

    السلام عليكم


    ف شو ذنب هذي البنت المسكينة ؟
    لم يخلق المغفلون إلى لــ أختراقهم ..،،

    وما رأيكم في البنت التي وزعت رقم صديقتها ؟
    يبالهآ تعذيب بمعنى الكلمه ..،،


     

مشاركة هذه الصفحة